Sumba a cikin Littafi Mai Tsarki

Nassosin Littafi Mai Tsarki, Sabon Rai Don Kowa (32), layi bayan layi, daga Nave’s Topical Bible.

Gaisuwa da bankwana

Yaƙub ya sumbaci Rahila a bakin rijiya ya yi kuka da ƙarfiFar 29:11
Ayoyin
Far 29:11Sa’an nan Yaƙub ya sumbaci Rahila, ya kuma ɗaga murya ya yi kuka.
Laban ya sumbaci jikokinsa da ’ya’yansa mata yana bankwanaFar 31:55
Ayoyin
Far 31:55Da sassafe kashegari sai Laban ya sumbaci jikokinsa da ’ya’yansa mata, ya sa musu albarka. Sa’an nan ya yi bankwana da su, ya koma gida.
Isuwa ya ruga wajen Yaƙub, ya rungume shi ya sumbace shiFar 33:4
Ayoyin
Far 33:4Amma Isuwa ya ruga a guje ya sadu da Yaƙub ya rungume shi; ya faɗa a wuyansa ya sumbace shi. Suka kuma yi kuka.
Yusuf ya sumbaci kowane ɗan’uwansa, yana kukaFar 45:15
Ayoyin
Far 45:15Ya sumbaci dukan ’yan’uwansa, ya kuma yi kuka a kansu. Bayan haka sai ’yan’uwansa suka yi masa magana.
Haruna ya sadu da Musa a dutsen Allah ya sumbace shiFit 4:27
Ayoyin
Fit 4:27Ubangiji ya ce wa Haruna, “Tafi cikin hamada ka sadu da Musa.” Sai ya sadu da Musa a dutsen Allah, ya sumbace shi.
Musa ya rusuna wa surukinsa ya sumbace shiFit 18:7
Ayoyin
Fit 18:7Sai Musa ya tafi yă taryi surukinsa, ya sunkuya ya yi masa sumba. Suka gai da juna, sa’an nan suka shiga tenti.
Na’omi ta sumbaci surukanta; Orfa ta sumbace ta tana bankwanaRut 1:9, Rut 1:14
Ayoyin
Rut 1:9Bari Ubangiji yă sa kowannenku ta sami hutu a gidan wani miji.” Sa’an nan ta sumbace su suka kuma yi kuka da ƙarfi
Rut 1:14A kan wannan suka sāke ɓarke da kuka. Sa’an nan Orfa ta sumbaci surukarta ta yi bankwana, amma Rut ta manne mata.
Dawuda da Yonatan sun sumbaci juna suka yi kuka tare1Sam 20:41
Ayoyin
1Sam 20:41Da yaron ya tafi, sai Dawuda ya tashi daga inda ya ɓuya kusa da tarin duwatsu, ya rusuna har sau uku. Sa’an nan suka sumbaci juna, suka yi kuka, Dawuda kuwa ya yi kuka sosai.
Dawuda ya sumbaci Barzillai a Urdun2Sam 19:39
Ayoyin
2Sam 19:39Saboda haka dukan mutane suka ƙetare Urdun, sa’an nan kuma sarki ma ya ƙetare. Sarki ya yi wa Barzillai sumba ya albarkace shi, sa’an nan Barzillai ya koma gidansa.
Elisha ya roƙa ya sumbaci mahaifinsa da mahaifiyarsa yă yi bankwana1Sar 19:20
Ayoyin
1Sar 19:20Sai Elisha ya bar shanun, ya ruga ya bi Iliya. Ya ce, “Bari in sumbace mahaifina da mahaifiyata, in yi musu bankwana, sa’an nan in zo in bi ka.” Iliya ya ce, “Koma! Me na yi maka?”
Uba ya ruga wajen ɗansa da yake dawowa ya sumbace shiLuk 15:20
Ayoyin
Luk 15:20Sai ya tashi ya kama hanya ya koma wurin mahaifinsa. “Amma tun yana nesa, mahaifinsa ya hange shi. Tausayi kuma ya kama shi, sai ya tashi ya ruga da gudu wurinsa, ya rungume shi, ya yi masa sumba.
Dattawan Afisa sun rungumi Bulus suka sumbace shiAyy M 20:37
Ayoyin
Ayy M 20:37Sai dukansu suka yi kuka suka rungume shi, suka kuma yi masa sumba.

