Bible Explorer
HA

Bincika › Jigogi › Hanyoyi

Abubuwan ban mamaki

Hanyoyi a cikin Littafi Mai Tsarki

Nassosin Littafi Mai Tsarki, Sabon Rai Don Kowa (15), layi bayan layi, daga Nave’s Topical Bible.

  • Isra’ila sun roƙa su bi Babbar Hanyar Sarki ta cikin EdomƘid 20:17–19
    Ayoyin
    Ƙid 20:17–19Muna roƙonka, ka yarda mana mu bi ta ƙasarka. Ba za mu bi ta wani fili, ko gonar inabi ba, ko mu sha ruwa daga wata rijiya ba. Za mu bi ta babban hanyar sarki, ba kuwa za mu kauce dama, ko hagu ba, har mu wuce yankinka.” Amma Edom ya amsa ya ce, “Ba za ku bi ta nan ba; in kuka kuskura, za mu fito, mu yaƙe ku da takobi.” Sai Isra’ilawa suka amsa, suka ce, “Za mu bi ta babbar hanya, in mu, ko dabbobinmu suka sha ruwanku, za mu biya. Mu dai muna so mu wuce ne kawai.”
  • Roƙo iri ɗaya ga Sihon na AmoriyawaƘid 21:22, M Sh 2:27
    Ayoyin
    Ƙid 21:22“Ka bari mu ratsa ta ƙasarka. Ba za mu shiga wata gona ba, ba za mu kuma shiga gonar inabi, ko mu sha ruwa daga wata rijiya ba. Za mu bi ta babbar hanyar sarki, har mu fita ƙasarka.”
    M Sh 2:27“Bari mu wuce cikin ƙasarka. Za mu bi ta kan hanya ne kaɗai; ba za mu ratse dama ko hagu ba.
  • An gina hanyoyi zuwa biranen mafakaM Sh 19:3
    Ayoyin
    M Sh 19:3Ku gina hanyoyi zuwa cikinsu, ku kuma raba ƙasar da Ubangiji Allahnku yake ba ku gādo kashi uku, saboda duk wani da ya yi kisankai yă iya gudu zuwa can.
  • An binne Rahila a hanya zuwa EfrataFar 35:19
    Ayoyin
    Far 35:19Ta haka Rahila ta rasu, aka kuma binne ta a hanya zuwa Efrata (wato, Betlehem).
  • Yoshuwa ya fafari abokan gāba a kan hanyar hawa zuwa Bet-HoronYosh 10:10
    Ayoyin
    Yosh 10:10Ubangiji ya sa suka ruɗe a gaban Isra’ilawa, Isra’ilawa kuwa suka yi babbar nasara a kansu a Gibeyon. Isra’ilawa suka fafare su a kan hanyar zuwa Bet-Horon suka karkashe su duka har zuwa Azeka da Makkeda.
  • A zamanin Shamgar ba a bin manyan hanyoyiMah 5:6
    Ayoyin
    Mah 5:6“A zamanin Shamgar ɗan Anat, a zamanin Yayel, an yashe dukan hanyoyi; matafiye suka bi hanyoyin da suka yi kona-kona.
  • Shilo, a gabashin hanyar daga Betel zuwa ShekemMah 21:19
    Ayoyin
    Mah 21:19Sai suka tuna, akwai bikin Ubangiji da sukan yi shekara-shekara a Shilo ya yi kusa. Shilo yana arewancin Betel, kudu da Lebona, gabas da hanyar da take tsakanin Betel da Shekem.”
  • Shanun sun ja akwatin alkawari kai tsaye a hanya zuwa Bet-Shemesh1Sam 6:12
    Ayoyin
    1Sam 6:12Sai shanun suka miƙe zuwa Bet-Shemesh. Suka bi hanya daidai, ba su juya dama ko hagu ba. Shugabannin Filistiyawa suka bi har zuwa iyakar ƙasar Bet-Shemesh.
  • Hanyar Filin Mai Wanki kusa da wuriyar ruwaIsh 7:3
    Ayoyin
    Ish 7:3Sai Ubangiji ya ce wa Ishaya, “Fita, kai da ɗanka Sheyar-Yashub, don ku sadu da Ahaz a ƙarshen wuriyar da take kawo ruwa daga Tafkin Tudu, a hanyar Filin Mai Wanki.
  • Wani mutum da yake gangarawa daga Urushalima zuwa Yeriko ya fāɗa hannun ’yan fashiLuk 10:30–31
    Ayoyin
    Luk 10:30–31Yesu ya amsa ya ce, “Wani mutum ya tashi daga Urushalima za shi Yeriko, sai ya fāɗi a hannun mafasa, wato, ’yan fashi. Suka ƙwace tufafinsa, suka yi masa dūka, suka bar shi nan bakin rai da mutuwa. Ya zamana wani firist ya bi kan wannan hanya. Da ya ga mutumin, sai ya bi gefe ya wuce abinsa.
  • Bartimawus ya zauna a gefen hanya mai fita daga YerikoMar 10:46
    Ayoyin
    Mar 10:46Sai suka iso Yeriko. Sa’ad da Yesu da almajiransa tare da taro mai yawa suke barin birnin, wani makaho da ake kira Bartimawus kuwa (wato, “ɗan Timawus”), yana zaune a gefen hanya yana bara.
  • Emmawus, kusan mil bakwai daga UrushalimaLuk 24:13
    Ayoyin
    Luk 24:13A wannan rana kuma, biyu daga cikinsu suna tafiya zuwa wani ƙauye, da ake kira Emmawus, da suke kusan mil bakwai daga Urushalima.
  • Hanyar jeji daga Urushalima zuwa GazaAyy M 8:26
    Ayoyin
    Ayy M 8:26To wani mala’ikan Ubangiji ya ce wa Filibus, “Ka yi kudu zuwa hanyar, hanyar hamada, da ta gangara daga Urushalima zuwa Gaza.”
  • Dole Yesu ya bi ta Samariya a hanya zuwa GaliliYoh 4:3–5
    Ayoyin
    Yoh 4:3–5Da ya sami wannan labari, sai ya bar Yahudiya ya sāke koma Galili. To, ya zama dole yă bi ta Samariya. Sai ya zo wani gari a Samariya da ake ce da shi Saikar, kurkusa da filin da Yaƙub ya ba wa ɗansa Yusuf.

Tushe

Daga Nave’s Topical Bible (Orville J. Nave, 1896; na kowa): an zaɓi jigogi, an taƙaita layuka an kuma sa su cikin kalmomin zamani, an bar layukan fassarar ma’ana; an duba kowace aya.

Littafi Mai Tsarki, Sabon Rai Don Kowa · © 2009, 2020 Biblica, Inc., CC BY-SA 4.0; changed: footnotes, headings and the letters over Psalm 119 left out, verses in the app's numbering. The original work by Biblica, Inc. is available for free at www.biblica.com and open.bible.