Ṣíṣe òkú lọ́jọ̀ àti tùràrí ìsìnkú nínú Bíbélì

• Josẹfu ní kí àwọn oníṣègùn rẹ̀ ṣe òkú Jakọbu baba rẹ̀ lọ́jọ̀Gẹ 50:2
  Àwọn ẹsẹ

  Gẹ 50:2Nígbà náà ni Josẹfu pàṣẹ fún àwọn oníṣègùn tí ó wà ní ìkáwọ́ rẹ̀ pé kí wọn kí ó ṣe òkú Israẹli baba rẹ̀ lọ́jọ̀, àwọn oníṣègùn náà sì ṣe bẹ́ẹ̀.
• Ṣíṣe òkú lọ́jọ̀ gba ogójì ọjọ́; àwọn ará Ejibiti ṣọ̀fọ̀ fún àádọ́rin ọjọ́Gẹ 50:3
  Àwọn ẹsẹ

  Gẹ 50:3Fún ogójì ọjọ́ ni wọ́n fi ṣe èyí, nítorí èyí ni àsìkò tí a máa ń fi ṣe ẹ̀ǹbáàmù òkú. Àwọn ará Ejibiti sì ṣọ̀fọ̀ rẹ̀ fún àádọ́rin ọjọ́.
• Josẹfu kú ní ẹni 110 ọdún; a ṣe òkú rẹ̀ lọ́jọ̀, a sì gbé e sínú pósíGẹ 50:26
  Àwọn ẹsẹ

  Gẹ 50:26Báyìí ni Josẹfu kú nígbà tí ó pé àádọ́fà ọdún. Lẹ́yìn ìgbà tí wọ́n ṣe òkú rẹ̀ lọ́jọ̀ tan, a gbé e sí inú pósí ní Ejibiti.
• Mose kó egungun Josẹfu jáde kúrò ní Ejibiti, bí Josẹfu ti béèrèEk 13:19
  Àwọn ẹsẹ

  Ek 13:19Mose kó egungun Josẹfu pẹ̀lú rẹ̀ nítorí Josẹfu tí mú kí àwọn ọmọ Israẹli búra. Ó ti wí pé, “Dájúdájú Ọlọ́run yóò dìde fún ìrànlọ́wọ́ yín ẹ sì gbọdọ̀ kó egungun mi lọ pẹ̀lú yín kúrò níhìn-ín yìí.”
• A sin egungun rẹ̀ ní Ṣekemu, ní ìpín ilẹ̀ tí Jakọbu ràJoṣ 24:32
  Àwọn ẹsẹ

  Joṣ 24:32Egungun Josẹfu, èyí tí àwọn ọmọ Israẹli kó kúrò ní Ejibiti, ni wọ́n sin ní Ṣekemu ní ìpín ilẹ̀ tí Jakọbu rà fún ọgọ́rùn-ún fàdákà ní ọwọ́ Hamori, baba Ṣekemu. Èyí sì jẹ́ ilẹ̀ ìní àwọn ọmọ Josẹfu.

Tùràrí àti aṣọ ọ̀gbọ̀

• A tẹ́ Asa ọba sórí àkéte tí ó kún fún òórùn dídùn àti tùràrí àdàlù2Kro 16:14
  Àwọn ẹsẹ

  2Kro 16:14wọ́n sì sin ín sínú isà òkú tí ó ti gbẹ́ jáde fún ara rẹ̀ ní ìlú Dafidi. Wọ́n sì tẹ sí orí àkéte tí ó fi òórùn dídùn kún, àti onírúurú tùràrí tí a fi ọgbọ́n pèsè, wọ́n sì da iná ńlá nítorí rẹ̀.
• A da iná ńlá ní ọlá Asa; a kò dá iná kankan fún Jehoramu2Kro 16:14, 2Kro 21:19
  Àwọn ẹsẹ

  2Kro 16:14wọ́n sì sin ín sínú isà òkú tí ó ti gbẹ́ jáde fún ara rẹ̀ ní ìlú Dafidi. Wọ́n sì tẹ sí orí àkéte tí ó fi òórùn dídùn kún, àti onírúurú tùràrí tí a fi ọgbọ́n pèsè, wọ́n sì da iná ńlá nítorí rẹ̀.

