Kalakalan at mga mangangalakal sa Bibliya

• Tinimbang ni Abraham ang pilak “ayon sa pamantayan ng mga mangangalakal”Gen 23:16
  Ang mga talata

  Gen 23:16Nakinig si Abraham kay Efron at tinimbang ni Abraham sa harap ni Efron ang halaga ng pilak na kanyang sinasabi na naririnig ng mga anak ni Het, apatnaraang shekel ng pilak, ayon sa pamantayang panukat ng mga mangangalakal.
• Nagdala ang isang karabana ng mga Ismaelita ng mga pabango, balsamo at mira sa EhiptoGen 37:25
  Ang mga talata

  Gen 37:25Umupo sila para kumain ng tinapay. Tumingala sila at tumingin, at masdan, may paparating na isang karawan ng mga Ismaelita mula sa Gilead, kasama ang kanilang mga kamelyo na may dala-dalang mga sahog at balsamo at mira. Naglalakbay sila ay para dalhin ang mga iyon pababa sa Ehipto.
• Ipinagbili si Jose sa mga mangangalakal sa halagang dalawampung siklong pilakGen 37:28, Gen 37:36
  Ang mga talata

  Gen 37:28Dumaan ang mga mangangalakal na Midianita. Inihaon si Jose ng kanyang mga kapatid at iniakyat pataas mula sa balon. Ipinagbili nila si Jose sa mga Ismaelita para sa dalawampung pirasong pilak. Dinala si Jose ng mga Ismaelita sa Ehipto.

  Gen 37:36Ipinagbili siya ng mga Midianita sa Ehipto kay Potipar, isang opisyal ni Paraon, na kapitan ng bantay.
• Nagpadala si Hiram ng sedar at sipres; nagbayad si Solomon ng trigo at langis ng olibo1 Hari 5:8–11, 2 Cro 2:15
  Ang mga talata

  1 Hari 5:8–11Nagpadala ng salita si Hiram kay Solomon na nagsasab, “Narinig ko ang mensahe na ipinadala mo sa akin. Gagawin ko ang lahat ng nais mo patungkol sa mga troso ng sedar at saypres. Ibababa ng aking mga lingkod ang mga puno buhat sa Lebanon hanggang sa dagat, at gagawin kong balsa ang mga ito para makarating sa pamamagitan ng dagat sa lugar na iniatas mo sa akin. Ang mga ito ay paghihiwa-hiwalayin doon at ito ay inyong mahahakot. Matutupad mo ang aking hangarin sa pamamagitan ng pagbibigay ng pagkain para sa aking sambahayan.” Kaya ibinigay ni Hiram kay Solomon ang lahat ng troso ng sedar at pir na gusto niya. Binigyan ni Solomon si Hiram ng dalawampung libong takal ng trigo para sa pagkain ng kaniyang sambahayan at dalawampung galon ng purong langis. Ibinigay ito ni Solomon kay Hiram taon-taon.

  2 Cro 2:15At ngayon, ang trigo at ang sebada, ang langis at ang alak na sinabi ng aking panginoon, ipadala ninyo ang mga ito sa inyong mga lingkod.
• Nagdala ang mga barko ni Solomon ng 420 talentong ginto mula sa Ofir1 Hari 9:26–28
  Ang mga talata

  1 Hari 9:26–28Nagpagawa si Solomon ng malaking grupo ng mga barko sa Ezion-Geber, kung saan malapit sa Elat, na nasa dalampasigan ng Dagat na pula, sa lupain ng Edom. Pinadalhan ni Hiram ang mga grupo ng barko ni Solomon ng mga tauhan, mga bihasang mandaragat, kasama ang mga sariling tauhan ni Solomon. Pumunta sila sa Ofir kasama ang mga tauhan ni Solomon. Mula roon ay nag-uwi sila ng 420 talentong ginto para kay Haring Solomon.
• Tumanggap si Solomon ng kita mula sa mga mangangalakal at negosyante1 Hari 10:15, 2 Cro 9:14
  Ang mga talata

  1 Hari 10:15bukod sa mga ginto na dinala ng mga mangangalakal at mga negosyante. Lahat ng mga hari na taga-Arabia at mga gobernador sa bansa ay nagdala rin ng ginto at pilak kay Solomon.

  2 Cro 9:14hindi pa kabilang ang ginto na idinadala sa kaniya ng mga negosyante at mangangalakal. Nagdala rin ng ginto at pilak kay Solomon ang lahat ng hari sa Arabia at mga gobernador sa bansa.
• Ipinagbili ni Naomi ang lupaing pag-aari ni ElimelekRut 4:3
  Ang mga talata

  Rut 4:3Sinabi ni Boaz sa malapit na kamag-anak, “Si Naomi, na nagbalik mula sa bansa ng Moab, ay ipinagbibili ang kapiraso ng lupain na noon ay sa ating kapatid na si Elimelek.
• Kinumpuni ng mga panday-ginto at mangangalakal ang isang bahagi ng pader ng JerusalemNeh 3:32
  Ang mga talata

