Wíwẹ ẹsẹ̀ àti ọwọ́ nínú Bíbélì

• Abrahamu fún àwọn àlejò rẹ̀ ní omi láti wẹ ẹsẹ̀ wọn, kí wọ́n sì sinmiGẹ 18:4
  Àwọn ẹsẹ

  Gẹ 18:4Ẹ jẹ́ kí a bu omi díẹ̀ wá kí ẹ̀yin kí ó wẹ ẹsẹ̀ yín, kí ẹ sì sinmi lábẹ́ igi níhìn-ín.
• Lọti: ‘ẹ yà sí ilé ìránṣẹ́ yín kí ẹ sì wẹ ẹsẹ̀ yín’Gẹ 19:2
  Àwọn ẹsẹ

  Gẹ 19:2Ó wí pé, “Ẹ̀yin olúwa mi, èmi bẹ̀ yín, ẹ yà sí ilé ìránṣẹ́ yín kí ẹ sì wẹ ẹsẹ̀ yín, kí n sì gbà yín lálejò, ẹ̀yin ó sì dìde ní kùtùkùtù òwúrọ̀ láti máa bá ìrìnàjò yín lọ.” Wọ́n sì wí pé, “Rárá o, àwa yóò dúró ní ìgboro ní òru òní.”
• Ilé Labani fún ìránṣẹ́ Abrahamu àti àwọn ọkùnrin rẹ̀ ní omi fún ẹsẹ̀ wọnGẹ 24:32
  Àwọn ẹsẹ

  Gẹ 24:32Ọkùnrin náà sì bá Labani lọ ilé, ó sì tú ẹrù orí ìbákasẹ rẹ̀ sílẹ̀, ó sì fún wọn ni koríko àti oúnjẹ. Ó sì bu omi fún ọkùnrin náà àti àwọn arákùnrin rẹ̀ láti wẹ ẹsẹ̀ wọn.
• Ìríjú Josẹfu fún àwọn arákùnrin ní omi láti wẹ ẹsẹ̀ wọnGẹ 43:24
  Àwọn ẹsẹ

  Gẹ 43:24Ìránṣẹ́ náà mú àwọn ọkùnrin náà lọ sí ilé Josẹfu, ó fún wọn ní omi láti fi wẹ ẹsẹ̀ wọn nu, ó sì fún àwọn kẹ́tẹ́kẹ́tẹ́ wọn lóúnjẹ pẹ̀lú.
• Ní ilé ọkùnrin arúgbó ní Gibeah, wọ́n wẹ ẹsẹ̀ wọn, wọ́n jẹ, wọ́n sì muOn 19:21
  Àwọn ẹsẹ

  On 19:21Òun sì mú wa sí ilé rẹ̀, ó ń bọ́ àwọn kẹ́tẹ́kẹ́tẹ́ rẹ̀. Lẹ́yìn ìgbà tí wọ́n ti wẹ ẹsẹ̀ wọn, àwọn àlejò náà jẹ, wọ́n mu.
• Abigaili: ó ṣetán láti wẹ ẹsẹ̀ àwọn ìránṣẹ́ olúwa mi1Sa 25:41
  Àwọn ẹsẹ

  1Sa 25:41Ó sì dìde, ó sì dojúbolẹ̀, ó sì wí pé, “Wò ó, jẹ́ kí ìránṣẹ́bìnrin rẹ ó jẹ́ ìránṣẹ́ kan láti máa wẹ ẹsẹ̀ àwọn ìránṣẹ́ olúwa mi.”
• Dafidi sí Uriah: ‘Sọ̀kalẹ̀ lọ sí ilé rẹ, kí o sì wẹ ẹsẹ̀ rẹ’2Sa 11:8
  Àwọn ẹsẹ

  2Sa 11:8Dafidi sì wí fún Uriah pé, “Sọ̀kalẹ̀ lọ sí ilé rẹ, kí o sì wẹ ẹsẹ̀ rẹ.” Uriah sì jáde kúrò ní ilé ọba, oúnjẹ láti ọ̀dọ̀ ọba wá sì tọ̀ ọ́ lẹ́yìn.
• Mefiboṣeti kò wẹ ẹsẹ̀ rẹ̀ nígbà tí Dafidi kò sí nílé2Sa 19:24
  Àwọn ẹsẹ

