Wasaliti katika Biblia

Vifungu vya Swahili Unlocked Literal Bible (26), mstari kwa mstari, kutoka Nave’s Topical Bible.

Yuda

Yuda Iskariote, mmoja wa wale Kumi na Wawili, “aliyekuwa msaliti”Lk 6:16
Aya
Lk 6:16Yuda mwana Yakobo na Yuda Iskariote, ambaye alikuwa msaliti msaliti.
Akiwa mtunza mfuko wa fedha, alikuwa akiiba kutoka humoYn 12:6
Aya
Yn 12:6Naye aliyasema hayo, si kwa kuwahurumia maskini, bali kwa sababu alikuwa mwizi: yeye ndiye aliyeshika mfuko wa fedha na alikuwa anachukua baadhi ya vilivyowekwa humo kwa ajili yake mwenyewe.
Aliwauliza wakuu wa makuhani watampa nini: vipande thelathini vya fedhaMt 26:14–15
Aya
Mt 26:14–15Ndipo mmoja wa wale Kumi na wawili, aliyeitwa Yuda Iskariote, alienda kwa wakuu wa makuhani na kusema, “Mtanipatia nini nikimsaliti?” Wakampimia Yuda vipande thelathini vya fedha.
Tangu hapo alitafuta nafasi, mbali na umatiMt 26:16, Mk 14:11, Lk 22:6
Aya
Mt 26:16Tangu muda huo alitafuta nafasi ya kumsaliti.
Mk 14:11Wakati wakuu wa Makuhani waliposikia hivyo, walifurahi na wakaahidi kumpa fedha. Alianza kutafuta nafasi ya kumkabidhi kwao.
Lk 22:6Yeye aliridhia, na alitafuta fursa ya kumkabidhi Yesu kwao mbali na kundi la watu.
Wakati wa chakula Yesu alisema: “Mmoja wenu atanisaliti”Mt 26:21
Aya
Mt 26:21Walipokuwa wanakula chakula, alisema, “Kweli nawaambia kwamba mmoja wenu atanisaliti.”
Yuda: “Je, ni mimi, Rabi?”Mt 26:25
Aya
Mt 26:25Yuda, ambaye angemsaliti alisema, “Je!, Ni mimi Rabi?” Yesu akamwambia, “Umesema jambo hilo wewe mwenyewe.”
Yesu alimpa Yuda tonge lililochovywa, na Yuda akatoka usikuYn 13:26, Yn 13:30
Aya
Yn 13:26Kisha Yesu alijibu, “Ni kwake yule nitakaye chovya kipande cha mkate na kumpatia.” Hivyo alipo kuwa amechovya mkate, alimpatia Yuda mwana wa Simon Iskariote.
Yn 13:30Baada ya Yuda kupokea mkate, alitoka nje harak; na ilikuwa usiku.
Yuda aliijua bustani, kwa sababu Yesu mara nyingi alikutana humo na wanafunzi wakeYn 18:2
Aya
Yn 18:2Sasa yule Yuda, aliyetaka kumsaliti, naye alilijua eneo hilo, kwani Yesu alikuwa akienda hili eneo mara kadhaa akiwa na wanafunzi wake.
Alikuja na askari wenye taa, mienge na silahaYn 18:3
Aya
Yn 18:3Naye Yuda, baada ya kuwa amepata kundi la maaskari na maofisa toka kwa wakuu wa makuhani, wakaja wakiwa na taa, kurunzi na silaha.
Ishara: “Nitakayembusu ndiye”Mt 26:48–49, Mk 14:44–45
Aya
Mt 26:48–49Tena mtu aliyekusudia kumsaliti Yesu alikuwa amewapa ishara, akisema, “Yule nitakayembusu, ndiye yeye. Mkamateni.” Mara hiyo alikuja kwa Yesu na kusema, “Salamu, Mwalimu!” Na akambusu.
Mk 14:44–45Wakati huo msaliti wake alikuwa amewapa ishara, akisema, Yule nitakayembusu, ndiye. Mkamateni na kumpeleka chini ya ulinzi.” Wakati Yuda alipofika, moja kwa moja alienda kwa Yesu na kusema, “Mwalimu!” Na akambusu.
“Yuda, unamsaliti Mwana wa Adamu kwa busu?”Lk 22:47–48
Aya
Lk 22:47–48Wakati alipokuwa bado akiongea, tazama, kundi kubwa la watu likatokea, na Yuda, mmoja wa mitume kumi na wawili akiwaongoza. Akaja karibu na Yesu ili ambusu, lakini Yesu akamwambia, “Yuda, je unamsaliti Mwana wa Adamu kwa busu?”
Akiwa amejaa majuto, alirudisha fedha akajinyongaMt 27:3–5
Aya
Mt 27:3–5Kisha wakati Yuda, ambaye alikuwa amemsaliti, aliona kwamba Yesu amekwisha kuhukumiwa, alijuta na kurudisha vipande thelathini vya fedha kwa mkuu wa makuhani na wazee, na akasema, “Nimefanya dhambi kwa kuisaliti damu isiyo na hatia.” Lakini wakajibu, “Inatuhusu nini sisi? Yaangalie hayo mwenyewe.” Kisha alivirusha chini vile vipande vya fedha katika hekalu, na kuondoka zake na kujinyonga mwenyewe.
Fedha hiyo ilinunua shamba la mfinyanzi, lililoitwa Shamba la DamuMt 27:7–8
Aya
Mt 27:7–8Walijadiliana kwa pamoja na fedha ikatumika kununulia shamba la mfinyazi la kuzika wageni. Kwa sababu hii shamba hilo limekuwa likiitwa, “Shamba la damu” hadi leo hii.
Katika Matendo shamba linaitwa AkeldamaMdo 1:18–19
Aya
Mdo 1:18–19(Sasa mtu huyu alinunua eneo kwa kile alichokipokea kwa uovu wake na hapo alianguka akitanguliza kichwa, mwili ukapasuka na matumbo yake yote yakawa wazi yakamwagika. Wote walioishi Yerusalemu walisikia kuhusu hili, hivyo eneo hilo wakaliita kwa lugha yao “Akeldama” hilo ni “shamba la damu.”)

