Snoo nʼime Baịbụl

• Nʼụbọchị mkpụrụ mmiri na-ezo, Benaya gburu ọdụm nʼime olulu2Sa 23:20
  Amaokwu ndị ahụ

  2Sa 23:20Benaya, nwa Jehoiada, onye si Kabzeel, bụ dike nʼagha nke kpara ike dị ukwuu. O tigburu dimkpa abụọ ndị Moab, ndị bụ ọkaka nʼagha. O rịdakwukwara ọdụm nʼime olulu na-amị amị nʼụbọchị mkpụrụ mmiri na-ezo, gbuo ya.
• O nweela mgbe mmiri oyi kọrọ nʼelu ugwu Lebanọn?Jer 18:14
  Amaokwu ndị ahụ

  Jer 18:14O nweela mgbe mmiri oyi m mere ka ọ kpụkọtaa kọrọ nʼelu ugwu Lebanọn? O nweela mgbe mmiri ya jụrụ oyi, nke si nʼebe dị anya na-asọdata ji akwụsị ịsọ asọ?
• Iyi na-eji ojii nʼihi mkpụrụ mmiri oyi na-agbazeJob 6:16
  Amaokwu ndị ahụ

  Job 6:16nke na-eji ojii nʼihi mkpụrụ mmiri oyi, nke unyi jupụtara nʼihi mgbaze nke mkpụrụ mmiri oyi.
• Chineke gwara snoo, “Daa nʼelu ala”Job 37:6
  Amaokwu ndị ahụ

  Job 37:6Nʼihi na ọ bụ ya na-agwa snoo okwu sị: ‘Daa nʼelu ala,’ na-agwakwa mmiri ozuzo okwu sị, ‘Zoo nnukwu mmiri ozuzo.’
• Ị banyela nʼụlọ ebe a na-achịkọba snoo?Job 38:22
  Amaokwu ndị ahụ

  Job 38:22“Ị banyela nʼụlọ niile ebe a na-achịkọba snoo, ka ị hụla ụlọ niile ebe a na-achịkọba mkpụrụ mmiri igwe,
• Ọ na-atụsa snoo dịka ajị anụAbụ 147:16
  Amaokwu ndị ahụ

  Abụ 147:16Ọ na-atụsa snoo nʼala dịka ajị anụ, na-efesasị igirigi snoo dịka ntụ.
• Mmiri na mkpụrụ mmiri si nʼeluigwe na-ede ala mmiri, mee ka ihe ubi pupụtaAịz 55:10
  Amaokwu ndị ahụ

  Aịz 55:10Dịka mmiri na mkpụrụ mmiri si esi nʼeluigwe ada nʼụwa na-alaghachighị nʼeluigwe ma ọ bụrụ na o meghị ka mmiri dee ala, mee ka ihe ubi pupụta, too eto, meekwa ka ọ mịa mkpụrụ nye onye na-akụ ihe ọkụkụ, bụrụkwa ihe oriri nye onye na-eri nri.
• Dịka snoo dara nʼelu ZalmonAbụ 68:14
  Amaokwu ndị ahụ

  Abụ 68:14Mgbe Onye pụrụ ime ihe niile chụsasịrị ndị eze bi nʼala a, ọ dị ka snoo dara nʼelu Zalmon.

Okwu nʼIlu

• Onyeozi kwesiri ntụkwasị obi dịka mmiri oyi nʼoge okpomọkụ owuwe ihe ubiIlu 25:13
  Amaokwu ndị ahụ

  Ilu 25:13Onyeozi kwesiri ntụkwasị obi na-eweta ntute na ndụ, dịka mmiri oyi si eme ka ahụ dị jụụ nʼoge okpomọkụ owuwe ihe ubi.
• Dịka mkpụrụ mmiri nʼoge ọkọchị, nsọpụrụ ekwesighị onye nzuzuIlu 26:1
  Amaokwu ndị ahụ

  Ilu 26:1Ịhụ onye nzuzu a na-enye nsọpụrụ dịka ịhụ mkpụrụ mmiri ka ọ na-ada nʼoge ọkọchị maọbụ mmiri na-ezo nʼoge owuwe ihe ubi.
• Oge oke oyi adịghị eche ya uche; ndị ezinaụlọ ya nwere uwe ha ga-eji chụọ oyiIlu 31:21
  Amaokwu ndị ahụ

  Ilu 31:21Udu mmiri maọbụ oge oke oyi adịghị eche ya uche nʼihi na ndị niile nọ nʼezinaụlọ ya nwere uwe ha ga-eji chụọ oyi.

Ọcha dịka snoo

• Aka Mosis, Miriam na Gehazi: ekpenta, na-acha ezi ọchaỌpụ 4:6, Ọnụ 12:10, 2Ez 5:27
  Amaokwu ndị ahụ

  Ọpụ 4:6Onyenwe anyị gwara ya okwu ọzọ sị, “Tinye aka gị nʼime uwe i yi nʼime ahụ gị.” Mgbe Mosis tinyere aka ya wepụta ya, ọ chọpụtara na ekpenta jupụtara nʼaka ahụ nke na-enwu ezi ọcha.

  Ọnụ 12:10Ma mgbe igwe ojii ahụ hapụrụ ụlọ nzute ahụ, lee Miriam ebe o guzo, ekpenta tiwapụtara ya nʼahụ dịka nzu ọcha. Mgbe Erọn tụgharịrị ebe ọ nọ hụ na ọ ghọọla onye ekpenta,

  2Ez 5:27Nʼihi nke a, ekpenta ahụ dị Neeman ga-abịakwasị gị, na ụmụ ụmụ gị, ruo mgbe ebighị ebi.” Ya mere, Gehazi ghọrọ onye ekpenta si nʼihu ya pụọ. Anụ ahụ ya bidokwara ịcha ọcha dịka ogho ọcha.
• Job: a sịkwarị na m jiri ncha saa ahụ mJob 9:30
  Amaokwu ndị ahụ

  Job 9:30A sịkwarị na m jiri ncha saa ahụ m werekwa soda saa aka m abụọ,
• Ekpere Devid: saa m, aga m adị ọcha karịa snooAbụ 51:7
  Amaokwu ndị ahụ

  Abụ 51:7Were hisọp sachaa m, aga m adị ọcha; sachaa m ka m dị ọcha karịa snoo.
• Mmụọ ozi nʼili: uwe na-acha ọcha dịka akụmmiri igweMat 28:3
  Amaokwu ndị ahụ

  Mat 28:3Ihu ya na-enwu dị ka amụma. Uwe ya na-achakwa ọcha dị ka akụmmiri igwe.