Gidaje a cikin Littafi Mai Tsarki

• Gidaje na dutse, da ginshiƙan al’ul da katakan rufi na firAmos 5:11, WW 1:17
  Ayoyin

  Amos 5:11Kuna matsa wa matalauta kuna sa su dole su ba ku hatsi. Saboda haka, ko da yake kun gina gidajen duwatsu, ba za ku zauna a cikinsu ba; ko da yake kun nome gonaki masu kyau, ba za ku sha ruwan inabinsu ba.

  WW 1:17Al’ul su ne ginshiƙan gidanmu; fir su ne katakan rufin gidanmu.
• Akan yi wa bango shafe da lakaFir 14:42, Dan 5:5
  Ayoyin

  Fir 14:42Sai su ɗebi waɗansu duwatsu su sa a wuraren da suka ciccire waɗancan, su kuma ɗiba sabon laka su yi shafen gidan.

  Dan 5:5Nan da nan sai ga yatsotsin hannun mutum sun bayyana, suna yin rubutu a kan shafen bangon, kusa da wurin da ake ajiye fitilar fadar sarki. Sarki kuwa yana ganin hannun yayinda yake rubutu.
• Harsashi na manyan duwatsu masu tsada, tsawonsu kamu goma da takwas1Sar 7:9–10
  Ayoyin

  1Sar 7:9–10Dukan waɗannan gine-gine, daga waje zuwa babban fili, da kuma daga tushen zuwa rufin, an yi su da duwatsun da aka yanka, aka kuma gyara da zarto a fuskokinsu na ciki da waje. Aka kafa tushen da manyan duwatsu masu kyau, tsayin waɗansunsu ya kai kamu goma, waɗansu kuma kamu takwas.
• Solomon ya ɗauki shekara goma sha uku yana gina fādarsa1Sar 7:1
  Ayoyin

  1Sar 7:1Ya ɗauki Solomon shekaru goma sha uku kafin yă gama gina fadarsa.
• Dawuda yana zama a gidan al’ul2Sam 7:2
  Ayoyin

  2Sam 7:2sai ya ce wa annabi Natan, “Ga ni, ina zama a fadar katakon al’ul, amma akwatin alkawarin Allah yana zaune a tenti.”
• Gidaje masu rufin katakoHag 1:4
  Ayoyin

  Hag 1:4“Ashe, lokaci ya yi da za ku zauna a ɗakunan da kuka yi da rufin katako, amma haikalin nan yana zaman kufai?”
• An gina gidan Rahab cikin katangar birniYosh 2:15
  Ayoyin

  Yosh 2:15Sai ta zura igiya ta taga suka bi, domin gidan da take yana haɗe da katangar birnin.
• Ikkilisiyoyi sukan taru a gidajen masu biAyy M 12:12, Rom 16:5, Kol 4:15, Flm 1:2
  Ayoyin

  Ayy M 12:12Da ya gane haka, sai ya tafi gidan Maryamu uwar Yohanna, wanda ake kuma kira Markus, inda mutane da yawa suka taru suna addu’a.

  Rom 16:5Ku kuma gai da ikkilisiyar da take haɗuwa a gidansu. Ku gai da ƙaunataccen abokina Efenetus, wanda ya zama na farko a karɓar Kiristi a lardin Asiya.

  Kol 4:15Ku miƙa gaisuwata ga ’yan’uwan da suke a Lawodiseya, musamman ga Nimfa da kuma ikkilisiyar da take taru a gidanta.

  Flm 1:2zuwa kuma ga Affiya ’yar’uwarmu, zuwa kuma ga Arkiffus abokin famarmu, da zuwa kuma ga ikkilisiyar da take taruwa a gidanka.

Rufin gida

• Rahab ta ɓoye ’yan leƙen asiri a ƙarƙashin kara da ta shimfiɗa a rufin gidantaYosh 2:6
  Ayoyin

  Yosh 2:6(Amma ta kai su saman rufin ɗaki ta ɓoye su a ƙarƙashin karan rama da ta baza a rufin ɗaki.)
• Sama’ila ya yi magana da Shawulu a kan rufin gida, Shawulu kuma ya kwana a can1Sam 9:25–26
  Ayoyin

  1Sam 9:25–26Bayan suka gangaro daga tudu zuwa cikin gari, Sai Sama’ila ya yi magana da Shawulu a ɗakin samansa. Da asuba sai suka tashi, Sama’ila ya kira Shawulu daga ɗakin sama ya ce, “Ka shirya, zan sallame ka.” Da Shawulu ya shirya, sai Sama’ila da Shawulu suka fita waje tare.
• Dawuda yana yawo a kan rufin fāda da yamma2Sam 11:2
  Ayoyin

