Maciya amana a cikin Littafi Mai Tsarki

Nassosin Littafi Mai Tsarki, Sabon Rai Don Kowa (26), layi bayan layi, daga Nave’s Topical Bible.

Yahuda

Yahuda Iskariyot, ɗaya daga cikin Sha Biyun, “wanda ya bashe Yesu”Luk 6:16
Ayoyin
Luk 6:16Yahuda ɗan Yaƙub, da kuma Yahuda Iskariyot, wanda ya bashe Yesu.
Da yake shi ne mai riƙe jakar kuɗi, yakan ɗiba daga cikiYoh 12:6
Ayoyin
Yoh 12:6Ya yi wannan magana ba don ya kula da matalauta ba ne, sai dai don shi ɓarawo ne. Da yake shi ne mai ajiya jakar kuɗin, yakan taimaki kansa da abin da aka sa a ciki.
Ya tambayi manyan firistoci abin da za su ba shi: azurfa talatinMat 26:14–15
Ayoyin
Mat 26:14–15Sai ɗaya daga cikin Sha Biyun nan, wanda ake kira Yahuda Iskariyot, ya je wurin manyan firistoci ya ce, “Me za ku ba ni, in na bashe shi gare ku?” Sai suka ƙirga masa kuɗi azurfa talatin.
Tun daga lokacin ya nemi zarafi, nesa da taron jama’aMat 26:16, Mar 14:11, Luk 22:6
Ayoyin
Mat 26:16Daga wannan lokaci, Yahuda ya yi ta neman zarafin da zai miƙa shi.
Mar 14:11Suka yi murna da jin haka, suka yi alkawari za su ba shi kuɗi. Don haka, ya fara neman zarafi yă ba da shi.
Luk 22:6Ya ko yarda, ya fara neman zarafin da zai ba da Yesu a gare su, sa’ad da taro ba sa nan tare da shi.
Wurin cin abinci Yesu ya ce: “ɗayanku zai bashe ni”Mat 26:21
Ayoyin
Mat 26:21Yayinda suke cin abinci, sai ya ce, “Gaskiya nake gaya muku, ɗayanku zai bashe ni.”
Yahuda: “Tabbatacce ba ni ba ne, ko, Rabbi?”Mat 26:25
Ayoyin
Mat 26:25Sa’an nan Yahuda, wanda zai bashe shi ya ce, “Tabbatacce ba ni ba ne, ko, Rabbi?” Yesu ya amsa ya ce, “I, kai ma ka fada.”
Yesu ya ba Yahuda gutsuren da ya tsoma, Yahuda kuma ya fita cikin dareYoh 13:26, Yoh 13:30
Ayoyin
Yoh 13:26Yesu ya amsa ya ce, “Shi ne wanda zan ba shi gutsurin burodin nan sa’ad da na tsoma cikin kwanon.” Da ya tsoma gutsurin burodin, sai ya ba wa Yahuda Iskariyot, ɗan Siman.
Yoh 13:30Nan da nan da Yahuda ya karɓi burodin, sai ya fita. A lokacin kuwa dare ya yi.
Yahuda ya san lambun, domin Yesu yakan sadu da almajiransa a canYoh 18:2
Ayoyin
Yoh 18:2To, Yahuda, wanda ya bashe shi, ya san wurin, domin Yesu ya sha zuwa wurin da almajiransa.
Ya zo da sojoji ɗauke da fitilu, cociyoyi da makamaiYoh 18:3
Ayoyin
Yoh 18:3Saboda haka Yahuda ya zo cikin lambun, yana jagoranta ƙungiyar sojoji da waɗansu ma’aikata daga wurin manyan firistoci da Farisiyawa. Suna riƙe da toci, fitilu da kuma makamai.
Alamar: “Wanda na yi wa sumba, shi ne mutumin”Mat 26:48–49, Mar 14:44–45
Ayoyin
Mat 26:48–49To, mai bashe shi ɗin, ya riga ya shirya alama da su, “Wanda na yi masa sumba, shi ne mutumin; ku kama shi.” Da zuwansa, sai ya miƙe zuwa wurin Yesu ya ce, “Gaisuwa, Rabbi!” Sa’an nan ya yi masa sumba.
Mar 14:44–45Mai bashe shi ɗin ya riga ya shirya alama da su cewa, “Wanda na yi wa sumba, shi ne mutumin, ku kama shi, ku riƙe sosai.” Nan da nan Yahuda ya je wurin Yesu ya ce, “Rabbi!” Ya kuma yi masa sumba.
“Yahuda, ashe, da sumba za ka bashe Ɗan Mutum?”Luk 22:47–48
Ayoyin
Luk 22:47–48Yana cikin magana sai ga taro sun zo. Mutumin nan da ake kira Yahuda, ɗaya daga cikin Sha Biyun, shi ya bi da su. Sai ya matso kusa da Yesu don yă yi masa sumba. Amma Yesu ya tambaye shi ya ce, “Yahuda, ashe, da sumba za ka bashe Ɗan Mutum?”
Cike da nadama, ya mayar da azurfar ya rataye kansaMat 27:3–5
Ayoyin
Mat 27:3–5Sa’ad da Yahuda, wanda ya bashe Yesu, ya ga an yanke wa Yesu hukuncin kisa, sai ya yi “da na sani.” Ya je mayar wa manyan firistoci da dattawan kuɗin azurfa talatin ɗin. Ya ce, “Na yi zunubi da na ci amanar marar laifi.” Suka ce masa, “Ina ruwanmu da wannan? Wannan dai ruwanka ne.” Sai Yahuda ya zubar da kuɗin a cikin haikalin ya tafi. Sa’an nan ya je ya rataye kansa.
Kuɗin sun sayi filin maginin tukwane, da ake kira Filin JiniMat 27:7–8
Ayoyin
Mat 27:7–8Saboda haka, sai suka yanke shawara su yi amfani da kuɗin suka sayi filin mai yin tukwane, saboda binne baƙi. Shi ya sa ake kiran filin, Filin Jini har yă zuwa yau.
A Ayyukan Manzanni ana kiran filin AkeldamaAyy M 1:18–19
Ayoyin
Ayy M 1:18–19(Da ladar da ya samu saboda muguntarsa Yahuda ya sayi wani fili; a can ya fāɗi da kā, jikinsa ya fashe, hanjinsa kuma duk suka zubo. Kowa a Urushalima ya ji game da wannan, saboda haka suka kira wannan filin Akeldama, da yarensu, wato, Filin Jini.)

