Cin abinci fiye da kima a cikin Littafi Mai Tsarki

• Kana cin abinci tare da mai mulki? Ka sa wuƙa a maƙogwaronkaK Mag 23:1–3
  Ayoyin

  K Mag 23:1–3Sa’ad da ka zauna domin cin abinci da mai mulki, ka lura sosai da abin da yake gabanka, ka kuma sa wuƙa a maƙogwaronka in kai mai ci da yawa ne. Kada ka yi marmarin abincinsa mai daɗi gama wannan abinci ruɗu ne.
• In ka sami zuma, ka ci iyakar abin da kake bukataK Mag 25:16
  Ayoyin

  K Mag 25:16In ka sami zuma, ka sha isashe kawai, in ya yi yawa, za ka yi amai.
• Abokin masu zari yakan kunyata mahaifinsaK Mag 28:7
  Ayoyin

  K Mag 28:7Duk wanda ya kiyaye doka ɗa ne mai la’akari, amma wanda yake abokantaka da masu zari yakan jawo wa mahaifinsa kunya.
• Kada ka haɗa kai da masu cin nama fiye da kimaK Mag 23:20–21
  Ayoyin

  K Mag 23:20–21Kada ka haɗa kai da waɗanda suke shan ruwan inabi da yawa ko masu haɗama kansu da abinci, gama bugaggu da ruwan inabi da masu yawan ci sukan zama matalauta, gama jiri yakan yi musu sutura da tsummoki.
• Mai albarka ce ƙasar da hakimanta suke cin abinci a lokacin da ya daceM Had 10:17
  Ayoyin

  M Had 10:17Mai albarka ce, ya ke ƙasa wadda sarkinki haifaffen gidan sarauta ne, wadda hakimanta suke samun abincinsu a daidai lokacin don samun ƙarfi ba don buguwa ba.
• “Bari mu ci mu kuma sha, gama gobe za mu mutu!”Ish 22:13, 1Kor 15:32
  Ayoyin

  Ish 22:13Amma duba, sai ga shi kuna farin ciki kuna kuma murna, kuna yankan shanu kuna kashe tumaki, kuna cin nama kuna kuma shan ruwan inabi! Kuna cewa, “Bari mu ci mu kuma sha, gama gobe za mu mutu!”

  1Kor 15:32In na yi kokawa da mugayen namomin jeji a Afisa bisa ga ra’ayin mutane ne kawai, mece ce ribata, in har ba a tā da matattu? Ai, “Sai mu ci mu sha, da yake gobe za mu mutu.”
• Kwanciya a kan gadajen hauren giwa, cin ’yan raguna da ’yan maruƙaAmos 6:4
  Ayoyin

  Amos 6:4Kuna kwanciya a kan gadajen da aka yi musu shimfiɗar hauren giwa kuna mimmiƙe a kan kujerunku. Kuna cin naman ƙibabbun raguna da na ƙosassun ’yan maruƙa.
• Attajiri wawa: “ka ci, ka sha, ka yi annashuwa”Luk 12:19–20
  Ayoyin

  Luk 12:19–20Ni kuma zan ce wa raina, “Kana da kaya da yawa masu kyau, da aka yi ajiyarsu domin shekaru da dama masu zuwa. Yi hutunka, ka ci, ka sha, ka yi annashuwa.” ’ “Amma Allah ya ce masa, ‘Kai wawa! A wannan dare za a nemi ranka. Bayan haka, wa zai gāji abin da ka tara wa kanka?’
• “allahnsu cikinsu ne”Fil 3:19
  Ayoyin

  Fil 3:19Ƙaddararsu hallaka ce, allahnsu cikinsu ne, rashin kunyarsu shi ne abin fahariyarsu. Hankalinsu yana kan kayan duniya.
• Ɗaya daga cikinsu: “Kiretawa … ragwaye haɗamammu”Tit 1:12
  Ayoyin

  Tit 1:12Wani daga cikin annabawansu ma ya ce, “Kiretawa a kullum maƙaryata ne, mugayen dabbobi, ragwaye haɗamammu.”