  2Sam 11:2Wata rana da yamma, Dawuda ya tashi daga gadonsa, ya zaga kewaye a rufin fadansa. Daga rufin ya ga wata mace tana wanka. Matar kyakkyawa ce ƙwarai.
• An gina bukkoki a kan rufin gidaje da a filayen gida domin bikiNeh 8:16
  Ayoyin

  Neh 8:16Sai mutanen suka fita suka dawo da rassa suka kuma yi wa kansu bukkoki a bisa rufin ɗakunansu, a cikin filaye, a shirayin gidan Allah, da ciki dandalin da yake kusa da Ƙofar Ruwa, da kuma a dandalin da yake a Ƙofar Efraim.
• Mutane kusan dubu uku a kan rufin haikalin FilistiyawaMah 16:27
  Ayoyin

  Mah 16:27To, haikalin ya cika da mutane maza da mata; dukan shugabannin Filistiyawa kuwa suna a can, a bisan rufin kuwa akwai mutum wajen dubu uku maza da mata suna kallon Samson yana wasa.
• Abokai sun buɗe rufin gida suka saukar da shanyayye ta cikin rufinMar 2:4, Luk 5:19
  Ayoyin

  Mar 2:4Da ba su iya kai shi wurin Yesu ba, saboda taron, sai suka buɗe rufin gidan saman, bisa daidai inda Yesu yake. Bayan da suka huda rami, sai suka saukar da shanyayyen, kwance a kan tabarmarsa.

  Luk 5:19Da suka ga babu hanyar da za su bi saboda taron, sai suka haura rufin, suka saukar da shi a kan tabarmarsa, ta bakin ramin da suka huda a rufin, suka ajiye shi a tsakiyar taron, a gaban Yesu.
• Raɗar da aka yi a ɗakuna na ciki za a yi shelarta daga kan rufin gidajeLuk 12:3
  Ayoyin

  Luk 12:3Abin da kuka faɗa a cikin duhu, za a ji shi a hasken rana. Kuma abin da kuka faɗa a kunne, a cikin ɗakunan ciki-ciki, za a yi shelarsa daga kan rufin ɗakuna.

Ɗakuna, ƙofofi da tagogi

• Sarki Eglon ya zauna shi kaɗai a ɗakinsa na sama mai sanyiMah 3:20
  Ayoyin

  Mah 3:20Sai Ehud ya matso yayinda shi kuwa yake zaune shi kaɗai a ɗakin sama mai sanyi a fadansa ya ce, “Ina da saƙo daga wurin Allah dominka.” Sarki ya tashi daga kujerarsa,
• Iliya ya sauka a ɗakin sama na gidan gwauruwar1Sar 17:19
  Ayoyin

  1Sar 17:19Iliya ya ce, “Ki miƙa mini ɗanki.” Sai ya ɗauke shi daga hannuwanta, ya kai shi ɗakin sama inda yake zama, ya kwantar da shi a gadonsa.
• Babban ɗaki a bene, da kayan ɗaki, a shirye domin Bikin ƘetarewaMar 14:14–15
  Ayoyin

  Mar 14:14–15Gidan da ya shiga, ku gaya wa maigidan cewa, ‘Malam yana tambaya, ina ɗakin baƙina, inda zan ci Bikin Ƙetarewa tare da almajiraina?’ Zai nuna muku wani babban ɗakin sama da aka shirya domin baƙi. Ku yi mana shirin a can.”
• Yusuf ya shiga ɗaki na ciki don ya yi kukaFar 43:30
  Ayoyin

  Far 43:30Saboda motsi mai zurfi da zuciyarsa ta yi da ganin ɗan’uwansa, sai Yusuf ya gaggauta ya fita, ya nemi wuri yă yi kuka. Ya shiga ɗakinsa ya yi kuka a can.
• Ahaziya ya fāɗi ta cikin asabarin ɗakinsa na sama2Sar 1:2
  Ayoyin

  2Sar 1:2Ahaziya fa ya fāɗo daga tagar ɗakin samansa a Samariya ya ji rauni. Saboda haka ya aiki masinjoji, yana cewa, “Ku je ku tuntuɓi Ba’al-Zebub, allahn Ekron, ku ga ko zan warke daga wannan rauni.”
• Mahaifiyar Sisera tana leƙe ta asabarin tagaMah 5:28
  Ayoyin

  Mah 5:28“Ta taga mahaifiyar Sisera ta leƙa; a bayan madogarar ƙofa ta yi ta ihu, ‘Me ya sa keken yaƙinsa ta daɗe ba tă dawo ba? Me ya sa dawakan keken yaƙinsa ba su dawo da wuri ba?’
• Yitikus ya yi barci a taga ya fāɗi daga hawa ta ukuAyy M 20:9
  Ayoyin

  Ayy M 20:9Akwai wani saurayi zaune a taga mai suna Yitikus, wanda barci mai nauyi ya ɗauke shi yayinda Bulus yake ta tsawaita magana. Sa’ad da yake barci, sai ya fāɗi daga gidan sama a hawa ta uku aka kuma ɗauke shi matacce.

