Gashi da gemu a cikin Littafi Mai Tsarki

• Har gashin kanku duk an ƙidaya suMat 10:30, Luk 12:7
  Ayoyin

  Mat 10:30Kai, ko gashin kanku ma duk an ƙidaya su.

  Luk 12:7Tabbatacce, gashin kanku ɗin nan ma, an ƙidaya su duka. Kada ku ji tsoro. Darajarku ta fi na kanari masu yawa girma.
• Ba za ka iya mai da gashi ɗaya fari ko baƙi baMat 5:36
  Ayoyin

  Mat 5:36Kada kuma ka rantse da kanka, domin ba za ka iya mai da ko gashi ɗaya yă zama fari ko baƙi ba.
• Bulus: dogon gashi abin kunya ne ga namiji, ɗaukaka ne ga mace1Kor 11:14–15
  Ayoyin

  1Kor 11:14–15Kai, yadda halitta take ma, ai, ta koya muku cewa in namiji yana da dogon gashi, abin kunya ne a gare shi, amma in mace tana da dogon gashi, ai, daraja ce a gare ta. Gama an ba ta dogon gashi saboda rufe kanta ne.
• Kitso ba shi ne inda kyau zai fito ba1Tim 2:9, 1Bit 3:3
  Ayoyin

  1Tim 2:9Ina kuma so mata su lura su yi wa kansu adon da ya cancanta, da rigunan da suka dace, ba da adon kitso ko sa kayan zinariya ko lu’ulu’u ko kuma tufafi masu tsada ba,

  1Bit 3:3Kyanku bai kamata yă zama na adon jiki ba, kamar kitso da sa kayan ado na zinariya da kuma sa kaya masu tsada.

A cikin Doka

• Kada ku aske gashin gefen kai ko ku gyara gefen gemuFir 19:27
  Ayoyin

  Fir 19:27“ ‘Ba za ka aske gefe-gefe na gashin kanka ba, ko ku aske gemunku.
• Firistoci kada su aske kai har ya yi sanƙo ko gefen gemunsuFir 21:5
  Ayoyin

  Fir 21:5“ ‘Kada firistoci su aske kansu ƙwal ko su kwakkwafe gemunsu, ko su tsattsage jikunansu.
• Ba aske goshi saboda matattuM Sh 14:1
  Ayoyin

  M Sh 14:1Ku ’ya’yan Ubangiji Allahnku ne. Kada ku yi wa kanku zāne, ko ku yi wa kanku aski irin da akan bar sanƙo, saboda wanda ya mutu,
• Mutumin da gashinsa ya zube har yanzu mai tsarki neFir 13:40–41
  Ayoyin

  Fir 13:40–41“Mutumin da ya rasa gashi kansa ya zama mai sanƙo ke nan, duk da haka mutumin tsattsarka ne. In ya rasa gashin goshinsa yana kuma da sanƙo a goshinsa, shi tsarkakakke ne.
• Banazare yakan bar gashinsa ya yi tsawo ya ƙone shi sa’ad da wa’adin ya ƙareƘid 6:5, Ƙid 6:18
  Ayoyin

  Ƙid 6:5“ ‘A dukan lokacin da yake a kan alkawarin keɓewarsa, reza ba zai taɓa kansa. Dole yă kasance da tsarki har ƙarshen keɓewarsa ga Ubangiji; tilas yă bar gashin kansa yă yi tsawo.

  Ƙid 6:18“ ‘Sa’an nan a ƙofar Tentin Sujada, dole Banazaren yă aske gashin da ya alamta keɓewarsa, yă kwashe gashin, yă zuba a cikin wutar da take ƙarƙashin hadaya ta salama.

