’Yan leƙen asiri a cikin Littafi Mai Tsarki

• Yusuf ya zargi ’yan’uwansa: “Ku ’yan leƙen asiri ne!”Far 42:9, Far 42:14
  Ayoyin

  Far 42:9Sa’an nan ya tuna da mafarkansa game da su, ya kuma ce musu, “Ku ’yan leƙen asiri ne! Kun zo don ku leƙi asirin ƙasar ku ga inda ba ta da tsaro.”

  Far 42:14Yusuf ya ce musu, “Daidai ne yadda na faɗa muku. Ku ’yan leƙen asiri ne!
• ’Yan’uwan suka amsa: “Bayinka mutane ne masu gaskiya, ba ’yan leƙen asiri ba ne”Far 42:11
  Ayoyin

  Far 42:11Mu duka ’ya’yan mutum ɗaya maza ne. Bayinka mutane ne masu gaskiya, ba ’yan leƙen asiri ba ne.”

’Yan leƙen asiri goma sha biyu

• Musa ya aiki shugaba ɗaya daga kowace kabila don su leƙi asirin Kan’anaƘid 13:2, M Sh 1:23
  Ayoyin

  Ƙid 13:2“Ka aiki waɗansu mutane zuwa ƙasar Kan’ana, wadda nake ba Isra’ilawa. Daga kowace kabila, ka aiki ɗaya daga cikin shugabanninta.”

  M Sh 1:23Ra’ayin nan naku ya yi mini kyau, saboda haka na zaɓe ku goma sha biyu, mutum guda daga kowace kabila.
• Umarninsu: su ga ko mutanen masu ƙarfi ne ko marasa ƙarfi, kaɗan ne ko da yawaƘid 13:17–18
  Ayoyin

  Ƙid 13:17–18Sa’ad da Musa ya aike su domin su binciki Kan’ana ya ce, “Ku haura, ku ratsa ta Negeb har zuwa ƙasar tudu. Ku ga yadda ƙasar take, ku ga ko mutanen da suke zama a can ƙarfafa ne, ko raunannu, ko su kima ne, ko kuma suna da yawa.
• Sun tafi daga Jejin Zin har zuwa RehobƘid 13:21
  Ayoyin

  Ƙid 13:21Saboda haka suka haura, suka binciki ƙasar daga Hamadan Zin har zuwa Rehob, wajen Lebo Hamat.
• A Eshkol mutum biyu sun ɗauki nonon inabi guda a kan sandaƘid 13:23
  Ayoyin

  Ƙid 13:23Da suka iso Kwarin Eshkol, sai suka yanko reshe guda na nonon inabi tare da ’ya’yansa cunkus. Mutum biyu suka ɗauka shi rataye a sanda a kafaɗarsu, suka haɗa tare da rumman da kuma ɓaure.
• Sun dawo bayan kwana arba’inƘid 13:25
  Ayoyin

  Ƙid 13:25A ƙarshen kwana arba’in sai suka komo daga bincikensu.
• Rahotonsu: ƙasa mai zub da madara da zuma, amma da birane masu kagaraƘid 13:27–28
  Ayoyin

  Ƙid 13:27–28Suka ce wa Musa, “Mun je ƙasar da ka aike mu, ƙasar tana zub da madara da zuma! Ga kuma amfaninta. Amma fa mazaunan can ɗin ƙarfafa ne, an kuma kewaye biranen da manya-manyan katanga. Mun kuma ga zuriyar Anak a can.
• Kaleb: “lalle za mu iya cinta.” Sauran ba su yarda baƘid 13:30–31
  Ayoyin

  Ƙid 13:30–31Sai Kaleb ya sa mutane suka yi shiru a gaban Musa, sai ya ce, “Ya kamata mu tafi mu mallaki ƙasar, gama lalle za mu iya cinta.” Amma sauran mutanen da suka je tare da shi, suka ce, “Ba za mu iya kara da mutanen nan ba; sun fi mu ƙarfi.”
• “muka ga kanmu kamar fāra ne kawai”Ƙid 13:33
  Ayoyin

  Ƙid 13:33Mun ga Nefilimawa a can (zuriyar Anak sun fito ne daga Nefilim). Sai muka ga kanmu kamar fāra ne kawai, haka kuwa muke a gare su.”
• Kwana arba’in na leƙen asiri sun zama shekara arba’in a jeji, shekara ɗaya domin kowace ranaƘid 14:34
  Ayoyin

  Ƙid 14:34Shekaru arba’in, shekara ɗaya a madadi kwana ɗaya cikin kwanakin arba’in da kuka ɗauka kuka leƙi asirin ƙasa, za ku sha wahala saboda zunubanku, ku kuma san abin da ake nufi da sa ni in yi gāba da ku.’
• Daga cikin ’yan leƙen asirin, Yoshuwa da Kaleb ne kaɗai suka rage da raiƘid 14:36–38
  Ayoyin

  Ƙid 14:36–38Saboda haka mutanen da Musa ya aika, su leƙo asirin ƙasar, waɗanda suka komo, suka sa taron jama’a su yi gunaguni a kansa saboda sun kawo rahoto mai banrazana a kan ƙasar, waɗannan mutanen da suka kawo rahoto mai banrazana a kan ƙasar, annoba ta buge su, suka kuwa mutu a gaban Ubangiji. Daga cikin mutanen da suka leƙo asirin ƙasar, Yoshuwa ɗan Nun, da Kaleb ɗan Yefunne ne, kaɗai suka rayu.