  Neh 3:32Nag-ayos ang mga platero at ang mga mangangalakal sa gitna ng itaas na silid at ang Tarangkahan ng mga Tupa.
• Nagbebenta ng isda sa Jerusalem sa Araw ng Pamamahinga ang mga taga-TiroNeh 13:16
  Ang mga talata

  Neh 13:16Ang mga lalaking mula sa Tiro na nakatira sa Jerusalem ay nagdala ng mga isda at lahat ng uri ng mga kalakal, at itininda nila ang mga iyon sa Araw ng Pamamahinga sa mga mamamayan ng Juda at sa lungsod!
• Isinara ni Nehemias ang mga tarangkahan; nagkampo sa labas ng lungsod ang mga mangangalakalNeh 13:19–20
  Ang mga talata

  Neh 13:19–20Nang dumilim na sa mga tarangkahan ng Jerusalem bago ang Araw ng Pamamahinga, iniutos ko na ang mga pinto ay isara at hindi dapat buksan ang mga ito hanggang sa matapos ang Araw ng Pamamahinga. Inilagay ko ang ilan sa aking mga lingkod sa mga tarangkahan para walang kargada ang maipasok sa Araw ng Pamamahinga. Ang mga mangangalakal at tagapagtinda ng lahat ng uri ng paninda ay nanatili sa labas ng Jerusalem ng isa o dalawang beses.
• Bumili ng bukid ang mahusay na asawa at nagbebenta ng mga damit na linoKaw 31:16, Kaw 31:24
  Ang mga talata

  Kaw 31:16Isinasaalang-alang niya ang bukirin at ito ay binibili, sa pamamagitan ng bunga ng kaniyang mga kamay, nakapagtanim siya ng ubasan.

  Kaw 31:24Gumagawa at nagbebenta siya ng linong kasuotan, at nagmumula sa kaniya ang mga sintas ng mga mangangalakal.
• Ibinaba ng barko ni Pablo ang kargamento nito sa TiroGawa 21:2–3
  Ang mga talata

  Gawa 21:2–3Nang makakita kami ng barko na papunta sa Fenicia, sumakay kami at naglayag. Nang natatanaw na namin ang lungsod ng Cyprus, nilampasan namin ito sa kaliwa, at naglayag kami patungong Siria, at dumaong sa lungsod ng Tiro, sapagkat doon ibababa ang mga kargamento ng barko.
• Si Lidia, nagbebenta ng telang kulay-ube mula sa TiatiraGawa 16:14
  Ang mga talata

  Gawa 16:14May isang babae na nagngangalang Lidia ang nagbebenta ng mga tela na kulay lila na nanggaling sa lungsod ng Tiatira na sumasamba sa Diyos, nakinig siya sa amin. Binuksan ng Panginoon ang kaniyang puso upang bigyangpansin ang mga bagay na sinabi ni Pablo.
• Mga nagpapalit ng salapi at nagbebenta ng kalapati sa mga patyo ng temploJuan 2:14
  Ang mga talata

  Juan 2:14Natagpuan niya sa templo ang mga nagbebenta ng mga baka, tupa at mga kalapati. Ang mga tagapagpalit ng pera ay naroroon din at nakaupo.
• Ipinagbili ng isang mangangalakal ang lahat ng kaniyang ari-arian para sa isang mamahaling perlas (isang talinghaga)Mat 13:45–46
  Ang mga talata

  Mat 13:45–46Gayun din naman, ang kaharian ng langit ay tulad ng isang mangangalakal na naghahanap ng mga mahahalagang perlas. Nang mahanap niya ang isang perlas na may malaking halaga, umalis siya at ibinenta niya lahat ng mayroon siya at binili ito.
• Binigyan ang mga alipin ng salaping ipangangalakal (isang talinghaga)Luc 19:13, Mat 25:16
  Ang mga talata

  Luc 19:13Tinawag niya ang sampu sa kaniyang mga lingkod, at binigyan sila ng sampung mina, at sinabi sa kanila, 'Mag-negosyo kayo hanggang ako ay bumalik.'

  Mat 25:16Agad-agad ang nakatanggap ng limang talento ay umalis at ipinuhunan niya ang mga ito at nagkaroon pa siya ng limang talento.
• “Bukas ay pupunta kami sa ganito o ganoong lungsod at magnenegosyo”Sant 4:13
  Ang mga talata

  Sant 4:13Makinig, kayo na mga nagsasabing, “Ngayon o bukas ay pupunta tayo sa ganitong bayan, at titigil ng isang taon doon, at mangangalakal, at kikita.”

