Ọnụọgụgụ iri anọ nʼime Baịbụl

Akụkụ nke Baịbụlụ Nsọ nʼIgbo Ndị Ugbu a (31), ahịrị na ahịrị, site na Nave’s Topical Bible.

Iri ụbọchị anọ

Mmiri ozuzo zoro nʼụwa iri ụbọchị anọ ehihie na abalịJen 7:4, Jen 7:12, Jen 7:17
Amaokwu ndị ahụ
Jen 7:4Nʼihi na ụbọchị asaa site taa, aga m ezidata mmiri ozuzo nʼụwa. Mmiri a ga-ezo iri ụbọchị anọ, ehihie na abalị. Aga m ekpochapụ site nʼelu ụwa ihe niile nwere ndụ nke m kere.”
Jen 7:12Mmiri zogịdere na-esepụghị aka iri ụbọchị anọ, ehihie na abalị.
Jen 7:17Uju mmiri nọgidere nʼụwa iri ụbọchị anọ. Mgbe mmiri ndị a na-aba ụba, ha buliri ụgbọ mmiri ahụ elu site nʼelu ala.
Mgbe iri ụbọchị anọ gasịrị, Noa meghere oghereikuku ụgbọ ahụJen 8:6
Amaokwu ndị ahụ
Jen 8:6Mgbe iri ụbọchị anọ gafere, Noa meghere oghereikuku ọ rụnyere nʼakụkụ ụgbọ mmiri ahụ,
Ịgbasi ozu Jekọb were iri ụbọchị anọJen 50:3
Amaokwu ndị ahụ
Jen 50:3O were ha iri ụbọchị anọ ịgbasi ozu, nʼihi na nke a bụ oge o kwesiri iwe ha ime ya. Mgbe nke a gasịrị, a kwara ya nʼala Ijipt iri ụbọchị asaa.
Mosis nọrọ nʼelu ugwu iri ụbọchị anọ ehihie na abalịỌpụ 24:18, Ọpụ 34:28, Dit 9:9
Amaokwu ndị ahụ
Ọpụ 24:18Mosis banyere nʼime igwe ojii ahụ mgbe ọ na-arịgo ugwu ahụ. Ọ nọgidere nʼelu ugwu ahụ iri ụbọchị anọ, ehihie na abalị.
Ọpụ 34:28Mosis na Onyenwe anyị nọ nʼebe ahụ iri ụbọchị anọ, ehihie na abalị. Ma nʼoge ndị a niile o righị nri ọbụla. Ọ ṅụkwaghị ihe ọṅụṅụ ọbụla. O dere na mbadamba nkume abụọ ahụ okwu niile nke ọgbụgba ndụ ahụ, nke bụ iwu iri ahụ.
Dit 9:9Mgbe m rigooro nʼelu ugwu ahụ ịnata mbadamba nkume ndị ahụ bụ mbadamba nkume ọgbụgba ndụ dị nʼetiti Onyenwe anyị na unu, anọrọ m nʼelu ugwu ahụ iri ụbọchị anọ, ehihie na abalị, ọ dịghị nri m riri, ọ dịghịkwa mmiri m ṅụrụ.
Ndị nnyopụta lọghachiri mgbe iri ụbọchị anọ gasịrịỌnụ 13:25
Amaokwu ndị ahụ
Ọnụ 13:25Mgbe iri abalị anọ gasịrị, ndị nledo a sitere nʼije ha lọghachi.
Golaịat na-apụta iri ụbọchị anọ, ụtụtụ na uhuruchi1Sa 17:16
Amaokwu ndị ahụ
1Sa 17:16Golaịat, onye Filistia na-abịaru nso ụtụtụ na uhuruchi, na-eguzo onwe ya otu a iri ụbọchị anọ.
Ịlaịja jere ije iri ụbọchị anọ ehihie na abalị ruo Horeb1Ez 19:8
Amaokwu ndị ahụ
1Ez 19:8Ịlaịja biliri rie ihe, ṅụọkwa mmiri. Nri ahụ nyere ya ike ije ije iri ụbọchị anọ ọzọ, ehihie na abalị, tutu ruo mgbe ọ bịaruru nʼugwu Horeb nke bụ ugwu Chineke.
Jona: iri ụbọchị anọ ọzọ, a ga-akwatu NiniveJona 3:4
Amaokwu ndị ahụ
Jona 3:4Jona malitere ịba nʼobodo ahụ, ma mgbe ọ gara ije otu ụbọchị, o kwusara sị, “Iri ụbọchị anọ ka ọ fọdụrụ tupu alaa Ninive nʼiyi.”
Jisọs buru ọnụ iri ụbọchị anọ ehihie na abalịMat 4:2
Amaokwu ndị ahụ
Mat 4:2Mgbe o busiri ọnụ iri ụbọchị anọ ehihie na abalị, agụụ gụrụ ya nke ukwuu.
Mgbe o sitere nʼọnwụ bilie, Jisọs gosiri onwe ya nʼime iri ụbọchị anọỌrụ 1:3
Amaokwu ndị ahụ
Ọrụ 1:3Mgbe ọ hụsịrị ahụhụ nke ọnwụ, o gosiri ha onwe ya nʼụzọ dị iche iche nʼebe o doro anya na ya dị ndụ. O mere ka ha hụ ya anya nʼime iri ụbọchị anọ, na-akụziri ha banyere alaeze Chineke.