Yeriko da Rahab

• Yoshuwa ya aiki ’yan leƙen asiri biyu a asirce daga Shittim; suka sauka a gidan RahabYosh 2:1
  Ayoyin

  Yosh 2:1Sai Yoshuwa ɗan Nun ya aika ’yan leƙen asiri guda biyu a ɓoye daga Shittim ya ce, “Ku je ku duba, ku ga yadda wurin yake, musamman Yeriko.” Sai suka je suka shiga gidan wata karuwa mai suna Rahab, suka sauka a can.
• Rahab ta ɓoye su a ƙarƙashin karan rama a kan rufin gidantaYosh 2:4–6
  Ayoyin

  Yosh 2:4–6Amma matar ta ɓoye mutanen nan biyu. Ta ce, “I, mutanen sun zo wurina, amma ban san daga ina suka zo ba, da yamma kuwa, kafin a rufe ƙofar gari sai mutanen suka tafi. Ban san hanyar da suka bi ba, ku yi sauri ku bi su. Mai yiwuwa ku same su.” (Amma ta kai su saman rufin ɗaki ta ɓoye su a ƙarƙashin karan rama da ta baza a rufin ɗaki.)
• Ta saukar da su da igiya daga gidanta da yake cikin katangar birniYosh 2:15
  Ayoyin

  Yosh 2:15Sai ta zura igiya ta taga suka bi, domin gidan da take yana haɗe da katangar birnin.
• Alamar da suka yarda a kai: jan ƙyalle da aka ɗaura a tagaYosh 2:18
  Ayoyin

  Yosh 2:18sai in kin ɗaura jan ƙyalle a tagar da kika zura mu, kuma sai in kin kawo mahaifinki da mahaifiyarki, da ’yan’uwanki, da dukan iyalinki cikin gidanki.
• Sun ɓuya kwana uku a ƙasar tuddai, sa’an nan suka kai wa Yoshuwa rahotoYosh 2:16, Yosh 2:22–23
  Ayoyin

  Yosh 2:16Ta ce musu, “Ku tafi cikin tuddan ƙasar don kada mutanen sarki su same ku. Ku ɓuya a can na kwana uku, har sai masu nemanku su komo, sa’an nan ku kama hanyarku.”

  Yosh 2:22–23Sai suka tafi, suka shiga cikin tuddai, suka yi zamansu a can kwana uku har masu nemansu suka koma, gama masu nemansu suka yi ta nema ko’ina a hanyar, amma ba su sami kowa ba. Sa’an nan mutanen nan biyu, ’yan leƙen asiri suka sauka daga tuddai suka haye kogi zuwa wurin Yoshuwa ɗan Nun, suka gaya masa duk abin da ya faru da su.
• ’Yan leƙen asirin biyu sun fitar da Rahab da dukan iyalintaYosh 6:22–23
  Ayoyin

  Yosh 6:22–23Yoshuwa ya ce wa mutanen nan biyu waɗanda suka je leƙen asirin ƙasar, “Ku shiga gidan karuwan nan ku fitar da ita da duk waɗanda suke nata bisa ga alkawarin da kuka yi mata.” Sai samarin waɗanda suka je leƙen asirin suka shiga suka fitar da Rahab, mahaifinta da mahaifiyarta, da ’yan’uwanta da duk abin da yake nata. Suka fitar da iyalinta gaba ɗaya suka sa su a wani wuri, ba a cikin masauƙin Isra’ilawa ba.
• Ibraniyawa da Yaƙub sun tuna da Rahab saboda ta karɓi ’yan leƙen asirinIbr 11:31, Yaƙ 2:25
  Ayoyin

  Ibr 11:31Ta wurin bangaskiya ne ba a kashe Rahab karuwan nan, ta tare da marasa biyayya ba don ta marabci ’yan leƙan asiri.

  Yaƙ 2:25Ta haka kuma ashe, Rahab karuwan nan ba a ɗauke ta mai adalci ce saboda abin da ta yi ba ne sa’ad da ta ba wa ’yan leƙen asirin nan masauƙi ta kuma sallame su suka tafi ta wata hanya dabam?

