Iyaye a cikin Littafi Mai Tsarki

Nassosin Littafi Mai Tsarki, Sabon Rai Don Kowa (42), layi bayan layi, daga Nave’s Topical Bible.

Wanda aka fi so

Ishaku yana ƙaunar Isuwa; Rebeka tana ƙaunar YaƙubFar 25:28
Ayoyin
Far 25:28Ishaku, mai son ci naman jeji, ya ƙaunaci Isuwa, amma Rebeka ta ƙaunaci Yaƙub.
Rebeka ta shirya yadda Yaƙub zai sami albarkar IshakuFar 27:6–10
Ayoyin
Far 27:6–10sai Rebeka ta ce wa ɗanta Yaƙub, “Ka ji nan, na ji mahaifinka ya ce wa ɗan’uwanka Isuwa, ‘Kawo mini nama ka shirya mini abinci mai daɗi don in ci, in sa maka albarka a gaban Ubangiji kafin in mutu.’ Saboda haka ɗana, ka saurara da kyau ka kuma yi abin da na faɗa maka. Je garke ka kawo mini awaki biyu kyawawa, domin in shirya abinci mai daɗi wa mahaifinka, kamar yadda dai yake so. Sa’an nan ka kai wa mahaifinka yă ci, domin yă sa maka albarka kafin yă mutu.”
Yaƙub ba zai aika da Benyamin ba, don tsoron kada wani abu ya same shiFar 42:4, Far 42:38
Ayoyin
Far 42:4Amma Yaƙub bai aiki Benyamin, ɗan’uwan Yusuf tare da sauran ba, gama yana tsoro kada wani abu yă faru da shi.
Far 42:38Amma Yaƙub ya ce, “Ɗana ba zai gangara zuwa can tare da ku ba, ɗan’uwansa ya rasu, shi ne kaɗai ya rage. In wani abu ya faru da shi a tafiyar da za ku yi, za ku sa furfurata ta gangara zuwa kabari cikin baƙin ciki.”

