Jiragen ruwa da tafiya a teku a cikin Littafi Mai Tsarki

• Jirgin Nuhu: katakon Saifires, da ɗakuna, an shafe shi da ƙaroFar 6:14–15
  Ayoyin

  Far 6:14–15Saboda haka ka yi wa kanka jirgi da katakon Saifires, ka yi ɗakuna a cikinsa, ka shafe shi da ƙaro ciki da waje. Ga yadda za ka gina shi; jirgin zai kasance mai tsawon ƙafa 45, fāɗinsa ƙafa 75, tsayinsa kuma ƙafa 45.
• Solomon ya gina jiragen ruwa a Eziyon-Geber a bakin Jan Teku1Sar 9:26
  Ayoyin

  1Sar 9:26Sarki Solomon ya kuma gina jiragen ruwa a Eziyon Geber, wadda take kusa da Elot a Edom, a bakin Jan Teku.
• Masu tuƙin jirgin Hiram sun kawo talenti 450 na zinariya daga Ofir2Tar 8:18
  Ayoyin

  2Tar 8:18Sai Hiram ya aika masa jiragen ruwan da masu tuƙinsu waɗanda suka san teku sosai. Ma’aikatan Hiram suka tafi da na Solomon zuwa Ofir suka dawo da talentin zinariya ɗari huɗu da hamsin wa Sarki Solomon.
• Kowace shekara uku: zinariya, azurfa, hauren giwa, birai da gogon biri1Sar 10:22
  Ayoyin

  1Sar 10:22Sarki yana da jerin jiragen ruwan kasuwanci a teku, tare da jiragen ruwan Hiram. Sau ɗaya kowace shekara uku jerin jiragen yakan dawo ɗauke da zinariya, da azurfa, da hauren giwa, da birai marasa wutsiya, da kuma gogon biri.
• Jiragen ruwan Yehoshafat sun farfashe kafin ma su tashi1Sar 22:48, 2Tar 20:36–37
  Ayoyin

  1Sar 22:48To, Yehoshafat ya gina jerin jiragen ruwan kasuwanci don su je Ofir saboda zinariya, amma ba su yi tafiya ba, gama sun farfashe a Eziyon Geber.

  2Tar 20:36–37Ya yarda da shi su gina jiragen ruwan kasuwanci. Bayan aka gina waɗannan a Eziyon Geber, Eliyezer ɗan Dodabahu na Maresha ya yi annabci a kan Yehoshafat cewa, “Domin ka haɗa kai da Ahaziya, Ubangiji zai hallaka abin da ka yi.” Jiragen ruwan kuwa suka farfashe, ba a kuwa iya sa su je kasuwanci ba.
• Ezekiyel ya kwatanta Taya kamar jirgin ruwa na itacen fir, al’ul, oak da lilinEzk 27:5–7
  Ayoyin

  Ezk 27:5–7Sun yi dukan katakanki daga itatuwan fir daga Senir; sun kwaso itatuwan al’ul daga Lebanon don su yi miki jigon jirgin ruwa. Da oak daga Bashan suka yi sandunan tuƙan jirgin ruwa da itatuwan kasharina daga bakin tekun Saifurus suka yi daɓe jirgin ruwanki, suka kuma manne masa hauren giwa. Lilin mai kyau mai ado daga Masar ne filafilan jirgin ruwanki suka kuma zama tutarki; an yi tutarki da shuɗi da shunayya daga bakin tekun Elisha.
• Jiragen ruwa na kyauro sun ɗauki manzanni a kan ruwaIsh 18:2
  Ayoyin

  Ish 18:2wadda ta aiko da jakadu ta teku cikin jiragen ruwan da aka yi da kyauro a bisa ruwa. Ku tafi, ku ’yan saƙo masu sauri, zuwa ga dogayen mutane masu sulɓin jiki, zuwa ga mutanen da ake jin tsoro a ko’ina, al’umma mai ƙarfin iko tana jawabin da ba a saba ji ba, mai ƙasar da koguna suka raba.
• Ana juya babban jirgin ruwa da ƙaramin abin tuƙiYaƙ 3:4
  Ayoyin

  Yaƙ 3:4Ko kuwa misali, mu dubi jiragen ruwa, mana. Ko da yake suna da girma ƙwarai kuma iska mai ƙarfi ce take tura su, ana tuƙa su da ɗan ƙaramin sandan ƙarfe ne zuwa duk inda mai tuƙin jirgin yake so.
• Hanyar jirgin ruwa a teku: abin mamaki ga AgurK Mag 30:18–19
  Ayoyin

  K Mag 30:18–19“Akwai abubuwa uku da suke ba ni mamaki, abubuwa huɗu da ba na iya fahimtarsu, yadda gaggafa take firiya a sararin sama, yadda maciji yake tafiya a kan dutse, yadda jirgin ruwa yake tafiya a teku, da kuma sha’ani tsakanin namiji da ’ya mace.

