Viriba, mitungi na chupa katika Biblia

Vifungu vya Swahili Unlocked Literal Bible (31), mstari kwa mstari, kutoka Nave’s Topical Bible.

Viriba vya maji, divai na maziwa

Abraham alimpa Hagari mkate na kiriba cha majiMwa 21:14
Aya
Mwa 21:14Abraham akaamka asubuhi na mapema, akachukua mkate na kiriba cha maji, akampatia Hajiri, akiweka juu ya bega lake. Akamtoa kijana akampatia Hajiri na akawaondoa. Hajiri akaondoka akapotea katika jangwa la Beerisheba.
Kiriba kilipoisha, aliona kisima akakijazaMwa 21:15, Mwa 21:19
Aya
Mwa 21:15Maji yalipokwisha kwenye kiriba akamtelekeza kijana katika moja ya vichaka.
Mwa 21:19Kisha Mungu akayafunua macho ya Hajiri, natazama akaona kisima cha maji. Akaenda akajaza kiriba maji, na akampatia kijana akanywa.
Yaeli alimnywesha Sisera kutoka kiriba cha maziwaAmu 4:19
Aya
Amu 4:19Akamwambia, Tafadhali nipe maji kidogo ninywe, kwa maana nina kiu. Alifungua mfuko wa ngozi ya maziwa akampa anywe, kisha akamfunika tena.
Wagibeoni walionyesha viriba vya divai vya zamani, vilivyopasuka na kushonwaYos 9:4, Yos 9:13
Aya
Yos 9:4walipanga mpango wa udanganyifu. Walienda kama wajumbe. Walichukua magunia yaliyochakaa na kuyaweka juu ya punda. Walichukua pia viriba vilivyochakaa na kuchanika chanika na vilivyozibwa zibwa.
Yos 9:13Viriba hivi vilikuwa vipya tulipovijaza, na tazama, sasa vinavuja. Nguo zetu na viatu vyetu vimechakaa na kuwa vikuukuu kwasababu ya safari ndefu.”
Hana alimleta Samweli Shilo pamoja na fahali, unga na kiriba cha divai1 Sam 1:24
Aya
1 Sam 1:24Alipokuwa amemwachisha kunyonya, alimbeba, akimchukua pamoja ng'ombe dume wa miaka mitatu, unga kama kilo thelathini na chupa ya mvinyo, akampeleka katika nyumba ya BWANA huko Shilo. Na mtoto huyo alikuwa bado mdogo.
Watu watatu waendao Betheli: wana mbuzi, mikate mitatu na kiriba cha divai1 Sam 10:3
Aya
1 Sam 10:3Kisha utakwenda mbele kutoka hapo, na utafika katika mwaloni wa Tabori. Utakutana na watu watatu hapo wakienda kwa Mungu huko Betheli, mmoja akibeba wana-mbuzi watatu, mwingine akibeba mikate mitatu, na mwingine akibeba kiriba cha divai.
Yese alimtuma Daudi kwa Sauli na mkate, kiriba cha divai na mwana mbuzi1 Sam 16:20
Aya
1 Sam 16:20Yese akamchukua punda aliyebeba mikate, na kiriba cha divai, na mwana-mbuzi, na akamtuma kwa Sauli pamoja na vitu hivyo.
Abigaili alimletea Daudi viriba viwili vya divai na chakula kingi1 Sam 25:18
Aya
1 Sam 25:18Ndipo Abigaili akaharakisha na akachukuwa mikate mia mbili, chupa mbili za divai, kondoo watano waliokwisha andaliwa, vipimo vitano vya bisi, vishada mia moja vya zabibu, na mikate mia mbili ya tini na akavipakia juu ya punda.
Siba alikutana na Daudi na punda waliobebeshwa mizigo na kiriba cha divai2 Sam 16:1
Aya
2 Sam 16:1Daudi alipokuwa amekwenda kitambo juu ya kilele cha kilima, Siba mtumishi wa Mefiboshethi akaja kumlaki akiwa na punda wawili waliokuwa wamebeba vipande mia mbili vya mikate, vishada mia moja vya mizeituni, vishada mia moja vya tini na mfuko wa ngozi uliojaa mvinyo.
Yesu: hakuna anayetia divai mpya katika viriba vikuukuuMt 9:17, Mk 2:22, Lk 5:37–38
Aya
Mt 9:17Hakuna watu wanaoweka mvinyo mpya katika chombo cha mvinyo wa zamani, ikiwa watafanya, ngozi itachanika, mvinyo utatoweka na ngozi itaharibika. Badala yake, huweka mvinyo mpya katika ngozi mpya na vyote vitakuwa salama.
Mk 2:22Hakuna mtu atiaye divai mpya katika viriba vikuukuu, vinginevyo divai itavipasua viriba na vyote viwili divai na viriba vitapotea. Badala yake, weka divai mpya katika viriba vipya.”
Lk 5:37–38pia, hakuna mtu ambaye huweka divai mpya kwenye viriba vikuukuu. Kama akifanya hivyo, divai mpya ingepasua kile chombo, na divai ingemwagika, na viriba vingeharibika. Lakini divai mpya lazima iwekwe kwenye viriba vipya.
Elihu: tumbo langu karibu lipasuke kama kiriba kipyaAyu 32:19
Aya
Ayu 32:19Tazama, kifua changu ni kama divai yenye chachu ambayo haina tundu; kama viriba vipya, kiko tayari kupasuka.
Mtunga zaburi: kama kiriba kilichokaushwa na moshiZab 119:83
Aya
Zab 119:83Kwa maana nimekuwa kama kiriba katika moshi; sisahau sheria zako.
Mtunga zaburi: “Yatie machozi yangu katika chupa yako”Zab 56:8
Aya
Zab 56:8Wewe unahesabu kutangatanga kwangu na kuweka machozi yangu kwenye chupa yako; je, hayako kitabuni mwako?

