Tentuna a cikin Littafi Mai Tsarki

• Yabal shi ne mahaifin waɗanda suke zama a tentuna suke kuma kiwon dabbobiFar 4:20
  Ayoyin

  Far 4:20Ada ta haifi Yabal, shi ne mahaifi waɗanda suke zama a tentuna, suna kuma kiwon dabbobi.
• Abram ya kafa tentinsa tsakanin Betel da Ai, sa’an nan ya koma MamreFar 12:8, Far 13:18
  Ayoyin

  Far 12:8Daga can, ya ci gaba zuwa wajen tuddai a gabashin Betel ya kafa tentinsa, Betel yana yamma, Ai, kuma a gabas. A can ya gina bagade ga Ubangiji ya kuma kira bisa sunan Ubangiji.

  Far 13:18Saboda haka Abram ya cire tentunansa, ya zo ya zauna kusa da manyan itatuwan Mamre a Hebron, inda ya gina bagade ga Ubangiji.
• Lot ma yana da garkunan tumaki, garkunan shanu da tentunaFar 13:5
  Ayoyin

  Far 13:5Lot wanda yake tafiya tare da Abram, shi ma yana da garken shanu da tumaki da kuma tentuna.
• Ibrahim yana zaune a ƙofar tentinsa da tsakar ranaFar 18:1–2
  Ayoyin

  Far 18:1–2Ubangiji ya bayyana ga Ibrahim kusa da manyan itatuwan Mamre yayinda yake zaune a mashigin tentinsa da tsakar rana. Da Ibrahim ya ɗaga ido, sai ya ga mutum uku suna tsaye kusa da shi. Sa’ad da ya gan su, sai ya tashi nan da nan daga mashigin tentinsa, ya tarye su, ya rusuna har ƙasa.
• Saratu tana saurara a ƙofar tentiFar 18:9–10
  Ayoyin

  Far 18:9–10Sai suka ce masa, “Ina Saratu matarka?” Ibrahim ya ce, “Tana can cikin tenti.” Sa’an nan ɗayansu ya ce, “Lalle zan komo wurinka war haka shekara mai zuwa. Saratu matarka kuwa za tă haifi ɗa.” Saratu kuwa tana a bayansu tana ji daga mashigin tenti.
• Ishaku ya kawo Rebeka cikin tentin mahaifiyarsa SaratuFar 24:67
  Ayoyin

  Far 24:67Ishaku ya kawo ta cikin tentin mahaifiyarsa Saratu, ya kuma auri Rebeka. Ta haka ta zama matarsa, ya kuwa ƙaunace ta; Ishaku kuma ya ta’azantu bayan rasuwar mahaifiyarsa.
• Ishaku ya kafa tentinsa, bayinsa kuma suka haƙa rijiyaFar 26:25
  Ayoyin

  Far 26:25Sai Ishaku ya gina bagade a can, ya kuma kira bisa sunan Ubangiji. A can ya kafa tentinsa, a can kuma bayinsa suka haƙa wata rijiya.
• Yaƙub, Liyatu, Rahila da kuyangin kowannensu yana da tentiFar 31:33
  Ayoyin

  Far 31:33Saboda haka Laban ya shiga tentin Yaƙub, ya shiga tentin Liyatu da kuma tentuna matan nan biyu bayi, amma bai sami kome ba. Bayan ya fita daga tentin Liyatu, sai ya shiga tentin Rahila.
• Ibrahim, Ishaku da Yaƙub sun zauna a tentunaIbr 11:9
  Ayoyin

  Ibr 11:9Ta wurin bangaskiya ya yi zama a ƙasar da aka yi masa alkawari kamar baƙo a baƙuwar ƙasa; ya zauna a tentuna, haka ma Ishaku da Yaƙub, waɗanda su ma magādan alkawarin nan ne tare da shi.
• Tentuna suna da labule, igiyoyi da turakuIsh 54:2, Irm 10:20
  Ayoyin

  Ish 54:2“Ki fadada wurin tentinki, ki miƙe labulen tentinki da fāɗi, kada ki janye; ƙara tsawon igiyoyinta, ki kuma ƙara ƙarfin turakunta.