Iyali da ƙauna

Ishaku: “Zo nan, ɗana ka sumbace ni”Far 27:26–27
Ayoyin
Far 27:26–27Sa’an nan mahaifinsa Ishaku ya ce masa, “Zo nan, ɗana ka sumbace ni.” Saboda haka ya je gunsa ya sumbace shi. Sa’ad da Ishaku ya ji ƙanshin rigunansa, sai ya sa masa albarka ya ce, “Aha, ƙanshin ɗana yana kama da ƙanshin jejin da Ubangiji ya sa wa albarka ne.
Yaƙub tsoho, wanda idanunsa sun kusa makancewa, ya sumbaci ’ya’yan Yusuf mazaFar 48:10
Ayoyin
Far 48:10Yanzu fa idanun Isra’ila sun fara rasa ƙarfi saboda tsufa, har ba ya iya gani sosai. Saboda haka Yusuf ya kawo ’ya’yansa maza kusa da shi, sai mahaifinsa ya sumbace su ya rungume su.
Yusuf ya yi kuka a kan mahaifinsa da ya mutu ya sumbace shiFar 50:1
Ayoyin
Far 50:1Yusuf kuwa ya fāɗa a kan mahaifinsa, ya yi kuka a kansa, ya kuma sumbace shi.
Sama’ila ya shafe Shawulu ya sumbace shi1Sam 10:1
Ayoyin
1Sam 10:1Sai Sama’ila ya ɗauki ’yar kwalabar mai, ya zuba man ɗin wa Shawulu a kansa, ya yi masa sumba yana cewa, “ Ubangiji ya keɓe ka shugaba bisa gādonsa.
Sarki Dawuda ya sumbaci Absalom bayan dawowarsa2Sam 14:33
Ayoyin
2Sam 14:33Saboda haka Yowab ya tafi wurin sarki ya gaya masa wannan. Sai sarki ya aika aka zo da Absalom, ya kuma rusuna da fuskarsa har ƙasa a gaban sarki. Sarki kuwa ya sumbaci Absalom.
“Bari yă sumbace ni da sumbar bakinsa”WW 1:2
Ayoyin
WW 1:2Bari yă sumbace ni da sumbar bakinsa, gama ƙaunarka ta fi ruwan inabi zaƙi.
Amsa ta gaskiya tana kamar sumba a leɓunaK Mag 24:26
Ayoyin
K Mag 24:26Amsa da take ta gaskiya tana kamar sumba a leɓuna.

Sumbar yaudara

Sumbar maƙiyi ta yaudara ceK Mag 27:6
Ayoyin
K Mag 27:6Za a iya amince da rauni daga aboki, amma abokin gāba ko da ya sumbace ka kada ka sake da shi!
Absalom ya jawo zuciyar mutane ta wurin sumbatarsu2Sam 15:5
Ayoyin
2Sam 15:5Kuma duk sa’ad da wani ya zo wurin Absalom ya rusuna don yă gaishe shi, sai Absalom yă sa hannunsa yă ta da shi, yă kuma rungume shi.
Yowab ya kama gemun Amasa don ya sumbace shi, ya caka masa wuƙa2Sam 20:9–10
Ayoyin
2Sam 20:9–10Yowab ya ce wa Amasa, “Yaya kake, ɗan’uwana?” Sai Yowab ya kama gemun Amasa da hannun dama don yă yi masa sumba. Amasa kuwa bai lura da wuƙar da take hannun Yowab ba, Yowab kuwa ya soke shi da wuƙar a ciki, hanjinsa suka zube ƙasa. Ba tare da ƙarin suƙa ba, Amasa ya mutu. Sa’an nan Yowab da ɗan’uwansa Abishai suka fafari Sheba ɗan Bikri.
Yahuda: “Wanda na yi masa sumba, shi ne mutumin”Mat 26:48–49, Luk 22:48
Ayoyin
Mat 26:48–49To, mai bashe shi ɗin, ya riga ya shirya alama da su, “Wanda na yi masa sumba, shi ne mutumin; ku kama shi.” Da zuwansa, sai ya miƙe zuwa wurin Yesu ya ce, “Gaisuwa, Rabbi!” Sa’an nan ya yi masa sumba.
Luk 22:48Amma Yesu ya tambaye shi ya ce, “Yahuda, ashe, da sumba za ka bashe Ɗan Mutum?”

Sujada da ikkilisiyar farko

Sumbatar gumaka: Ba’al da ’yan maruƙa1Sar 19:18, Hos 13:2
Ayoyin
1Sar 19:18Duk da haka zan bar mutane dubu bakwai na Isra’ila waɗanda ba su rusuna da gwiwansu wa Ba’al ba, ba su kuma sumbace shi da bakinsu ba.”
Hos 13:2Yanzu sai yin zunubi a kai a kai suke; suna yin gumaka wa kansu daga azurfansu, da wayo suna sarrafa siffofi, dukansu aikin masu aikin hannu ne. Ana magana waɗannan mutane cewa, “Suna miƙa hadayar mutum su kuma sumbaci gumakan maruƙa.”
Wata mace ta sumbaci ƙafafun Yesu; mai masaukinsa bai yi masa sumba baLuk 7:38, Luk 7:45
Ayoyin
Luk 7:38ta kuma tsaya daga bayansa, wajen ƙafafunsa tana kuka, sai hawayenta sun fara zuba a ƙafafunsa. Sai ta goge su da gashin kanta, ta sumbace su, sa’an nan ta shafa musu turare.
Luk 7:45Ba ka yi mini sumba ba, amma tun shigowata a nan, macen nan ba tă daina sumbar ƙafafuna ba.
Ku gai da juna da sumba mai tsarkiRom 16:16, 1Tes 5:26, 1Bit 5:14
Ayoyin
Rom 16:16Ku gaggai da juna da sumba mai tsarki. Dukan ikkilisiyoyin Kiristi suna gaishe ku.
1Tes 5:26Ku gaggai da dukan ’yan’uwa da sumba mai tsarki.
1Bit 5:14Ku gai da juna da sumbar ƙauna. Salama gare ku duka da kuke cikin Kiristi.

Tushe

Daga Nave’s Topical Bible (Orville J. Nave, 1896; na kowa): an zaɓi jigogi, an taƙaita layuka an kuma sa su cikin kalmomin zamani, an bar layukan fassarar ma’ana; an duba kowace aya.

Littafi Mai Tsarki, Sabon Rai Don Kowa · © 2009, 2020 Biblica, Inc., CC BY-SA 4.0; changed: footnotes, headings and the letters over Psalm 119 left out, verses in the app's numbering. The original work by Biblica, Inc. is available for free at www.biblica.com and open.bible.