A cikin Doka

• Sabon gida yana bukatar dangare kewaye da rufinsaM Sh 22:8
  Ayoyin

  M Sh 22:8Sa’ad da kuka gina sabon gida, ku ja masa dakali kewaye da rufinku don kada ku jawo laifin zub da jini a kan gidanku in wani ya fāɗi daga kan rufin.
• An rubuta kalmomin Doka a madogaran ƙofofi da ƙofofin birniM Sh 6:9
  Ayoyin

  M Sh 6:9Ku rubuta su a dogaran ƙofofin gidajenku, da ƙofofinku.
• Ɓuntuwa a gida: a canja duwatsu, a kankare bango a sāke shafe shiFir 14:40–45
  Ayoyin

  Fir 14:40–45zai umarta a ciccire duwatsun da suke da cutar a zubar a wuri marar tsarki waje da birnin. Dole yă sa a kankare duka shafen bangon cikin gidan a kuma zuba kayan da aka kankare a wurin marar tsarki waje da birnin. Sai su ɗebi waɗansu duwatsu su sa a wuraren da suka ciccire waɗancan, su kuma ɗiba sabon laka su yi shafen gidan. “In cutar fatar jiki da take ta rigar ta sāke bayyana a gidan bayan an ciccire duwatsu aka kankare gidan aka kuma yi shafe, firist zai je ya bincika shi, in kuwa cutar ta bazu a gidan, to, muguwar cuta ce; gidan marar tsarki ne. Dole a rushe gidan, a fid da duwatsun, katakai da kuma dukan shafen daga birnin zuwa wuri marar tsarki.
• Gidan da aka sayar a birni mai katanga ana iya fansarsa cikin shekara ɗayaFir 25:29–30
  Ayoyin

  Fir 25:29–30“ ‘In mutum ya sayar da gida a birni mai katanga, yana da izini yă fanshe shi a ƙarshen shekara guda, bayan ya sayar da shi. In ba a fanshe shi a ƙarshen shekara ba, gidan da yake a birni mai katanga, zai zama mallakar na ɗinɗinɗin na mai sayan da kuma zuriyarsa. Ba za a mai da shi a Shekara ta Murna ba.
• Gidaje a ƙauyuka marasa katanga sukan koma ga masu su a shekarar murnaFir 25:31
  Ayoyin

  Fir 25:31Amma za a ɗauki gidaje a ƙauyuka marasa katanga kewaye da su daidai da gonaki. Za a iya fanshe su, a kuma mayar da su a Shekara ta Murna.
• Mutumin da yake da sabon gida da bai keɓe ba akan mai da shi gida daga yaƙiM Sh 20:5
  Ayoyin

  M Sh 20:5Hafsoshi za su ce wa mayaƙa, “Ko akwai wanda ya gina sabon gida bai kuma buɗe shi ba? Bari yă tafi gida, kada yă mutu a yaƙi, wani dabam yă buɗe shi.

Maganganu

• Mai hikima yakan gina gidansa a kan dutse (misali)Mat 7:24–27, Luk 6:48
  Ayoyin

  Mat 7:24–27“Saboda haka duk wanda yake jin kalmomin nan nawa yake kuma aikata su, yana kama da mutum mai hikima wanda ya gina gidansa a kan dutse. Ruwan sama ya sauko, rafuffuka suka cika, iska kuma ta hura ta bugi gidan; duk da haka bai fāɗi ba, gama yana da harsashinsa a kan dutse. Amma duk wanda yake jin kalmomin nan nawa bai kuwa aikata su ba, yana kama da wani wawa wanda ya gina gidansa a kan yashi. Ruwan sama ya sauko, rafuffuka suka cika, iska kuwa ta hura ta bugi gidan, sai ya fāɗi da mummunar ragargajewa kuwa.”

  Luk 6:48Yana kama da mutumin da ya gina gida, wanda ya haƙa ƙasa da zurfi, sa’an nan ya kafa tushen ginin a kan dutse. Da ambaliyar ruwa ta taso, ƙarfin ruwa kuwa ya buga gidan, wannan bai jijjiga shi ba, domin an yi masa tushen gini na ainihi.
• Ta wurin hikima ake gina gidaK Mag 24:3
  Ayoyin

  K Mag 24:3Ta wurin hikima ce ake gina gida, kuma ta wurin fahimi ake kafa ta;
• Kowace mace mai hikima takan gina gidantaK Mag 14:1
  Ayoyin

  K Mag 14:1Mace mai hikima kan gina gidanta, amma da hannunta wawiya takan rushe shi ƙasa.