Nnu nʼime Baịbụl

• Nwunye Lọt lere anya nʼazụ, ghọọ ogidi nnuJen 19:26
  Amaokwu ndị ahụ

  Jen 19:26Ma mgbe nwunye Lọt lere anya nʼazụ, otu mgbe ahụ, ọ ghọrọ ogidi nnu.
• A na-eri nri na-adịghị ụtọ na-enweghị nnu?Job 6:6
  Amaokwu ndị ahụ

  Job 6:6A na-eri nri na-adịghị ụtọ ma e etinyeghị ya nnu, ka o nwere ụtọ dị na eso ọkwụrụ?
• Ịlaisha tụnyere nnu nʼisi iyi Jeriko2Ez 2:20–21
  Amaokwu ndị ahụ

  2Ez 2:20–21Ịlaisha zara sị ha, “Ọ dị mma, gaanụ tinye nnu nʼime efere ọhụrụ wetara m ya.” Ha gara weta efere ọhụrụ nke nnu juru nʼime ya. Ịlaisha buuru nnu ahụ gaa nʼebe mmiri ahụ si asọpụta, wụnye nnu ahụ nʼime ya. Mgbe ọ na-eme nke a, o kwuru okwu sị, “Ihe ndị a ka Onyenwe anyị kwuru, ‘Agwọọla m mmiri a. Ọnwụ maọbụ amịghị mkpụrụ nke ala agaghị adịkwa.’ ”
• Abimelek kwaturu Shekem, fesaa nnu nʼala yaNkp 9:45
  Amaokwu ndị ahụ

  Nkp 9:45Ụbọchị ahụ niile, Abimelek busoro obodo ahụ agha tutu ruo mgbe o meriri ya, gbuo ndị niile bi nʼime ya. Emesịa, ọ lara obodo ahụ niile nʼiyi, fesaa nnu nʼala ya niile.
• A na-ete ụmụ a mụrụ ọhụrụ nnuIzk 16:4
  Amaokwu ndị ahụ

  Izk 16:4Nʼụbọchị ahụ a mụrụ gị, ebeghị otubo gị, ọ dịghị onye lekọtara gị maọbụ jiri mmiri saa gị ahụ ị sachapụ gị unyi maọbụ tee gị nnu, maọbụ jiri akwa kechie gị.
• Eze Peshịa nyere nnu na-enweghị oke maka ụlọnsọEzr 6:9, Ezr 7:22
  Amaokwu ndị ahụ

  Ezr 6:9Unu nye ha ihe ọbụla dịkwa ha mkpa, ụmụ oke ehi na ebule, ụmụ atụrụ, ha ga-eji chụọrọ Chineke nke eluigwe aja. Nyekwanụ ha ọka wiiti, na mmanya, na nnu, na mmanụ oliv, dịka ndị nchụaja rịọrọ, bụ ndị nọ na Jerusalem, aghaghị inye ha ihe ndị a kwa ụbọchị niile na-esepụghị aka.

  Ezr 7:22Ọ bụladị ruo ọlaọcha dị otu narị talenti, ya na narị akpa ọka wiiti ise, na narị galọọnụ mmanya vaịnị isii, na narị efa nke mmanụ oliv na nnu nʼọtụtụ ọbụla, dịka ọ chọrọ ya.

Nʼofufe

• A na-etinye nnu nʼonyinye mkpụrụ ọka ọbụlaLev 2:13
  Amaokwu ndị ahụ

  Lev 2:13Unu aghaghị itinye nnu nʼime onyinye mkpụrụ ọka ọbụla unu na-enye. Unu ahapụla ọgbụgba ndụ Chineke unu nʼonyinye mkpụrụ ọka unu. Tinyenụ nnu nʼonyinye unu niile.
• Ndị nchụaja na-efesa nnu nʼelu aja nsure ọkụIzk 43:24
  Amaokwu ndị ahụ

  Izk 43:24Were ha jee chee nʼihu Onyenwe anyị, ka ndị nchụaja were nnu fesa ha dịka aja nsure ọkụ a chụrụ nye Onyenwe anyị.
• Ọgbụgba ndụ nnuỌnụ 18:19, 2Ih 13:5
  Amaokwu ndị ahụ

  Ọnụ 18:19Ihe ọbụla e dopụrụ iche site nʼonyinye nsọ niile ụmụ Izrel chere nʼihu Onyenwe anyị ka m na-enye gị na ụmụ gị ndị ikom, na ụmụ gị ndị inyom dịka oke ruuru unu nʼụkpụrụ ebighị ebi. Ọ bụ ọgbụgba ndụ nnu ebighị ebi nʼihu Onyenwe anyị nye gị na ụmụ ụmụ gị.”

