Rayuwar yau da kullum

Fushi a cikin Littafi Mai Tsarki

Nassosin Littafi Mai Tsarki, Sabon Rai Don Kowa (41), layi bayan layi, daga Nave’s Topical Bible.

Maganganu

Amsa a hankali takan kwantar da fushi; magana mai zafi takan tā da shiK Mag 15:1
Ayoyin
K Mag 15:1Amsa da tattausar harshe kan kwantar da fushi, amma magana da kakkausan harshe kan kuta fushi.
Mai jinkirin fushi ya fi jarumiK Mag 16:32, K Mag 14:29
Ayoyin
K Mag 16:32Gara ka zama mai haƙuri da ka zama jarumi, ya fi kyau ka iya mallakar kanka fiye da mallakar birane.
K Mag 14:29Mutum mai haƙuri yana da fahimi mai yawa, amma mai saurin fushi yakan nuna wautarsa a fili.
Mutum marar kamun kai kamar birni ne da katangarsa ta rusheK Mag 25:28
Ayoyin
K Mag 25:28Kamar birni da katangarsa sun rushe haka yake da mutumin da ba ya iya danne fushinsa.
Wawa yakan bayyana dukan fushinsa; mai hikima yakan danne shiK Mag 29:11
Ayoyin
K Mag 29:11Wawa yakan nuna fushinsa a fili, amma mai hikima kan kanne fushinsa.
Kamar yadda kaɗa madara yakan kawo mai, tsokanar fushi takan kawo faɗaK Mag 30:33
Ayoyin
K Mag 30:33Gama kamar yadda kaɗaɗɗen madara takan kawo mai, murɗa hanci kuma takan sa a yi haɓo, haka tsokanar fushi takan kawo faɗa.”
Fushi yana zama a cinyar wawayeM Had 7:9
Ayoyin
M Had 7:9Kada ranka yă yi saurin tashi, gama fushi yana zama a cinyar wawaye.
Ka bar fushi; zai kawo cutarwa ne kawaiZab 37:8
Ayoyin
Zab 37:8Kada ka yi fushi kada kuma ka yi hasala; kada ka tsorata, wannan yakan kai ga mugunta ne kawai.
Kada rana ta fāɗi kana cikin fushiAfi 4:26
Ayoyin
Afi 4:26“Cikin fushinku kada ku yi zunubi.” Kada ku bar rana ta fāɗi kuna fushi,
Ka yi saurin ji, jinkirin magana, jinkirin fushiYaƙ 1:19–20
Ayoyin
Yaƙ 1:19–20’Yan’uwana ƙaunatattu, ku lura da wannan. Ya kamata kowa yă kasance mai saurin saurara, ba mai saurin magana ba, ba kuma mai saurin fushi ba, gama fushin mutum ba ya kawo rayuwar adalcin da Allah yake so.