Misalai

• Yusuf ya yi aski kafin ya shiga wurin Fir’aunaFar 41:14
  Ayoyin

  Far 41:14Sai Fir’auna ya aika a kawo Yusuf, aka kuwa kawo shi da sauri daga kurkuku. Sa’ad da ya yi aski, ya kuma canja tufafinsa, sai ya zo gaban Fir’auna.
• Ba reza da za ta taɓa kan SamsonMah 13:5, Mah 16:17
  Ayoyin

  Mah 13:5gama za ki yi ciki, ki haifi ɗa. Aska ba za tă taɓa kansa ba, domin yaron zai zama Banazare, keɓaɓɓe ga Allah tun daga haihuwa, shi ne kuwa zai soma ceton Isra’ilawa daga hannuwan Filistiyawa.”

  Mah 16:17Saboda haka sai ya faɗa mata kome ya ce, “Ba a taɓa sa reza a kaina ba, domin ni Naziri ne keɓaɓɓe ga Allah tun haihuwa. In kuwa an aske kaina, ƙarfina zai rabu da ni, sai in zama kamar kowa.”
• Delila ta sa aka aske kansa; sa’an nan gashinsa ya fara sāke girmaMah 16:19, Mah 16:22
  Ayoyin

  Mah 16:19Bayan ta sa shi ya yi barci a cinyarta, sai ta kira wani ya zo ya aske kitso guda bakwai nan a kansa, aka fara rinjayensa. Ƙarfinsa kuwa ya rabu da shi.

  Mah 16:22Amma gashi kansa ya fara tohuwa kuma bayan an aske shi.
• Dawuda ya bar yawu yana zuba a gemunsa, yana yin kamar mahaukaci1Sam 21:13
  Ayoyin

  1Sam 21:13Don haka sai ya yi kamar ya taɓu a gabansu. A duk lokacin da yake tare da su, sai yă yi kamar ya haukace. Ya yi ta zāne-zāne a ƙofofi, ya bar miyau yana ta bin gemunsa.
• Hanun ya aske rabin gemun manzannin Dawuda2Sam 10:4
  Ayoyin

  2Sam 10:4Saboda haka Hanun ya kama mutanen Dawuda ya aske rabin gemun kowannensu, ya yayyage rigunarsu daidai ɗuwawu, sa’an nan ya sallame su.
• Dawuda: ku zauna a Yeriko har gemunku ya sāke girma2Sam 10:5
  Ayoyin

  2Sam 10:5Sa’ad da aka gaya wa Dawuda game da wannan, sai ya aiki manzanni su taryi waɗannan mutanen da aka ci mutuncinsu, gama an wulaƙanta su ƙwarai. Sai sarki ya ce musu, “Ku dakata a Yeriko har sai gemunku ya sāke girma, sa’an nan ku dawo.”
• Askin Absalom na shekara-shekara yana da nauyin shekel ɗari biyu2Sam 14:26
  Ayoyin

  2Sam 14:26A duk sa’ad da ya aske gashin kansa (yakan aske kansa lokaci-lokaci sa’ad da ya yi masa nauyi) yakan auna shi, nauyin gashin kuwa yakan kai wajen shekel ɗari biyu a ma’aunin da ake awo.
• Mefiboshet bai gyara gashin bakinsa ba lokacin da Dawuda ba ya nan2Sam 19:24
  Ayoyin

  2Sam 19:24Mefiboshet, jikan Shawulu, shi ma ya gangara don yă taryi sarki. Tun daga ranar da sarki ya gudu har ran da ya komo lafiya, Mefiboshet bai lura da ƙafafunsa, ko yă aske gemunsa, ko yă wanke tufafinsa ba.
• Yowab ya kama gemun Amasa kamar zai sumbace shi2Sam 20:9
  Ayoyin

  2Sam 20:9Yowab ya ce wa Amasa, “Yaya kake, ɗan’uwana?” Sai Yowab ya kama gemun Amasa da hannun dama don yă yi masa sumba.
• Iliya mutum ne mai gashi da ɗamarar fata2Sar 1:8
  Ayoyin

  2Sar 1:8Sai suka ce, “Mutumin ya sa riga mai gashi, ya kuma yi ɗamara da fata.” Sarkin ya ce, “Ai, Iliya mutumin Tishbe nan ne.”
• Matasa sun yi wa Elisha ba’a: “Ka haura, ya kai mai kai marar gashi!”2Sar 2:23
  Ayoyin

