Kurkuku da sarƙoƙi a cikin Littafi Mai Tsarki

Nassosin Littafi Mai Tsarki, Sabon Rai Don Kowa (45), layi bayan layi, daga Nave’s Topical Bible.

A cikin Tsohon Alkawari

An sa Yusuf a kurkukun da ake tsare ’yan kurkukun sarkiFar 39:20
Ayoyin
Far 39:20Maigidan Yusuf ya ɗauke shi ya sa a kurkuku, wurin da ake tsare ’yan kurkukun sarki. Amma yayinda Yusuf yake can a cikin kurkuku,
Mai gadin kurkuku ya sa dukan ’yan kurkuku a hannun YusufFar 39:22
Ayoyin
Far 39:22Saboda haka mai gadin ya sa Yusuf ya zama shugaban dukan waɗanda aka tsare a kurkukun, Yusuf ne kuma yake lura da dukan abin da ake yi a can.
An tsare mai shayarwa da mai toya burodi na Fir’auna a kurkukunFar 40:3
Ayoyin
Far 40:3ya kuma sa su a kurkuku a cikin gidan shugaban masu tsaro, a wannan kurkukun da aka sa Yusuf.
An fitar da Yusuf daga kurkuku, ya yi aski ya kuma canja tufafinsaFar 41:14
Ayoyin
Far 41:14Sai Fir’auna ya aika a kawo Yusuf, aka kuwa kawo shi da sauri daga kurkuku. Sa’ad da ya yi aski, ya kuma canja tufafinsa, sai ya zo gaban Fir’auna.
Yusuf ya tsare ’yan’uwansa kwana uku, sa’an nan ya riƙe Simeyon a ɗaureFar 42:17, Far 42:24
Ayoyin
Far 42:17Ya kuwa sa su duka a kurkuku na kwana uku.
Far 42:24Sai ya juya daga gare su ya yi kuka, sa’an nan ya dawo ya yi musu magana kuma. Ya sa aka ɗauke Simeyon daga gare su, aka daure shi a idanunsu.
Ahab: a sa Mikahiya a kurkuku a ba shi burodi da ruwa1Sar 22:27
Ayoyin
1Sar 22:27Ku ce ga abin da sarki ya ce, ‘Ku sa wannan mutum a kurkuku, kuma kada ku ba shi wani abu sai dai burodi da ruwa, sai na dawo lafiya.’ ”
Asa, cikin fushi, ya sa mai gani Hanani a kurkuku2Tar 16:7, 2Tar 16:10
Ayoyin
2Tar 16:7A lokacin Hanani mai duba ya zo wurin Asa sarkin Yahuda ya ce masa, “Don ka dogara ga sarkin Aram, ba kuwa ga Ubangiji Allahnka ba ne mayaƙan sarkin Aram sun kuɓuce daga hannunka.
2Tar 16:10Sai Asa ya yi fushi sosai da mai duban saboda wannan; ya yi fushi ƙwarai har ya sa aka jefa shi a kurkuku. A lokaci guda kuma Asa ya fara gwada wa mutane azaba.
Sarkin Assuriya ya sa Sarki Hosheya a kurkuku2Sar 17:4
Ayoyin
2Sar 17:4Amma sarkin Assuriya ya gane cewa Hosheya mai cin amana ne, gama ya aika da wakilai wurin So sarkin Masar, ya kuma daina aika wa sarkin Assuriya haraji yadda ya saba yi kowace shekara. Saboda haka Shalmaneser ya kama shi ya sa a kurkuku.
An kai Manasse Babilon da ƙugiya da sarƙoƙin tagulla2Tar 33:10–11
Ayoyin
2Tar 33:10–11Ubangiji ya yi magana da Manasse da mutanensa, amma ba su kula ba. Saboda haka Ubangiji ya kawo manyan hafsoshin mayaƙan sarkin Assuriya a kansu, waɗanda suka ɗauki Manasse a matsayi ɗan kurkuku, suka sa ƙugiya a hancinsa, suka daure shi da sarƙoƙin tagulla suka kuma kai shi Babilon.
An kai Zedekiya, makaho, Babilon cikin sarƙoƙin tagulla2Sar 25:7, Irm 52:11
Ayoyin
2Sar 25:7Suka kashe ’ya’yan Zedekiya a gabansa, sa’an nan aka ƙwaƙule idanunsa. Suka daure shi da sarƙar tagulla, suka kai shi Babilon.
Irm 52:11Sa’an nan ya ƙwaƙule idanun Zedekiya, ya kuma sa masa ƙuƙumi, aka kai shi Babilon inda aka sa shi a kurkuku har ran da ya mutu.
An saki Yehohiyacin bayan shekara talatin da bakwai ya kuma ci a teburin sarki2Sar 25:27–29
Ayoyin
2Sar 25:27–29A shekara ta talatin da bakwai ta bautar Yehohiyacin sarkin Yahuda, a shekaran da Ewil-Merodak ya ci sarautan Babilon, sai ya saki Yehohiyacin daga jaru, ya sake shi a rana ashirin da bakwai ga watan goma sha biyu. Ya yi wa Yehohiyacin maganar alheri, ya kuma ɗaukaka shi sama da sauran sarakunan da suke tare da shi a Babilon. Don haka Yehohiyacin ya tuɓe kayan fursuna. Kowace rana kuwa yakan ci abinci a teburin sarki har iyakar ransa.