Misalai

Kayinu ya husata ƙwarai ya kashe ɗan’uwansa HabilaFar 4:5–8
Ayoyin
Far 4:5–8amma bai yi farin ciki da sadakar da Kayinu ya kawo ba. Saboda haka Kayinu ya ji fushi sosai, fuskarsa kuma ta ɓace. Sai Ubangiji ya ce wa Kayinu, “Don me kake fushi? Don me fuskarka ta ɓace? Da ka yi abin da yake daidai, ai, da ka sami karɓuwa. Amma tun da ba ka yi abin da ba daidai ba, zunubi zai yi fakonka don yă rinjaye ka kamar naman jeji. Yana so yă mallake ka, amma tilas ka rinjaye shi.” To, Kayinu ya ce wa ɗan’uwansa Habila, “Mu tafi gona.” Yayinda suke a gona, sai Kayinu ya tasar wa Habila ya buge shi ya kashe.
Yaƙub ga Rahila: “Ina a matsayin Allah ne?”Far 30:2
Ayoyin
Far 30:2Yaƙub ya fusata da ita ya ce, “Ina a matsayin Allah ne wanda ya hana ke samun ’ya’ya?”
Yaƙub cikin fushi ya ƙalubalanci LabanFar 31:36
Ayoyin
Far 31:36Yaƙub ya fusata, ya kuma yi wa Laban faɗa. Ya tambayi Laban, “Mene ne laifina? Wanda zunubi na yi da kake farautata?
Yaƙub: Simeyon da Lawi “sun kashe maza cikin fushinsu”Far 49:5–7
Ayoyin
Far 49:5–7“Simeyon da Lawi ’yan’uwa ne, takubansu makamai ne na tā da hankali. Ba zan shiga shawararsu ba, ba zan shiga taronsu ba, gama sun kashe maza cikin fushinsu cikin ganin dama suka kashe bijimai. La’ananne ne fushinsu, mai tsanani ne ƙwarai, hasalarsu kuwa, muguwa ce ƙwarai! Zan warwatsa su cikin Yaƙub in kuma daidaita su cikin Isra’ila.
Maigidan Yusuf ya husata da labarin matarsaFar 39:19
Ayoyin
Far 39:19Sa’ad da maigidansa ya ji labarin da matarsa ta faɗa masa cewa, “Ga yadda bawanka ya yi da ni,” sai ya husata.
Fir’auna ga Musa: “kada ka ƙara bayyana a gabana”Fit 10:28
Ayoyin
Fit 10:28Fir’auna ya ce wa Musa, “Fita, ka ba ni wuri! Ka mai da hankali, kada ka ƙara bayyana a gabana, gama ran da ka sāke ganin fuskata, a ran nan za ka mutu.”
Cikin zafin fushi, Musa ya bar Fir’aunaFit 11:8
Ayoyin
Fit 11:8Dukan fadawan nan naka za su zo wurina, suna fāɗi a gabana suna cewa, ‘Ka fita, kai da dukan jama’arka!’ Sa’an nan zan fita.” Daga nan sai Musa ya fita daga gaban Fir’auna a husace.
Musa ya farfashe allunan da ya ga ɗan maraƙinFit 32:19
Ayoyin
Fit 32:19Da Musa ya kusato sansanin, sai ya ga ɗan maraƙin da kuma mutane suna rawa. Sai fushinsa ya yi ƙuna, ya kuwa jefar da allunan da suke hannuwansa, allunan kuwa suka farfashe a gindin dutsen.
Musa ya bugi dutsen sau biyuƘid 20:10–11
Ayoyin
Ƙid 20:10–11Shi da Haruna, suka tara jama’a a gaban dutsen, Musa ya ce musu, “Ku saurara, ku ’yan tawaye, dole mu kawo muku ruwa daga wannan dutse?” Sai Musa ya ɗaga hannu, ya bugi dutsen sau biyu da sandansa. Ruwa kuwa ya yi ta kwararowa, jama’a da dabbobinsu suka sha.
Bala’am ya bugi jakarsa, ita kuma ta yi maganaƘid 22:27–29
Ayoyin
Ƙid 22:27–29Da jakar ta ga mala’ikan Ubangiji, sai ta kwanta a ƙasa, Bala’am kuwa ya husata, sai ya buge ta da sandansa. Ubangiji ya buɗe bakin jakar, sai jakar ta ce wa Bala’am, “Me na yi maka da ka buge ni har sau uku?” Bala’am ya ce wa jakar “Domin kin wulaƙanta ni! Da a ce ina da takobi a hannuna da zan kashe ki nan take.”
Balak ya tafa hannuwansa cikin fushi da Bala’amƘid 24:10
Ayoyin
Ƙid 24:10Fushin Balak ya ƙuna a kan Bala’am. Ya tafa hannunsa, ya ce masa, “Na kira ka don ka la’anta abokan gābana, amma sai ga shi ka sa musu albarka har sau uku.
