Òwò àti oníṣòwò nínú Bíbélì

• Abrahamu wọn fàdákà “tí ó kọjá lọ́dọ̀ àwọn oníṣòwò”Gẹ 23:16
  Àwọn ẹsẹ

  Gẹ 23:16Abrahamu sì gbọ́ tí Efroni wí, Abrahamu sì wọn iye fàdákà náà fún Efroni, tí ó sọ ní etí àwọn ọmọ Hiti, irinwó (400) òsùwọ̀n ṣékélì fàdákà, tí ó kọjá lọ́dọ̀ àwọn oníṣòwò.
• Ẹgbẹ́ èrò ará Iṣmaeli ru tùràrí, ìkunra àti òjìá lọ sí EjibitiGẹ 37:25
  Àwọn ẹsẹ

  Gẹ 37:25Bí wọ́n sì ti jókòó láti jẹun, wọ́n gbójú sókè, wọ́n sì rí àwọn oníṣòwò ará Iṣmaeli tí wọ́n ń wọ́ bọ̀ láti Gileadi. Ìbákasẹ wọn sì ru tùràrí, ìkunra àti òjìá, wọ́n ń lọ sí Ejibiti.
• A ta Josẹfu fún àwọn oníṣòwò ní ogún owóGẹ 37:28, Gẹ 37:36
  Àwọn ẹsẹ

  Gẹ 37:28Nítorí náà, nígbà tí àwọn oníṣòwò ara Midiani ń kọjá, àwọn arákùnrin Josẹfu fà á jáde láti inú kòtò, wọ́n sì tà á fún àwọn ará Iṣmaeli ní ogún owó wúrà, wọ́n sì mú Josẹfu lọ sí ilẹ̀ Ejibiti.

  Gẹ 37:36Ní gbogbo àkókò wọ̀nyí, àwọn ará Midiani ta Josẹfu ní Ejibiti fún Potifari, ọ̀kan nínú àwọn ìjòyè Farao, tí í ṣe olórí ẹ̀ṣọ́.
• Hiramu fi kedari àti igi firi ránṣẹ́; Solomoni san án ní alikama àti òróró olifi1Ọb 5:8–11, 2Kro 2:15
  Àwọn ẹsẹ

  1Ọb 5:8–11Hiramu sì ránṣẹ́ sí Solomoni pé, “Èmi ti gbọ́ iṣẹ́ tí ìwọ rán sí mi, èmi yóò sì ṣe gbogbo èyí tí o fẹ́ ní pípèsè igi kedari àti ní ti igi firi. Àwọn ènìyàn mi yóò mú igi náà sọ̀kalẹ̀ láti Lebanoni wá sí Òkun, èmi ó sì fi wọ́n ránṣẹ́ sí ọ ní fífò lójú omi Òkun Ńlá títí dé ibi tí ìwọ ó na ìka sí fún mi. Níbẹ̀ ni èmi yóò ti yà wọ́n sọ́tọ̀, ìwọ yóò sì kó wọn lọ. Ìwọ yóò sì gba ìfẹ́ mi nípa pípèsè oúnjẹ fún ilé mi.” Báyìí ni Hiramu sì pèsè igi kedari àti igi firi tí Solomoni ń fẹ́ fún un, Solomoni sì fún Hiramu ní ogún ẹgbẹ̀rún (20,000) òsùwọ̀n ọkà oúnjẹ fún ilé rẹ̀, àti ogún òsùwọ̀n òróró dáradára. Solomoni sì ń tẹ̀síwájú láti ṣe èyí fún Hiramu lọ́dọọdún.

