Irun orí àti irùngbọ̀n nínú Bíbélì

• A ti ka gbogbo irun orí yín péMt 10:30, Lk 12:7
  Àwọn ẹsẹ

  Mt 10:30Àti pé gbogbo irun orí yín ni a ti kà pé.

  Lk 12:7Ṣùgbọ́n gbogbo irun orí yín ni a kà pé ṣánṣán. Nítorí náà kí ẹ má ṣe bẹ̀rù, ẹ̀yin ní iye lórí ju ológoṣẹ́ púpọ̀ lọ.
• Ìwọ kò lè sọ irun ẹyọ kan di funfun tàbí di dúdúMt 5:36
  Àwọn ẹsẹ

  Mt 5:36Má ṣe fi orí rẹ búra, nítorí ìwọ kò lè sọ irun ẹyọ kan di funfun tàbí di dúdú.
• Paulu: irun gígùn jẹ́ àbùkù fún ọkùnrin, ògo fún obìnrin1Kọ 11:14–15
  Àwọn ẹsẹ

  1Kọ 11:14–15Ǹjẹ́ ìwà abínibí yín kò ha kọ́ yín pé, bí ọkùnrin bá ní irun gígùn, àbùkù ni ó jẹ́ fún un. Ṣùgbọ́n bí obìnrin bá ní irun gígùn, ògo ni ó jẹ́ fún un nítorí irun gígùn tí a fi fún un jẹ́ ìbòrí fún un.
• Irun dídì kọ́ ni ibi tí ẹwà yẹ kí ó ti wá1Tm 2:9, 1Pt 3:3
  Àwọn ẹsẹ

  1Tm 2:9Bẹ́ẹ̀ gẹ́gẹ́ ni kí àwọn obìnrin fi aṣọ ìwọ̀ntúnwọ̀nsì ṣe ara wọn ní ọ̀ṣọ́, ní ìwọ̀ntúnwọ̀nsì àti pẹ̀lú ìwà àìrékọjá; kì í ṣe pẹ̀lú irun dídì, tàbí wúrà, tàbí peali, tàbí aṣọ olówó iyebíye,

  1Pt 3:3Kí ọ̀ṣọ́ yín má ṣe jẹ́ ọ̀ṣọ́ òde, tí irun dídì, àti wúrà lílò, tàbí ti aṣọ wíwọ̀;

Nínú Òfin

• Ẹ má ṣe fá irun ẹ̀gbẹ́ orí tàbí ré etí irùngbọ̀n yínLe 19:27
  Àwọn ẹsẹ

  Le 19:27“ ‘Ẹ má ṣe dá òṣù sí àárín orí yín (fífá irun ẹ̀gbẹ́ orí, tí a ó sì dá irun àárín orí sí) tàbí kí ẹ ré orí irùngbọ̀n yín bí àwọn aláìkọlà ti ń ṣe.
• Àlùfáà kò gbọdọ̀ fá orí pá tàbí rẹ́ etí irùngbọ̀n rẹ̀Le 21:5
  Àwọn ẹsẹ

  Le 21:5“ ‘Àlùfáà kò gbọdọ̀ fá irun orí rẹ̀ bẹ́ẹ̀ ni kò gbọdọ̀ rẹ́ irùngbọ̀n rẹ̀. Kò gbọdọ̀ fi abẹ ya ara rẹ̀ láti fihàn pé òun wà ní ipò ọ̀fọ̀.
• Ẹ má ṣe gé irun iwájú orí yín nítorí òkúDe 14:1
  Àwọn ẹsẹ

  De 14:1Ọmọ Olúwa Ọlọ́run yín ni ẹ̀yin jẹ́: nítorí náà, ẹ má ṣe ya ara yín ní abẹ. Ẹ má ṣe gé irun iwájú orí yín nítorí òkú.
• Ẹni tí irun rẹ̀ rẹ̀ dànù tí ó sì párí ṣì mọ́Le 13:40–41
  Àwọn ẹsẹ

  Le 13:40–41“Bí irun ẹnìkan bá rẹ̀ dànù tí ó sì párí. Ẹni náà mọ́. Bí irun ẹnìkan bá rẹ̀ dànù níwájú orí tí ó sì párí níwájú orí. Ẹni náà mọ́.
• Nasiri jẹ́ kí irun rẹ̀ gùn, ó sì sun ún nígbà tí ẹ̀jẹ́ rẹ̀ paríNu 6:5, Nu 6:18
  Àwọn ẹsẹ

  Nu 6:5“ ‘Ní gbogbo ìgbà ẹ̀jẹ́ ìyàsọ́tọ̀ rẹ̀ yìí, kí abẹ kankan má ṣe kàn án ní orí. Ó gbọdọ̀ jẹ́ mímọ́ títí tí àkókò ìyàsọ́tọ̀ rẹ̀ sí Olúwa yóò fi pé; ó gbọdọ̀ jẹ́ kí irun orí rẹ̀ gùn.