Gideyon ya kwantar da fushin mutanen Efraim da amsa mai taushiMah 8:1–3
Ayoyin
Mah 8:1–3To, mutanen Efraim suka ce wa Gideyon, “Me ya sa ka yi mana haka? Me ya sa ba ka kira mu lokacin da ka tafi yaƙi da Midiyawa ba?” Suka zarge shi sosai. Amma ya ce musu, “Me na yi da za a iya kwatanta da abin da kuka yi? Ashe, kalar inabin da Efraim ta yi bai fi dukan girbin inabin da Abiyezer suka yi ba? Allah ya ba da Oreb da Zeyib, shugabannin Midiyawa a hannuwanku. Me na yi da ya fi naku? Da ya faɗi haka sai hankalinsu ya kwanta.”
Eliyab ya husata da ƙanensa Dawuda1Sam 17:28
Ayoyin
1Sam 17:28Da wansa Eliyab, ya ji yana magana da mutanen, sai ransa ya ɓace ƙwarai saboda fushi, sai ya ce wa Dawuda, “Me ka zo yi a nan? Wa kuma ka bar wa ’yan tumakin a jeji? Na san ka da taurinkai, da kuma mugun hali. Ka zo nan ne don ka yi kallon yaƙi kawai.”
Shawulu ya jefi ɗansa Yonatan da māshi1Sam 20:30–34
Ayoyin
1Sam 20:30–34Fushin Shawulu ya ƙuna a kan Yonatan, sai ya ce masa, “Kai shege ne, haihuwar banzan mace; ai, na san kana goyon bayan ɗan Yesse don ka wulaƙantar da kanka da mahaifinka. Muddin ɗan Yesse yana da rai a duniya, ba za ka kahu ba. Sarautarka kuma ba za tă kahu ba. Yanzu sai ka je ka kawo mini shi. Dole yă mutu.” Yonatan ya ce wa mahaifinsa, “Me ya sa zai mutu? Me ya yi?” Amma Shawulu ya jefe shi da māshi don yă kashe shi. A nan ne Yonatan ya san lalle mahaifinsa ya yi niyya yă kashe Dawuda. Yonatan ya tashi daga tebur cin abincin da fushi. A rana ta biyun kuwa bai ci abinci ba, gama yana baƙin ciki game da rashin kunyar mahaifinsa game da Dawuda.
Dawuda ya husata da labarin Natan game da attajirin2Sam 12:5
Ayoyin
2Sam 12:5Dawuda ya husata ƙwarai da mutumin, ya ce wa Natan, “Muddin Ubangiji yana a raye, mutumin da ya yi wannan ya cancanci yă mutu!
Ahab, cikin baƙin rai da fushi, ya ƙi cin abinci1Sar 21:4
Ayoyin
1Sar 21:4Ahab ya cika da fushi saboda Nabot, mutumin Yezireyel ya ce, “Ba zan ba ka gādon kakannina ba.” Ya kwanta a gadonsa yana zub da hawaye, ya kuma ƙi cin abinci.
Na’aman: ashe, kogunan Damaskus ba su fi Urdun ba?2Sar 5:11–12
Ayoyin
2Sar 5:11–12Amma Na’aman ya tashi daga can da fushi yana cewa, “Na yi tsammani zai fito ne wurina yă tsaya, yă yi kira bisa ga sunan Ubangiji Allahnsa, yă kaɗa hannunsa inda kuturtar take, yă warkar da ni. Ashe, Amana da Farfa, kogunan da suke Damaskus, ba su fi dukan ruwan da suke Isra’ila ba? Me zai sa ba zan nutse cikinsu in tsarkaka ba?” Sai ya juya ya yi tafiyarsa da fushi.
Asa ya jefa mai duba cikin kurkuku2Tar 16:10
Ayoyin
2Tar 16:10Sai Asa ya yi fushi sosai da mai duban saboda wannan; ya yi fushi ƙwarai har ya sa aka jefa shi a kurkuku. A lokaci guda kuma Asa ya fara gwada wa mutane azaba.
Uzziya ya husata da firistoci da farantin wuta a hannunsa2Tar 26:19
Ayoyin
2Tar 26:19Uzziya wanda yake da farantin wuta a hannunsa a shirye don ƙone turare, ya husata. Yayinda yake fushi da firistocin a gabansu a gaban bagaden turare a haikalin Ubangiji, sai kuturta ta faso a goshinsa.
Zerzes ya husata sa’ad da Sarauniya Bashti ta ƙi zuwaEsta 1:12
Ayoyin
Esta 1:12Amma da masu hidima suka ba da umarnin sarki, sai Sarauniya Bashti ta ƙi zuwa. Wannan ya ɓata wa sarki rai, ya kuma yi fushi ƙwarai.
Haman ya cika da fushi sa’ad da Mordekai bai rusuna baEsta 3:5
Ayoyin
