Ịgụ ọnụ nʼime Baịbụl

Akụkụ nke Baịbụlụ Nsọ nʼIgbo Ndị Ugbu a (21), ahịrị na ahịrị, site na Nave’s Topical Bible.

Nʼọzara

A gụrụ ọnụ nwoke ọbụla gbara iri afọ abụọ gafee, nke nwere ike ije aghaỌnụ 1:2–3
Amaokwu ndị ahụ
Ọnụ 1:2–3“Gaa gụọ ma chọpụta ọnụọgụgụ ndị ikom niile e nwere nʼetiti ọgbakọ Izrel, dịka ebo ha na agbụrụ ha si dị, na dịka ezinaụlọ ha si dịkwa. Depụta aha nwoke ọbụla nʼotu na otu. Gị na Erọn ga-agụkọta ndị ikom Izrel niile gbara iri afọ abụọ maọbụ karịa ọnụ, bụ ndị tozuru ije agha. Unu ga-edo ha nʼusuu, nʼusuu.
Onye ọbụla a gụrụ ọnụ kwụrụ ọkara shekel, ma ọgaranya ma ogbenyeỌpụ 30:13–15, Ọpụ 38:26
Amaokwu ndị ahụ
Ọpụ 30:13–15Ihe onye a gụrụ ọnụ ga-akwụ bụ ọkara shekel, dịka shekel nke ebe nsọ si dị. Ọkara shekel bụ iri gera abụọ. Ọkara shekel a bụ onyinye nye Onyenwe anyị. Ndị kwesiri inye onyinye a bụ ndị niile gbara iri afọ abụọ gbagoo. Ọ bụ ndị a kwesiri inye Onyenwe anyị onyinye a. Ndị ọgaranya agaghị enye karịa ọkara shekel. Otu a kwa ndị ogbenye agaghị enye ihe dị ntakịrị karịa ọkara shekel. Nʼihi na onyinye a bụ onyinye unu na-enye Onyenwe anyị maka ikpuchiri mkpụrụobi unu mmehie.
Ọpụ 38:26Ha niile tụrụ otu beka, otu isi, dịka ụtụ mgbe e kere ụtụ ọkara shekel dịka ọtụtụ shekel ebe nsọ si dị, e nyere nʼisi onye ọbụla nke gabigara nʼebe ndị a gụrụ ọnụ nọ, bụ ndị gbara iri afọ abụọ rigoo. Ọnụọgụgụ ha dị narị isii, na puku atọ, na narị ise, na iri ise.
Ngụkọ mbụ: 603,550Ọnụ 1:46
Amaokwu ndị ahụ
Ọnụ 1:46Mgbakọ ọnụọgụgụ ndị a niile dị, narị puku isii, puku atọ, narị ise na iri ise (603,550).
A gụnyeghị ndị Livayị na ebo ndị ọzọỌnụ 1:47–49
Amaokwu ndị ahụ
Ọnụ 1:47–49A gụnyekọtaghị ọnụọgụgụ ebo nna nna Livayị nʼịgụ ọnụ a, nʼihi na Onyenwe anyị gwara Mosis, sị, “Ị gaghị agụ ndị ebo Livayị ọnụ. Ị gakwaghị agbakọnye ọnụọgụgụ ha nʼọnụọgụgụ ndị Izrel.
Ụmụ nwoke Livayị si nʼotu ọnwa gbagoo: 22,000Ọnụ 3:39
Amaokwu ndị ahụ
Ọnụ 3:39Ya mere, ọnụọgụgụ ndị ikom Livayị niile Mosis na Erọn nwetara mgbe a gụrụ ha ọnụ nʼikwu nʼikwu dịka iwu Onyenwe anyị nyere ha si dị, bụ iri puku abụọ na puku abụọ (22,000). Nke a bụ ọnụọgụgụ ndị ikom niile dị site nʼotu ọnwa gaa nʼihu.
Ngụkọ nke abụọ, nso Jọdan: 601,730Ọnụ 26:2, Ọnụ 26:51
Amaokwu ndị ahụ
Ọnụ 26:2“Gaanụ gụọ, chọpụta ọnụọgụgụ nzukọ niile nke ụmụ Izrel dịka ezinaụlọ ha si dị; ndị niile gbara iri afọ abụọ gafee. Chọpụta ọnụọgụgụ ndị nwere ike ije agha.”
Ọnụ 26:51Ya mere, ọnụọgụgụ ndị ikom niile tozuru ije agha nʼIzrel dị narị puku isii, otu puku na narị asaa, na iri atọ (601,730).
Ọ dịghị onye fọdụrụ nʼime ndị a gụrụ na mbụ, ma ọ bụghị Kaleb na JoshuaỌnụ 26:64–65
Amaokwu ndị ahụ
Ọnụ 26:64–65Ma nʼetiti ndị a, o nweghị otu onye ọbụla Mosis na Erọn onye nchụaja gụrụ nʼọnụọgụgụ mgbe ha gụrụ ndị Izrel ọnụ nʼọzara Saịnaị. Nʼihi na Onyenwe anyị gwara ndị Izrel ahụ na ha ga-anwụ nʼime ọzara ahụ. Naanị ndị a hapụrụ ndụ bụ Kaleb, nwa Jefune, na Joshua nwa Nun.