  Nu 6:18“ ‘Nígbà náà ni Nasiri náà yóò fá irun ìyàsọ́tọ̀ rẹ̀ ní ẹnu-ọ̀nà àgọ́ ìpàdé. Yóò fi irun náà sínú iná tó wà lábẹ́ ẹbọ àlàáfíà.

Àpẹẹrẹ

• Josẹfu fá irun rẹ̀ kí ó tó wọlé tọ Farao lọGẹ 41:14
  Àwọn ẹsẹ

  Gẹ 41:14Nítorí náà Farao ránṣẹ́ pe Josẹfu, wọn sì mú un wá kíákíá láti inú ìhámọ́. Nígbà tí ó fá irun rẹ̀, tí ó sì pààrọ̀ aṣọ rẹ̀, ó wá síwájú Farao.
• Abẹ kò gbọdọ̀ kan orí SamsoniOn 13:5, On 16:17
  Àwọn ẹsẹ

  On 13:5nítorí ìwọ yóò lóyún, ìwọ yóò sì bí ọmọkùnrin kan. Má ṣe fi abẹ kan orí rẹ̀, nítorí pé Nasiri, ẹni ìyàsọ́tọ̀ fún Ọlọ́run ni ọmọ náà yóò jẹ́ láti ọjọ́ ìbí rẹ̀. Òun ni yóò bẹ̀rẹ̀ ìdáǹdè àwọn ọmọ Israẹli kúrò ní ọwọ́ àwọn ará Filistini.”

  On 16:17Òun sì sọ ohun gbogbo tí ó wà ní ọkàn rẹ̀ fún un. Ó ní, “Abẹ kò tí ì kan orí mi rí, nítorí pé Nasiri, ẹni ìyàsọ́tọ̀ fún Ọlọ́run ni mo jẹ́ láti ìgbà ìbí mi wá. Bí a bá fá irun orí mi, agbára mi yóò fi mí sílẹ̀, èmi yóò sì di aláìlágbára bí àwọn ọkùnrin yòókù.”
• Dẹlila mú kí a fá orí rẹ̀; lẹ́yìn náà irun rẹ̀ bẹ̀rẹ̀ sí í tún hùOn 16:19, On 16:22
  Àwọn ẹsẹ

  On 16:19Òun sì mú kí Samsoni sùn lórí itan rẹ̀, òun sì pe ọkùnrin kan láti fá àwọn ìdì irun orí rẹ̀ méjèèje, òun sì bẹ̀rẹ̀ sí ṣẹ́gun rẹ̀. Agbára rẹ̀ sì fi í sílẹ̀ lọ.

  On 16:22Ṣùgbọ́n irun orí rẹ̀ bẹ̀rẹ̀ sí í tún hù lẹ́yìn ìgbà tí wọ́n ti fá a.
• Dafidi ń wá itọ́ sí irùngbọ̀n rẹ̀, ó ń díbọ́n bí aṣiwèrè1Sa 21:13
  Àwọn ẹsẹ

  1Sa 21:13Òun sì pa ìṣe rẹ̀ dà níwájú wọn, ó sì sọ ara rẹ̀ di aṣiwèrè ní ọwọ́ wọn, ó sì ń fi ọwọ́ rẹ̀ ha ìlẹ̀kùn ojú ọ̀nà, ó sì ń wá itọ́ sí irùngbọ̀n rẹ̀.
• Hanuni fá apá kan irùngbọ̀n àwọn ikọ̀ Dafidi2Sa 10:4
  Àwọn ẹsẹ

  2Sa 10:4Hanuni sì mú àwọn ìránṣẹ́ Dafidi ó fá apá kan irùngbọ̀n wọn, ó sì gé ààbọ̀ kúrò ní agbádá wọn, títí ó fi dé ìdí wọn, ó sì rán wọn lọ.
• Dafidi: ẹ dúró ní Jeriko títí irùngbọ̀n yín yóò fi hù2Sa 10:5
  Àwọn ẹsẹ