Irmiya

An yi masa dūka aka sa shi a turu a Ƙofar Bisa na BenyaminIrm 20:2
Ayoyin
Irm 20:2sai ya sa aka yi wa Irmiya dūka aka kuma sa shi a turu a Ƙofar Bisa na Benyamin a haikalin Ubangiji.
An sa shi a kurkuku a ɗakin ƙarƙashin ƙasa a gidan Yonatan magatakardaIrm 37:15–16
Ayoyin
Irm 37:15–16Suka yi fushi da Irmiya suka sa aka yi masa dūka aka kuma jefa shi cikin kurkuku a gidan Yonatan magatakarda, gama an mai da gidansa ya zama kurkuku. Aka sa Irmiya a can cikin kurkuku, inda ya kasance kwanaki masu yawa.
An ajiye shi a sansanin matsara, da burodi guda kowace ranaIrm 32:2, Irm 37:21
Ayoyin
Irm 32:2Sojojin sarkin Babilon a lokacin suna ƙawanya wa Urushalima annabi Irmiya kuwa yana a tsare a sansanin matsara a fadar Yahuda.
Irm 37:21Sarki Zedekiya ya yi umarni a ajiye Irmiya a sansanin matsara a kuma ba shi burodi daga titin masu gashin burodi kowace rana sai duka burodi a birnin ya ƙare. Saboda haka Irmiya ya zauna a sansanin matsara.
An saukar da shi da igiyoyi cikin rami marar ruwa, laka kawaiIrm 38:6
Ayoyin
Irm 38:6Saboda haka suka kama Irmiya suka sa a rijiyar da ba ruwa a ciki ta Malkiya, ɗan sarki, wadda take a sansanin matsara. Suka saukar da Irmiya cikin rijiyar da ba ruwa da igiya; babu ruwa a cikinta, sai laka, Irmiya ya nutse cikin laka.
An ’yantar da shi a Rama daga sarƙoƙin da suke a hannuwansaIrm 40:1, Irm 40:4
Ayoyin
Irm 40:1Sai magana ta zo wa Irmiya daga Ubangiji bayan Nebuzaradan shugaban matsaran sarki ya sake shi a Rama. Ya sami Irmiya a daure da sarƙoƙi a cikin sauran kamammu daga Urushalima da kuma Yahuda waɗanda ake kaiwa zaman bauta a Babilon.
Irm 40:4Amma yau ina ’yantar da kai daga sarƙoƙin da suke a hannuwanka. Zo mu tafi Babilon, in kana so, zan kuwa lura da kai; amma in ba ka so, kada ka zo. Ga shi, dukan ƙasar tana a gabanka; ka tafi duk inda ka so.”

