Ụlọ elu na ụlọ nche nʼime Baịbụl

• Na Babel: obodo nwere ụlọ elu nke elu ya ga-eru nʼeluigweJen 11:4
  Amaokwu ndị ahụ

  Jen 11:4Mgbe ahụ, ha kwuru sị, “Bịanụ ka anyị wuore onwe anyị obodo na ụlọ elu, nke elu ya ga-eru nʼeluigwe, ka anyị si otu a meere onwe anyị aha, ka anyị ghara ịbụ ndị a ga-agbasa nʼụwa niile.”
• Onyenwe anyị rịdatara ịhụ obodo ahụ na ụlọ elu ahụJen 11:5
  Amaokwu ndị ahụ

  Jen 11:5Onyenwe anyị rịdatara hụ obodo ahụ na ụlọ elu ahụ ndị mmadụ na-ewu.
• Ha kwụsịrị iwu obodo ahụ, a kpọkwa ya BabelJen 11:8–9
  Amaokwu ndị ahụ

  Jen 11:8–9Onyenwe anyị mere ka ha gbasaa nʼelu ụwa niile. Ha kwụsịkwara iwu obodo ahụ. Ọ bụkwa nke a mere e ji kpọọ obodo ahụ Babel nʼihi na ọ bụ nʼebe ahụ ka Onyenwe anyị wetara ọgbaaghara nʼasụsụ ndị niile bi nʼụwa. Ọ bụkwa nʼebe ahụ ka Onyenwe anyị si gbasasịa ha nʼelu ụwa dum.
• Jekọb maara ụlọ ikwu ya nʼofe Migdal EdaJen 35:21
  Amaokwu ndị ahụ

  Jen 35:21Izrel malitere ije ya, tutu ruo ebe o wuru ebe izuike ya nʼala dị nʼofe ọzọ nke Migdal Eda.

Ụlọ elu nʼagha

• Gidiọn yiri ụlọ elu Peniel egwu, emesịa kwatuo yaNkp 8:9, Nkp 8:17
  Amaokwu ndị ahụ

  Nkp 8:9Ya mere, ọ gwara ndị ikom Peniel sị, “Mgbe m nwere mmeri lọta, aga m akwatu ụlọ elu a.”

  Nkp 8:17Ọ kwaturu ụlọ elu Peniel gbukwaa ndị ikom obodo ahụ niile.
• Ihe dị ka otu puku mmadụ nwụrụ mgbe Abimelek sure ụlọ elu Shekem ọkụNkp 9:46, Nkp 9:49
  Amaokwu ndị ahụ

  Nkp 9:46Mgbe ndị nwe ala nọ nʼụlọ elu Shekem nụrụ ihe mere, ha gbabanyere nʼebe e wusiri ike nke ụlọ arụsị El Berit.

  Nkp 9:49Ya mere, ndị agha ya niile gbuturu alaka osisi buru ha soro Abimelek. Ha tụkọtara alaka osisi ndị a niile nʼakụkụ ebe ahụ e wusiri ike mụnye ha ọkụ ka o regbuo ndị mmadụ nọ nʼime ya. Ya mere, ndị mmadụ niile nọ nʼụlọ elu Shekem, nwoke na nwanyị, ndị ọnụọgụgụ ha ruru otu puku nwụrụ.
• Na Tebez, ndị mmadụ kpọchiri onwe ha nʼime ụlọ elu siri ikeNkp 9:50–52
  Amaokwu ndị ahụ

  Nkp 9:50–52Ọzọ, Abimelek gara obodo Tebez lụso ya agha, merie ya. Ma e nwere nʼime obodo ahụ, otu ụlọ elu e wusiri ike, ebe ndị obodo ahụ niile, nwoke na nwanyị, gbabanyere. Ha kpọchidoro onwe ha ụzọ, rigoro nʼelu ụlọ ahụ. Abimelek gara nʼụlọ elu ahụ ibuso ya agha. Ma mgbe ọ na-abịaru ọnụ ụzọ ama ụlọ elu ahụ isunye ya ọkụ,
• Site nʼelu ya, otu nwanyị tụdara nkume igwe nri nʼisi AbimelekNkp 9:53
  Amaokwu ndị ahụ

