Ụgbọ mmiri na njem nʼosimiri nʼime Baịbụl

• Ụgbọ mmiri Noa: osisi gofa, nwere ọnụụlọ, e ji korota techie yaJen 6:14–15
  Amaokwu ndị ahụ

  Jen 6:14–15Ya mere, jiri osisi gofa wuore onwe gị ụgbọ mmiri. Rụnye ọtụtụ ọnụụlọ nʼime ya. Jiri korota techie elu ya na ime ya. Otu a ka i ga-esi wuo ya: mee ka ogologo ụgbọ mmiri ahụ dịrị narị mita na iri mita anọ, obosara ya dịrị iri mita abụọ na atọ, ịdị elu ya dịrị mita iri na atọ na ọkara.
• Solomọn wuru ọtụtụ ụgbọ mmiri nʼEziọn Geba nʼakụkụ Oke Osimiri Uhie1Ez 9:26
  Amaokwu ndị ahụ

  1Ez 9:26Eze Solomọn wukwara ọtụtụ ụgbọ mmiri nʼEziọn Geba, bụ nke dị nʼakụkụ Elat, nʼọnụ mmiri Oke osimiri Uhie nʼala Edọm.
• Ndị ọkwọ ụgbọ Hiram wetara talenti ọlaedo 450 site nʼỌfịa2Ih 8:18
  Amaokwu ndị ahụ

  2Ih 8:18Hiram zigaara ya ọtụtụ ụgbọ mmiri nke ndị ikom ya na-anya ụgbọ mmiri na-edu, bụ ndị maara ihe banyere ime njem nʼosimiri nke ọma. Ndị a, ha na ndị ikom Solomọn nyaara ụgbọ gaa Ọfịa site nʼebe ahụ bulatara eze Solomọn, ọlaedo ịdị arọ ya ruru puku kilogram iri na ise na narị atọ.
• Kwa afọ atọ: ọlaedo, ọlaọcha, ọdụ enyi, enwe na adaka1Ez 10:22
  Amaokwu ndị ahụ

  1Ez 10:22Eze nwere ọtụtụ ụgbọ mmiri e ji azụ ahịa nʼoke osimiri, tinyere ụgbọ nke Hiram. Otu ugbo nʼafọ atọ, ka ụgbọ mmiri ndị a na-alọta, buru ọlaedo, ọlaọcha na ọdụ enyi, enwe na adaka dị iche iche bata.
• Ụgbọ mmiri Jehoshafat tiwara tupu ha apụ njem1Ez 22:48, 2Ih 20:36–37
  Amaokwu ndị ahụ

  1Ez 22:48Jehoshafat wuuru ọtụtụ ụgbọ mmiri eji azụ ahịa, maka ije nʼala Ọfịa ịga bute ọlaedo ma ụgbọ mmiri ndị a agaghị ebe ọbụla, nʼihi na ha mikpuru nʼEziọn Geba.

  2Ih 20:36–37Ha kwekọrịtara ka ha na ya wuo ọtụtụ ụgbọ mmiri e ji azụ ahịa. Emesịa, ha wuru ụgbọ ndị a nʼEziọn Geba. Elieza nwa Dodavahu, onye Maresha buru amụma megide Jehoshafat, na-asị, “Nʼihi na i kwenyere ka gị na Ahazaya na-azụkọ ahịa, Onyenwe anyị ga-emebi ihe ndị a ị rụrụ.” Ụgbọ mmiri ahụ niile kpuru, ha enwekwaghị ike ijeru Tashish zụọ ahịa.
• Izikiel kọwara Taịa dịka ụgbọ mmiri e ji osisi junipa, sida, ook na ogho ọcha wuoIzk 27:5–7
  Amaokwu ndị ahụ

  Izk 27:5–7Osisi e ji wuo ahụ ụgbọ gị sitere nʼosisi junipa nke si Senia; ọ bụkwa osisi sida nke si Lebanọn ka e ji jidesie ihu ụgbọ ahụ ike. Osisi ook nke si Bashan ka e ji mee ụmara gị niile. Osisi e si Saiprọs bubata ka e ji wuo ala ụgbọ gị, jirikwa ọdụ machie ya nʼọnọdụ ịchọ ya mma. Ezi akwa ọcha a kpara nke ọma, nke e si Ijipt bubata, ka e ji mee ọkọlọtọ gị. Akwa ndo gị bụkwa akwa na-acha anụnụ anụnụ, na odo odo, nke e si nʼobodo ọnụ mmiri Elisha bubata.
• Ụgbọ mmiri papịrọs bu ndị ozi nʼelu mmiriAịz 18:2
  Amaokwu ndị ahụ