Ƙauna da kulawa

Hagar ta zauna nesa wajen harbin kibiya, ba ta iya kallon ɗanta ya mutu baFar 21:15–16
Ayoyin
Far 21:15–16Sa’ad da ruwan da yake cikin salkan ya ƙare, sai ta ajiye yaron a ƙarƙashin wani ƙaramin itace. Sai ta tafi, ta zauna ɗan nesa da yaron, misalin nisan harbin baka, gama ta yi tunani ta ce, “Ba zan iya kallon yaron yana mutuwa ba.” Da ta zauna nesa da yaron, sai ta fara kuka.
Mahaifiyar Rebeka da ɗan’uwanta sun roƙa ta ƙara kwana goma tare da suFar 24:55
Ayoyin
Far 24:55Amma ɗan’uwanta da mahaifiyarta suka ce, “Bari yarinyar ta ɗan zauna tare da mu kwana goma ko fiye, sa’an nan ka ta fi.”
Yaƙub ya farfaɗo da ya ji Yusuf yana da raiFar 45:26–28
Ayoyin
Far 45:26–28Suka faɗa masa, “Yusuf yana da rai! Gaskiya, shi ne mai mulkin dukan Masar.” Gaban Yaƙub ya fāɗi, domin bai gaskata su ba. Amma sa’ad da suka faɗa masa kome da Yusuf ya faɗa musu, da kuma sa’ad da ya ga wagonun da Yusuf ya aika don a ɗauke shi a kai da shi can, sai ya farfaɗo, ya dawo cikin hankalinsa. Sai Yaƙub ya ce, “Na yarda! Ɗana Yusuf yana da rai har yanzu. Zan tafi in gan shi kafin in mutu.”
Mahaifiyar Musa ta ɓoye shi wata uku, sa’an nan ta sa shi a cikin kwandoFit 2:2–3
Ayoyin
Fit 2:2–3ta kuwa yi ciki, ta haifi ɗa. Sa’ad da ta ga jaririn kyakkyawa ne, sai ta ɓoye shi har watanni uku. Amma da ba tă iya ɓoye shi kuma ba, sai ta yi kwandon kyauro ta shafa masa kwalta. Bayan haka sai ta sa jaririn a cikin kwandon, ta je ta ajiye kwandon tare da jaririn a cikin kyauro, a bakin kogin.
Manowa ya tambaya yadda za su goyi yaron da za a haifaMah 13:8
Ayoyin
Mah 13:8Sai Manowa ya yi addu’a ga Ubangiji ya ce, “Ya Ubangiji, ina roƙonka, bari mutumin Allahn da ka aiko mana yă sāke zuwa don yă koya mana yadda za mu goyi yaron da za a haifa.”
Iyayen Samson sun ƙi mace BafilistiyaMah 14:2–3
Ayoyin
Mah 14:2–3Da ya komo, sai ya gaya wa mahaifinsa da mahaifiyarsa ya ce, “Na ga wata mace a Timna; ku auro mini ita ta zama matata.” Mahaifinsa da mahaifiyarsa suka ce, “Babu wata karɓaɓɓiyar yarinya a cikin zuriyarku ko cikin dukan mutanenmu ne? Dole ne ka tafi wajen Filistiyawa marasa kaciya ka nemi aure?” Amma Samson ya ce wa mahaifinsa, “A auro mini ita dai. Ita ta dace da ni.”
Na’omi ta sumbaci surukanta ta mai da su gidaRut 1:8–9
Ayoyin
Rut 1:8–9Sai Na’omi ta ce wa surukanta biyu, “Ku koma, kowannenku, zuwa gidan mahaifiyarta. Bari Ubangiji yă nuna muku alheri yadda kuka nuna wa matattun nan da kuma gare ni. Bari Ubangiji yă sa kowannenku ta sami hutu a gidan wani miji.” Sa’an nan ta sumbace su suka kuma yi kuka da ƙarfi
Ayuba yakan tashi da sassafe ya miƙa hadayun ƙonawa domin kowane ɗansaAyu 1:5
Ayoyin
Ayu 1:5Bayan lokacin bikin ya wuce, sai Ayuba yă aika su zo don yă tsarkake su. Tun da sassafe zai miƙa hadaya ta ƙonawa domin kowannensu, don yana tunani cewa, “Mai yiwuwa ’ya’yana sun yi wa Allah zunubi, ko sun la’anta shi a cikin zuciyarsu.” Haka Ayuba ya saba yi.
Dawuda yana marmarin zuwa wurin Absalom2Sam 13:39
Ayoyin
2Sam 13:39Sai zuciyar sarki Dawuda ya komo kan Absalom, gama an yi masa ta’aziyya game da mutuwar Amnon.
Dawuda: “Ku yi mini hankali da saurayin nan Absalom”2Sam 18:5
Ayoyin
2Sam 18:5Sarki ya umarci Yowab, Abishai, da Ittai, ya ce musu, “Ku yi mini hankali da saurayin nan Absalom.” Dukan mutane kuwa suka ji yadda sarki yake ba wa kowane komanda umarni.