  Irm 10:20An lalatar da tentina; dukan igiyoyinsa sun tsintsinke. ’Ya’yana maza sun bar ni ba sa nan; ba wanda aka bari da zai kafa tentina ko ya kafa mini mafaka.
• Baƙi kamar tentunan KedarWW 1:5
  Ayoyin

  WW 1:5Ni baƙa ce, duk da haka kyakkyawa. Ya ku ’yan matan Urushalima, ni baƙa ce kamar tentunan Kedar, kamar labulen tentin Solomon.
• Bulus, Akwila da Firiskila masu ɗinkin tenti neAyy M 18:2–3
  Ayoyin

  Ayy M 18:2–3A can ya sadu da wani mutumin Yahuda mai suna Akwila, ɗan garin Fontus, wanda ya je can ba da daɗewa ba daga Italiya tare da matarsa Firiskila, gama Kalaudiyus ya umarci dukan Yahudawa su bar Roma. Sai Bulus ya tafi yă gan su, da yake shi ma mai ɗinkin tenti ne kamar su, sai ya zauna ya yi aiki tare da su.

A cikin jeji

• Musa ya gai da surukinsa, suka shiga tentiFit 18:7
  Ayoyin

  Fit 18:7Sai Musa ya tafi yă taryi surukinsa, ya sunkuya ya yi masa sumba. Suka gai da juna, sa’an nan suka shiga tenti.
• Isra’ila sun yi sansani bisa ga ƙungiyoyi, kowa a ƙarƙashin tutarsaƘid 1:52, Ƙid 2:2
  Ayoyin

  Ƙid 1:52Sauran Isra’ilawa za su zauna ƙungiya-ƙungiya, kowane mutum a ƙungiyarsa daidai bisa ga ƙa’idarsa.

  Ƙid 2:2“Duk sa’ad da Isra’ilawa suka yi sansani, kowane mutum zai sauka a inda tutar ƙungiyar kabilarsa take. Sansanin zai kasance a kewaye da Tentin Sujada.”
• Mutane sun tsaya a ƙofofin tentunansu suna kallon MusaFit 33:8
  Ayoyin

  Fit 33:8A sa’ad da kuma Musa ya fita zuwa Tentin, dukan mutanen sukan tashi su tsaya a ƙofofin tentinsu, suna kallon Musa, sai ya shiga tentin.
• Bala’am: “Ina misalin kyan tentunanka, ya Yaƙub”Ƙid 24:5
  Ayoyin

  Ƙid 24:5“Ina misalin kyan tentunanka, ya Yaƙub, wuraren zamanka, ya Isra’ila!
• Akan ya ɓoye azurfa da zinariya a ƙasa cikin tentinsaYosh 7:21–22
  Ayoyin

  Yosh 7:21–22A cikin ganimar, na ga doguwar riga mai kyau irin ta Babilon, da shekel ɗari biyu na azurfa, da kuma sandan zinariya mai nauyin shekel hamsin, sai raina ya so su, na kuwa kwashe su. Na tona rami a cikin ƙasa a tentina; na ɓoye.” Sai Yoshuwa ya aiki ’yan aika suka tafi da gudu zuwa tenti ɗin, haka kuwa suka same su a ɓoye a tentinsa, da azurfa a ƙarƙashi.