  Nkp 9:53otu nwanyị tụdara nkume igwe nri nʼisi ya, nke tiwara okpokoro isi ya.
• Onye nche nọ nʼụlọ elu na Jezril hụrụ ndị agha Jehu ka ha na-abịa2Ez 9:17
  Amaokwu ndị ahụ

  2Ez 9:17Mgbe onye nche nọ nʼụlọ elu Jezril hụrụ Jehu na ndị agha ya ka ha na-abịa, o tiri mkpu sị, “Lee, o nwere ndị agha na-abịa.” Joram eze Izrel nyere iwu sị, “Zipụ otu onye na-agba ịnyịnya ka ọ gaa zute ha jụọ ha sị, ‘Udo ọ dịkwa?’ ”
• “nʼobodo ukwu ma nʼobodo nta ọbụla”2Ez 17:9, 2Ez 18:8
  Amaokwu ndị ahụ

  2Ez 17:9Ndị Izrel mere ihe ndị ahụ niile Onyenwe anyị Chineke ha na-adịghị anabata na nzuzo. Ha wuru ebe ịchụ aja nye chi dị iche iche nʼobodo ha niile, e, nʼobodo ukwu ma nʼobodo nta ọbụla.

  2Ez 18:8O tigburu ndị Filistia nʼala ha niile ruo na Gaza, na obodo dị ya gburugburu. Ọ lara obodo ahụ niile nʼiyi, obodo ukwu niile e wusiri ike na obodo nta niile a na-ewusighị ike.

Ndị eze wuru ụlọ elu

• Asa: obodo nwere mgbidi na ụlọ elu, ibo ọnụ ụzọ na ihe ntụchi2Ih 14:7
  Amaokwu ndị ahụ

  2Ih 14:7Nʼihi nke a, ọ gwara ndị Juda sị ha, “Ugbu a ka anyị kwesiri iwu obodo ndị a. Ka anyị wuokwa mgbidi gburugburu ha, wuokwa ụlọ elu nche, tinyesịa ha niile ibo ọnụ ụzọ ama, na mkpọrọ e ji akpọchi ya, ala a bụ nke anyị, nʼihi na Onyenwe anyị Chineke onye anyị ji obi anyị chọsie ike enyela anyị udo.” Ya mere, ha wuru ihe ndị a niile nwekwa ọganihu.
• Ụzaya wuru ụlọ elu nche nʼọnụ ụzọ ama Jerusalem na nʼọzara2Ih 26:9–10
  Amaokwu ndị ahụ

  2Ih 26:9–10O wuru ọtụtụ ụlọ elu nche na Jerusalem na nkuku Ọnụ Ụzọ Ama, nʼỌnụ Ụzọ Ama Ndagwurugwu, na nkuku mgbidi, wusie ha ike. O wukwara ọtụtụ ụlọ elu nche siri ike nʼọzara, gwuokwa ọtụtụ olulu mmiri nʼihi na o nwere ọtụtụ anụ ụlọ na ndagwurugwu, na nʼala dị larịị. Ọ hụrụ ịrụ ọrụ ubi nʼanya, nʼihi ya, o nwere ọtụtụ ndị na-arụ ọrụ nʼubi na ubi vaịnị ya dị nʼala ugwu ugwu, na nʼala ndị dị na ndagwurugwu.
• Ihe nchepụta Ụzaya na-agba àkụ, na-atụ nkume site nʼụlọ elu2Ih 26:15
  Amaokwu ndị ahụ