Rizfa ta tsare gawawwakin ’ya’yanta daga tsuntsaye da namun jeji2Sam 21:8, 2Sam 21:10
Ayoyin
2Sam 21:8Amma sarki ya ɗauki Armoni da Mefiboshet, ’ya’ya biyu maza waɗanda Rizfa ’yar Aiya ta haifa wa Shawulu, tare da ’ya’ya maza biyar na Merab ’yar Shawulu, waɗanda ta haifa wa Adriyel ɗan Barzillai, mutumin Mehola.
2Sam 21:10Rizfa ’yar Aiya ta ɗauki tsumma ta yi wa kanta shimfiɗa a kan dutse. Tun daga farkon girbi har ruwa damina ya sauko a kan gawawwakin, ba tă yarda tsuntsayen sama su taɓa su da rana ko mugayen namun jeji da dare ba.
Ainihin uwar ta gwammace a ba da jaririnta da a kashe shi1Sar 3:26
Ayoyin
1Sar 3:26Ainihin mamar ɗan da yake a raye ta cika da tausayi saboda ɗanta, sai ta ce wa sarki, “Ina roƙonka, ranka yă daɗe, kada ka kashe yaron! Ka ba ta kawai!” Amma ɗayan matar ta ce, “Kada a ba kowa daga cikinmu ɗan da rai, a ci gaba a raba shi!”
Solomon ya sa aka kawo wa mahaifiyarsa kujerar sarauta1Sar 2:19
Ayoyin
1Sar 2:19Sai Batsheba ta tafi wurin Sarki Solomon don tă yi masa magana a kan Adoniya. Sarki ya miƙe tsaye don yă sadu da ita, ya rusuna mata, ya kuma zauna a kujerar sarautarsa. Ya sa aka kawo wa mahaifiyar sarki kujerar sarauta, ta kuwa zauna a gefen damansa.
Maryamu da Yusuf suna neman yaro Yesu cikin damuwaLuk 2:48
Ayoyin
Luk 2:48Da iyayensa suka gan shi sai suka yi mamaki. Mahaifiyarsa ta ce masa, “Ɗana, don me ka yi mana haka? Ni da mahaifinka duk mun damu muna nemanka.”
Mahaifiyar Yesu tana tsaye kusa da gicciyeYoh 19:25
Ayoyin
Yoh 19:25To, tsaye kusa da gicciyen Yesu kuwa akwai mahaifiyarsa, tare da ’yar’uwar mahaifiyarsa, Maryamu matar Kilofas, da kuma Maryamu Magdalin.
Yayirus ya roƙa saboda ƙaramar ’yarsaMar 5:23
Ayoyin
Mar 5:23ya roƙe shi da gaske ya ce, “Ƙaramar diyata tana bakin mutuwa. In ka yarda, ka zo ka ɗibiya hannunka a kanta, domin ta warke, ta kuma rayu.”
Wani ma’aikacin fāda: “ka zo kafin ɗana yă mutu”Yoh 4:49
Ayoyin
Yoh 4:49Ma’aikacin hukuman ya ce, “Ranka yă daɗe, ka zo kafin ɗana yă mutu.”
Mahaifin wani yaro: “Na gaskata, ka taimake ni in sha kan rashin bangaskiyata!”Mar 9:24
Ayoyin
Mar 9:24Nan da nan mahaifin yaron ya faɗa da ƙarfi ya ce, “Na gaskata, ka taimake ni in sha kan rashin bangaskiyata!”
Mahaifiyar ’ya’yan Zebedi maza ta roƙi wuraren girma domin suMat 20:20–21
Ayoyin
Mat 20:20–21Sai mahaifiyar ’ya’yan Zebedin nan ta zo wurin Yesu tare da ’ya’yanta, da ta durƙusa a ƙasa, sai ta roƙe shi yă yi mata wani abu. Ya yi tambaya ya ce, “Mene ne kike so?” Ta ce, “Ka sa daga cikin ’ya’yan nan nawa biyu, ɗaya yă zauna a damarka, ɗaya kuma a hagunka, a mulkinka.”
Iyayen mutumin da aka haifa makaho: “Ai, shi ba yaro ba ne, ku tambaye shi”Yoh 9:20–23
Ayoyin
Yoh 9:20–23Iyayen suka amsa suka ce, “Mun dai san shi ɗanmu ne, mun kuma san cewa an haife shi makaho. Sai dai yadda yake gani yanzu, ko kuma wa ya buɗe idanunsa, ba mu sani ba. Ku tambaye shi. Ai, shi ba yaro ba ne, zai faɗa da bakinsa.” Iyayensa sun faɗa haka ne saboda suna tsoron Yahudawa, gama Yahudawa sun riga sun yanke shawara cewa duk wanda ya yarda cewa Yesu shi ne Kiristi, za a kore shi daga majami’a. Shi ya sa iyayensa suka ce, “Ai, shi ba yaro ba ne, ku tambaye shi.”

