Wazimu, wa kweli na wa kujifanya katika Biblia

• Mithali: anayedanganya na kusema “Nilikuwa natania” ni kama mwendawazimuMit 26:18–19
  Aya

  Mit 26:18–19Kama mtu mwendawazimu anayetupa mishale, ndivyo alivyo ambaye humdanganya jirani yake na kusema, “ Je sikuwa naongea utani?”

Daudi huko Gathi

• Akimkimbia Sauli, Daudi alifika kwa Akishi, mfalme wa Gathi1 Sam 21:10
  Aya

  1 Sam 21:10Daudi aliamka na kukimbia mbali na Sauli na akaenda kwa Akishi, mfalme wa Gathi.
• Watumishi wa Akishi walimtambua, na Daudi akaogopa sana1 Sam 21:11–12
  Aya

  1 Sam 21:11–12Mtumishi wa Akishi akamwambia, “huyu siye Daudi mfalme wa nchi hii? Je, wanawake hawakupokezana wakiimba na kucheza, 'Sauli ameua maelfu yake, na Daudi makumi elfu yake?”' Daudi akayaweka maneno hayo moyoni mwake na akamwogopa sana Akishi, mfalme wa Gathi.
• Alijifanya mwendawazimu, akikwaruza milango ya lango, mate yakimtiririka ndevuni1 Sam 21:13
  Aya

  1 Sam 21:13Daudi akabadili mwenendo wake mbele yao na akajifanya kuwa mwendawazimu machoni pao; akachora-chora alama kwenye vizingiti vya milango huku akitiririsha mate yake chini ya ndevu zake.
• Akishi: “Je, nimepungukiwa na wendawazimu?”1 Sam 21:14–15
  Aya

  1 Sam 21:14–15Ndipo Akishi akawaambia watumishi wake, “Tazameni, mnaona mtu huyu ni mwehu. Kwa nini mmemleta kwangu? Je, mimi nina haja na wehu, kumbe mmemleta mtu huyu ili anifanyie hayo mbele yangu? Hivi kweli huyu ataingia nyumbani mwangu?
• Kichwa cha Zaburi 34 kinakumbuka hilo: alijifanya mwendawazimuZab 34:1
  Aya

  Zab 34:1Zaburi ya Daudi; wakati alipojifanya kuwa mwendawazimu mbele ya Abimeleki, ambaye alimtoa yeye nje. Nitamsifu Yahwe wakati wote, siku zote sifa zake zitakuwa mdomoni mwangu.

Wengine

• Sauli, akisumbuliwa na roho ya huzuni, alitulizwa na kinubi cha Daudi1 Sam 16:14–16, 1 Sam 16:23
  Aya

  1 Sam 16:14–16Basi Roho wa BWANA akamwacha Sauli, badala yake roho ya ubaya kutoka kwa BWANA ikamsumbua. Watumishi wa Sauli wakamwambia, “Tazama, roho ya ubaya kutoka kwa Mungu inakusumbua. Haya bwana wetu hebu sasa amuru watumishi wako walio mbele yako wamtafute mtu mwenye ujuzi wa kupiga kinubi. Basi ikwa roho wa ubaya kutoka kwa Mungu yuko juu yako, atakipiga kinubi nawe utajisikia vizuri.”

  1 Sam 16:23Wakati wowote roho ya usumbufu kutoka kwa Mungu ikiwapo juu ya Sauli, Daudi alichukuwa kinubi na kukipiga. Hivyo Sauli angeburudishwa na kupona, na huyo roho wa usumbufu angemtoka.
• Baadaye, Daudi alipokuwa akipiga kinubi, Sauli alimtupia mkuki1 Sam 18:10–11
  Aya

  1 Sam 18:10–11Kesho yake yule roho ya ubaya kutoka kwa Mungu ikamwingia Sauli kwa nguvu. Naye akawa anafanya kama mwendawazimu nyumbani mwake. Hivyo Daudi akapiga kifaa chake, kama alivyofanya kila siku. Sauli alikuwa na mkuki wake mkononi. Sauli akatupa mkuki wake, kwani alifikiri, “Nitampigilia ukutani.” Lakini Daudi mara mbili aliepa uwepo wa Sauli.
• Nebukadneza alikula majani kama ng’ombe; nywele zake zilikua kama manyoya ya taiDan 4:33
  Aya

  Dan 4:33Agizo hili kinyume na Nebukadneza lilitekelezwa ghafla. Aliondolewa miongoni mwa watu. Alikula majani kama ng'ombe, na mwili wake ulilowa kwa umande wa kutoka mbinguni. Nywele zake zilirefuka kama manyoa ya tai, na makucha yake yalikuwa kama makucha ya ndege.
• Akili zake zilimrudia, naye akarudishwa katika kiti chake cha enziDan 4:34, Dan 4:36
  Aya

  Dan 4:34Na katika mwisho wa siku, mimi, Nebukadneza niliinua macho yangu kuelekea mbinguni, utimamu wa akili nilirudishiwa. “Nilimsifu Mungu Aliye Juu sana, na nilimheshimu na kumtukuza yeye aishiye milele. Kwa kuwa utawala wake ni wa milele, na ufalme wake unadumu katoka katika vizazi vyote hadi vizazi vyote.