Tafiye-tafiye

• Yunana ya biya kuɗin jirgin ruwa zuwa TarshishYun 1:3
  Ayoyin

  Yun 1:3Amma Yunana ya gudu daga Ubangiji ya nufi Tarshish. Ya gangara zuwa Yaffa, inda ya sami jirgin ruwa mai shirin tashi daga tashar. Bayan ya biya kuɗin tafiya, sai ya shiga jirgi ya kama hanya zuwa Tarshish don yă tsere wa Ubangiji.
• A cikin hadari masu tuƙin jirgi sun jefar da kaya cikin tekuYun 1:4–5
  Ayoyin

  Yun 1:4–5Sai Ubangiji ya aika da babban iska a bisan teku, hadiri ya tsananta ƙwarai har jirgin ya yi barazanar farfashewa. Dukan matuƙan jirgin suka tsorata, kowannensu kuma ya yi kuka ga allahnsa, suka kuma jefar da kayan jirgi a cikin teku domin su rage nauyin jirgin. Ana cikin haka, ashe, Yunana ya sauka can ƙarƙashin jirgi ya je ya kwanta, yana ta sharar barcinsa.
• Sun yi tuƙi da ƙarfi amma ba su iya kai bakin teku baYun 1:13
  Ayoyin

  Yun 1:13Maimakon mutanen su yi haka, sai suka yi ƙoƙari su tura jirgin ruwan zuwa bakin teku. Amma ba su iya ba, saboda iskar ta sa tekun ya yi ta ƙara hauka.
• Yesu ya koya wa taron jama’a daga jirgin ruwan SimanLuk 5:2–3
  Ayoyin

  Luk 5:2–3sai ya hangi jiragen ruwa biyu a bakin tafkin, waɗanda masu kamun kifi suka bari suna wankin abin kamun kifinsu. Sai ya shiga ɗaya jirgin ruwan da yake na Siman, ya kuma roƙe shi yă tura shi kaɗan daga gaci. Sai ya zauna a jirgin ruwan, ya koyar da mutane daga ciki.
• Yesu ya yi barci a kan katifa a bayan jirgi lokacin hadariMar 4:37–38
  Ayoyin

  Mar 4:37–38Sai babban hadari mai iska ya tashi, raƙuman ruwa suna ta bugun jirgin ruwan, har jirgin ruwan ya kusa yă cika da ruwa. Yesu kuwa yana can baya, yana barci a kan katifa. Sai almajiran suka tashe shi suka ce masa, “Malam, ba ka kula ba ko mu nutse?”
• Almajirai sun sha wahalar tuƙi saboda iska tana gāba da suMar 6:48
  Ayoyin

  Mar 6:48Ya ga almajiran suna fama da tuƙi saboda iska tana gāba da su. Wajen tsara ta huɗu na dare, sai ya tafi wurinsu, yana takawa a kan tafkin. Ya yi kamar zai wuce su,
• Jirgin ruwa ya farfashe sau uku da Bulus, ya kuma yi yini a cikin teku2Kor 11:25
  Ayoyin

  2Kor 11:25Sau uku aka bulale ni da bulalar ƙarfe, sau ɗaya aka jajjefe ni da duwatsu, sau uku jirgin ruwa ya ragargaje ina ciki, na kwana na kuma yini ruwan teku yana tafiya da ni.