  2Ih 13:5Unu amataghị na Onyenwe anyị Chineke nke Izrel esitela nʼọgbụgba ndụ nnu nyefee ọchịchị ala Izrel niile nʼaka Devid na ụmụ ụmụ ya ruo ebighị ebi?

Ebe

• Osimiri Nnu, oke ọwụwa anyanwụ IzrelJen 14:3, Ọnụ 34:12, Jos 15:2
  Amaokwu ndị ahụ

  Jen 14:3Ndị eze obodo ndị a: Sọdọm, Gọmọra, Adma, Zeboiim na Bela, jikọtara ndị agha ha ọnụ na Ndagwurugwu Sidim (ya bụ, ndagwurugwu osimiri nnu ahụ).

  Ọnụ 34:12Mgbe ahụ, ọ ga-aga ogologo ogologo, gbasoro osimiri Jọdan, tutu kwụsị nʼOsimiri Nnu. “ ‘Nke a bụ ala unu, na oke ala ya nʼakụkụ ọbụla.’ ”

  Jos 15:2Nʼakụkụ ndịda, oke ala ha malitere nʼọnụ ọnụ ndịda osimiri Nnu.
• Obodo Nnu nʼọzara JudaJos 15:62
  Amaokwu ndị ahụ

  Jos 15:62Nibshan, Obodo Nnu na En-Gedi, obodo isii tinyere obodo nta ha niile.
• Agha megide Edọm na Ndagwurugwu Nnu2Sa 8:13, 2Ez 14:7
  Amaokwu ndị ahụ

  2Sa 8:13Devid meere onwe ya aha, mgbe o si nʼitigbu puku ndị ikom Edọm iri na asatọ na Ndagwurugwu Nnu lọghachite.

  2Ez 14:7Amazaya bụ onye gburu puku ndị agha Edọm iri na Ndagwurugwu Nnu, dọtakwa obodo Sela nʼagha, gụgharịa ya Jekteel, nke bụ aha a na-akpọ ya ruo ụbọchị taa.

Okwu

• Nnu na-adịghị atọkwa ụtọ abaghị uru ọbụlaMat 5:13, Luk 14:34
  Amaokwu ndị ahụ

  Mat 5:13“Unu bụ nnu nke ụwa, ma ọ bụrụ na nnu adịghị atọkwa ụtọ, a ga-eji gịnị mee ka ọ tọọ ụtọ ọzọ? Ọ bakwaghị uru ọbụla, ma ọ bụghị naanị itufu ya, ka ndị mmadụ zọọ ya ụkwụ.

  Luk 14:34“Nnu dị mma, ma ọ bụrụ na ọ dịghị atọkwa ụtọ, a ga-eji gịnị mee ka ọ tọọ ụtọ ọzọ?
• Nweenụ nnu nʼime onwe unu, biri nʼudoMak 9:50
  Amaokwu ndị ahụ

  Mak 9:50“Nnu dị mma, ma ọ bụrụ na ọ dịghị atọkwa ụtọ, olee ka ị ga-esi mee ka ọ tọọ ụtọ ọzọ? Ya mere, nweenụ nnu nʼime onwe unu. Unu na ibe unu biri nʼudo.”
• Ka okwu unu jupụta nʼamara, na-atọ ụtọKọl 4:6
  Amaokwu ndị ahụ

  Kọl 4:6Ka okwu unu na-ekwu bụrụ nke jupụtara nʼamara na-atọ ụtọ, ka unu mụtakwa otu e si enye mmadụ ọsịsa dị mma.