A cikin Sabon Alkawari

Hiridus ya ɗaure Yohanna ya sa shi a kurkukuMat 14:3
Ayoyin
Mat 14:3To, dā Hiridus ya kama Yohanna ya daure, ya kuma sa shi cikin kurkuku saboda Hiridiyas, matar ɗan’uwansa Filibus,
Daga kurkuku Yohanna ya aiki almajiransa wurin YesuMat 11:2
Ayoyin
Mat 11:2Sa’ad da Yohanna Mai Baftisma ya ji a kurkuku abin da Kiristi yake yi, sai ya aiki almajiransa
An fille kan Yohanna a kurkukuMat 14:10
Ayoyin
Mat 14:10ya kuma sa aka yanke kan Yohanna a kurkuku.
Barabbas yana kurkuku saboda tawaye da kisaLuk 23:19
Ayoyin
Luk 23:19(Barabbas yana kurkuku saboda laifin tā da hankali a birnin, da kuma don kisankai.)
Yesu: “da nake kurkuku, kun ziyarce ni”Mat 25:36
Ayoyin
Mat 25:36da nake bukatar tufafi, kun yi mini sutura, da na yi rashin lafiya, kun lura da ni, da nake kurkuku, kun ziyarce ni.’
An tsare Bitrus da Yohanna har kashegari domin yamma ta yiAyy M 4:3
Ayoyin
Ayy M 4:3Sai suka kama Bitrus da Yohanna, amma da yake yamma ta riga ta yi sai suka sa su cikin kurkuku sai kashegari.
Manzanni ba sa cikin kurkukun, ko da yake an kulle shi ana kuma tsaronsaAyy M 5:18–19, Ayy M 5:23
Ayoyin
Ayy M 5:18–19Suka kama manzannin suka sa su a kurkukun da ake sa kowa da kowa. Amma da dare wani mala’ikan Ubangiji ya buɗe ƙofofin kurkukun ya fitar da su.
Ayy M 5:23“Mun iske kurkukun a kulle sosai, da masu gadi suna tsaye a bakin ƙofofin; amma da muka buɗe su, sai muka tarar ba kowa a ciki.”
Cikin tsaro mai yawa, Bitrus ya yi barci a ɗaure da sarƙa tsakanin sojoji biyuAyy M 12:4, Ayy M 12:6
Ayoyin
Ayy M 12:4Bayan ya kama shi, sai ya sa shi a kurkuku, ya danƙa shi a hannun soja hurhuɗu kashi huɗu, don su yi gadinsa. Hiridus ya yi niyyar ya yi masa shari’a a gaban mutane bayan Bikin Ƙetarewa.
Ayy M 12:6A daren da in gari ya waye da Hiridus yake niyyar kawo shi domin a yi masa shari’a, Bitrus yana barci tsakanin sojoji biyu, daure da sarƙoƙi biyu, masu gadi kuma suna bakin ƙofa.
Sarƙoƙin sun faɗi, ƙofar ƙarfe kuma ta buɗe da kantaAyy M 12:7, Ayy M 12:10
Ayoyin
Ayy M 12:7Ba zato ba tsammani sai mala’ikan Ubangiji ya bayyana haske kuma ya haskaka a ɗakin. Ya bugi Bitrus a gefe ya kuma tashe shi ya ce, “Maza, ka tashi!” Sarƙoƙin kuwa suka zube daga hannuwansa.
Ayy M 12:10Suka wuce masu gadi na fari da na biyu, suka kuma isa ƙofar ƙarfe ta shiga birni. Ƙofar kuwa ta buɗe musu da kanta, suka kuma wuce. Sa’ad da suka yi tafiya tsawon wani titi, nan take mala’ikan ya bar shi.
A Filibbi: ɗaki na ciki, ƙafafunsu a turuAyy M 16:23–24
Ayoyin
Ayy M 16:23–24Bayan an yi musu bulala sosai, sai aka jefa su cikin kurkuku, aka umarci mai gadin kurkukun yă tsare su da kyau. Da karɓan irin umarnan nan, sai ya sa su can cikin ɗakin kurkuku na ciki-ciki, kuma ya ɗaura ƙafafunsu a turu.
Da tsakar dare girgizar ƙasa ta buɗe ƙofofi, dukan sarƙoƙi kuma suka kunceAyy M 16:25–26
Ayoyin
Ayy M 16:25–26Wajen tsakar dare Bulus da Sila suna addu’a suna rera waƙoƙi ga Allah, sauran ’yan kurkuku kuwa suna sauraronsu. Ba zato ba tsammani sai aka yi wata babbar girgizar ƙasa har tushen ginin kurkukun ya jijjiga. Nan da nan sai duk ƙofofin kurkukun suka bubbuɗe, sarƙoƙin kowa kuma suka ɓaɓɓalle.
A Urushalima an ɗaure Bulus da sarƙoƙi biyuAyy M 21:33
Ayoyin
Ayy M 21:33Shugaban ƙungiyar sojan ya zo ya kama shi ya ba da umarni a daure shi da sarƙoƙi biyu. Sa’an nan ya yi tambaya ko shi wane ne, da kuma abin da ya yi.
Felis ya bar Bulus a kurkuku shekara biyuAyy M 24:27
Ayoyin
Ayy M 24:27Da shekaru biyu suka wuce, sai Forsiyus Festus, ya gāji Felis, amma domin Felis ya so yă biya wa Yahudawa bukata, sai ya bar Bulus a kurkuku.
A Roma Bulus ya zauna da soja yana tsaronsa, a ɗaure da sarƙaAyy M 28:16, Ayy M 28:20
Ayoyin
Ayy M 28:16Da muka isa Roma, sai aka yarda wa Bulus yă zauna shi kaɗai, tare da sojan da zai yi gadinsa.
Ayy M 28:20Saboda wannan ne na nemi in gan ku in kuma yi magana da ku. Saboda begen Isra’ila ne, nake a daure da wannan sarƙa.”
Ya zauna shekara biyu cikakku a gidan da ya yi hayaAyy M 28:30
Ayoyin
Ayy M 28:30Shekaru biyu cif Bulus ya zauna a can a gidansa na haya yana marabtar duk wanda ya je wurinsa.
Onesiforus bai ji kunyar sarƙoƙin Bulus ba2Tim 1:16
Ayoyin
2Tim 1:16Bari Ubangiji yă yi wa iyalin Onesiforus jinƙai, domin sau da dama yakan wartsakar da ni, bai kuma ji kunyar sarƙoƙina ba.