Masu sakin jiki da yawa

Eli bai hana ’ya’yansa maza ba1Sam 3:13
Ayoyin
1Sam 3:13Gama na gaya masa zan hukunta gidansa har abada saboda zunubin da yake sane da shi; ’ya’yansa sun wulaƙantar da kansu, shi kuma bai tsawata musu ba.
Dawuda bai taɓa tsawata wa Adoniya ko sau ɗaya ba1Sar 1:6
Ayoyin
1Sar 1:6(A duk rayuwarsa mahaifinsa bai taɓa tsawata masa yă ce, “Me ya sa kake yin haka ba?” Shi kuwa mai kyan gani ne ƙwarai, shi ne aka haifa bayan Absalom.)

A cikin Doka

Ka girmama mahaifinka da mahaifiyarkaFit 20:12
Ayoyin
Fit 20:12Ka girmama mahaifinka da mahaifiyarka, domin ka yi tsawon rai a ƙasar da Ubangiji Allahnka yake ba ka.
Mutuwa saboda bugun mahaifi ko mahaifiya ko la’antarsuFit 21:15, Fit 21:17
Ayoyin
Fit 21:15“Duk wanda ya bugi mahaifinsa ko mahaifiyarsa, dole a kashe shi.
Fit 21:17“Duk wanda ya la’anta mahaifinsa ko mahaifiyarsa, dole a kashe shi.
Iyaye sukan bayyana wa ’ya’yansu ma’anar Bikin ƘetarewaFit 12:26–27, Fit 13:8
Ayoyin
Fit 12:26–27Sa’ad da kuma ’ya’yanku suka tambaye ku, ‘Mece ce manufar wannan biki?’ Sai ku faɗa musu, ‘Hadaya ce ta Bikin Ƙetarewa ga Ubangiji, domin ya tsallake gidajen Isra’ilawa a Masar, lokacin da ya kashe Masarawa, amma bai taɓa gidajenmu ba.’ ” Sai mutane suka rusuna, suka yi sujada.
Fit 13:8A ranan nan kowa zai faɗa wa ɗanka, ‘Ina yin haka saboda abin da Ubangiji ya yi mini, sa’ad da na fita daga Masar.’
Iyayen biyu sukan kawo ɗa mai taurin kai, mai tawaye, gaban dattawaM Sh 21:18–20
Ayoyin
M Sh 21:18–20In mutum yana da gagararren ɗa mai tawaye, wanda ba ya biyayya ga mahaifinsa da mahaifiyarsa, ba ya kuma jin su sa’ad da suke horonsa, mahaifinsa da mahaifiyarsa za su kama shi su kawo shi ga dattawa a ƙofar garinsu. Za su ce wa dattawan, “Wannan ɗanmu gagararre ne, mai tawaye. Ba ya mana biyayya. Mai zari ne, kuma mashayi.”

Maganganu a Karin Magana game da iyaye

Ka saurari koyarwar mahaifinka da umarnin mahaifiyarkaK Mag 1:8
Ayoyin
K Mag 1:8Ɗana, ka saurari umarnin mahaifinka kada kuma ka ƙyale koyarwar mahaifiyarka.
Ɗa mai hikima yakan kawo wa mahaifinsa farin cikiK Mag 10:1
Ayoyin
K Mag 10:1Karin maganar Solomon. Ɗa mai hikima yakan kawo wa mahaifinsa farin ciki, amma wawan ɗa kan sa wa mahaifiyarsa baƙin ciki.
Mutumin kirki yakan bar gādo ga jikokinsaK Mag 13:22
Ayoyin
K Mag 13:22Mutumin kirki kan bar gādo wa ’ya’ya ’ya’yansa, amma arzikin mai zunubi ajiye ne da aka yi wa mai adalci.
Kada ka raina mahaifiyarka sa’ad da ta tsufaK Mag 23:22
Ayoyin
K Mag 23:22Ka kasa kunne ga mahaifinka, wanda ya ba ka rai, kada kuwa ka rena mahaifiyarka sa’ad da ta tsufa.
Bari mahaifinka da mahaifiyarka su yi farin cikiK Mag 23:24–25
Ayoyin
K Mag 23:24–25Mahaifin adali yana da farin ciki sosai; duk wanda yake da ɗa mai hikima yakan ji daɗinsa. Bari mahaifinka da mahaifiyarka su yi murna; bari wadda ta haife ka tă yi farin ciki!
’Ya’yanta sukan tashi su kira ta mai albarkaK Mag 31:28
Ayoyin
K Mag 31:28’Ya’yanta sukan tashi su ce da ita mai albarka; haka mijinta ma, yakan kuma yabe ta yana cewa,

A cikin wasiƙu

Iyaye ne sukan tara wa ’ya’yansu, ba ’ya’ya wa iyaye ba2Kor 12:14
Ayoyin
2Kor 12:14Yanzu a shirye nake in ziyarce ku sau na uku, ba zan kuma nawaita muku ba, don ba kayanku nake so ba, ku nake so. Gama ba yara ne da ɗaukar nauyin iyayensu ba, sai dai iyaye ne da ɗaukar nauyin yaran.
Ku iyaye, kada ku tsokani ’ya’yankuAfi 6:4, Kol 3:21
Ayoyin
Afi 6:4Ku kuma iyaye, kada ku tsokane ’ya’yanku. Ku yi musu reno mai kyau. Ku koyar da su, ku kuma gargaɗe su game da Ubangiji.
Kol 3:21Ubanni, kada ku matsa wa yaranku lamba, don kada su fid da zuciya.

Tushe

Daga Nave’s Topical Bible (Orville J. Nave, 1896; na kowa): an zaɓi jigogi, an taƙaita layuka an kuma sa su cikin kalmomin zamani, an bar layukan fassarar ma’ana; an duba kowace aya.

Littafi Mai Tsarki, Sabon Rai Don Kowa · © 2009, 2020 Biblica, Inc., CC BY-SA 4.0; changed: footnotes, headings and the letters over Psalm 119 left out, verses in the app's numbering. The original work by Biblica, Inc. is available for free at www.biblica.com and open.bible.