  2Ih 26:15O mepụtakwara ihe nchepụta ọhụrụ na Jerusalem, nke ndị nwere amamihe chepụtara, bụ nke a ga-eguzobe nʼụlọ elu nche nakwa nʼelu nkuku mgbidi, ka ndị agha nwee ike jiri ha gbaa àkụ maọbụ tụọ nkume ukwu site nʼelu mgbidi ahụ niile. Ude aha ya gbasara ruo ebe dị anya, nʼihi na-enyeere ya aka nʼụzọ dị ukwuu ruo mgbe ọ ghọrọ onye dị ike.
• Jotam wuru ebe e wusiri ike na ụlọ elu nche nʼoke ọhịa2Ih 27:4
  Amaokwu ndị ahụ

  2Ih 27:4O wuru ọtụtụ obodo nʼala ugwu ugwu Juda, wuokwa ọtụtụ ebe e wusiri ike na ụlọ elu nche nʼoke ọhịa.
• Hezekaya wuziri mgbidi ahụ dara ada, wuo ụlọ elu nʼelu ya2Ih 32:5
  Amaokwu ndị ahụ

  2Ih 32:5Hezekaya wuzikwara mgbidi obodo ahụ, wusie ha ike nʼebe niile ọ na-ada ada. O wukwara mgbidi ọzọ gburugburu mgbidi nke ochie ahụ. O wusikwara ebe siri ike nke Milo dị nʼobodo Devid ike, kpụọkwa ọtụtụ ngwa agha na ọta.

Ụlọ elu Jerusalem

• Ụlọ elu Narị na ụlọ elu HananelNeh 3:1, Neh 12:39
  Amaokwu ndị ahụ

  Neh 3:1Mgbe ahụ, Eliashib onyeisi nchụaja na ndị nchụaja ibe ya wuru mgbidi ahụ ruo nʼụlọ elu Narị na ụlọ elu Hananel. Ha wukwara Ọnụ Ụzọ ama Atụrụ, kwụba ibo ya, doo ya nsọ.

  Neh 12:39Anyị sitekwara nʼebe ahụ gafee Ọnụ Ụzọ Ama Ifrem, Ọnụ Ụzọ ama Jeshana, Ọnụ Ụzọ Ama Azụ, Ọnụ Ụzọ Ama Ụlọ Elu Hananel, ruokwa nʼỌnụ Ụzọ Ama Ụlọ Elu Narị na ruo nʼỌnụ Ụzọ Ama Atụrụ, kwụsị nʼỌnụ Ụzọ Ama Ndị Nche.
• Ụlọ Elu ỌkụNeh 3:11, Neh 12:38
  Amaokwu ndị ahụ

  Neh 3:11Onye ọzọ bụ Malkija nwa Harim, na Hashub nwa Pahat-Moab, ndị wugharịrị ụlọ elu ọkụ, na otu akụkụ mgbidi ahụ.

  Neh 12:38Ndị ọbụ abụ nke ọzọ bụ ndị na-enye ekele gara ụzọ aka ekpe. Mụ onwe m sooro ha nʼelu mgbidi ahụ, tinyere ọkara ndị mmadụ ahụ, gafee Ụlọ elu Ite Ọkụ jeruo Mgbidi Sara Mbara.
• Nnukwu ụlọ elu na-apụta apụta, nso mgbidi OfelNeh 3:25–27
  Amaokwu ndị ahụ

  Neh 3:25–27Palal nwa Uzai wuziri akụkụ nke na-eso ya site na nkuku mgbidi ahụ ruo nʼụlọ elu dị nʼakụkụ elu elu ụlọeze nʼebe dị nso nʼogige ndị nche. Nke so ya bụ Pedaia nwa Parosh, na ndị na-eje ozi nʼụlọnsọ ahụ bụ ndị bi nʼelu ugwu Ofel, wuziri akụkụ nke na-esote ruo nʼebe dị nʼakụkụ ọwụwa anyanwụ nke Ọnụ Ụzọ Ama Mmiri, ruokwa nʼụlọ elu nche nke ụlọ ukwu ahụ. Ndị ikom Tekoa wuru akụkụ nke ọzọ na-esote ya. Ha sitere nʼebe chere ụlọ elu nche nke ụlọnsọ ukwu ahụ ihu, wuzie mgbidi ahụ ruo na mgbidi dị Ofel nso.
• Mmadụ iri na asatọ nwụrụ mgbe ụlọ elu Sailọm daraLuk 13:4
  Amaokwu ndị ahụ

