Girgizar ƙasa a cikin Littafi Mai Tsarki

• Zabura sun yi maganar girgizar ƙasa da rawar duwatsuZab 18:7, Zab 46:2–3, Zab 104:32
  Ayoyin

  Zab 18:7Ƙasa ta yi rawa ta kuma girgiza, tussan duwatsu sun girgiza; sun yi rawa domin ya yi fushi.

  Zab 46:2–3Saboda haka ba za mu ji tsoro ba, ko da ƙasa ta girgiza duwatsu kuma suka fāɗi cikin zurfin teku, ko da ruwansa suna ruri suna kumfa duwatsu kuma suna girgiza da tumbatsansu. Sela

  Zab 104:32shi wanda ya dubi duniya, sai ta razana, wanda ya taɓa duwatsu, sai suka yi hayaƙi.

Misalai

• Dukan Dutsen Sinai ya girgiza ƙwaraiFit 19:18, Zab 68:8
  Ayoyin

  Fit 19:18Dutsen Sinai kuwa ya tunnuƙe duka da hayaƙi, gama Ubangiji ya sauko a bisan dutsen cikin wuta. Hayaƙin ya hau kamar hayaƙin da yake fitowa daga matoya, duk dutsen ya yi rawa da ƙarfi,

  Zab 68:8duniya ta girgiza, sammai suka zuba ruwan sama, a gaban Allah, wanda ya bayyana a Sinai, a gaban Allah, Allah na Isra’ila.
• Ƙasa ta tsage a ƙarƙashin Kora, Datan da AbiramƘid 16:31–32
  Ayoyin

  Ƙid 16:31–32Nan da nan da ya gama faɗi wannan, sai ƙasa ta tsage inda Datan da Abiram suke tsaye, ta kuma buɗe bakinta, ta haɗiye su tare da mutanen gidansu da dukan mutanen Kora da dukan abin da yake mallakarsu.
• Ƙasa ta girgiza a sansanin Filistiyawa bayan harin Yonatan1Sam 14:15
  Ayoyin

  1Sam 14:15Sai tsoro ya kama dukan sojojin Filistiyawa, waɗanda suke cikin sansanin da waɗanda suke fili, har da waɗanda suke waje, da kuma waɗanda suke kai hari, ƙasa ta girgiza. Allah ne ya kawo wannan rikicewa.
• Iliya a Horeb: iska, girgizar ƙasa, wuta, sa’an nan raɗa a hankali1Sar 19:11–12
  Ayoyin

  1Sar 19:11–12Sai Ubangiji ya ce, “Fita ka tsaya a kan dutse a gaban Ubangiji, gama Ubangiji yana shirin wucewa.” Sai ga babbar iska mai ƙarfi ta tsage duwatsu, ta kuma ragargaza duwatsu a gaban Ubangiji, amma Ubangiji ba ya cikin iskar. Bayan iskar sai aka yi girgizar ƙasa, amma Ubangiji ba ya cikin girgizar ƙasa. Bayan girgizar ƙasa, sai ga wuta, amma Ubangiji ba ya cikin wuta. Bayan wutar kuma sai ga wata ’yar murya.
• Amos ya yi magana shekara biyu kafin girgizar ƙasa, a zamanin UzziyaAmos 1:1
  Ayoyin

  Amos 1:1Kalmomin Amos, ɗaya daga cikin makiyayan Tekowa, abubuwan da ya gani game da Isra’ila shekaru biyu kafin a yi girgizar ƙasa, a lokacin da Uzziya yake sarkin Yahuda, Yerobowam ɗan Yowash kuma yake sarkin Isra’ila.
• Zakariya ya tuna da mutanen da suka gudu daga girgizar ƙasa a zamanin UzziyaZak 14:5
  Ayoyin

  Zak 14:5Za ku gudu ta wajen kwarin dutsena, gama zai miƙe har zuwa Azel. Za ku gudu kamar yadda kuka guje wa girgizar ƙasa a kwanakin Uzziya sarkin Yahuda. Sa’an nan Ubangiji Allahna zai zo, tare da duk masu tsarki.
• A mutuwar Yesu ƙasa ta girgiza duwatsu kuma suka tsageMat 27:51
  Ayoyin

  Mat 27:51A daidai wannan lokaci, sai labulen haikali ya tsage gida biyu, daga sama har ƙasa. Ƙasa ta jijjiga, duwatsu kuma suka farfashe.
• Jarumin sojojin ya ga girgizar ƙasar sai tsoro ya kama shiMat 27:54
  Ayoyin

  Mat 27:54Da jarumin nan tare da waɗanda suke tsaron Yesu, suka ga girgizar ƙasa, da kuma abin da ya faru, sai tsoro ya kama su, suka kuma ce, “Gaskiya, wannan Ɗan Allah ne!”
• Babban girgizar ƙasa yayinda aka mirgine dutsen daga kabarinMat 28:2
  Ayoyin

  Mat 28:2Sai aka yi wata babbar girgizar ƙasa. Don wani mala’ikan Ubangiji ya sauka daga sama, ya je kabarin, ya gungurar da dutsen, ya kuma zauna a kai.
• Wurin da masu bi suke addu’a ya girgizaAyy M 4:31
  Ayoyin

  Ayy M 4:31Bayan suka yi addu’a, sai inda suka taru ya jijjigu. Dukansu kuwa suka cika da Ruhu Mai Tsarki, suka yi ta shaidar maganar Allah babu tsoro.
• A Filibbi girgizar ƙasa ta buɗe ƙofofin kurkukuAyy M 16:26
  Ayoyin

  Ayy M 16:26Ba zato ba tsammani sai aka yi wata babbar girgizar ƙasa har tushen ginin kurkukun ya jijjiga. Nan da nan sai duk ƙofofin kurkukun suka bubbuɗe, sarƙoƙin kowa kuma suka ɓaɓɓalle.