  Aịz 18:2Ala nke na-ezipụ ndị ozi ya site nʼosimiri, bụ ndị na-eji ụgbọ mmiri papịrọs nʼaga nʼelu mmiri. Gaanụ ngwangwa, unu ndị ozi dị nkọ gakwuru ndị toro ogologo nke ahụ ha na-akwọ mụrụmụrụ, gakwuru ndị a na-atụ egwu nʼebe niile, mba na-achọ okwu na ụka, nke na-azọpịakwa azọpịa, ndị osimiri dị iche iche kewara ala ha.
• E ji ụmara ntakịrị na-atụgharị ụgbọ mmiri buru ibuJem 3:4
  Amaokwu ndị ahụ

  Jem 3:4Otu a kwa, ọ bụladị ụgbọ mmiri buru ibu nke ikuku dị ike na-ebugharị nʼosimiri, ka onye na-anya ụgbọ mmiri pụrụ ime ka ọ gaa ebe ọ chọrọ site nʼịtụgharịa ụmara ntakịrị e ji anya ụgbọ.
• Ụzọ ụgbọ mmiri nʼoke osimiri: ihe na-agbagwoju Agọ anyaIlu 30:18–19
  Amaokwu ndị ahụ

  Ilu 30:18–19“Ọ dị ihe atọ na-agbagwoju m anya, apụghị m ịghọta ha; mbaa, ha dị anọ! Otu ugo si efegharị na mbara eluigwe; otu agwọ si akpụ nʼelu nkume, otu ụgbọ mmiri si achọta ụzọ ya nʼoke osimiri; na otu ịhụnanya si eto nʼetiti nwoke na nwaagbọghọ.

Njem

• Jona kwụrụ ụgwọ ụgbọ mmiri na-aga TashishJona 1:3
  Amaokwu ndị ahụ

  Jona 1:3Ma Jona gbapụrụ ọsọ site nʼihu Onyenwe anyị chee ihu ya ije Tashish. O biliri jee Jopa, nʼebe ọ hụrụ ụgbọ mmiri nke na-aga Tashish. Ọ kwụrụ ụgwọ ije ụgbọ, banye isoro gaa Tashish ka o nwee ike gbapụ site nʼihu Onyenwe anyị.
• Nʼoge oke ifufe, ndị ọkwọ ụgbọ tụbara ngwongwo nʼime osimiriJona 1:4–5
  Amaokwu ndị ahụ

  Jona 1:4–5Ma Onyenwe anyị mere ka ifufe dị egwu malite ife nʼelu osimiri ahụ, ebili mmiri bidokwara na-amagharị, chọọ itiwasị ụgbọ mmiri ahụ. Mgbe ahụ, ndị niile na-arụ ọrụ nʼụgbọ ahụ tụrụ oke egwu, malite itiku chi ha. Ha malitekwara itufu ihe niile dị nʼụgbọ mmiri ahụ, ime ka ụgbọ ahụ dị mfe. Ma nʼoge ihe ndị a na-eme, Jona nọrịị nʼala ala ụgbọ mmiri ahụ ebe o dinara ala na-arahụ ụra.
• Ha ji ike kwọọ ụgbọ, ma ha enweghị ike iru alaJona 1:13
  Amaokwu ndị ahụ

  Jona 1:13Kama, ndị ikom ahụ ji ike nyasie ụgbọ ahụ ichigharị ya laghachi nʼelu ala, ma ha enweghị ike. Nʼihi na oke osimiri ahụ na-amali elu karịa ka ọ dị na mbụ.
• Jisọs si nʼụgbọ Saimọn kụziere igwe mmadụ iheLuk 5:2–3
  Amaokwu ndị ahụ

