Gishiri a cikin Littafi Mai Tsarki

• Matar Lot ta waiwaya ta zama ginshiƙin gishiriFar 19:26
  Ayoyin

  Far 19:26Amma matar Lot ta waiwaya baya, ta kuma zama ginshiƙin gishiri.
• Ana cin abinci marar ɗanɗano ba tare da gishiri ba?Ayu 6:6
  Ayoyin

  Ayu 6:6Akan cin abinci marar ɗanɗano ba tare da an sa gishiri ba, ko akwai wani ƙanshin daɗi a cikin farin ruwan ƙwai?
• Elisha ya zuba gishiri cikin maɓuɓɓugar Yeriko2Sar 2:20–21
  Ayoyin

  2Sar 2:20–21Sai ya ce, “Ku kawo mini sabuwar ƙwarya, ku kuma sa gishiri a ciki.” Sai suka kawo masa. Sai ya tafi maɓulɓular ruwan yana watsa gishirin a ciki, yana cewa, “Ga abin da Ubangiji ya ce, ‘Na warkar da ruwan nan. Ba zai ƙara jawo mutuwa, ko yă hana ƙasar ba da amfani ba.’ ”
• Abimelek ya rushe Shekem ya kuma barbaɗe ta da gishiriMah 9:45
  Ayoyin

  Mah 9:45Dukan yinin, Abimelek ya matsa yaƙi da birnin sai da ya cinye ta ya kuma kashe mutanenta. Sa’an nan ya hallaka birnin ya barbaza gishiri a kanta.
• Akan goge jarirai da gishiriEzk 16:4
  Ayoyin

  Ezk 16:4A ranar da aka haife ki ba a yanke cibiyarki ba, ba a kuma yi miki wanka don a tsabtacce ki ba, ba a kuma goge ki da gishiri ba ko a naɗe ki cikin tsummoki.
• Sarkin Farisa ya ba da gishiri ba iyaka domin haikaliEzr 6:9, Ezr 7:22
  Ayoyin

  Ezr 6:9A tanada musu duk abin da suke bukata. A ba su ’yan bijimai, da raguna, da ’yan tumaki domin miƙa hadaya ta ƙonawa ga Allah na sama, haka kuma dole a tanada wa firistoci alkama, da gishiri, da ruwan inabi, da mai, kullum ba fasawa yadda firistoci suke yi a Urushalima

  Ezr 7:22har zuwa talenti ɗari na azurfa, da mudu ɗari na alkama, da garwa ɗari na ruwan inabi, da garwa ɗari na man zaitun, da kuma gishiri ba iyaka.

A cikin sujada

• Akan sa gishiri a kowace hadaya ta gariFir 2:13
  Ayoyin

  Fir 2:13A sa gishiri a dukan hadayunku na hatsi. Kada a rasa sa gishirin alkawari na Allahnku a hadayunku na hatsi, a sa gishiri a dukan hadayunku.
• Firistoci sukan barbaɗa gishiri a kan hadayun ƙonawaEzk 43:24
  Ayoyin

  Ezk 43:24Za ka miƙa su a gaban Ubangiji, firistoci kuma za su barbaɗe gishiri a kansu su kuma miƙa su kamar hadaya ta ƙonawa ga Ubangiji.
• Alkawarin gishiriƘid 18:19, 2Tar 13:5
  Ayoyin

  Ƙid 18:19Kome da aka keɓe daga tsarkakakku hadayun da Isra’ilawa suka miƙa wa Ubangiji, na ba ka, da kai da ’ya’yanka maza da mata a matsayin zaunannen rabo. Wannan madawwamin alkawarin gishiri ne a gaban Ubangiji dominka da zuriyarka.”

  2Tar 13:5Ba ku san cewa Ubangiji, Allah na Isra’ila ya ba da sarautar Isra’ila ga Dawuda da zuriyarsa har abada ta wurin alkawarin gishiri ba?

Wurare

• Tekun Gishiri, iyakar gabas ta Isra’ilaFar 14:3, Ƙid 34:12, Yosh 15:2
  Ayoyin

  Far 14:3Dukan waɗannan sarakuna na bayan nan suka haɗa kai a Kwarin Siddim (Teku Gishiri).

  Ƙid 34:12Sa’an nan tă gangara ta Urdun, tă ƙarasa a Tekun Gishiri. “ ‘Wannan za tă zama ƙasarku, tare da iyakokinta a kowane gefe.’ ”

  Yosh 15:2Iyakarsu a kudanci ta tashi tun daga kurewar kudu na Tekun Gishiri,
• Birnin Gishiri a jejin YahudaYosh 15:62
  Ayoyin

  Yosh 15:62Nibshan, Birnin gishiri da En Gedi, garuruwa shida ke nan da ƙauyukansu.
• Yaƙe-yaƙe da Edom a Kwarin Gishiri2Sam 8:13, 2Sar 14:7
  Ayoyin

  2Sam 8:13Dawuda kuwa ya ƙara zama shahararre bayan ya dawo daga kai wa ƙasar Aram hari, daga nan sai ya je ya karkashe mutanen Edom dubu goma sha takwas a Kwarin Gishiri.

  2Sar 14:7Shi ne kuma wanda ya ci mutanen Edom dubu goma a yaƙi, a Kwarin Gishiri, ya kuma ci Sela da yaƙi, ya ba ta suna Yokteyel, sunan da ake kiranta har wa yau.

Maganganu

• Gishirin da ya rasa ɗanɗanonsa ba shi da amfaniMat 5:13, Luk 14:34
  Ayoyin

  Mat 5:13“Ku ne gishirin duniya, amma in gishiri ya rabu da daɗin ɗanɗanonsa, yaya za a sāke mai da daɗin ɗanɗanonsa? Ba shi da sauran amfani, sai dai a zubar da shi mutane kuma su tattaka.

  Luk 14:34“Gishiri fa yana da kyau, amma in gishiri ya rabu da daɗin ɗanɗanonsa, ta yaya za a sāke mai da daɗin ɗanɗanonsa?
• Ku kasance da gishiri a cikinku, ku kuma zauna lafiyaMar 9:50
  Ayoyin

  Mar 9:50“Gishiri yana da daɗi, amma in ya rabu da ɗanɗanonsa, ta yaya za a sāke mai da ɗanɗanonsa? Ku kasance da gishiri a cikinku, ku kuma yi zauna lafiya da juna.”
• Bari maganarku ta zama da ladabi da daɗin jiKol 4:6
  Ayoyin

  Kol 4:6Bari maganarku kullum ta zama da ladabi da kuma daɗin ji, domin ku san amsar da ta dace ku ba wa kowa.