  2Sa 19:24Mefiboṣeti ọmọ Saulu sì sọ̀kalẹ̀ láti wá pàdé ọba, kò wẹ ẹsẹ̀ rẹ̀, kò sí tọ́ irùngbọ̀n rẹ̀, bẹ́ẹ̀ ni kò sì fọ aṣọ rẹ̀ láti ọjọ́ tí ọba ti jáde títí ó fi di ọjọ́ tí ó fi padà ní àlàáfíà.
• Orin Solomoni: ‘Mo ti wẹ ẹsẹ̀ mi ṣé èmi gbọdọ̀ tún tì í bọ eruku?’Orin 5:3
  Àwọn ẹsẹ

  Orin 5:3Mo ti bọ́ aṣọ ìgúnwà mi ṣé èmi gbọdọ̀ tún gbé e wọ̀? Mo ti wẹ ẹsẹ̀ mi ṣé èmi gbọdọ̀ tún tì í bọ eruku?

Nínú àwọn Ìhìnrere

• Jesu sí Simoni: ìwọ kò fi omi wẹ ẹsẹ̀ fún miLk 7:44
  Àwọn ẹsẹ

  Lk 7:44Ó sì yípadà sí obìnrin náà, ó wí fún Simoni pé, “Wo obìnrin yìí? Èmi wọ ilé rẹ, ìwọ kò fi omi wẹ ẹsẹ̀ fún mi: ṣùgbọ́n, omijé rẹ̀ ni ó fi ń rọ̀jò sí mi lẹ́sẹ̀ irun orí ni ó fi ń nù wọ́n nù.
• Obìnrin kan fi omijé rẹ̀ wẹ ẹsẹ̀ rẹ̀, ó sì fi irun orí rẹ̀ nù únLk 7:38
  Àwọn ẹsẹ

  Lk 7:38Ó sì dúró tì í lẹ́bàá ẹsẹ̀ rẹ̀ lẹ́yìn, ó ń sọkún, ó sì bẹ̀rẹ̀ sí i fi omijé wẹ̀ ẹ́ ní ẹsẹ̀, ó sì ń fi irun orí rẹ nù ún nù, ó sì ń fi ẹnu kò ó ní ẹsẹ̀, ó sì ń fi òróró kùn wọ́n.
• Maria fi òróró nadi kun ẹsẹ̀ Jesu, ó sì fi irun orí rẹ̀ nù únJh 12:3
  Àwọn ẹsẹ

  Jh 12:3Nígbà náà ni Maria mú òróró ìkunra nadi, òsùwọ̀n lita kan, àìlábùlà, olówó iyebíye, ó sì ń fi kun Jesu ní ẹsẹ̀, ó sì ń fi irun orí rẹ̀ nu ẹsẹ̀ rẹ̀ nù. Ilé sì kún fún òórùn ìkunra náà.
• Níbi oúnjẹ alẹ́, Jesu fi aṣọ ìnura di ara rẹ̀ ní àmùrè, ó sì wẹ ẹsẹ̀ àwọn ọmọ-ẹ̀yìnJh 13:4–5
  Àwọn ẹsẹ

  Jh 13:4–5Ó dìde ní ìdí oúnjẹ alẹ́, ó sì fi agbádá rẹ̀ lélẹ̀ ní apá kan; nígbà tí ó sì mú aṣọ ìnura, ó di ara rẹ̀ ní àmùrè. Lẹ́yìn náà, ó bu omi sínú àwokòtò kan, ó sì bẹ̀rẹ̀ sí í máa wẹ ẹsẹ̀ àwọn ọmọ-ẹ̀yìn rẹ̀, ó sì ń fi aṣọ ìnura tí ó fi di àmùrè nù wọ́n.
• Peteru: ‘Ìwọ kì yóò wẹ̀ ẹsẹ̀ mi láé’Jh 13:8
  Àwọn ẹsẹ