Iri afọ anọ

Izrel riri mánà iri afọ anọ nʼọzaraỌpụ 16:35
Amaokwu ndị ahụ
Ọpụ 16:35Ndị Izrel niile riri mánà ndị a iri afọ anọ tutu ruo mgbe ha batara nʼala ebe ndị mmadụ bi, tutu ruo mgbe ha bịarutere nʼoke ala Kenan.
Iri afọ anọ nke iwagharị, otu afọ maka ụbọchị ọbụla nke nnyopụtaỌnụ 14:34
Amaokwu ndị ahụ
Ọnụ 14:34Iri afọ anọ ka unu ga-ata ahụhụ nʼihi mmehie unu, matakwa ihe ọ pụtara bụ mụ iguzo megide unu, ya bụ otu afọ ga-anọchi otu ụbọchị nʼime iri ụbọchị anọ ahụ unu ji ledoo ala ahụ anya.
Aịzik lụrụ Ribeka mgbe ọ gbara iri afọ anọJen 25:20
Amaokwu ndị ahụ
Jen 25:20Aịzik gbara iri afọ anọ mgbe ọ lụrụ Ribeka, nwa Betuel, onye Aram si nʼobodo Padan Aram, nwanne Leban, onye Aram.
Mosis gbara iri afọ anọ mgbe ọ gara ileta ndị ya; iri afọ anọ e mesịrị, osisi ahụ na-ere ọkụỌrụ 7:23, Ọrụ 7:30
Amaokwu ndị ahụ
Ọrụ 7:23“Mgbe ọ gbara iri afọ anọ, ọ batara ya nʼuche ịga ileta ụmụnna ya ndị Izrel.
Ọrụ 7:30“Mgbe iri afọ anọ gafere, e mere ka Mosis hụ mmụọ ozi nʼọkụ na-ere ọhịa dị nʼọzara, nʼakụkụ Ugwu Saịnaị.
Nʼokpuru ọtụtụ ndị ikpe, ala ahụ zuru ike iri afọ anọNkp 3:11, Nkp 5:31, Nkp 8:28
Amaokwu ndị ahụ
Nkp 3:11Sitekwa nʼoge ahụ gaa nʼihu, udo dịịrị nʼala niile iri afọ anọ, mgbe Otniel na-ekpe Izrel ikpe. Nʼikpeazụ, Otniel, nwa Kenaz nwụrụ.
Nkp 5:31“ Onyenwe anyị, biko, ka ndị iro gị niile si otu a laa nʼiyi. Ka ndị niile hụrụ gị nʼanya nwupụta ihe dịka anyanwụ mgbe o biliri nʼike.” E nwere izuike nʼala ahụ iri afọ anọ.
Nkp 8:28Otu a ka Midia si ghọọ ndị Izrel meriri emeri. Midia eweliteghị isi ya ọzọ. Nʼihi nke a, Izrel biri nʼudo iri afọ anọ, nʼụbọchị niile Gidiọn dị ndụ.
Ndị Filistia chịrị Izrel iri afọ anọNkp 13:1
Amaokwu ndị ahụ
Nkp 13:1Ndị Izrel mehiekwara ọzọ nʼihu onyenwe anyị. Nʼihi nke a, Onyenwe anyị kwenyere ka ndị Filistia merie ha. Ndị Izrel nọrọ nʼokpuru ọchịchị ha iri afọ anọ.
Elayị kpere Izrel ikpe iri afọ anọ1Sa 4:18
Amaokwu ndị ahụ
1Sa 4:18Mgbe onyeozi ahụ kwutere maka igbe ọgbụgba ndụ Chineke. Elayị sitere nʼoche ya dalaa azụ nʼakụkụ ọnụ ụzọ ama, dajie olu ya, nwụọ! Nʼihi na o meela nnọọ agadi. Ọ bụkwa onye buru ibu. Ya onwe ya kpekwara ụmụ Izrel ikpe iri afọ anọ.
Iri afọ anọ nʼokpuru Sọl, ka Pọl kwuruỌrụ 13:21
Amaokwu ndị ahụ
Ọrụ 13:21Mgbe ahụ ha rịọrọ ka enye ha eze, Chineke nyekwara ha Sọl, nwa Kish, onye si nʼagbụrụ Benjamin pụta, onye chịrị iri afọ anọ.
Devid chịrị iri afọ anọ: asaa na Hebrọn, iri atọ na atọ na Jerusalem2Sa 5:4, 1Ez 2:11
Amaokwu ndị ahụ
2Sa 5:4Devid gbara iri afọ atọ mgbe ọ malitere ịbụ eze. Ọ chịkwara iri afọ anọ.
1Ez 2:11Ma ọ chịrị Izrel iri afọ anọ; ọ chịrị afọ asaa na Hebrọn, chịakwa iri afọ atọ na atọ na Jerusalem.
Solomọn chịrị iri afọ anọ1Ez 11:42
Amaokwu ndị ahụ
1Ez 11:42Solomọn chịrị Izrel niile iri afọ anọ na Jerusalem.
Joash chịrị na Jerusalem iri afọ anọ2Ez 12:1
Amaokwu ndị ahụ
2Ez 12:1Nʼafọ nke asaa, nke ọchịchị Jehu nʼIzrel, ka Joash malitere ịbụ eze na Juda. Iri afọ anọ ka ọ chịrị dịka eze na Jerusalem. Aha nne ya bụ Zibịa onye Bịasheba.