  2Sa 10:5Wọ́n sì sọ fún Dafidi, ó sì ránṣẹ́ lọ pàdé wọn, nítorí tí ojú ti àwọn ọkùnrin náà púpọ̀: ọba sì wí pé, “Ẹ dúró ní Jeriko títí irùngbọ̀n yín yóò fi hù, nígbà náà ni kí ẹ tó máa bọ̀.”
• Irun tí Absalomu ń rẹ́ lọ́dọọdún wọn igba ṣékélì2Sa 14:26
  Àwọn ẹsẹ

  2Sa 14:26Nígbà tí ó bá sì rẹ́ irun orí rẹ̀ (nítorí pé lọ́dọọdún ni òun máa ń rẹ́ ẹ. Nígbà tí ó bá wúwo fún un, òun a sì máa rẹ́ ẹ) òun sì wọn irun orí rẹ̀, ó sì jásí igba ṣékélì nínú òsùwọ̀n ọba.
• Mefiboṣeti kò tọ́ irùngbọ̀n rẹ̀ nígbà tí Dafidi kò sí nílé2Sa 19:24
  Àwọn ẹsẹ

  2Sa 19:24Mefiboṣeti ọmọ Saulu sì sọ̀kalẹ̀ láti wá pàdé ọba, kò wẹ ẹsẹ̀ rẹ̀, kò sí tọ́ irùngbọ̀n rẹ̀, bẹ́ẹ̀ ni kò sì fọ aṣọ rẹ̀ láti ọjọ́ tí ọba ti jáde títí ó fi di ọjọ́ tí ó fi padà ní àlàáfíà.
• Joabu di Amasa ní irùngbọ̀n mú bí ẹni pé ó fẹ́ fi ẹnu kò ó lẹ́nu2Sa 20:9
  Àwọn ẹsẹ

  2Sa 20:9Joabu sì bi Amasa léèrè pé, “Àlàáfíà ha kọ́ ni bí, ìwọ arákùnrin mi?” Joabu sì na ọwọ́ ọ̀tún rẹ̀, di Amasa ní irùngbọ̀n mú láti fi ẹnu kò ó lẹ́nu.
• Elijah wọ ẹ̀wù onírun, ó sì di àmùrè aláwọ2Ọb 1:8
  Àwọn ẹsẹ

  2Ọb 1:8Wọ́n dáhùn pé, “Ó jẹ́ ọkùnrin tí ó wọ ẹ̀wù onírun lára pẹ̀lú ọ̀já àmùrè aláwọ tí ó gbà yíká ìbàdí rẹ̀.” Ọba sì wí pé, “Elijah ará Tiṣibi ni.”
• Àwọn ọ̀dọ́ fi Eliṣa ṣe ẹlẹ́yà: ‘Máa lọ sókè ìwọ apárí!’2Ọb 2:23
  Àwọn ẹsẹ

  2Ọb 2:23Láti ibẹ̀ Eliṣa lọ sókè ní Beteli gẹ́gẹ́ bí ó ti ń rìn lọ lójú ọ̀nà, àwọn ọ̀dọ́ kan jáde wá láti ìlú náà wọ́n sì fi ṣe ẹlẹ́yà. “Máa lọ sókè ìwọ apárí!” Wọ́n wí pé. “Máa lọ sókè ìwọ apárí!”
• Irùngbọ̀n Aaroni àti òróró iyebíye tí ń ṣàn sí iSm 133:2
  Àwọn ẹsẹ

  Sm 133:2Ó dàbí òróró ìkunra iyebíye ní orí, tí ó sàn dé irùngbọ̀n, àní irùngbọ̀n Aaroni: tí ó sì sàn sí etí aṣọ sórí rẹ̀.
• Jobu fá orí rẹ̀ nínú ìbànújẹ́Jb 1:20
  Àwọn ẹsẹ

  Jb 1:20Nígbà náà ni Jobu dìde, ó sì fa aṣọ ìgúnwà rẹ̀ ya, ó sì fá orí rẹ̀ ó wólẹ̀ ó sì gbàdúrà
• Esra tu irun orí àti irùngbọ̀n rẹ̀ nínú ìjayàEsr 9:3
  Àwọn ẹsẹ

