Mga kamelyo sa Bibliya

• Hindi dapat kainin ang kamelyoLev 11:4
  Ang mga talata

  Lev 11:4Gayunman, ang ilang mga hayop maging ang ngumunguya ng pagkain o may hati ang kuko, hindi ninyo dapat kainin ang mga ito, mga hayop tulad ng kamelyo, dahil ngumunguya ito ng pagkain ngunit hindi hati ang kuko. Kaya marumi ang kamelyo para sa inyo.
• Kabilang ang mga kamelyo sa kayamanan nina Abram, Jacob at JobGen 12:16, Gen 30:43, Job 1:3
  Ang mga talata

  Gen 12:16Pinakitunguhan nang mabuti ni Paraon si Abram alang-alang sa kaniya, at binigyan siya ng mga tupa, mga baka, mga lalaking asno, mga lalaki at babaeng lingkod, mga babaeng asno, at mga kamelyo.

  Gen 30:43Naging masagana ang lalaki. Mayroon siyang maraming mga kawan, mga babaeng at lalaking lingkod, mga kamelyo at mga asno.

  Job 1:3May pag-aari siyang pitong libong mga tupa, tatlong libong kamelyo, limang daang pares ng mga baka, at limang daang mga asno at napakaraming mga lingkod. Ang lalaking ito ang pinaka-dakila sa lahat ng tao sa Silangan.
• May 3,000 kamelyo si Job, kalaunan ay 6,000Job 1:3, Job 42:12
  Ang mga talata

  Job 1:3May pag-aari siyang pitong libong mga tupa, tatlong libong kamelyo, limang daang pares ng mga baka, at limang daang mga asno at napakaraming mga lingkod. Ang lalaking ito ang pinaka-dakila sa lahat ng tao sa Silangan.

  Job 42:12Mas pinagpala ni Yahweh ang huling bahagi ng buhay ni Job kaysa sa una; nagkaroon siya ng labing-apat na libong tupa, anim na libong kamelyo, isang libong pamatok ng baka, at isang libong babaeng asno.
• Si Obil na Ismaelita ang namahala sa mga kamelyo ni David1 Cro 27:30
  Ang mga talata

  1 Cro 27:30Sa mga kamelyo, si Obil na Ismaelita ang namahala, at si Jedeias na mula sa Meronot ang namahala sa mga babaeng asno. Si Jaziz na Hagrita ang namahala sa mga kawan.

Sa mga salaysay

• Nagdala ang lingkod ni Abraham ng sampung kamelyo upang humanap ng asawa para kay IsaacGen 24:10
  Ang mga talata

  Gen 24:10Kinuha ng lingkod ang sampung kamelyo ng kanyang amo at umalis. Nagdala rin siya ng lahat ng uri ng mga regalo mula sa kanyang amo. Umalis siya at pumunta sa rehiyon ng Aram Naharaim, sa siyudad ni Nahor.
• Pinaluhod niya ang mga kamelyo sa tabi ng balon sa gabiGen 24:11
  Ang mga talata

  Gen 24:11Pinaluhod niya ang mga kamelyo sa gilid ng balon ng tubig sa labas ng siyudad. Gabi na iyon, ang oras na lumalabas ang mga babae upang sumalok ng tubig.
• Sumalok si Rebeca ng tubig para sa lahat ng kaniyang mga kamelyoGen 24:14, Gen 24:19–20
  Ang mga talata

  Gen 24:14Ganito nawa ang mangyari. Kapag sabihin ko sa isang dalaga, 'Pakiusap ibaba mo ang iyong pitsel upang makainom ako,' at sabihin niya sa akin, 'Uminom ka, at paiinumin ko rin ang iyong mga kamelyo,' pagkatapos ay hayaang siya na nga ang babaing iyong itinakda para sa iyong lingkod na si Isaac. Sa pamamgitan nito malalaman kong nagpakita ka ng tipan ng katapatan sa aking amo.”

  Gen 24:19–20Nang natapos niya siyang painumin, sinabi niya, sasalok din ako ng tubig para sa iyong mga kamelyo, hanggang sa makainom na ang lahat. Kaya nagmadali siya at ibinuhos ang laman ng kanyang pitsel papunta sa inuman ng mga hayop, at tumakbong muli patungo sa balon upang sumalok ng tubig, at sumalok ng tubig para sa lahat ng kanyang mga kamelyo.
• Sumakay si Rebeca sa kamelyo upang salubungin si IsaacGen 24:61, Gen 24:64
  Ang mga talata

  Gen 24:61Pagkatapos tumayo si Rebeca, at siya at ang kanyang mga lingkod na babae ay sumakay sa mga kamelyo, at sumunod sa lalaki. Kaya kinuha ng lingkod si Rebeca, at lumakad na sa kanyang landas.