  2Kro 2:15“Nísinsin yìí, jẹ́ kí olúwa mi rán àwọn ìránṣẹ́ rẹ̀ ní alikama àti barle àti òróró Olifi náà àti ọtí tí ó ti ṣe ìlérí.
• Ọkọ̀ Solomoni mú tálẹ́ǹtì wúrà 420 wá láti Ofiri1Ọb 9:26–28
  Àwọn ẹsẹ

  1Ọb 9:26–28Solomoni ọba sì túnṣe òwò ọkọ̀ ní Esioni-Geberi, tí ó wà ní ẹ̀bá Elati ní Edomu, létí Òkun Pupa. Hiramu sì rán àwọn ènìyàn rẹ̀, àwọn atukọ̀ tí ó mọ Òkun, pẹ̀lú àwọn ìránṣẹ́ Solomoni. Wọ́n sì dé Ofiri, wọ́n sì mú irinwó ó lé ogún (420) tálẹ́ǹtì wúrà, tí wọ́n ti gbà wá fún Solomoni ọba.
• Solomoni ń gba owó láti ọ̀dọ̀ àwọn oníṣòwò àti ọlọ́jà1Ọb 10:15, 2Kro 9:14
  Àwọn ẹsẹ

  1Ọb 10:15láìka èyí tí ó ń gbà lọ́wọ́ àwọn ajẹ́lẹ̀ àti àwọn oníṣòwò, àti ti gbogbo àwọn ọba Arabia, àti àwọn baálẹ̀ ilẹ̀.

  2Kro 9:14láì tí ì ka àkójọpọ̀ owó ìlú tí ó wọlé láti ọ̀dọ̀ àwọn oníṣòwò àti àwọn ọlọ́jà. Àti pẹ̀lú gbogbo àwọn ọba Arabia àti àwọn baálẹ̀ ilẹ̀ náà mu wúrà àti fàdákà wá fún Solomoni.
• Naomi ta ilẹ̀ tí ó jẹ́ ti ElimelekiRu 4:3
  Àwọn ẹsẹ

  Ru 4:3ó sì sọ fún ìbátan rẹ̀ náà pé, “Arábìnrin Naomi tí ó dé láti ilẹ̀ Moabu fẹ́ ta ilẹ̀, èyí tí ó ṣe ti arákùnrin Elimeleki wa.
• Àwọn alágbẹ̀dẹ wúrà àti oníṣòwò tún apá kan odi Jerusalẹmu ṣeNe 3:32
  Àwọn ẹsẹ

  Ne 3:32àti láàrín yàrá òkè kọ̀rọ̀ àti ibodè àgùntàn ni àwọn alágbẹ̀dẹ wúrà àti àwọn oníṣòwò túnṣe.
• Àwọn ará Tire ń ta ẹja ní Jerusalẹmu ní ọjọ́ ìsinmiNe 13:16
  Àwọn ẹsẹ

  Ne 13:16Àwọn ará Tire ti ń gbé nínú Jerusalẹmu ń gbé ẹja àti onírúurú ọjà wá fún títà ní ọjọ́ ìsinmi fún àwọn ènìyàn Jerusalẹmu àti fún àwọn ọmọ Juda.
• Nehemiah ti àwọn ìlẹ̀kùn; àwọn oníṣòwò sùn ní ẹ̀yìn odiNe 13:19–20
  Àwọn ẹsẹ

  Ne 13:19–20Nígbà tí ojú ọjọ́ ń bora ní ẹnu ibodè Jerusalẹmu, ṣáájú ọjọ́ ìsinmi, mo pàṣẹ pé kí a ti àwọn ìlẹ̀kùn, kí wọn má sì ṣí i títí tí ọjọ́ ìsinmi yóò fi kọjá. Mo yan àwọn ìránṣẹ́ mi láti ṣọ́ ẹnu ibodè, kí a má ba à lè gbé ẹrù kankan wọlé ní ọjọ́ ìsinmi. Síbẹ̀, àwọn tí ń tà àti àwọn tí ń rà sùn ẹ̀yìn odi Jerusalẹmu ní ẹ̀ẹ̀kan tàbí ẹ̀ẹ̀mejì.
• Aya rere ra oko, ó sì ń ta aṣọ dáradáraÒw 31:16, Òw 31:24
  Àwọn ẹsẹ

  Òw 31:16Ó kíyèsi oko kan, ó sì rà á; nínú ohun tí ó ń wọlé fún un ó gbin ọgbà àjàrà rẹ̀.