  Esr 9:3Nígbà tí mo gbọ́ èyí, mo fa àwọ̀tẹ́lẹ̀ àti agbádá mi ya, mo tu irun orí àti irùngbọ̀n mi, mo sì jókòó ní ìjayà.
• Ọgọ́rin ọkùnrin tí wọ́n fá irùngbọ̀n wá sí ilé OlúwaJr 41:5
  Àwọn ẹsẹ

  Jr 41:5àwọn ọgọ́rin ọkùnrin wá láti Ṣekemu, Ṣilo àti Samaria, wọ́n fa irùngbọ̀n wọn, wọ́n ya aṣọ wọn, wọ́n ṣá ara wọn lọ́gbẹ́, wọ́n mú ẹbọ ọpẹ́ àti tùràrí wá sí ilé Olúwa.
• Irun Nebukadnessari gùn bí ìyẹ́ ẹyẹ idìDa 4:33
  Àwọn ẹsẹ

  Da 4:33Lẹ́sẹ̀kẹsẹ̀ ni ohun tí a sọ nípa Nebukadnessari ṣẹlẹ̀ sí i. A lé e kúrò láàrín ènìyàn, ó sì ń jẹ koríko bí i màlúù, ìrì ọ̀run sì ń sẹ̀ sí ara rẹ̀, títí irun orí rẹ̀ fi gùn bí i ti ìyẹ́ ẹyẹ idì, tí èékánná rẹ̀ sì dàbí i ti ẹyẹ.
• Obìnrin kan fi irun orí rẹ̀ nu ẹsẹ̀ JesuLk 7:38, Jh 12:3
  Àwọn ẹsẹ

  Lk 7:38Ó sì dúró tì í lẹ́bàá ẹsẹ̀ rẹ̀ lẹ́yìn, ó ń sọkún, ó sì bẹ̀rẹ̀ sí i fi omijé wẹ̀ ẹ́ ní ẹsẹ̀, ó sì ń fi irun orí rẹ nù ún nù, ó sì ń fi ẹnu kò ó ní ẹsẹ̀, ó sì ń fi òróró kùn wọ́n.

  Jh 12:3Nígbà náà ni Maria mú òróró ìkunra nadi, òsùwọ̀n lita kan, àìlábùlà, olówó iyebíye, ó sì ń fi kun Jesu ní ẹsẹ̀, ó sì ń fi irun orí rẹ̀ nu ẹsẹ̀ rẹ̀ nù. Ilé sì kún fún òórùn ìkunra náà.
• Paulu fá orí rẹ̀ ní Kenkerea nítorí ẹ̀jẹ́ kanÌṣe 18:18
  Àwọn ẹsẹ

  Ìṣe 18:18Paulu sì dúró sí i níbẹ̀ lọ́jọ́ púpọ̀, nígbà tí ó sì dágbére fún àwọn arákùnrin, ó bá ọkọ̀ ojú omi lọ si Siria, àti Priskilla àti Akuila pẹ̀lú rẹ̀; ó tí fá orí rẹ̀ ni Kenkerea, nítorí tí ó ti jẹ́ ẹ̀jẹ́.

Nínú ọ̀fọ̀

• Orí fífá àti irùngbọ̀n gígé jẹ́ àmì ọ̀fọ̀Isa 15:2, Jr 48:37, Mik 1:16
  Àwọn ẹsẹ

  Isa 15:2Diboni gòkè lọ sí tẹmpili rẹ̀, sí àwọn ibi gíga rẹ̀ láti sọkún, Moabu pohùnréré lórí Nebo àti Medeba. Gbogbo orí ni a fá gbogbo irùngbọ̀n ni a gé dànù.

  Jr 48:37Gbogbo orí ni yóò pá, gbogbo irùngbọ̀n ni a ó gé kúrò, gbogbo ọwọ́ ni a sá lọ́gbẹ́, àti aṣọ ọ̀fọ̀ ní gbogbo ẹ̀gbẹ́.

  Mik 1:16Fá irun orí rẹ nínú ọ̀fọ̀ nítorí àwọn ọmọ rẹ aláìlágbára, sọ ra rẹ̀ di apárí bí ẹyẹ igún, nítorí wọn yóò kúrò lọ́dọ̀ rẹ lọ sí ìgbèkùn.