Wengine

Mtu wa Betheli aliwaonyesha wapelelezi njia ya kuingia; familia yake iliokolewaAmu 1:23–25
Aya
Amu 1:23–25Walipeleka watu kuipeleleza Betheli (jiji lililoitwa Luzu). Wapelelezi waliona mtu akitoka nje ya jiji, wakamwambia, “Tafadhali tuonyeshe jinsi ya kuingia ndani ya jiji, na tutakutendea mema.” Aliwaonyesha njia ya kuingia kwenye mji. Waliuteka mji kwa makali ya upanga, lakini wakamuacha mtu huyo na ndugu zake wote waondoke.
Kila mkuu wa Wafilisti alimwahidi Delila fedha kwa siri ya nguvu zakeAmu 16:5
Aya
Amu 16:5Wale wakuu wa Wafilisti wakamwendea, wakamwambia, “mdanganye Samsoni ili uone mahali zilipo nguvu zake kuu, na kwa namna gani tunaweza kumshinda, ili tumfunge na kumtesa. Fanya hili, na kila mmoja wetu atakupa vipande 1,100 vya fedha.”
Samsoni alipomweleza siri yake, aliwaita, nao wakaleta fedhaAmu 16:18
Aya
Amu 16:18Delila alipoona kwamba amemwambia ukweli juu ya kila kitu, akawatuma na kuwaita watawala wa Wafilisti, akisema, “Njooni tena, kwa maana ameniambia kila kitu.” Ndipo wakuu wa Wafilisti wakamwendea, wakaleta fedha mkononi mwao.
Doegi Mwedomu alimwambia Sauli kuwa kuhani wa Nobu alimsaidia Daudi1 Sam 22:9–10
Aya
1 Sam 22:9–10Kisha Doegi Mwedomu, aliyesimama karibu na watumishi wa Sauli, akajibu, Nilimwona mwana wa Yese akienda Nobu, kwa Ahimeleki mwana wa Ahitubu. Alimwomba BWANA ili apate kumsaidia, na alimpatia mahitaji na upanga wa Goliathi, Mfilisti”
Daudi anagundua kuwa wenyeji wa Keila wangemtoa kwa Sauli1 Sam 23:12
Aya
1 Sam 23:12Kisha Daudi akauliza, “Je, watu wa Keila watanisalimisha mimi na watu wangu katika mkono wa Sauli?” BWANA akasema, “Watu hao watawasalimisha kwao.”
Ahithofeli, mshauri wa Daudi, alijiunga na njama ya Absalomu2 Sam 15:12, 2 Sam 15:31
Aya
2 Sam 15:12Absalomu akitoa dhabihu, alituma watu kwa Ahithofeli katika mji wake huko Gilo. Yeye alikuwa mshauri wa Daudi. Uaini wa Absalomu ukawa na nguvu kwa kuwa watu waliomfuata waliendelea kuongezeka.
2 Sam 15:31Mtu mmoja akamwambia Daudi kusema, Ahithofeli ni miongoni mwa waaini walio pamoja na Absalomu.” Hivyo Daudi akaomba, “Ee Yahwe, tafadhari badili ushauri wa Ahithofeli kuwa upumbavu.”
Shauri lake lisipofuatwa, Ahithofeli alikwenda nyumbani akajinyonga2 Sam 17:23
Aya
2 Sam 17:23Ikawa Ahithofeli alipoona kwamba ushauri wake haukufuatwa, akapanda punda wake na kuondoka. Akaenda nyumbani katika mji wake mwenyewe, akaweka mambo yake katika utaratibu na kisha akajinyonga. Kwa hiyo akafa na kuzikwa katika kaburi la baba yake.

Vyanzo

Kutoka Biblia ya Mada ya Nave (Orville J. Nave, 1896; mali ya umma): mada zimechaguliwa, mistari imefupishwa kwa lugha ya sasa, bila tafsiri za maana; kila aya imehakikiwa.