  Òw 31:24Ó ń ṣe àwọn aṣọ dáradára ó sì ń tà wọ́n ó sì ń kó ọjà fún àwọn oníṣòwò.
• Ọkọ̀ Paulu já ẹrù sílẹ̀ ní TireÌṣe 21:2–3
  Àwọn ẹsẹ

  Ìṣe 21:2–3A rí ọkọ̀ ojú omi kan tí ń rékọjá lọ sí Fonisia, a wọ inú ọkọ̀ náà, a sì ṣíkọ̀. Nígbà tí àwa sì ń wo Saipurọsi lókèèrè, a sì fi í sí ọwọ́ òsì, a fi orí ọ́kọ̀ le Siria, a sì gúnlẹ̀ ni Tire; nítorí níbẹ̀ ni ọkọ̀ yóò tí já ẹrù sílẹ̀.
• Lidia, elése àlùkò, ará ìlú TiatiraÌṣe 16:14
  Àwọn ẹsẹ

  Ìṣe 16:14Àti obìnrin kan tí orúkọ rẹ̀ ń jẹ́ Lidia, elése àlùkò, ará ìlú Tiatira, ẹni tí ó sin Ọlọ́run, ó gbọ́ ọ̀rọ̀ wa, ọkàn ẹni tí Olúwa ṣí láti fetísí ohun tí a tí ẹnu Paulu sọ.
• Àwọn onípàṣípàrọ̀ owó àti àwọn tí ń ta àdàbà nínú àgbàlá tẹmpiliJh 2:14
  Àwọn ẹsẹ

  Jh 2:14Ó sì rí àwọn tí n ta màlúù, àti àgùntàn, àti àdàbà, àti àwọn onípàṣípàrọ̀ owó nínú tẹmpili wọ́n jókòó:
• Oníṣòwò kan ta gbogbo ohun ìní rẹ̀ nítorí òkúta iyebíye kan (òwe kan)Mt 13:45–46
  Àwọn ẹsẹ

  Mt 13:45–46“Bákan náà ni ìjọba ọ̀run dàbí oníṣòwò kan tí ó ń wá òkúta olówó iyebíye láti rà. Nígbà tí ó rí ọ̀kan tí ó ni iye lórí, ó lọ láti ta gbogbo ohun ìní rẹ̀ láti le rà á.
• A fún àwọn ìránṣẹ́ ní owó láti fi ṣòwò (òwe kan)Lk 19:13, Mt 25:16
  Àwọn ẹsẹ

  Lk 19:13Ó sì pe àwọn ọmọ ọ̀dọ̀ rẹ̀ mẹ́wàá, ó fi owó mina mẹ́wàá fún wọn, ó sì wí fún wọn pé, ‘Ẹ máa ṣòwò títí èmi ó fi dé!’

  Mt 25:16Ọkùnrin tí ó gba tálẹ́ǹtì márùn-ún bẹ̀rẹ̀ lẹ́sẹ̀kẹsẹ̀ láti fi owó náà ṣòwò. Láìpẹ́, ó sì jèrè márùn-ún mìíràn.
• “Lónìí tàbí lọ́la àwa ó lọ sí ìlú báyìí … a ó sì ṣòwò”Jk 4:13
  Àwọn ẹsẹ

  Jk 4:13Ẹ wá nísinsin yìí, ẹ̀yin tí ó ń wí pé, “Lónìí tàbí lọ́la àwa ó lọ sí ìlú báyìí, a ó sì ṣe ọdún kan níbẹ̀, a ó sì ṣòwò, a ó sì jèrè.”