Ngụkọ Devid

Ngụkọ ahụ were ọnwa itoolu na ụbọchị iri abụọ2Sa 24:8
Amaokwu ndị ahụ
2Sa 24:8Mgbe ha jegharịchara nʼala ahụ niile; ha lọghachitere na Jerusalem na ngwụcha ọnwa nke itoolu na iri abalị abụọ ya.
Akwụkwọ Samuel: 800,000 nʼIzrel na 500,000 na Juda2Sa 24:9
Amaokwu ndị ahụ
2Sa 24:9Joab nyere eze ngụkọta ọnụọgụgụ nke ndị agha Izrel. NʼIzrel, ha dị narị puku asatọ, bụ ndị ikom ndị tozuru iji mma agha buo agha, na Juda ha dị narị puku ise.
Ihe E Mere: 1,100,000 nʼIzrel na 470,000 na Juda1Ih 21:5
Amaokwu ndị ahụ
1Ih 21:5Joab nyere Devid ngụkọta ọnụọgụgụ nke ndị agha Izrel niile. NʼIzrel niile, ha dị otu nde, na narị puku ndị ikom ndị tozuru iji mma agha buo agha, tinyekwara narị puku ndị ikom anọ na iri asaa nʼala Juda ndị na-amịpụta mma agha.
Joab agụnyeghị Livayị na Benjamin1Ih 21:6
Amaokwu ndị ahụ
1Ih 21:6Ma Joab agụnyeghị ndị Livayị, na ndị Benjamin nʼọnụọgụgụ ahụ, nʼihi na iwu eze amasịghị ya nʼobi nʼụzọ ọbụla.
Mgbe ngụkọ ahụ gasịrị, obi Devid malitere ịta ya ụta2Sa 24:10
Amaokwu ndị ahụ
2Sa 24:10Ma obi Devid bidoro ịta ya ụta mgbe ọ gụchara ndị ikom na-alụ agha ọnụ. Ọ sịrị Onyenwe anyị, “Emehiela m nke ukwuu nʼihi ihe m mere. Ma ugbu a, Onyenwe anyị biko, arịọ m gị, wezuga ikpe ọmụma nke dịịrị ohu gị; nʼihi na emeela m ihe nzuzu dị ukwuu.”
E denyeghị ọnụọgụgụ ahụ nʼakwụkwọ akụkọ eze Devid1Ih 27:24
Amaokwu ndị ahụ
1Ih 27:24Joab nwa Zeruaya, agụchaghị mmadụ niile ọnụ nʼihi na Chineke tara Izrel ahụhụ nʼihi ịgụ ọnụ a. Ya mere, e denyeghị ọnụọgụgụ mmadụ ole a gụtara nʼakwụkwọ akụkọ Devid eze Izrel nwere.

Ngụkọ ndị ọzọ

Ndị Livayị gbara iri afọ atọ gbagoo: 38,0001Ih 23:3
Amaokwu ndị ahụ
1Ih 23:3A gụrụ ndị Livayị niile ọnụ, bụ ndị gbara iri afọ atọ gbagoo, chọpụta na ha dị iri puku ndị ikom atọ na asatọ nʼọnụọgụgụ.
Solomọn gụrụ ndị ọbịa 153,600 nʼala ahụ2Ih 2:17
Amaokwu ndị ahụ
2Ih 2:17Emesịa, Solomọn gụrụ ndị ọbịa niile bi nʼala Izrel ọnụ, dịka Devid mere, achọpụtara na ha dị narị puku iri ise na atọ, na narị isii (153,600).
Ndị a dọtara nʼagha lọtara dị 42,360Ezr 2:64
Amaokwu ndị ahụ
Ezr 2:64Nkpọkọta ọnụọgụgụ ndị niile lọtara dị iri puku anọ na abụọ, na narị atọ, na iri isii (42,360),
Ọgọstọs nyere iwu ka a gụọ ọnụ; Kwirinus bụ onye na-achị SiriaLuk 2:1–2
Amaokwu ndị ahụ
Luk 2:1–2Nʼoge ahụ, Siza Ọgọstọs nyere iwu ka a gụọ ọnụ, detuo aha mmadụ niile bi nʼụwa dum. (Nke a bụ ịgụ ọnụ na ide aha nke mbụ e mere mgbe Kwirinus bụ onye na-achị Siria.)
Josef na Meri gara Betlehem ka e denye aha haLuk 2:3–5
Amaokwu ndị ahụ
Luk 2:3–5Onye ọbụla gara nʼobodo ya, ka e denye aha ya nʼakwụkwọ. Ya mere Josef hapụrụ Nazaret nke dị na Galili, gaa Betlehem nke dị na Judịa, nke bụkwa obodo Devid, nʼihi na o si nʼụlọ na agbụrụ Devid pụta. Ya na Meri, nwaagbọghọ o kwere nkwa ịlụ, nke dịkwa ime, soro gaa ka o denye aha ha.
Judas onye Galili biliri nʼoge ngụkọ ahụỌrụ 5:37
Amaokwu ndị ahụ
Ọrụ 5:37Mgbe nke ya gasịrị, Judas onye Galili pụtakwara gosi onwe ya nʼoge a na-agụ ọnụọgụgụ mmadụ, o nwetakwara ndị sooro ya. Mgbe e gbukwara ya, ndị niile na-eso ya gbasasịrị.

Isi mmalite

Site na Nave’s Topical Bible (Orville J. Nave, 1896; ihe onwunwe ọha): a họọrọ isiokwu, mee ka ahịrị dị mkpụmkpụ ma tinye ha nʼokwu nke oge a, hapụ ahịrị nkọwa; e lelere amaokwu ọ bụla.

Baịbụlụ Nsọ nʼIgbo Ndị Ugbu a · © 2020 Biblica, Inc., CC BY-SA 4.0; changed: footnotes, headings and the letters over Psalm 119 left out, verses in the app's numbering. The original work by Biblica, Inc. is available for free at www.biblica.com and open.bible.