  2Sar 2:23Daga nan sai Elisha ya tafi Betel. Yayinda yake tafiya a hanya, sai waɗansu matasa suka fito daga cikin gari, suka yi masa dariya suna cewa, “Ka haura, ya kai mai kai marar gashi! Ka haura, kai mai kai marar gashi!”
• Gemun Haruna da mai mai kyau yana gangarowa a kaiZab 133:2
  Ayoyin

  Zab 133:2Yana kamar mai mai darajar da aka zuba a kai, yana gangarawa a gemu, yana gangarawa a gemun Haruna, har zuwa wuyan rigunansa.
• Ayuba ya aske kansa cikin baƙin cikiAyu 1:20
  Ayoyin

  Ayu 1:20Da jin haka sai Ayuba ya tashi ya yayyaga tufafin jikinsa, ya aske kansa. Ya fāɗi a ƙasa ya yi sujada
• Ezra ya tuge gashi daga kansa da gemunsa cikin firgitaEzr 9:3
  Ayoyin

  Ezr 9:3Sa’ad da na ji wannan, sai na yaga rigata da alkyabbata, na tsittsige gashin kaina da na gemuna, na zauna, na rasa abin da yake mini daɗi.
• Masu makoki tamanin sun zo da askakken gemu zuwa gidan UbangijiIrm 41:5
  Ayoyin

  Irm 41:5sai ga mutane tamanin daga Shekem, Shilo da Samariya suka zo da gemunsu a aske, da tufafinsu a kece, da jikunansu a tsage, suka kawo hadayun gari da turare tare da su a gidan Ubangiji.
• Gashin Nebukadnezzar ya yi girma kamar gashin gaggafaDan 4:33
  Ayoyin

  Dan 4:33Nan da nan abin da aka faɗa a kan Nebukadnezzar tabbatarsa ya cika. Aka kore shi daga cikin mutane ya kuma shiga cin ciyawa kamar shanu. Jikinsa ya jiƙe da raɓa, har gashinsa ya yi tsawo kamar fikafikan gaggafa, kumbarsa kuma suka yi tsawo kamar na tsuntsu.
• Wata mace ta goge ƙafafun Yesu da gashintaLuk 7:38, Yoh 12:3
  Ayoyin

  Luk 7:38ta kuma tsaya daga bayansa, wajen ƙafafunsa tana kuka, sai hawayenta sun fara zuba a ƙafafunsa. Sai ta goge su da gashin kanta, ta sumbace su, sa’an nan ta shafa musu turare.

  Yoh 12:3Sai Maryamu ta ɗauki wajen awo guda na nardi zalla, turare mai tsada; ta zuba a ƙafafun Yesu ta kuma goge ƙafafunsa da gashinta. Gidan duk ya cika da ƙanshin turaren.
• Bulus ya aske kansa a Kenkireya saboda wa’adiAyy M 18:18
  Ayoyin

  Ayy M 18:18Bulus kuwa ya ci gaba da zama a Korint na ’yan kwanaki. Sa’an nan ya bar ’yan’uwa ya shiga jirgin ruwa zuwa Suriya tare da Firiskila da Akwila. Kafin ya tashi, ya aske kansa a Kenkireya saboda alkawarin da ya yi.

A lokacin makoki

• Askakkun kawuna da gyararrun gemu alamun makoki neIsh 15:2, Irm 48:37, Mik 1:16
  Ayoyin

  Ish 15:2Dibon ya haura zuwa haikalinta, zuwa masujadan kan tudu don tă yi kuka; Mowab ta yi ihu a kan Nebo da Medeba. An aske kowane kai an kuma yanke kowane gemu.

  Irm 48:37An aske kowane kai aka kuma yanke kowane gemu aka kuma sa wa kowane kwankwaso rigar makoki.

  Mik 1:16Ku aske kanku ƙwal don makoki, ku yi wa kanku ƙwalƙwal kamar ungulu. Gama za a ja ’ya’yan da kuke farin ciki a kai su bauta.