  Gen 24:64Tumingin si Rebeca, at nang nakita niya si Isaac, tumalon siya pababa mula sa kamelyo.
• Itinago ni Raquel ang mga diyus-diyosan ni Laban sa siyahan ng kamelyo at inupuan itoGen 31:34
  Ang mga talata

  Gen 31:34Ngayon kinuha ni Raquel ang diyos ng sambahayan, nilagay niya ang mga ito sa upuan sa likod ng kamelyo at inupuan niya. Hinanapan ni Laban ang buong tolda, ngunit hindi niya ito natagpuan.
• Kabilang sa regalo ni Jacob kay Esau ang 30 kamelyong nagpapasuso kasama ang kanilang mga anakGen 32:15
  Ang mga talata

  Gen 32:15tatlumpung gatasang kamelyo at kanilang mga bisiro, apatnapung baka at sampung toro, dalawampung babaeng asno at sampung lalaking asno.
• Nagdala ng mga pampalasa sa Ehipto ang mga kamelyo ng mga IsmaelitaGen 37:25
  Ang mga talata

  Gen 37:25Umupo sila para kumain ng tinapay. Tumingala sila at tumingin, at masdan, may paparating na isang karawan ng mga Ismaelita mula sa Gilead, kasama ang kanilang mga kamelyo na may dala-dalang mga sahog at balsamo at mira. Naglalakbay sila ay para dalhin ang mga iyon pababa sa Ehipto.
• Kasindami ng buhangin ang mga kamelyo ng mga MidianitaHuk 7:12
  Ang mga talata

  Huk 7:12Nanatili sa tabi ng lambak ang mga Midianita, ang mga Amalekita at lahat ng tao ng silangan, singkapal ng ulap ng mga balang. Higit pa sa kayang bilangin ang kanilang mga kamelyo; higit na marami ang bilang nila kaysa sa mga butil ng buhangin sa baybayin.
• Kinuha ni Gideon ang mga palamuting hugis-buwan mula sa mga kamelyo ng mga hariHuk 8:21
  Ang mga talata

  Huk 8:21Pagkatapos sinabi nina Zeba at Zalmunna, “Bumangon ka at patayin kami! Dahil gaya ng kung ano ang isang lalaki, ganoon din ang kaniyang lakas.” Bumangon si Gideon at pinatay sina Zeba at Zalmuna. Kinuha din niya ang gasuklay na hugis na mga palamuti, na nasa leeg ng kanilang mga kamelyo.
• Apat na raang Amalekita ang nakatakas kay David sakay ng mga kamelyo1 Sam 30:17
  Ang mga talata

  1 Sam 30:17Nilusob sila ni David mula sa takip-silim hanggang sa gabi ng sumunod na araw. Wala ni isang lalaki ang nakatakas maliban sa apat na raang binatang sumakay sa mga kamelyo at tumakas.
• Dumating ang reyna ng Sheba na may mga kamelyong may dalang pampalasa at ginto1 Hari 10:2
  Ang mga talata

  1 Hari 10:2Dumating siya sa Jerusalem kasama ang isang napakahabang karawan, mga kamelyo na punong-puno ng mga pabango, maraming ginto, at maraming mga mamahaling bato. Nang siya ay dumating, sinabi niya kay Solomon lahat ng nasa loob ng kaniyang puso.
• Dinalhan ni Hazael si Eliseo ng apatnapung kamelyong karga ng mga regalo2 Hari 8:9
  Ang mga talata

  2 Hari 8:9Kaya nagpunta si Hazael para salubungin siya at dala niya ang isang regalo ng bawat uri ng mabubuting bagay sa Damasco, na dala ng apatnapung kamelyo. Kaya nagpunta si Hazael at tumayo sa harap ni Eliseo at sinabi, “Ipinadala ako sa iyo ng iyong anak na si Ben-Hadad hari ng Aram, tinatanong kung, 'Gagaling ba ako mula sa sakit na ito?”
• Kinuha ng mga mandarambong na Caldeo ang mga kamelyo ni JobJob 1:17
  Ang mga talata

  Job 1:17Habang siya rin ay nagsasalita, may dumating pang isang lingkod at nagbalitang “Gumawa ng tatlong pangkat ang mga Caldea, nilusob ang mga kamelyo, at tinangay silang lahat. Totoo ito, at pinatay pa nila ang mga lingkod gamit ang espada, at ako lang ang nakaligtas para ibalita sa iyo.”
• Nagsuot si Juan ng damit na yari sa balahibo ng kamelyoMat 3:4, Mar 1:6
  Ang mga talata

  Mat 3:4Ngayon, nagsusuot si Juan ng damit na gawa sa buhok ng kamelyo at sinturong balat sa kaniyang baywang. Ang kaniyang pagkain ay mga balang at pulot-pukyutan.

  Mar 1:6Nakasuot si Juan ng balabal gawa sa balahibo ng kamelyo at sinturong balat sa palibot ng kaniyang baywang, at kumakain siya ng mga balang at pulot- pukyutan.

Mga kasabihan ni Jesus

• Mas madali pa sa kamelyo ang dumaan sa butas ng karayomMat 19:24
  Ang mga talata

  Mat 19:24Muling sinasabi ko sa inyo, madali pa sa isang kamelyo ang pumasok sa butas ng karayom kaysa sa isang mayaman na makapasok sa kaharian ng Diyos.”
• Sinasala ninyo ang niknik pero nilulunok ang kamelyoMat 23:24
  Ang mga talata

  Mat 23:24Kayong mga bulag na tagagabay, kayong mga nagsasala ng mga niknik ngunit nilulunok ang kamelyo!