  Jh 13:8Peteru wí fún un pé, “Ìwọ kì yóò wẹ̀ ẹsẹ̀ mi láé.” Jesu sì dalóhùn pé, “Bí èmi kò bá wẹ̀ ọ́, ìwọ kò ní ìpín ní ọ̀dọ̀ mi.”
• Jesu: ẹni tí a wẹ̀ kò nílò ju kí a ṣan ẹsẹ̀ rẹ̀Jh 13:10
  Àwọn ẹsẹ

  Jh 13:10Jesu wí fún un pé, “Ẹni tí a wẹ̀ kò tún fẹ́ ju kí a ṣan ẹsẹ̀ rẹ̀, ṣùgbọ́n ó mọ́ níbi gbogbo: ẹ̀yin sì mọ́, ṣùgbọ́n kì í ṣe gbogbo yín.”
• ‘ó tọ́ kí ẹ̀yin pẹ̀lú sì máa wẹ ẹsẹ̀ ara yín’Jh 13:14
  Àwọn ẹsẹ

  Jh 13:14Ǹjẹ́ bí èmi tí í ṣe Olúwa àti olùkọ́ yín bá wẹ ẹsẹ̀ yín, ó tọ́ kí ẹ̀yin pẹ̀lú sì máa wẹ ẹsẹ̀ ara yín.
• Opó kan tí a mọ̀ fún wíwẹ ẹsẹ̀ àwọn ènìyàn mímọ́1Tm 5:10
  Àwọn ẹsẹ

  1Tm 5:10Ẹni ti a jẹ́rìí rẹ̀ fún iṣẹ́ rere; bí ẹni ti ó ti tọ́ ọmọ dàgbà, ti ó ń ṣe ìtọ́jú àlejò, tí ó sì ń wẹ ẹsẹ̀ àwọn ènìyàn mímọ́, tí ó ti ran àwọn olùpọ́njú lọ́wọ́, tí ó sì ń lépa iṣẹ́ rere gbogbo.

Wíwẹ ọwọ́

• Àwọn àlùfáà ń wẹ ọwọ́ àti ẹsẹ̀ wọn nínú agbada idẹ kí wọ́n tó ṣiṣẹ́ ìsìnEk 30:18–21, Ek 40:31
  Àwọn ẹsẹ

  Ek 30:18–21“Ìwọ yóò sì ṣe agbada idẹ kan, àti ẹsẹ̀ rẹ̀ idẹ, fún wíwẹ̀. Ìwọ yóò sì gbé e sí àárín àgọ́ àjọ àti pẹpẹ náà, ìwọ yóò sì pọn omi sínú rẹ̀. Aaroni àti àwọn ọmọ rẹ̀ yóò máa wẹ ọwọ́ àti ẹsẹ̀ wọn pẹ̀lú omi tí ó wà nínú rẹ̀. Nígbàkígbà tí wọ́n bá wọ inú àgọ́ àjọ, wọ́n yóò wẹ̀ pẹ̀lú omi nítorí kí wọ́n má ba à kú. Bákan náà, nígbà tí wọ́n bá súnmọ́ ibi pẹpẹ láti ṣe ìsìn, láti mú ẹbọ ti a fi iná sun wá fún Olúwa, wọn yóò sì wẹ ọwọ́ wọn àti ẹsẹ̀ wọn, nítorí kí wọn máa ba à kú. Èyí ni yóò jẹ́ ìlànà títí láé fún Aaroni àti irú àwọn ọmọ rẹ̀ fún ìrandíran wọn.”