Òwò pẹ̀lú Tire (Esekiẹli 27)

• Tarṣiṣi: fàdákà, irin, idẹ àti òjéEl 27:12
  Àwọn ẹsẹ

  El 27:12“ ‘Tarṣiṣi ṣòwò pẹ̀lú rẹ torí ọ̀pọ̀lọpọ̀ ọrọ̀ tí ó ní; wọn ṣe ìpààrọ̀ fàdákà, irin idẹ àti òjé fún ọjà títà rẹ̀.
• Jafani, Tubali àti Meṣeki: ẹrú àti ohun èlò idẹEl 27:13
  Àwọn ẹsẹ

  El 27:13“ ‘Àwọn ará Giriki, Tubali, Jafani àti Meṣeki, ṣòwò pẹ̀lú rẹ, wọ́n fi ẹrù àti ohun èlò idẹ ṣe pàṣípàrọ̀ fún ọrọ̀ rẹ.
• Beti-Togarma: ẹṣin-ìṣiṣẹ́, ẹṣin ogun àti ìbáakaEl 27:14
  Àwọn ẹsẹ

  El 27:14“ ‘Àwọn ti ilé Beti-Togarma ṣe ìpààrọ̀ ẹṣin-ìṣiṣẹ́, ẹṣin ogun àti ìbáaka ṣòwò ní ọjà rẹ.
• Dedani: aṣọ ìjókòó-lẹ́sin; àwọn erékùṣù: eyín erin àti igi eboniEl 27:15, El 27:20
  Àwọn ẹsẹ

  El 27:15“ ‘Àwọn ènìyàn Dedani ni àwọn oníṣòwò rẹ, àti ọ̀pọ̀lọpọ̀ erékùṣù ni wọ́n jẹ́ oníbàárà rẹ̀; wọ́n mú eyín erin àti igi eboni san owó rẹ.

  El 27:20“ ‘Dedani ni oníṣòwò rẹ ní aṣọ ìjókòó-lẹ́sin fún ẹṣin-gígùn.
• Aramu: òkúta iyebíye, elése àlùkò, iṣẹ́ abẹ́rẹ́, aṣọ ọ̀gbọ̀ dáradára, iyùn pupaEl 27:16
  Àwọn ẹsẹ

  El 27:16“ ‘Aramu ṣòwò pẹ̀lú nítorí ọ̀pọ̀lọpọ̀ iṣẹ́ òwò rẹ̀; wọn ṣe ìpààrọ̀ òkúta iyebíye, òwú elése àlùkò, aṣọ iṣẹ́ ọnà abẹ́rẹ́, aṣọ ọ̀gbọ̀ dáradára, ìlẹ̀kẹ̀ iyùn pupa fún ọjà títà rẹ.
• Juda àti Israẹli: ọkà, oyin, epo àti ìkunraEl 27:17
  Àwọn ẹsẹ

  El 27:17“ ‘Juda àti Israẹli, àwọn ni oníṣòwò rẹ; wọn ṣe ìpààrọ̀ ọkà, Minniti, àkàrà àdídùn; oyin, epo àti ìkunra olóòórùn dídùn ni wọ́n fi ná ọjà rẹ.
• Damasku: ọtí wáìnì Helboni àti irun àgùntànEl 27:18
  Àwọn ẹsẹ

  El 27:18“ ‘Damasku ni oníṣòwò rẹ, nítorí ọ̀pọ̀lọpọ̀ ohun ọjà tí ó ṣe àti ọ̀pọ̀lọpọ̀ ọrọ̀; ní ti ọtí wáìnì tí Helboni, àti irun àgùntàn funfun láti Sahari,
• Arabia àti Kedari: ọ̀dọ́-àgùntàn, àgbò àti ewúrẹ́El 27:21
  Àwọn ẹsẹ