  2Kro 21:19Ní àkókò kan ní ìparí ọdún kejì, àwọn ìfun rẹ̀ jáde nítorí ààrùn náà ó sì kú nínú ìrora ńlá. Àwọn ènìyàn rẹ̀ kò dá iná láti fi bu ọlá fún un, gẹ́gẹ́ bí wọ́n ti ṣe fún àwọn baba a rẹ̀.
• Marta: ‘ó ti ń rùn nísinsin yìí, nítorí pé ó di ọjọ́ kẹrin tí ó tí kú’Jh 11:39
  Àwọn ẹsẹ

  Jh 11:39Jesu wí pé, “Ẹ gbé òkúta náà kúrò!” Marta, arábìnrin ẹni tí ó kú náà wí fún un pé, “Olúwa, ó ti ń rùn nísinsin yìí, nítorí pé ó di ọjọ́ kẹrin tí ó tí kú.”
• Lasaru jáde wá, a fi aṣọ òkú dì í tọwọ́ tẹsẹ̀, a sì fi gèlè dì í lójúJh 11:44
  Àwọn ẹsẹ

  Jh 11:44Ẹni tí ó kú náà sì jáde wá, tí a fi aṣọ òkú dì tọwọ́ tẹsẹ̀ a sì fi gèlè dì í lójú. Jesu wí fún wọn pé, “Ẹ tú u, ẹ sì jẹ́ kí ó máa lọ!”
• Jesu: ó ti fi òróró kùn mí ní ara ní ìmúrasílẹ̀ de ìsìnkúMk 14:8, Jh 12:7
  Àwọn ẹsẹ

  Mk 14:8Ó ti ṣe èyí tí ó lè ṣe, o ti fi òróró kùn mí ni ara ní ìmúrasílẹ̀ de ìgbà tí wọn yóò sin òkú mi.

  Jh 12:7Nígbà náà ni Jesu wí pé, “Ẹ fi í sílẹ̀, ó ṣe é sílẹ̀ de ọjọ́ ìsìnkú mi.
• Nikodemu mú ọ̀pọ̀lọpọ̀ òjìá àti aloe wáJh 19:39
  Àwọn ẹsẹ

  Jh 19:39Nikodemu pẹ̀lú sì wá, ẹni tí ó tọ Jesu wá lóru lákọ̀ọ́kọ́, ó sì mú àdàpọ̀ òjìá àti aloe wá, ó tó ìwọ̀n ọgọ́rùn-ún lita.
• A fi aṣọ ọ̀gbọ̀ dì òkú Jesu pẹ̀lú tùràrí, gẹ́gẹ́ bí ìṣe ìsìnkú àwọn JúùJh 19:40
  Àwọn ẹsẹ

  Jh 19:40Bẹ́ẹ̀ ni wọ́n gbé òkú Jesu, wọ́n sì fi aṣọ ọ̀gbọ̀ dì í pẹ̀lú tùràrí, gẹ́gẹ́ bí ìṣe àwọn Júù ti rí ní ìsìnkú wọn.
• Àwọn obìnrin pèsè ohun olóòórùn dídùn àti òróró ìkunra, lẹ́yìn náà wọ́n sinmi ní ọjọ́ ìsinmiLk 23:55–56
  Àwọn ẹsẹ

  Lk 23:55–56Àti àwọn obìnrin, tí wọ́n bá a ti Galili wá, tí wọ́n sì tẹ̀lé, wọ́n kíyèsi ibojì náà, àti bí a ti tẹ́ òkú rẹ̀ sílẹ̀. Nígbà tí wọ́n sì padà, wọ́n pèsè ohun olóòórùn dídùn, òróró ìkunra (àti tùràrí tútù); wọ́n sì sinmi ní ọjọ́ ìsinmi gẹ́gẹ́ bí òfin.
• Lẹ́yìn ọjọ́ ìsinmi, wọ́n ra òróró olóòórùn dídùn láti fi kun òkú náàMk 16:1
  Àwọn ẹsẹ

  Mk 16:1Nígbà tí ọjọ́ ìsinmi sì kọjá, Maria Magdalene, Maria ìyá Jakọbu, àti Salome mú òróró olóòórùn dídùn wá kí wọn bá à le fi kun Jesu lára.
• Ní kùtùkùtù ọjọ́ kìn-ín-ní ọ̀sẹ̀, wọ́n mú ìkunra náà wá sí ibojìLk 24:1
  Àwọn ẹsẹ

  Lk 24:1Ní kùtùkùtù òwúrọ̀ ọjọ́ ọ̀sẹ̀, àwọn obìnrin wá sí ibojì, wọ́n sì mú ìkunra olóòórùn dídùn ti wọ́n tí pèsè sílẹ̀ wá.
• Peteru rí aṣọ ọ̀gbọ̀ náà, àti gèlè orí tí a ká jọ ní ibìkan fúnra rẹ̀Jh 20:6–7
  Àwọn ẹsẹ

  Jh 20:6–7Nígbà náà ni Simoni Peteru tí ń bọ̀ lẹ́yìn rẹ̀ dé, ó sì wọ inú ibojì, ó sì rí aṣọ ọ̀gbọ̀ náà ní ilẹ̀. Àti pé, gèlè tí ó wà níbi orí rẹ̀ kò sì wà pẹ̀lú aṣọ ọ̀gbọ̀ náà, ṣùgbọ́n ó ká jọ ní ibìkan fúnra rẹ̀.