Ụtarị iri anọ

Iwu ekweghị ka a pịa mmadụ karịa ụtarị iri anọDit 25:3
Amaokwu ndị ahụ
Dit 25:3ma agaghị eti ya karịa ọnụ ụtarị iri anọ. Ọ bụrụ na e tie onye ahụ ikpe mara ọnụ ụtarị karịrị nke a, ọ ga-abụ onye e leliri anya nʼihu ndị Izrel ibe ya.
Ugboro ise ka Pọl natara ụtarị iri anọ e wepụrụ otu2Kọ 11:24
Amaokwu ndị ahụ
2Kọ 11:24Ugboro ise ka ndị Juu pịara m ọnụ ụtarị iri anọ e wepụrụ otu.

Isi mmalite

Site na Nave’s Topical Bible (Orville J. Nave, 1896; ihe onwunwe ọha): a họọrọ isiokwu, mee ka ahịrị dị mkpụmkpụ ma tinye ha nʼokwu nke oge a, hapụ ahịrị nkọwa; e lelere amaokwu ọ bụla.

Baịbụlụ Nsọ nʼIgbo Ndị Ugbu a · © 2020 Biblica, Inc., CC BY-SA 4.0; changed: footnotes, headings and the letters over Psalm 119 left out, verses in the app's numbering. The original work by Biblica, Inc. is available for free at www.biblica.com and open.bible.