  Dan 4:36Kwa wakati ule ule utimamu wa akili zangu uliponirudia, utukufu wangu na fahari yangu ilinirudia kwa ajili ya utukufu wa ufalme wangu. Washauri wangu na watu wenye heshima walitafuta msaada wangu. Nilirudishwa kwenye kiti changu cha enzi, na nilipewa ukuu zaidi.
• Mlinzi: anaendesha kama Yehu, kama mwendawazimu!2 Fal 9:20
  Aya

  2 Fal 9:20Tena yule mlinzi akatoa taarifa, “Amekwisha kuonana nao, lakini hatorudi. Kwa kuwa hilo gari la farasi limekuwa likiendeshwa ndivyo ambavyo Yehu mwana wa Nimshi aendeshavyo; anaendesha kwa kasi.”
• Maafisa wenzake Yehu wanamwita nabii kijana “mwendawazimu huyu”2 Fal 9:11
  Aya

  2 Fal 9:11Kisha Yehu akatoka kwenda kwa watumishi wa bwana wake, na mmoja akamwambia, “Je kila kitu kiko sawa? Kwa nini huyu mwenda wazimu amekuja kwako?” Yehu akawajibu, “Mnamjua huyo mtu na mambo asemayo.”
• Barua: kila mwendawazimu anayejifanya nabii atiwe mkataleYer 29:26
  Aya

  Yer 29:26“Yahwe aliwafanya ninyi kuwa makuhani badala ya Yehoyada kuhani, ili muwe wasimamizi wa nyumba ya Yahwe. Ninyi ni viongozi wa watu wote wajitiao wazimu na kujifanya wenyewe manabii. Mtawaweka katika mkatale na minyororo.
• Mtu aliyeishi makaburini alivunja minyororo yake na kujikata kwa maweMk 5:3–5
  Aya

  Mk 5:3–5Mtu huyu aliishi makaburini. Hakuna aliyeweza kumzuia zaidi, hakuna hata kwa minyororo. Alikuwa amefungwa nyakati nyingi kwa pingu na minyororo. Aliikata minyororo na pingu zake zilivunjwa. Hakuna hata mmoja aliyekuwa na nguvu za kumshinda. Usiku na mchana akiwa makaburini na milimani, alilia na kujikata yeye mwenyewe kwa mawe makali.
• Baadaye watu walimwona amevaa nguo na akili zake timamuMk 5:15
  Aya

  Mk 5:15Ndipo walikuja kwa Yesu na walimwona mtu aliyepagawa na pepo—aliyekuwa na Jeshi—amekaa chini, amevikwa, na akiwa katika akili yake timamu, nao waliogopa.
• Familia ya Yesu walikwenda kumchukua: “Amerukwa na akili”Mk 3:21
  Aya

  Mk 3:21Familia yake waliposikia habari hiyo, walienda kumkamata, kwani walisema, “ Amerukwa na akili”.
• Wengine walisema kuhusu Yesu: “Ana pepo na ni mwendawazimu”Yn 10:20
  Aya

  Yn 10:20Wengi wao wakasema, “Ana pepo na ni kichaa. Kwa nini mnamsikiliza?”
• Roda anasema Petro yuko langoni; “Umerukwa na akili”Mdo 12:13–15
  Aya

  Mdo 12:13–15Alipobisha kwenye mlango wa kizuizi, mtumishi mmoja msichana anayeitwa Roda akaja kufungua. Alipotambua ni sauti ya Petro, kwa furaha akashindwa kuufungua mlango; badala yake, akakimbia ndani ya chumba; na kuwajulisha kuwa Petro amesimama mbele ya Mlango. Hivyo, Wakasema kwake, “Wewe ni mwendawazimu” lakini alikazia kuwa ni kweli ni yeye. Wakasema “Huyo ni malaika wake.”
• Festo: “Paulo, wewe una wazimu!” Paulo: “Sina wazimu”Mdo 26:24–25
  Aya

  Mdo 26:24–25Paulo alipomaliza kujitetea, Festo alisema kwa sauti kubwa, 'Paulo, wewe ni mwendawazimu! masomo yako yamekufanya uwe mwendawazimu. Lakini Paulo akasema, Mimi si mwendawazimu, mheshimiwa Festo; lakini kwa ujasiri nasema maneno ya ukweli mtupu.
• Paulo: wote wakinena kwa lugha, wageni watasema mna wazimu1 Kor 14:23
  Aya

  1 Kor 14:23Haya, ikiwa kanisa lote limekusanyika pamoja na wote wanene kwa lugha, na wageni na wasioamini wameingia, je hawawezi kusema kwamba mna wazimu?