  Ek 40:31Mose, Aaroni àti àwọn ọmọ rẹ̀ lò ó láti fi wẹ ọwọ́ àti ẹsẹ̀ wọn.
• Bí a kò bá mọ apànìyàn, àwọn àgbàgbà ń wẹ ọwọ́ lórí ẹgbọrọ abo màlúùDe 21:1, De 21:6
  Àwọn ẹsẹ

  De 21:1Tí a bá rí ọkùnrin tí a pa, ní ìdùbúlẹ̀ ní pápá nínú ilẹ̀ tí Olúwa Ọlọ́run rẹ ń fún ọ láti jogún, tí a kò sì mọ ẹni tí ó pa á,

  De 21:6Nígbà náà ni gbogbo àwọn àgbàgbà ìlú tí ó wà nítòsí yóò wẹ ọwọ́ wọn lórí ẹgbọrọ abo màlúù tí a ti kan ọrùn rẹ̀ ní àfonífojì,
• Pilatu wẹ ọwọ́ rẹ̀ níwájú ọ̀pọ̀ ènìyàn: ‘Ọrùn mí mọ́ nípa ẹ̀jẹ̀ ọkùnrin yìí’Mt 27:24
  Àwọn ẹsẹ

  Mt 27:24Nígbà tí Pilatu sì rí i pé òun kò tún rí nǹkan kan ṣe mọ́, àti wí pé rògbòdìyàn ti ń bẹ̀rẹ̀, ó béèrè omi, ó sì wẹ ọwọ́ rẹ̀ níwájú ọ̀pọ̀ ènìyàn, ó wí pé, “Ọrùn mí mọ́ nípa ẹ̀jẹ̀ ọkùnrin yìí. Ẹ̀yin fúnra yín, ẹ bojútó o!”
• Àwọn Farisi kì í jẹun láìwẹ ọwọ́, nípa òfin àtọwọ́dọ́wọ́ àwọn àgbàMk 7:3–4
  Àwọn ẹsẹ

  Mk 7:3–4(Àwọn Farisi, àti gbogbo àwọn Júù, bí wọ́n kò bá wẹ ọwọ́ wọn gidigidi, wọn kì í jẹun nítorí wọ́n ti pa òfin àtọwọ́dọ́wọ́ àwọn àgbà mọ́. Nígbà tí wọ́n bá sì ti ọjà dé sílé, wọn kò gbọdọ̀ fi ọwọ́ kan oúnjẹ àfi tí wọ́n bá bu omi wẹ ara wọn. Èyí sì jẹ́ ọ̀kan nínú ogunlọ́gọ̀ àpẹẹrẹ òfin àti ìlànà tí wọ́n ti dì mú fún ọ̀pọ̀lọpọ̀ ọdún sẹ́yìn, bí i fífọ kọ́ọ̀bù, àwọn ìkòkò, àti kẹ́tù.)
• Wọ́n béèrè ìdí tí àwọn ọmọ-ẹ̀yìn Jesu fi ń jẹun láìwẹ ọwọ́Mt 15:2, Mk 7:5
  Àwọn ẹsẹ

  Mt 15:2wọn béèrè pé, “Èéṣe tí àwọn ọmọ-ẹ̀yìn rẹ fi ń rú òfin àtayébáyé àwọn alàgbà? Nítorí tí wọn kò wẹ ọwọ́ wọn kí wọ́n tó jẹun!”

  Mk 7:5Nítorí èyí àwọn Farisi àti àwọn olùkọ́ òfin béèrè lọ́wọ́ rẹ̀ pé, “Èéṣe tí àwọn ọmọ-ẹ̀yìn rẹ̀ kò tẹ̀lé àwọn òfin àtọwọ́dọ́wọ́ àwọn àgbà nítorí wọ́n fi ọwọ́ àìmọ́ jẹun?”
• Ẹnu ya Farisi kan pé Jesu kò kọ́kọ́ wẹ ọwọ́ kí ó tó jẹunLk 11:38
  Àwọn ẹsẹ

  Lk 11:38Nígbà tí Farisi náà sì rí i, ẹnu yà á nítorí tí kò kọ́kọ́ wẹ ọwọ́ kí ó tó jẹun.
• Ìkòkò òkúta mẹ́fà ní Kana gba omi fún ìwẹ̀nùJh 2:6
  Àwọn ẹsẹ

  Jh 2:6Ìkòkò òkúta omi mẹ́fà ni a sì gbé kalẹ̀ níbẹ̀, irú èyí tí àwọn Júù máa ń fi ṣe ìwẹ̀nù, èyí tí ọ̀kọ̀ọ̀kan wọn gbà tó ìwọ̀n ogún sí ọgbọ̀n jálá.