Tafiyar Bulus zuwa Roma

• Jirgin ruwa na Andiramitiyum a gefen tekun AsiyaAyy M 27:2
  Ayoyin

  Ayy M 27:2Muka shiga jirgin ruwa daga Andiramitiyum wanda yake shirin tashi zuwa tasoshin da suke bakin tekun lardin Asiya, sai muka kama tafiya. Aristarkus, mutumin Makidoniya daga Tessalonika, yana tare da mu.
• Tafiya a teku ta zama da hatsari bayan AzumiAyy M 27:9
  Ayoyin

  Ayy M 27:9An riga an ɓata lokaci da yawa, tafiya kuwa ta riga ta zama da hatsari domin a lokacin Azumi ya riga ta wuce. Saboda haka Bulus ya gargaɗe su,
• Guguwar ’Yar arewa maso gabas ta buga; suka ɗaura igiyoyi a ƙarƙashin jirginAyy M 27:14, Ayy M 27:17
  Ayoyin

  Ayy M 27:14Ba a jima ba, sai ga wata guguwar iska mai ƙarfin da ake kira “’Yar arewa maso gabas,” ta buga daga tsibirin.

  Ayy M 27:17Da mutanen suka jawo shi cikin babban jirgin ruwan, sai suka sa igiyoyi ta ƙarƙashin jirgin ruwan kanta don su ɗaɗɗaura shi. Don gudun kada a fyaɗa mu da yashin gaɓar Sirtis, sai suka saukar da ƙugiyar jirgin ruwan, suka bari aka yi ta tura jirgin haka.
• Kaya, sa’an nan kayan aikin jirgin, an jefar da su cikin tekuAyy M 27:18–19
  Ayoyin

  Ayy M 27:18–19Haka muka yi ta shan bugun guguwar hadarin nan kashegari suka fara jajjefar da kayan da jirgin yake ɗauke da su a cikin teku. A rana ta uku, da hannuwansu suka jefar da kayan aikin jirgin ruwan a cikin teku.
• Auna zurfin ruwa: ruwan yana ƙara rashin zurfiAyy M 27:28
  Ayoyin

  Ayy M 27:28Sai suka gwada zurfin ruwan suka ga ya kai ƙafa ɗari da ashirin. Bayan ɗan lokaci kaɗan suka sāke gwadawa suka ga zurfin ya kai ƙafa tasa’in.
• An jefa anka huɗu daga bayan jirginAyy M 27:29
  Ayoyin

  Ayy M 27:29Don gudun kada a fyaɗa mu a kan duwatsu, sai suka saki ƙugiyoyin jirgin guda huɗu daga bayan jirgin suka yi fata gari ya waye.
• Masu tuƙin jirgi sun yi ƙoƙari su tsere a ƙaramin jirgi; sojoji suka yanke shiAyy M 27:30, Ayy M 27:32
  Ayoyin

  Ayy M 27:30Cikin ƙoƙarin tserewa daga jirgin, sai masu tuƙin jirgin suka saukar da ɗan ƙaramin jirgin ruwan cikin tekun, suka yi kamar za su saki waɗansu ƙugiyoyi daga sashen gaba na babban jirgin ne.

  Ayy M 27:32Sai sojojin suka yayyanke igiyoyin da suke riƙe da ɗan ƙaramin jirgin, suka bar shi ya bi ruwa.
• Mutane 276 ne a cikin jirginAyy M 27:37
  Ayoyin

  Ayy M 27:37Dukanmu a jirgin kuwa mutane 276 ne.
• Sun zubar da alkama cikin teku don su sauƙaƙa jirginAyy M 27:38
  Ayoyin

  Ayy M 27:38Sa’ad da suka ci iyakar abin da suke so, sai suka rage nauyin jirgin ta wurin zubar da hatsin a cikin tekun.
• Jirgin ya sandare bayansa kuma ya farfasheAyy M 27:41
  Ayoyin

  Ayy M 27:41Amma jirgin ruwan ya shiga yashi ya kafe. Kan jirgin ya shiga cikin yashin ya kāsa motsi, sai jirgin ya fara farfashewa ta baya saboda haukan raƙuman ruwa.
• Duka sun kai bakin teku, waɗansu a kan allunaAyy M 27:44
  Ayoyin

  Ayy M 27:44Sauran kuma su bi katakai zuwa can ko kuma a kan tarkacen jirgin ruwan. Ta haka kowa ya kai bakin teku lafiya.
• Zuwa Roma a cikin jirgin ruwa na Alekzandariya, TagwayeAyy M 28:11
  Ayoyin

  Ayy M 28:11Bayan wata uku sai muka tashi a wani jirgin ruwan da ya ci damina a tsibirin. Jirgin ruwa kuwa na Alekzandariya ne yana da siffar tagwayen allolin Kasto da Follus.