  Luk 5:2–3Ọ hụrụ nʼọnụ mmiri ahụ, ụgbọ mmiri abụọ nke ndị ọkụ azụ nwe ha hapụrụ gaa ịsa ụgbụ ha ji egbu azụ. Ọ banyere nʼime otu ụgbọ mmiri ndị ahụ, nke bụ nke Saimọn, ọ rịọrọ ya ka ọ kwọrọ ya banyetụ ntakịrị nʼime mmiri. Ọ nọdụrụ ala nʼime ya bido na-ezi igwe mmadụ ihe.
• Jisọs rahụrụ ụra nʼelu ohiri isi nʼazụ ụgbọ mgbe oke ifufe na-efeMak 4:37–38
  Amaokwu ndị ahụ

  Mak 4:37–38Oke ifufe dị ike bidoro ife, ebili mmiri na-awụbakwa nʼụgbọ ahụ ruo na ụgbọ ha fọdụrụ ntakịrị ka mmiri mie ya. Ma Jisọs nọ nʼazụ azụ ụgbọ ahụ na-arahụ ụra nʼelu ohiri isi. Ndị na-eso ụzọ ya kpọtere ya sị ya, “Onye ozizi, o metụghị gị nʼobi na anyị nʼala nʼiyi?”
• Ndị na-eso ụzọ ji ike kwọọ ụgbọ megide ifufeMak 6:48
  Amaokwu ndị ahụ

  Mak 6:48Mgbe ọ hụrụ na ha nọ na nsogbu nʼihi na ikuku na-emegide ha, nʼihe dị ka elekere atọ nke ụtụtụ, o bidoro ịga ije nʼelu mmiri ịbịakwute ha, ma o mere dị ka ọ chọrọ ịgafe ha.
• Ụgbọ mmiri Pọl nọ nʼime ya kpuru ugboro atọ; ọ nọrọ otu abalị na ụbọchị nʼoke osimiri2Kọ 11:25
  Amaokwu ndị ahụ

  2Kọ 11:25E jirila okporo igwe tie m ugboro atọ. Atụrụ m nkume otu ugboro. Ugboro atọ ka ụgbọ mmiri m nọ nʼime ya kpuru nʼoke osimiri. Anọọla m otu abalị na ụbọchị so ya nʼelu oke osimiri ebe mmiri na-ebugharị m.

Njem Pọl gaa Rom

• Ụgbọ sitere Adramitiọm, na-aga nʼakụkụ ọnụ mmiri EshịaỌrụ 27:2
  Amaokwu ndị ahụ

  Ọrụ 27:2Anyị banyere nʼụgbọ sitere Adramitiọm nke na-ejikere ịga nʼọnụ mmiri nke dị nʼakụkụ obodo Eshịa. Anyị nupuru nʼoke osimiri, Arịstakọs, onye Masidonia sitere na Tesalonaịka sokwa anyị nʼije a.
• Ije ụgbọ mmiri ghọrọ ihe ize ndụ mgbe Obubu ọnụ gafereỌrụ 27:9
  Amaokwu ndị ahụ

  Ọrụ 27:9Anyị tufuru oge nʼebe ahụ. Ije ụgbọ mmiri abụrụkwala nke jupụtakwara nʼihe ize ndụ ugbu a, nʼihi na mmemme Obubu ọnụ nke ndị Juu agafeela. Nʼihi nke a, Pọl dụrụ mmadụ niile ọdụ,
• Oke ifufe si nʼugwu na ọwụwa anyanwụ kuru; ha ji ụdọ kee ụgbọ ahụ gburugburuỌrụ 27:14, Ọrụ 27:17
  Amaokwu ndị ahụ

  Ọrụ 27:14Ma mgbe na-adịghị anya, oke ifufe dị egwu nke si nʼagbata ugwu na ọwụwa anyanwụ kuru site nʼagwa etiti ahụ rịdata.

  Ọrụ 27:17Emesịa, anyị jiri ụdọ kee ụgbọ mmiri ahụ ime ka o sie ike karịa. Ndị na-anya ụgbọ ahụ tụrụ egwu na ikuku ga-eburu ụgbọ anyị gaa nʼọnụ mmiri na-achị ọkụ nke dị na Satis. Ha wedatara akwa e kobere nʼelu, nke na-enyere ikuku aka ibu ụgbọ mmiri. Emesịa, ha sooro ikuku mmiri ahụ na-aga.
• Ngwongwo, emesịa ngwa ụgbọ, ka a tụbara nʼime osimiriỌrụ 27:18–19
  Amaokwu ndị ahụ