Esta 3:5Sa’ad da Haman ya ga cewa Mordekai ba ya durƙusa ko yă girmama shi, sai ya fusata.
Elihu ya husata da Ayuba da abokansa ukuAyu 32:2–3
Ayoyin
Ayu 32:2–3Amma Elihu ɗan Barakel mutumin Buz na iyalin Ram, ya ji haushi da Ayuba don yă nuna shi ne mai gaskiya ba Allah ba. Ya kuma ji haushin abokan nan guda uku, don sun kāsa amsa wa Ayuba ko da yake sun nuna Ayuba ne yake da laifi.
Nebukadnezzar ya sa a ƙara zafin tanderu sau bakwaiDan 3:13, Dan 3:19
Ayoyin
Dan 3:13Cikin fushi da hasala, Nebukadnezzar ya aika a kira Shadrak, Meshak da Abednego. Aka kawo waɗannan mutane a gaban sarki,
Dan 3:19Sai Nebukadnezzar ya husata da Shadrak, Meshak da Abednego, sai al’amuransa a kansu ya canja. Sai ya umarta a ƙara zuga wutar har sau bakwai domin tă yi zafi fiye da yadda take a dā.
Yunana game da kuringar da ta bushe: “ina fushi matuƙa, har ina so da na mutu ma”Yun 4:1, Yun 4:9
Ayoyin
Yun 4:1Sai abin ya ɓata wa Yunana rai ƙwarai har ya yi fushi.
Yun 4:9Amma Allah ya ce wa Yunana, “Daidai ne ka yi fushi saboda wannan kuringa?” Sai Yunana ya ce, “I, daidai ne, ina fushi matuƙa, har ina so da na mutu ma.”
Hiridus, da Masanan nan suka yi masa wayo, ya husata ƙwaraiMat 2:16
Ayoyin
Mat 2:16Da Hiridus ya gane cewa Masanan nan sun yi masa wayo, sai ya husata ƙwarai, ya yi umarni cewa a karkashe dukan ’yan yara maza da suke a Betlehem da kewayenta, daga masu shekara biyu zuwa ƙasa, bisa ga lokacin da ya sami labarin daga Masanan nan.
Mutanen majami’ar Nazaret sun yi ƙoƙari su jefar da Yesu daga bakin dutseLuk 4:28–29
Ayoyin
Luk 4:28–29Dukan mutanen da suke cikin majami’a suka fusata ƙwarai da jin wannan. Suka tashi, suka fitar da Yesu bayan gari, suka kai shi goshin tudun da aka gina garin, don su ture shi ƙasa,
Yesu ya dube su da fushi saboda taurin zuciyarsuMar 3:5
Ayoyin
Mar 3:5Sai ya kalle su da fushi, don taurin zuciyarsu ya ɓata masa rai sosai. Sai ya ce wa mutumin, “Miƙo hannunka.” Sai ya miƙa, hannunsa kuwa ya koma lafiyayye.
Majalisa, cikin fushi, suka cije haƙoransu a kan IstifanusAyy M 7:54–58
Ayoyin
Ayy M 7:54–58Da membobin Sanhedrin suka ji haka, sai suka yi fushi suka ciji haƙoransu. Amma Istifanus, cike da Ruhu Mai Tsarki, ya dubi sama ya kuma ga ɗaukakar Allah, da Yesu kuma tsaye a hannun dama na Allah. Ya ce, “Ga shi, na ga sama a buɗe da kuma Ɗan Mutum tsaye a hannun dama na Allah.” Da jin haka sai suka tattoshe kunnuwansu, suka kuma yi ihu da ƙarfi sosai, suka aukar masa gaba ɗaya. Suka ja shi zuwa bayan birnin suka kuma yi ta jifansa da duwatsu. Ana cikin haka, shaidun suka ajiye tufafinsu a wurin wani saurayi mai suna Shawulu.
Bulus ga babban firist: “kai farin bango!”Ayy M 23:3
Ayoyin
Ayy M 23:3Sai Bulus ya ce masa, “Allah zai buge ka, kai farin bango! Ka zauna a can kana hukunta ni bisa ga doka, ga shi kai kanka kana ƙetare dokar ta wurin ba da umarni a buge ni!”

Tushe

Daga Nave’s Topical Bible (Orville J. Nave, 1896; na kowa): an zaɓi jigogi, an taƙaita layuka an kuma sa su cikin kalmomin zamani, an bar layukan fassarar ma’ana; an duba kowace aya.

Littafi Mai Tsarki, Sabon Rai Don Kowa · © 2009, 2020 Biblica, Inc., CC BY-SA 4.0; changed: footnotes, headings and the letters over Psalm 119 left out, verses in the app's numbering. The original work by Biblica, Inc. is available for free at www.biblica.com and open.bible.