Mitungi na chupa

Rebeka alitoka na mtungi wake beganiMwa 24:15
Aya
Mwa 24:15Ikawa kwamba hata kabla hajamaliza kuzungumza, tazama, Rebeka akaja akiwa na mtungi wake wa maji begani mwake. Rebeka alizaliwa na Bethueli mwana wa Milka, mke wa Nahori, ndugu yake na Abraham.
Watu wa Gideoni walibeba mienge ndani ya mitungi na kuivunjaAmu 7:16, Amu 7:19–20
Aya
Amu 7:16Akawagawa watu mia tatu katika makundi matatu, na akawapa tarumbeta zote na mitungi tupu, na taa ndani ya kila mtungi.
Amu 7:19–20Basi Gideoni na watu mia moja waliokuwa pamoja naye walifika mwisho wa kambi, hapo mwanzoni mwa saa ya kati. Wakati Wamidiani walikuwa wakibadilisha walinzi, walipiga tarumbeta na kuvunja mitungi iliyokuwa mikononi mwao. Vikosi vitatu vilipiga tarumbeta na kuvunja mitungi. Walikuwa na taa katika mikono yao ya kushoto na tarumbeta katika mikono yao ya kulia ili kuwapiga. Walipiga kelele, “Upanga wa Bwana na wa Gideoni.”
Samweli alimimina chupa ya mafuta juu ya kichwa cha Sauli1 Sam 10:1
Aya
1 Sam 10:1Ndipo Samweli akachukua chupa ya mafuta, akayamimina juu ya kichwa cha Sauli, na akambusu. Akasema, “Je, Mungu hajakutia mafuta uwe mtawala juu ya urithi wake?
Daudi alichukua mkuki na gudulia la maji kichwani pa Sauli aliyelala1 Sam 26:12
Aya
1 Sam 26:12Hivyo Daudi akachukua mkuki na jagi la maji kutoka kichwani pa Daudi, wakatoweka. Hakuna mtu aliyewaona au kufahamu habari hii, wala hakuna aliyetoka usingizini, maana wote walisinzia, kwa sababu usingizi mzito kutoka kwa BWANA uliwaangukia.
Mjane wa Sarepta alikuwa na konzi ya unga katika mtungi na mafuta kidogo1 Fal 17:12
Aya
1 Fal 17:12Naye akamjibu, “Kama BWANA Mungu wako aishivyo, sina mkate wowote, bali konzi moja ya unga katika chombo na mafuta kidogo kwenye chupa. Tazama, ninaokota kuni mbili ili niende kupika kwa ajili yangu na mwanangu, ili tule, na tusubiri kufa.”
Mjane alimimina mafuta hadi vyombo vilipokwisha2 Fal 4:2–6
Aya