  El 27:21“ ‘Àwọn ará Arabia àti gbogbo àwọn ọmọ-aládé ìlú Kedari àwọn ni àwọn oníbàárà rẹ; ní ti ọ̀dọ́-àgùntàn, àgbò àti ewúrẹ́, nínú ìwọ̀nyí ni wọ́n ti jẹ́ oníbàárà rẹ.
• Ṣeba àti Raama: tùràrí, òkúta iyebíye àti wúràEl 27:22
  Àwọn ẹsẹ

  El 27:22“ ‘Àwọn oníṣòwò ti Ṣeba àti Raama, àwọn ni oníṣòwò rẹ; wọ́n ta onírúurú tùràrí olóòórùn dídùn dáradára ní ọjà rẹ, àti àwọn òkúta iyebíye àti wúrà.

Nínú Òfin

• Òsùwọ̀n, ìwọ̀n àti ìdíwọ̀n tí ó péyeLe 19:35–36, De 25:13–15
  Àwọn ẹsẹ

  Le 19:35–36“ ‘Ẹ má ṣe lo òsùwọ̀n èké, nígbà tí ẹ bá ń díwọ̀n yálà nípa òsùwọ̀n ọ̀pá, òsùwọ̀n ìwúwo tàbí òsùwọ̀n onínú. Ẹ jẹ́ olódodo pẹ̀lú àwọn òsùwọ̀n yín òsùwọ̀n ìtẹ̀wọ̀n, òsùwọ̀n wíwúwo, òsùwọ̀n ìyẹ̀fun àti òsùwọ̀n nǹkan olómi yín ní láti jẹ́ èyí tí kò ní èrú nínú. Èmi ni Olúwa Ọlọ́run yín tí ó mú yín jáde láti ilẹ̀ Ejibiti.

  De 25:13–15Má ṣe ní oríṣìí ìtẹ̀wọ̀n méjì tó yàtọ̀ sí ara wọn nínú àpò rẹ, ọ̀kan wúwo àti ọ̀kan fífúyẹ́. Má ṣe ní oríṣìí ìwọ̀n méjì tí ó yàtọ̀ sí ara wọn ní ilé è rẹ: ọ̀kan fífẹ̀, ọ̀kan kékeré. O gbọdọ̀ ní ìtẹ̀wọ̀n àti òsùwọ̀n pípé àti ti òtítọ́ nítorí náà kí ìwọ kí ó lè pẹ́ ní ilẹ̀ tí Olúwa Ọlọ́run rẹ fún ọ.
• Olùrà àti olùtà kò gbọdọ̀ rẹ́ ara wọn jẹLe 25:14
  Àwọn ẹsẹ

  Le 25:14“ ‘Bí ẹ bá ta ilẹ̀ fún ọ̀kan nínú àwọn ènìyàn yín tàbí bí ẹ bá ra èyíkéyìí láti ọ̀dọ̀ rẹ̀, ẹ má ṣe rẹ́ ara yín jẹ.

Ọ̀rọ̀ ọlọ́gbọ́n

• “Kò dára, kò dára!” ni olùrà ń wí, lẹ́yìn náà ó ń yangàn bí ó ti ń lọÒw 20:14
  Àwọn ẹsẹ

  Òw 20:14“Kò dára, kò dára!” ní ẹni tó ra ọjà máa ń wí; nígbà tí ó bá kúrò níbẹ̀ tán, yóò máa yangàn bí òun tí ṣe rí rà sí.
• Àwọn oníṣòwò tí ń dúró de òpin ọjọ́ ìsinmi láti ta ọkàAm 8:5
  Àwọn ẹsẹ

  Am 8:5Tí ẹ ń wí pé, “Nígbà wo ni oṣù tuntun yóò parí kí àwa bá à lè ta ọkà kí ọjọ́ ìsinmi kí ó lè dópin kí àwa bá à le ta jéró?” Kí a sì dín ìwọ̀n wa kù kí a gbéraga lórí iye tí a ó tà á kí a sì fi òsùwọ̀n èké yàn wọ́n jẹ,