Pakikipagkalakalan sa Tiro (Ezekiel 27)

• Tarsis: pilak, bakal, lata at tinggaEzek 27:12
  Ang mga talata

  Ezek 27:12Naging suki mo ang Tarsis dahil sa napakaraming uri ng kayamanan: pilak, bakal, lata, at tingga. Binili at ibinenta nila ang iyong mga paninda!
• Javan, Tubal at Meshec: mga alipin at kagamitang tansoEzek 27:13
  Ang mga talata

  Ezek 27:13Ang Javan, Tubal, at Meshec—nagpalitan sila ng mga alipin at mga kagamitang gawa sa tanso. Sila ang namahala sa iyong mga kalakal.
• Beth-togarma: mga kabayo, kabayong pandigma at molaEzek 27:14
  Ang mga talata

  Ezek 27:14Nagbigay ang Beth-Togarma ng mga kabayo, mga lalaking kabayo at mola bilang iyong mga pangkalakal.
• Dedan: sapin ng siyahan; ang mga baybayin: pangil na garing at kahoy na ebanoEzek 27:15, Ezek 27:20
  Ang mga talata

  Ezek 27:15Ang mga kalalakihan ng Rodes ang iyong naging mga mangangalakal sa maraming mga baybayin. Nasa iyong mga kamay ang mga kalakal; nagpadala sila pabalik ng mga sungay, garing, at itim na kahoy bilang pagpaparangal!

  Ezek 27:20Naging kalakal ang mga ito para sa iyo. Mga pinong upuang kumot naman ang kinakalakal sa iyo ng Dedan.
• Aram: turkesa, kulay-ube, burda, pinong lino, koral at rubiEzek 27:16
  Ang mga talata

  Ezek 27:16Naging mangangalakal mo ang Aram sa karamihan ng iyong produkto; nagbigay sila ng mga esmeralda, mga telang kulay lila, pinong tela, mga perlas at mga pulang rubi bilang iyong mga kalakal.
• Juda at Israel: trigo, pulot, langis at balsamoEzek 27:17
  Ang mga talata

  Ezek 27:17Nakikipagpalitan sa iyo ang Juda at ang lupain ng Israel. Nagbibigay sila ng trigo mula sa Minith, trigo, pulot, langis at balsamo bilang iyong mga kalakal.
• Damasco: alak ng Helbon at lanaEzek 27:18
  Ang mga talata

  Ezek 27:18Ang Damasco ay iyong mangangalakal sa lahat ng iyong mga produkto, lahat ng iyong napakalaking kayamanan, at ng alak ng Helbon at lana ng Zahar.
• Arabia at Kedar: mga kordero, lalaking tupa at kambingEzek 27:21
  Ang mga talata

  Ezek 27:21Ang Arabia at ang lahat ng mga pinuno ng Kedar ay mga nakikipagkalakalan sa iyo; sa kanila nanggagaling ang mga tupa, mga lalaking tupa at mga kambing.
• Seba at Raama: mga pabango, mamahaling bato at gintoEzek 27:22
  Ang mga talata

  Ezek 27:22Pumupunta sa iyo ang mga mangangalakal ng Seba at Raama upang ibenta sa iyo ang bawat pinakamasasarap na pampalasa at ang lahat ng uri ng mga mamahaling bato; at nakikipagkalakalan sila ng ginto para sa iyong mga kalakal.

Sa Kautusan

• Tapat na timbangan, panimbang at panukatLev 19:35–36, Deut 25:13–15
  Ang mga talata

  Lev 19:35–36Huwag gumamit ng mga maling sukatan kapag nagsusukat ng haba, bigat, o dami. Dapat gumamit lamang kayo ng mga tamang timbangan, mga tamang pabigat, isang tamang epa, at isang tamang hin. Ako si Yahweh na inyong Diyos, na siyang nagdala sa inyo palabas sa lupain ng Ehipto.

  Deut 25:13–15Hindi dapat kayo magkaroon sa inyong lalagyan ng magkakaibang timbangan, isang malaki at isang maliit. Hindi dapat kayo magkaroon sa inyong bahay ng magkakaibang sukatan, isang malaki at isang maliit. Isang ganap at tapat na timbangan ang dapat mayroon kayo; isang ganap at tapat na sukatan ang dapat mayroon kayo, para humaba ang inyong mga araw sa lupaing ibinibigay sa inyo ni Yahweh.
• Hindi dapat lamangan ng mamimili at nagbebenta ang isa’t isaLev 25:14
  Ang mga talata

  Lev 25:14Kung magbebenta kayo ng anumang lupa sa inyong kapit-bahay o bibili ng anumang lupa mula sa inyong kapit-bahay, hindi ninyo dapat dayain o gawan ng masama ang isa't isa.

Mga kasabihan

• “Walang kuwenta!” sabi ng mamimili, saka nagyayabang pag-alisKaw 20:14
  Ang mga talata

  Kaw 20:14'“Masama! Masama!” sabi ng mga bumibili, pero kapag umalis siya, siya ay nagmamayabang.
• Mga mangangalakal na naghihintay na matapos ang Araw ng Pamamahinga upang magbenta ng butilAmos 8:5
  Ang mga talata

  Amos 8:5Sinabi nila, “Kailan matatapos ang bagong buwan, upang muli kaming makapagbenta ng butil? At ang Araw ng Pamamahinga, kailan matatapos, upang makapagbenta kaming muli ng trigo? Gagawin naming mababa ang sukat at tataasan ang halaga, upang makapandaya kami ng maling timbang.