Sarƙoƙin zinariya

Fir’auna ya sa sarƙar zinariya a wuyan YusufFar 41:42
Ayoyin
Far 41:42Sa’an nan Fir’auna ya zare zoben sarauta daga yatsarsa, ya sa shi a yatsan Yusuf. Ya sanya masa rigar lallausan lilin, ya kuma sa masa sarƙar zinariya a wuyansa.
Belshazar ya sa aka sa sarƙar zinariya a wuyan DaniyelDan 5:29
Ayoyin
Dan 5:29Sai Belshazar ya umarta, aka sa wa Daniyel riga mai shunayya, aka sa sarƙar zinariya a wuyansa, aka kuma yi shela, cewa yanzu shi ne na uku a cikin masu mulkin ƙasar.
Gideyon ya ɗauki sarƙoƙi daga wuyan raƙuman MidiyawaMah 8:26
Ayoyin
Mah 8:26Nauyin ’yan kunnen zinariyar ya kai shekel ɗari goma sha bakwai, ban da kayan ado, abin wuya da tufafin shunayya waɗanda sarakuna Midiyawa suke sawa ko sarƙoƙin da suke wuyar raƙumansu.
Solomon ya rataye sarƙoƙin zinariya a gaban wuri mafi tsarki1Sar 6:21
Ayoyin
1Sar 6:21Solomon ya rufe cikin haikalin da zinariya zalla, ya kuma gifta sarƙoƙin zinariya a gaban wuri mai tsarki na ciki, wanda aka dalaye da zinariya.

Tushe

Daga Nave’s Topical Bible (Orville J. Nave, 1896; na kowa): an zaɓi jigogi, an taƙaita layuka an kuma sa su cikin kalmomin zamani, an bar layukan fassarar ma’ana; an duba kowace aya.

Littafi Mai Tsarki, Sabon Rai Don Kowa · © 2009, 2020 Biblica, Inc., CC BY-SA 4.0; changed: footnotes, headings and the letters over Psalm 119 left out, verses in the app's numbering. The original work by Biblica, Inc. is available for free at www.biblica.com and open.bible.