Igurube nʼime Baịbụl

• E kwere ka a na-eri igurube, akpankwụ, abụzụ na ụkpanaLev 11:22
  Amaokwu ndị ahụ

  Lev 11:22ndị a ka unu ga-eri nʼetiti ha, igurube dị iche iche, na akpankwụ dị iche iche, na abụzụ dị iche iche, na ụkpana dị iche iche.
• Jọn omee baptizim riri igurube na mmanụ aṅụ ọhịaMat 3:4, Mak 1:6
  Amaokwu ndị ahụ

  Mat 3:4Jọn yi uwe e ji ajị ịnyịnya kamel mee. O kekwara ihe okike ukwu nke akpụkpọ anụ nʼukwu ya. Nri ya bụ igurube na mmanụ aṅụ.

  Mak 1:6Uwe Jọn yi nʼahụ ya bụ nke e ji ajị ịnyịnya kamel mee. O kekwara ihe okike e ji akpụkpọ anụ mee nʼukwu ya. Nri ya bụ igurube na mmanụ aṅụ.
• Igurube enweghị eze, ma ha na-aga nʼahịrị nʼahịrịIlu 30:27
  Amaokwu ndị ahụ

  Ilu 30:27Igurube enweghị eze, ma ha na-aga nʼigwe nʼahịrị nʼahịrị.
• Solomọn kpere ekpere banyere ụnwụ, ọrịa ihe ubi, ebu na igurube1Ez 8:37
  Amaokwu ndị ahụ

  1Ez 8:37“Mgbe ụnwụ maọbụ ajọ ọrịa na-efe efe ga-adakwasị ala a, maọbụ ọrịa na-eripịa ihe ubi maọbụ ọmụma ebu, maọbụ igurube maọbụ ụkpana, maọbụ mgbe onye iro nọchibidoro ha nʼobodo ha niile, ihe mbibi niile maọbụ ọrịa ọbụla,
• Ị ga-akụ ọtụtụ mkpụrụ, ma igurube ga-erichapụ yaDit 28:38
  Amaokwu ndị ahụ

  Dit 28:38Ị ga-akụ ọtụtụ mkpụrụ nʼubi ma ị ga-aghọta ntakịrị mkpụrụ, nʼihi na igurube ga-ericha ihe ị kụrụ nʼubi.

Ihe otiti nʼIjipt

• Mosis dọrọ aka na ntị na igurube ga-ekpuchi ala, jupụta nʼụlọ niileỌpụ 10:4–6
  Amaokwu ndị ahụ

  Ọpụ 10:4–6Ọ bụrụ na ị jụ ikwere ka ha gaa, nʼụtụtụ echi, aga m ezite igurube nʼala Ijipt. Igurube ndị a ga-ekpuchi ihu ala Ijipt niile, ka mmadụ ọbụla hapụ ịhụ ala anya. Ha ga-erichapụ ihe ndị fọdụrụ bụ nke ifufe na mkpụrụ mmiri ahụ na-emebighị, tinyere osisi niile na-eto eto nʼubi unu. Ha ga-ejupụta nʼụlọ gị, na nʼụlọ ndị na-ejere gị ozi, na nʼụlọ ndị Ijipt niile. Ihe dị otu a bụ ụdị ihe na-emetụbeghị na mbụ, nke nna gị maọbụ nna nna gị ha na-ahụtụbeghị ụdị ya site na mgbe ha bidoro ibi nʼala a tutu ruo ugbu a.’ ” Mgbe ahụ, Mosis tụgharịrị hapụ Fero pụọ.
• Ifufe ọwụwa anyanwụ butere ha tupu ụtụtụỌpụ 10:13
  Amaokwu ndị ahụ

  Ọpụ 10:13Ya mere, Mosis setịpụrụ mkpanaka ya nʼelu ala Ijipt, Onyenwe anyị mere ka ifufe nke si nʼebe anyanwụ si awa fee nʼụbọchị ahụ niile na abalị ahụ niile. Nʼụtụtụ ya, ifufe ahụ si nʼebe anyanwụ si awa bubatara igurube ndị ahụ.
• Ala ahụ ghọrọ oji; ọ dịghị ihe ndụ fọdụrụỌpụ 10:14–15
  Amaokwu ndị ahụ

  Ọpụ 10:14–15Ha niile kpuchichara ala Ijipt niile, site nʼotu akụkụ ruo nʼakụkụ nke ọzọ. Nke a bụ mbata igurube kachasị ibe ya njọ nʼIjipt. Ijipt agaghị enwekwa nke dịka ya ọzọ. Ha kpuchiri ala niile ruo mgbe ọchịchịrị gbachiri ya. Ha richapụrụ ihe niile na-eto nʼubi, na mkpụrụ niile na-amị nʼosisi, bụ nke ifufe na mkpụrụ mmiri ukwu ahụ hapụrụ. Nʼikpeazụ, ọ dịghị ahịhịa ndụ fọdụrụ nʼala ma nʼelu osisi nʼIjipt niile.
• Ifufe ọdịda anyanwụ bubara ha nʼOsimiri UhieỌpụ 10:19
  Amaokwu ndị ahụ

  Ọpụ 10:19Ngwangwa, Onyenwe anyị zitere ikuku nke si nʼebe anyanwụ na-ada bịa, nke bupụrụ igurube ndị ahụ site nʼala Ijipt, buba ha nʼOsimiri Uhie. Ọ dịkwaghị otu igurube fọdụrụ nʼala Ijipt niile.

Ntụnyere

• Juel: ihe otu igurube rifọrọ, nke ọzọ richaraJul 1:4
  Amaokwu ndị ahụ

  Jul 1:4Ihe igurube rifọrọ ka igurube ukwu richara, ihe igurube ukwu rifọrọ, ka ụmụ igurube richara, ihe ụmụ igurube rifọrọ ka igurube ndị ọzọ richapụrụ.
• Ndị Midia bịara dịka usuu igurubeNkp 6:5, Nkp 7:12
  Amaokwu ndị ahụ

  Nkp 6:5Dịka usuu igurube ka ha na-abịa, ha na anụ ụlọ ha niile, na ụlọ ikwu ha niile. Ọnụọgụgụ ha dị ukwuu ruo na-apụghị ịgụta ole ha dị, maọbụ ịnyịnya kamel ha. Ha na-abata nʼala ahụ nʼihi ibibicha ya.

  Nkp 7:12Ma lee, usuu ndị agha Midia, na ndị Amalek, na ndị obodo ndị ọzọ ahụ si nʼọwụwa anyanwụ bịa jupụtara na ndagwurugwu ahụ dị ka igurube. Nʼezie, ịnyịnya kamel ha dị ọtụtụ, dịka aja dị nʼakụkụ oke osimiri.
• Ndị nnyopụta chere na ha dị ka ụkpana nʼakụkụ ụmụ AnakỌnụ 13:33
  Amaokwu ndị ahụ

  Ọnụ 13:33Anyị hụrụ ndị Nefilim nʼebe ahụ (ndị bụ ụmụ ụmụ Anak, ndị sitere na ndị Nefilim). Nʼanya anyị, anyị dịka ụkpana nʼebe ha nọ, otu a ka anyị dịkwa nʼanya ha.”