  Luk 13:4Ka unu chere na mmadụ iri na asatọ ahụ, ndị mgbidi aja ụlọ elu Sailọm dagburu bụ ndị ikpe mmehie mara karịa ndị niile bi na Jerusalem?

Ubi vaịnị na okwu

• Onye nwe ubi vaịnị wuru ụlọ nche, gwuo ebe ịzọcha mkpụrụ vaịnịAịz 5:2, Mat 21:33
  Amaokwu ndị ahụ

  Aịz 5:2O gwuzere ya, wepụsịa okwute niile dị nʼime ya, werekwa mkpụrụ vaịnị mara mma kụọ nʼime ya. O wuru ụlọ nche nʼetiti ya, sitekwa na nkume wapụtakwa ebe ịzọcha mmanya. Emesịa, ọ nọdụrụ chere oge owuwe ihe ubi. Mgbe oge ahụ ruru, ọ chọpụtara na nʼọnọdụ mkpụrụ vaịnị mara mma, ọ bụ ndị jọrọ njọ mịrị.

  Mat 21:33“Ugbu a geekwanụ ntị nʼilu ọzọ. Otu onye dị nke nwere ala ubi. Ọ kụrụ osisi vaịnị nʼubi a. Ọ gbakwara ubi ya ogige, gwuokwa ebe ịzọcha mkpụrụ vaịnị nʼime ya. O wukwara ụlọ elu nʼime ya. Mgbe o mesịrị ihe ndị a, o weere ubi ahụ tinye nʼaka ndị ga-elekọtara ya ubi ahụ, pụọ gaa nʼala ọzọ.
• Jisọs: gbakọọ ihe ọ ga-efu tupu i wuo ụlọ eluLuk 14:28–30
  Amaokwu ndị ahụ

  Luk 14:28–30“Ọ dị onye ọbụla nʼime unu chọrọ iwu ụlọ elu, na-agaghị ebu ụzọ nọdụ ala, gbakọọ ihe ọ ga-efu ya, iji chọpụta ma o nwekwara ego ga-ezu iwucha ya? Nʼihi na ọ bụrụ na ọ tọọ ntọala ma o nwekwaghị ike wuchaa ya, onye ọbụla hụrụ ya ga-achị ya ọchị, na-asị, ‘Nwoke a malitere iwu ụlọ, ma o nweghị ike wuchaa ya.’
• Onye nche: ụbọchị niile ka m na-eguzo nʼelu ụlọ ncheAịz 21:8
  Amaokwu ndị ahụ

  Aịz 21:8Onye nche na-elepụ anya tiri mkpu dịka ọdụm, sị, “Onyenwe m, nʼehihie ụbọchị niile ka m na-eguzo nʼelu ụlọ nche, nʼọnọdụ nche m ka m na-eguzokwa abalị niile.
• Abụ nke Abụ: “Olu gị dị ka ụlọ elu Devid”Abụk 4:4, Abụk 7:4
  Amaokwu ndị ahụ

  Abụk 4:4Olu gị dị ka ụlọ elu Devid, nke e wuziri nke ọma. E konyere puku ọta na ya, ha niile bụ ọta nke ndị ọka nʼagha.

  Abụk 7:4Olu gị guzo kwem dị ka ụlọ elu e ji ọdụ wuo. Anya gị abụọ dị ka ọdọ mmiri Heshbọn nke dị nʼakụkụ ọnụ ụzọ ama Bat-Rabim. Imi gị mara mma dị ka ụlọ elu Lebanọn nke chere Damaskọs ihu.