A cikin labarai

• Yayel ta ba Sisera madara a tentinta ta kashe shi da turken tentiMah 4:18–21, Mah 5:25–26
  Ayoyin

  Mah 4:18–21Yayel ta fito ta taryi Sisera ta ce masa, “Ranka yă daɗe, ka shigo, ka shigo ciki. Kada ka ji tsoro.” Saboda haka ya shiga cikin tentinta, sai ta rufe shi da bargo. Sai ya ce, “Ina roƙonki, ki ba ni ruwa in sha, ina jin ƙishirwa.” Sai ta buɗe salkar madara, ta ba shi ya sha, sai ta kuma rufe shi. Ya ce mata, “Ki tsaya a ƙofar tenti, in wani ya zo ya tambaye ki, ‘Akwai wani a nan?’ Ki ce masa ‘a’a.’ ” Amma Yayel, matar Heber, ta ɗauki turken tenti da guduma ta tafi wurinsa da sauri sa’ad da yake barci saboda gajiya. Ta kafa masa turken a gindin kunnensa ta haɗa shi da ƙasa, har ya mutu.

  Mah 5:25–26Ya nemi ruwa, ta kuwa ta ba shi madara; a ƙwaryar da ta dace da sarakuna ta kawo masa kindirmo. Hannunta ya ɗauki turken tenti, da hannunta na dama ta ɗauko guduma. Ta bugi Sisera, ta ragargaza kansa, ta ragargaza ta huda kunnensa.
• Midiyawa sun zo da dabbobinsu da tentunansu kamar fāraMah 6:5
  Ayoyin

  Mah 6:5Sukan zo da dabbobinsu da tentinsu kamar tarin fāri. Yana da wuya a ƙidaya yawan mutanen da kuma raƙumansu; sukan mamaye ƙasar don su lalatar da ita.
• Dawuda ya sa makaman Goliyat a cikin tentinsa1Sam 17:54
  Ayoyin

  1Sam 17:54Dawuda ya ɗauki kan Bafilistin zuwa Urushalima. Sai Dawuda ya ajiye kayan yaƙin Bafilistin a tentinsa.
• Uriya: akwatin alkawari, Isra’ila da Yahuda suna zama a tentuna2Sam 11:11
  Ayoyin

  2Sam 11:11Sai Uriya ya ce wa Dawuda, “Akwatin Alkawari, da Isra’ila, da Yahuda suna zama cikin tentuna, kuma maigidana Yowab da mutanen ranka yă daɗe suna a sansani a fili. Yaya zan je gidana in ci in sha in kuma kwana da matata? Muddin kana a raye, ba zan yi irin wannan abu ba!”
• “Kowa yă nufi tentinsa, ya Isra’ila!”2Sam 20:1, 1Sar 12:16
  Ayoyin

  2Sam 20:1Akwai wani mai tā-da-na-zaune-tsaye, sunansa Sheba, ɗan Bikri, daga kabilar Benyamin, a wurin. Sai ya busa ƙaho, ya yi ihu ya ce, “Ba mu da rabo a wurin Dawuda, ba mu da sashe a wurin ɗan Yesse! Kowa yă nufi tentinsa, ya Isra’ila!”

  1Sar 12:16Da dukan Isra’ila suka ga sarki ya ƙi yă saurare su, sai suka amsa wa sarki, “Ina ruwanmu da Dawuda! Ai! Ba mu da gādo wurin ɗan Yesse. Ya Isra’ila, kowa yă koma tentinsa! Dawuda, sai ka lura da gidanka!” Saboda haka Isra’ilawa suka watse zuwa gida.
• Sojojin Asa sun fāɗa wa tentunan makiyaya suka kwashe tumaki da raƙuma2Tar 14:15
  Ayoyin

  2Tar 14:15Suka kuma yaƙi sansanin makiyaya suka kwashe tumaki da awaki da raƙuma. Suka koma Urushalima.
• Akan tattara tentin makiyayi a kai shi wani wuriIsh 38:12
  Ayoyin

  Ish 38:12Kamar tentin makiyayi an rushe gidana aka kuma ƙwace ta daga gare ni. Kamar mai saƙa, na nannaɗe rayuwata, ya kuma yanke ni daga sandar saƙa; dare da rana ka kawo ni ga ƙarshe.