Zuma a cikin Littafi Mai Tsarki

• Ƙasa mai zub da madara da zumaFit 3:8, Fir 20:24
  Ayoyin

  Fit 3:8Saboda haka na sauko domin in cece su daga hannun Masarawa, in kuma fitar da su daga ƙasar Masar, in kai su ƙasa mai kyau mai fāɗi, ƙasa mai zub da madara da zuma, inda Kan’aniyawa, Hittiyawa, Amoriyawa, Ferizziyawa, Hiwiyawa da Yebusiyawa suke.

  Fir 20:24Amma na faɗa muku, “Za ku mallaki ƙasarsu, zan ba ku ita gādo, ƙasa mai zub da madara da zuma.” Ni ne Ubangiji Allahnku, wanda ya keɓe ku daga al’ummai.
• Ƙasar man zaitun da zumaM Sh 8:8
  Ayoyin

  M Sh 8:8ƙasa mai alkama da sha’ir, inabi da ɓaure, rumman, man zaitun da zuma;
• Manna yana da ɗanɗano kamar wainar da aka yi da zumaFit 16:31
  Ayoyin

  Fit 16:31Mutanen Isra’ila suka kira burodin Manna. Manna yana nan fari kamar farin riɗi, ɗanɗanonsa kuma yana kama da masa da aka yi da zuma.
• Ba za a ƙone zuma a matsayin hadaya baFir 2:11
  Ayoyin

  Fir 2:11“ ‘Kowace hadaya ta garin da kuka kawo ga Ubangiji, dole a yi shi ba tare da yisti ba, gama ba za ku ƙone wani yisti, ko zuma a cikin hadayar da aka yi ga Ubangiji ta wuta ba.
• Zuma daga dutseM Sh 32:13, Zab 81:16
  Ayoyin

  M Sh 32:13Ya sa shi ya hau ƙwanƙolin dutse ya ciyar da shi da amfanin gona. Ya shayar da shi da zuma daga dutse, da kuma mai daga dutsen ƙanƙara,

  Zab 81:16Amma za a ciyar da ku da alkama mafi kyau; da zuma daga dutsen da zai ƙosar da ku.”

A cikin labarai

• Yaƙub ya aika da ɗan zuma kyauta zuwa MasarFar 43:11
  Ayoyin

  Far 43:11Sa’an nan mahaifinsu Isra’ila ya ce musu, “In dole ne a yi haka, to, sai ku yi. Ku sa waɗansu amfani mafi kyau na ƙasar a buhunanku, ku ɗauka zuwa wurin mutumin a matsayin kyauta, da ɗan man ƙanshi na shafawa, da kuma ’yar zuma, da kayan yaji, da ƙaro, da tsabar citta da kuma almon.
• Samson ya ci zuma daga gawar zakiMah 14:8–9
  Ayoyin

  Mah 14:8–9Daga baya, da ya koma don yă aure ta, sai ya ratse don yă ga gawar zakin. Sai ga taron ƙudan zuma da zuma a ciki, wanda ya sa hannu ya ɗebo yana tafiya yana sha. Sa’ad da ya iso wurin iyayensa, ya ba su zuman, su ma suka sha. Sai dai bai gaya musu cewa ya ɗebo zuman daga gawar zaki ba.
• Yonatan ya ɗanɗana zuma a kurmi, ba tare da sanin rantsuwar Shawulu ba1Sam 14:25–27, 1Sam 14:43
  Ayoyin

  1Sam 14:25–27Dukan rundunar ta shiga kurmi, sai ga zuma a ƙasa. Da suka shiga ciki kurmin, suka ga zuma tana zubowa, duk da haka ba wanda ya sa yatsansa ya lasa saboda tsoron rantsuwar da suka yi. Yonatan bai san cewa mahaifinsa ya sa mutane suka yi rantsuwa ba. Sai ya sa gindin sandan da yake hannunsa a saƙar zuma, ya kai bakinsa. Nan da nan sai ya ji ƙarfin jiki ya zo masa.

  1Sam 14:43Sai Shawulu ya ce wa Yonatan, “Gaya mini mene ne ka yi.” Yonatan ya ce masa, “Na ɗanɗana zuma kaɗan daga gindin sandanta. Yanzu kuwa dole in mutu!”
• Idanunsa sun yi haske bayan ya ɗanɗana ɗan zuma1Sam 14:29
  Ayoyin

  1Sam 14:29Yonatan ya ce, “Mahaifina ya jefa ƙasar cikin matsala. Duba yadda na ji ƙarfin jiki sa’ad da na ɗanɗana wannan ’yar zuma mana.
• Abokai sun kawo zuma ga mutanen Dawuda masu yunwa2Sam 17:29
  Ayoyin

  2Sam 17:29da zuma, da kindirmo, da tumaki, da cukun madarar shanu wa Dawuda da mutanensa su ci. Gama sun ce, “Mutanen suna jin yunwa, sun kuma gaji, ga ƙishirwa a hamada.”
• Matar Yerobowam ta kai wa annabin tulun zuma1Sar 14:3
  Ayoyin

  1Sar 14:3Ki ɗauki dunƙulen burodi goma tare da ke, da waina, da tulun zuma, ki tafi wurinsa. Zai faɗa miki abin da zai faru da yaron.”
• Yahuda ya yi cinikin zuma da TayaEzk 27:17
  Ayoyin

  Ezk 27:17“ ‘Yahuda da Isra’ila sun yi kasuwanci da ke; sun sayi kayanki da alkama da Minnit da alawa, da zuma, da mai, da ganyaye masu ƙanshi.
• Yohanna yakan ci fāra da zumar jejiMat 3:4
  Ayoyin

  Mat 3:4Tufafin Yohanna kuwa an yi su da gashin raƙumi ne, yana kuma daure da ɗamara ta fata. Abincinsa kuwa fāri ne da zumar jeji.

Maganganu

• Ka ci zuma, ɗana, gama yana da kyauK Mag 24:13
  Ayoyin

  K Mag 24:13Ka sha zuma, ɗana, ka sha zuma gama tana da kyau; zuma daga kaki yana da zaƙi a harshenka.
• In ka sami zuma, ka ci iyakar abin da kake bukataK Mag 25:16, K Mag 25:27
  Ayoyin

  K Mag 25:16In ka sami zuma, ka sha isashe kawai, in ya yi yawa, za ka yi amai.

  K Mag 25:27Ba shi da kyau ka sha zuma da yawa, haka ma ba shi da kyau ka nemi girma wa kanka.
• Wanda ya ƙoshi yakan ƙi zuma; ga mayunwaci, abu mai ɗaci ma zaki neK Mag 27:7
  Ayoyin

  K Mag 27:7Duk wanda ya ƙoshi da zuma, ba ya marmarinsa kuma amma wanda yake yunwa ko abin da yake da ɗaci ma zai ji shi da zaƙi.
• Ya fi zuma zaki, zuma daga kakin zumaZab 19:10
  Ayoyin

  Zab 19:10Sun fi zinariya daraja, fiye da zalla zinariya nesa; sun fi zuma zaƙi fiye da zuma daga kaki.
• Leɓunanki, amaryata, suna ɗiga zaƙi kamar kakin zumaWW 4:11
  Ayoyin

  WW 4:11Leɓunanki suna zub da zaƙi kamar kakin zuma, amaryata; madara da zuma suna a ƙarƙashin harshenki. Ƙanshin rigunanki ya yi kamar na Lebanon.