Waɗansu

Wani mutumin Betel ya nuna wa ’yan leƙen asiri hanyar shiga; an bar iyalinsa da raiMah 1:23–25
Ayoyin
Mah 1:23–25Sa’ad da suka aike mutane don su leƙi asirin Betel (da dā ake kira Luz), ’yan leƙen asirin suka ga wani ya fito daga birnin sai suka ce masa, “Ka nuna mana yadda za mu shiga birnin, mu kuwa za mu yi maka alheri.” Saboda haka ya nuna musu, suka kuwa hallaka birnin, suka bar mutumin da dukan iyalinsa da rai.
Kowane sarkin Filistiyawa ya yi wa Delila alkawarin azurfa saboda asirin ƙarfinsaMah 16:5
Ayoyin
Mah 16:5Sai shugabannin Filistiyawa suka tafi wurinta suka ce, “Ki yi ƙoƙari ki ga ko za ki rarrashe shi yă nuna miki asirin ƙarfinsa da yadda za mu iya shan ƙarfinsa don mu ɗaura shi mu yi nasara a kansa. Kowannenmu zai ba ki shekel dubu ɗari ɗaya na azurfa.”
Da Samson ya faɗa asirinsa, ta aika a kira su, suka kuma kawo kuɗinMah 16:18
Ayoyin
Mah 16:18Da Delila ta gane ya gaya mata kome yanzu, sai ta aika saƙo zuwa ga shugabannin Filistiyawa ta ce, “Ku ƙara zuwa sau ɗayan nan, ai, ya gaya mini kome.” Saboda haka shugabannin Filistiyawa suka dawo tare da azurfa a hannuwansu.
Doyeg mutumin Edom ya gaya wa Shawulu cewa firist a Nob ya taimaki Dawuda1Sam 22:9–10
Ayoyin
1Sam 22:9–10Amma Doyeg mutumin Edom da yake tsaye tare da fadawan Shawulu ya ce, “Na ga ɗan Yesse ya zo wurin Ahimelek ɗan Ahitub a Nob. Ahimelek ya roƙi Ubangiji saboda shi, ya kuma ba shi guzuri da takobin Goliyat Bafilistin.”
Dawuda ya ji cewa mutanen Keyila za su ba da shi ga Shawulu1Sam 23:12
Ayoyin
1Sam 23:12Dawuda ya sāke cewa, “Mutanen Keyila za su bashe ni da mutanena ga Shawulu?” Ubangiji ya ce, “Za su yi.”
Ahitofel, mashawarcin Dawuda, ya haɗa kai da maƙarƙashiyar Absalom2Sam 15:12, 2Sam 15:31
Ayoyin
2Sam 15:12Yayinda Absalom yake miƙa hadaya, ya aika a kira Ahitofel mutumin Gilo, mai ba wa Dawuda shawara, yă zo daga Gilo garinsa. Ta haka makircin ya ƙara ƙarfi, masu bin Absalom kuma suka yi ta ƙaruwa.
2Sam 15:31To, an gaya wa Dawuda cewa, “Ahitofel yana cikin waɗanda suka hadasa maƙarƙashiya tare da Absalom.” Saboda haka Dawuda ya yi addu’a ya ce, “Ya Ubangiji ka mai da shawarar Ahitofel ta zama shiririta.”
Da ba a bi shawararsa ba, Ahitofel ya tafi gida ya rataye kansa2Sam 17:23
Ayoyin
2Sam 17:23Da Ahitofel ya ga ba a bi shawararsa ba, sai ya hau jakinsa ya koma gidansa a garinsu. Ya kintsa gidansa sa’an nan ya rataye kansa. Ta haka ya mutu, aka kuma binne shi a kabarin mahaifinsa.

Tushe

Daga Nave’s Topical Bible (Orville J. Nave, 1896; na kowa): an zaɓi jigogi, an taƙaita layuka an kuma sa su cikin kalmomin zamani, an bar layukan fassarar ma’ana; an duba kowace aya.

Littafi Mai Tsarki, Sabon Rai Don Kowa · © 2009, 2020 Biblica, Inc., CC BY-SA 4.0; changed: footnotes, headings and the letters over Psalm 119 left out, verses in the app's numbering. The original work by Biblica, Inc. is available for free at www.biblica.com and open.bible.