2 Fal 4:2–6Hivyo Elisha akamwambia, “Nikusaidie nini? Niambie una nini kwenye nyumba yako?” Akamwambia “Mtumishi wako hana kitu kwenye nyumba, isipokuwa chupa ya mafuta.” Kisha Elisha akasema, “Nenda kaazime vyombo kwa majirani zako, vyombo vitupu. Azima vyombo vingi uwezavyo. Kisha lazima uende ndani na kujifungia mlango wewe na watoto wako, na kumiminia mafuta vyombo vyote; vile vilivyojaa ukavitenge.” Basi akamuacha Elisha na kujifungia mlango yeye na watoto wake. Wakavileta vile vyombo kwake, na akivijaza kwa mafuta. Ikawa vyombo vilipojaa, akamwambia mtoto wake, “Niletee chombo kingine.” Ila akamwambia, “Hakuna vyombo vingine.” Kisha mafuta yakakoma kutoka.
Elisha alimtuma nabii kijana na chupa ya mafuta kwenda Ramoth Gileadi2 Fal 9:1
Aya
2 Fal 9:1Nabii Elisha akamwita mmoja wa watoto wa manabii na kumwambia, “Vaa kwa kwa safari, halafu chukua hii chupa ndogo ya mafuta kwenye mikono yako na uende Romoth Geliadi.
Yeremia alinunua gudulia la udongo la mfinyanzi na kulivunja mbele ya wazeeYer 19:1, Yer 19:10
Aya
Yer 19:1Bwana akasema hivi, “Nenda ukanunue chupa ya udongo wakati ukiwa na wazee wa watu na makuhani.
Yer 19:10Kisha utavunja chupa ya udongo mbele ya watu ambao walikwenda pamoja nawe.
Huko Kana mitungi sita ya mawe, galoni ishirini hadi thelathini kila mmoja, ilijazwa hadi juuYn 2:6–7
Aya
Yn 2:6–7Basi kulikuwa na mitungi sita ya mawe pale iliyowekwa kwa ajili ya kunawa katika sikukuu za Wayahudi, kila moja lilikuwa na ujazo wa nzio mbili tatu. Yesu akawambia, “Ijazeni maji mitungi ya mawe.” Wakajaza hadi juu.
Mtu anayebeba mtungi wa maji angewaongoza wanafunziMk 14:13
Aya
Mk 14:13Aliwatuma wanafuzi wake wawili na kuwaambia, “Nendeni mjini, na mwanamume ambaye amebeba mtungi ataonana nanyi. Mfuateni.
Mwanamke Msamaria aliacha mtungi wake wa maji akaenda mjiniYn 4:28
Aya
Yn 4:28Hivyo mwanamke akauacha mtungi wake na akaenda mjini na akawambia watu,
Mwanamke alivunja chupa ya alabasta ya nardo na kuimimina kichwani pa YesuMk 14:3
Aya
Mk 14:3Wakati Yesu alipokuwa Bethania nyumbani kwa Simoni mkoma, na alipokuwa akielekea mezani, mwanamke mmoja alikuja kwake akiwa na chupa ya marashi ya nardo safi yenye gharama kubwa sana, aliivunja chupa na kuimimina juu ya kichwa chake.

Vyanzo

Kutoka Biblia ya Mada ya Nave (Orville J. Nave, 1896; mali ya umma): mada zimechaguliwa, mistari imefupishwa kwa lugha ya sasa, bila tafsiri za maana; kila aya imehakikiwa.