Misalai

• Isuwa da yunwa ta kama ya sayar da hakkinsa na ɗan fari saboda jan miyaFar 25:29–34
  Ayoyin

  Far 25:29–34Wata rana sa’ad da Yaƙub yana dafa fate. Isuwa ya shigo daga jeji, da yunwa sosai. Ya ce wa Yaƙub, “Ina roƙonka, ka ɗan ɗiba mini faten nan! Ina fama da yunwa!” (Shi ya sa aka kira shi Edom.) Yaƙub ya amsa ya ce, “Ka fara sayar mini da matsayinka na ɗan fari tukuna.” Isuwa ya ce, “Duba, ina gab da mutuwa, me matsayina na ɗan fari zai yi mini?” Amma Yaƙub ya ce, “Ka rantse mini tukuna.” Don haka ya rantse masa, ya sayar da matsayinsa na ɗan fari ga Yaƙub. Sa’an nan Yaƙub ya ba wa Isuwa burodi da ɗan miyan lansir. Ya ci, ya sha, sa’an nan ya tashi ya tafi. Ta haka Isuwa ya yi banza da matsayinsa na ɗan fari.
• Isra’ila sun yi kuka saboda kifi, kokwamba da gunar MasarƘid 11:4–6, Zab 78:18
  Ayoyin

  Ƙid 11:4–6Wata rana, baƙin da suke cikinsu, suka fara kwaɗayin waɗansu abinci, har suka sa Isra’ilawa suka fara kuka, suna cewa, “Da mun sami nama mun ci mana! Mun tuna da kifin da muka ci kyauta a Masar, haka ma kayan lambu irin su kukumba, guna, safa, albasa da kuma tafarnuwa. Amma ga shi yanzu ba mu da wani abin marmari; in ba wannan Manna ba!”

  Zab 78:18Da gangan suka gwada Allah ta wurin neman abincin da suke kwaɗayi.
• Mutane sun tattara makwarwa kwana biyu; annoba ta biyo bayaƘid 11:31–33
  Ayoyin

  Ƙid 11:31–33Ana nan, sai Ubangiji ya kawo wata iska mai tsanani ta koro makware daga teku. Ta bar su birjik kewaye da sansani, tsayinsu daga ƙasa ya kai kamu biyu, misalin tafiyar nisan yini guda ta kowace fuska. Dukan yini da dukan dare da kuma kashegari, mutane suka fito suka tattara makware. Ba wanda ya kāsa tara ƙasa da garwa goma. Sai suka shanya abinsu kewaye da sansanin. Amma da suna cikin cin naman, tun ba su ma haɗiye ba, sai Ubangiji ya husata sosai a kan jama’ar, ya buge su da annoba mai zafi.
• Bawan ’ya’yan Eli ya ɗauki nama da cokali mai yatsu uku1Sam 2:12–17
  Ayoyin

  1Sam 2:12–17’Ya’yan Eli firist, mutane ne masu mugunta. Ba su ɗauki Ubangiji a bakin kome ba. Al’ada ce ga firistoci da mutane cewa in wani ya miƙa hadaya, yayinda nama yake kan wuta, bawan firist zai zo da babban cokali mai yatsu, zai soka cokali mai yatsun a tukunyar, ko butar da ake dafan naman. Duk abin da cokali mai yatsun ya cako daga tukunyar, ya zama na firist. Haka aka yi ta yi wa Isra’ilawan da suka zo miƙa hadaya a Shilo. Tun ma kafin a ƙona kitse, bawan firist yakan zo yă ce wa mutumin da yake miƙa hadaya, “Ka ba wa firist nama domin yă gasa, ba zai karɓi dafaffen nama daga wurinka ba, sai ɗanye.” In kuwa mutumin ya ce masa, “Bari kitse yă ƙone tukuna, sa’an nan ka ɗiba duk abin da kake so.” Sai bawan yă ce masa, “A’a, ka ba ni yanzu, in ka ƙi kuwa zan ɗiba ƙarfi da yaji.” Wannan zunubin samarin ya yi muni ƙwarai a gaban Ubangiji, domin sun wulaƙanta hadayar Ubangiji, ƙwarai da gaske.
• Ɗa mai tawaye da aka zarga: “Mai zari ne, kuma mashayi”M Sh 21:20
  Ayoyin

  M Sh 21:20Za su ce wa dattawan, “Wannan ɗanmu gagararre ne, mai tawaye. Ba ya mana biyayya. Mai zari ne, kuma mashayi.”
• An kira Yesu “mai haɗama da kuma mashayi”Mat 11:19
  Ayoyin

  Mat 11:19Ɗan Mutum ya zo yana ciye-ciye, yana shaye-shaye, sai suka ce, ‘Ga mai haɗama da kuma mashayi, abokin masu karɓar haraji da masu zunubi.’ Amma akan tabbatar da hikima ta wurin ayyukanta.”