  Ọrụ 27:18–19Mgbe chi bọrọ, dịka osimiri ahụ na-etonye etonye, ndị na-eso ụgbọ bidoro ịtụbasị ngwongwo ndị dị nʼụgbọ ahụ nʼime osimiri. Nʼụbọchị nke atọ ha tụbakwara ngwongwo e ji edozi ụgbọ mmiri na ọtụtụ ihe ọbụla nke aka ha ghọtara nʼime osimiri.
• Ịtụ omimi: mmiri na-adịwanye nʼelu nʼeluỌrụ 27:28
  Amaokwu ndị ahụ

  Ọrụ 27:28Ha tụnyere ụdọ e kenyere igwe nʼọnụ ya nʼime osimiri chọpụta na omimi osimiri ahụ dị narị nzọ ụkwụ na iri abụọ nʼebe ahụ ha nọ. Ha gakwara nʼihu tụọkwa ụdọ ahụ ọzọ chọpụta na omimi osimiri ahụ dị iri nzọ ụkwụ itoolu.
• Ha tụpụtara arịlịka anọ site nʼazụ ụgbọỌrụ 27:29
  Amaokwu ndị ahụ

  Ọrụ 27:29Ma egwu juru ha obi nʼihi na ha amaghị ma ha ga-ezute nkume nʼakụkụ ọnụ mmiri ahụ. Ha tụpụtara arịlịka anọ e ji ejide ụgbọ site nʼazụ ụgbọ ahụ ma na-arịọ chi ha maka chi ọbụbọ.
• Ndị ọkwọ ụgbọ chọrọ ịgbapụ nʼụgbọ epeepe; ndị agha bipụrụ ụdọ yaỌrụ 27:30, Ọrụ 27:32
  Amaokwu ndị ahụ

  Ọrụ 27:30Mgbe ndị na-eso ụgbọ ahụ kpebiri ịhapụ ya. Ha wedatara ụgbọ epeepe e dobere maka ihe mberede, mee dịka ha na-aga itinye arịlịka nʼọnụ ụgbọ mmiri ahụ.

  Ọrụ 27:32Nʼihi nke a, ndị agha ahụ gbubiri ụdọ e jiri kee ụgbọ epeepe ahụ hapụ ụgbọ epeepe ahụ ka ọ daba nʼime osimiri.
• Mmadụ 276 nọ nʼụgbọ ahụỌrụ 27:37
  Amaokwu ndị ahụ

  Ọrụ 27:37Anyị niile nọ nʼụgbọ ahụ dị narị mmadụ abụọ na iri asaa na isii.
• Ha tụbara ọka nʼime osimiri ime ka ụgbọ ahụ gbaa mfeỌrụ 27:38
  Amaokwu ndị ahụ

  Ọrụ 27:38Mgbe anyị richara nri, ha buuru akpa ọka niile dị nʼụgbọ ahụ tụba ha nʼime osimiri ime ka ụgbọ ahụ gbaa mfe.
• Ụgbọ ahụ maa isi nʼaja, azụ ya tiwasịaỌrụ 27:41
  Amaokwu ndị ahụ

  Ọrụ 27:41Ma ụgbọ mmiri ahụ gara maa isi na mkpumkpu aja mmiri, mikpuo nʼaja. Ọnụ ụgbọ ahụ mikpuru nke ukwuu mee ka isi ụgbọ ahụ laa elu, nke a nyere ebili mmiri a ohere iji ike tiwasịa azụ ụgbọ ahụ.
• Mmadụ niile ruru nʼala, ụfọdụ nʼelu obodobo osisiỌrụ 27:44
  Amaokwu ndị ahụ

  Ọrụ 27:44Ma ndị fọdụrụ ga-eru nʼelu ala site nʼịghọnye aka na obodobo osisi maọbụ nʼihe ndị ọzọ dị iche iche si nʼahụ ụgbọ ahụ dapụta. Nʼụzọ dị otu ka mmadụ niile ji bụrụ ndị rutere nʼelu ala nʼudo.
• Gaa Rom nʼụgbọ ndị Alegzandria, nke Ejima ahụỌrụ 28:11
  Amaokwu ndị ahụ

  Ọrụ 28:11Anyị nọrọ ihe dịka ọnwa atọ nʼoge oyi, nʼagwa etiti ahụ tutu anyị anyalie ụgbọ. Ọ bụ ụgbọ ndị Alegzandria nke bu ihe a tụrụ atụ a na-akpọ ejima, bụ chi Kastọ na Polụkus.