Waɗansu ’yan leƙen asiri

• Bayan ’yan leƙen asiri sun je Yazer, Isra’ila suka ci ƙauyukantaƘid 21:32
  Ayoyin

  Ƙid 21:32Sai Musa ya aika ’yan leƙen asiri zuwa Yazer. Daga baya, sai Isra’ilawa suka ci ƙauyukan da suke kewaye, suka kuma kori Amoriyawa da suke zaune a can.
• ’Yan leƙen asirin da aka aika Ai sun ba da rahoto: mutum dubu biyu ko uku sun isaYosh 7:2–3
  Ayoyin

  Yosh 7:2–3Sai Yoshuwa ya aika mutane daga Yeriko zuwa Ai kusa da Bet-Awen gabas da Betel, ya ce musu, “Ku je ku leƙo ku ga yadda yankin yake.” Sai mutanen suka je suka leƙo asirin ƙasar Ai. Da suka dawo wurin Yoshuwa suka ce, “Ba lalle dukan jama’a su je yaƙi da Ai ba, ka aika mutum dubu biyu ko dubu uku su je su ciwo ƙasar da yaƙi, ba sai ka dami mutane duka ba, gama mutanen wurin kaɗan ne.”
• Mutanen Dan biyar sun leƙi asirin Layish: mutane masu natsuwa marasa abokan haɗa kaiMah 18:2, Mah 18:7
  Ayoyin

  Mah 18:2Saboda haka mutanen Dan suka aika jarumawa guda biyar daga Zora da Eshtawol don su leƙi asirin ƙasar su kuma bincike ta. Waɗannan mutanen sun wakilci dukan kabilar. Suka ce musu, “Ku je, ku bincike ƙasar.” Mutanen suka shiga ƙasar tudu ta Efraim suka zo gidan Mika, inda suka kwana.

  Mah 18:7Saboda haka mutum biyar ɗin suka tashi suka iso Layish, inda suka ga mutane suna zamansu a huce, kamar Sidoniyawa, ba sa zato ga tsaro. Kuma da yake ƙasarsu ba ta bukata kome, suna da wadata. Suna kuma nesa da Sidoniyawa, ba sa kuma hulɗa da kowa.
• Dawuda ya aika da ’yan leƙen asiri don su tabbatar Shawulu ya iso1Sam 26:4
  Ayoyin

  1Sam 26:4sai ya aiki ’yan leƙen asiri su tabbata lalle Shawulu ya iso can.
• Hakiman Ammonawa sun zaci masu ta’aziyyar Dawuda ’yan leƙen asiri ne2Sam 10:3
  Ayoyin

  2Sam 10:3sai manyan mutanen Ammonawa suka ce wa Hanun shugabansu, “Kana tsammani Dawuda yana girmama mahaifinka ne da ya aiko da jakadu su kawo maka ta’aziyya? Ai, wayo ya yi don yă ga asirin birninmu, yă san ƙarfinmu, yă kuma ci mu da yaƙi.”
• Absalom ya aiki manzanni a asirce cikin kabilu: da busar ƙaho, a ce “Absalom sarki ne a Hebron”2Sam 15:10
  Ayoyin

  2Sam 15:10Sai Absalom ya aiki manzanni a asirce cikin dukan kabilan Isra’ila, ya ce musu su ce, “Da zarar kuka ji an busa ƙaho, sai ku ce, ‘Absalom sarki ne a Hebron.’ ”
• ’Ya’yan firistoci Ahimawaz da Yonatan za su kai wa Dawuda labari2Sam 15:35–36
  Ayoyin

  2Sam 15:35–36Ba Zadok da Abiyatar firistocin nan suna nan tare da kai ba? Ka gaya musu duk abin da ka ji a fadan sarki. ’Ya’yansu biyu maza, Ahimawaz ɗan Zadok, da kuma Yonatan ɗan Abiyatar, suna can tare da su. Ka aike su wurina da duk abin da ka ji.”
• Wata baranya ta kawo musu labari a En Rogel; suka ɓuya a cikin rijiya2Sam 17:17–19
  Ayoyin

  2Sam 17:17–19Yonatan da Ahimawaz suna zaune a En Rogel. Wata baranya ce za tă je ta faɗa musu, su kuma su tafi su gaya wa Sarki Dawuda don suna tsoro kada a ga suna shiga birnin. Amma wani saurayi ya gan su, ya gaya wa Absalom. Sai dukansu biyu suka tashi da sauri suka shiga gidan wani mutum a Bahurim. Yana da rijiya a cikin gida, sai suka shiga cikinta. Matarsa mutumin kuwa ta kawo tabarma ta shimfiɗa a bakin rijiyar, sai ta kawo hatsi ta baza a kanta. Ba kuwa wanda ya san abin da ta yi.
• ’Yan leƙen asiri da suke yin kamar masu gaskiya sun nemi su kama Yesu a maganarsaLuk 20:20
  Ayoyin

  Luk 20:20Sai suka sa masa ido, suka aiki ’yan leƙen asiri, waɗanda suka nuna kamar su masu gaskiya ne, suna nufin su kama shi game da abin da zai faɗa, domin su ba da shi ga gwamna mai mulki, da mai iko.
• Bulus: ’yan’uwa na ƙarya sun shigo don su leƙi asirin ’yancinmuGal 2:4
  Ayoyin

  Gal 2:4Wannan zancen kaciya ya taso domin waɗansu ’yan’uwan ƙarya sun shiga cikinmu domin su yi leƙe a kan ’yancin da muke da shi a cikin Kiristi Yesu, su kuma mai da mu bayi.