Ẹ̀mí gígùn nínú Bíbélì

• Ṣáájú ìkún omi, Olúwa fi ààlà sí ọjọ́ ènìyànGẹ 6:3
  Àwọn ẹsẹ

  Gẹ 6:3Nígbà náà ni Olúwa wí pé, “Èémí ìyè tí mo mí sínú ènìyàn kò ní máa gbé inú ènìyàn títí láé, nítorí ẹran-ara sá à ni òun, ọgọ́fà ọdún ni ọjọ́ rẹ̀ yóò jẹ́.”
• Saamu kan: ọjọ́ wa jẹ́ àádọ́rin ọdún, tàbí ọgọ́rin bí a bá lágbáraSm 90:10
  Àwọn ẹsẹ

  Sm 90:10Àádọ́rin ọdún ni iye ọjọ́ ọdún wá, bi ó sì ṣe pé nípa agbára tí wọn bá tó ọgọ́rin ọdún, agbára nínú làálàá pẹ̀lú ìbànújẹ́ ni, nítorí pé a kò ní pẹ́ gé e kúrò, àwa a sì fò lọ.

Ṣáájú ìkún omi

• Adamu gbé ọdún 930Gẹ 5:5
  Àwọn ẹsẹ

  Gẹ 5:5Àpapọ̀ ọdún tí Adamu gbé ní orí ilẹ̀ jẹ́ ẹ̀ẹ́dẹ́gbẹ̀rún ọdún ó lé ọgbọ̀n (930), ó sì kú.
• Seti gbé ọdún 912Gẹ 5:8
  Àwọn ẹsẹ

  Gẹ 5:8Àpapọ̀ ọdún Seti sì jẹ́ ẹ̀ẹ́dẹ́gbẹ̀rún ọdún ó lé méjìlá (912), ó sì kú.
• Enoṣi gbé ọdún 905Gẹ 5:11
  Àwọn ẹsẹ

  Gẹ 5:11Àpapọ̀ ọdún Enoṣi jẹ́ ẹ̀ẹ́dẹ́gbẹ̀rún ọdún ó lé márùn-ún (905), ó sì kú.
• Kenani gbé ọdún 910Gẹ 5:14
  Àwọn ẹsẹ

  Gẹ 5:14Àpapọ̀ ọjọ́ Kenani jẹ́ ẹ̀ẹ́dẹ́gbẹ̀rún ọdún ó lé mẹ́wàá (910), ó sì kú.
• Mahalaleli gbé ọdún 895Gẹ 5:17
  Àwọn ẹsẹ

  Gẹ 5:17Àpapọ̀ iye ọdún Mahalaleli jẹ́ ẹ̀ẹ́dẹ́gbẹ̀rún ọdún ó dín márùn-ún (895), ó sì kú.
• Jaredi gbé ọdún 962Gẹ 5:20
  Àwọn ẹsẹ

  Gẹ 5:20Àpapọ̀ ọdún Jaredi sì jẹ́ ẹgbẹ̀rún dín méjìdínlógójì (962), ó sì kú.
• Enoku: ọdún 365, lẹ́yìn náà a kò rí i mọ́Gẹ 5:23–24
  Àwọn ẹsẹ

  Gẹ 5:23–24Àpapọ̀ ọjọ́ Enoku sì jẹ́ irinwó ọdún dín márùndínlógójì (365). Enoku bá Ọlọ́run rìn; a kò sì rí i mọ́ nítorí Ọlọ́run mú un lọ.
• Metusela gbé ọdún 969Gẹ 5:27
  Àwọn ẹsẹ

  Gẹ 5:27Àpapọ̀ ọdún Metusela jẹ́ ẹgbẹ̀rún ọdún dín mọ́kànlélọ́gbọ̀n (969), ó sì kú.
• Lameki gbé ọdún 777Gẹ 5:31
  Àwọn ẹsẹ

  Gẹ 5:31Àpapọ̀ ọdún Lameki sì jẹ́ ẹgbẹ̀rin ọdún dín mẹ́tàlélógún (777), ó sì kú.
• Noa gbé ọdún 350 lẹ́yìn ìkún omi, 950 lápapọ̀Gẹ 9:28–29
  Àwọn ẹsẹ

  Gẹ 9:28–29Noa wà láààyè fún irinwó ọdún dín àádọ́ta (350) lẹ́yìn ìkún omi. Àpapọ̀ ọjọ́ ayé Noa jẹ́ ẹgbẹ̀rún ọdún dín làádọ́ta (950), ó sì kú.

Lẹ́yìn ìkún omi

• Ṣemu: ó bímọ ní ẹni ọdún 100, ó sì tún gbé ọdún 500Gẹ 11:10–11
  Àwọn ẹsẹ

  Gẹ 11:10–11Wọ̀nyí ni ìran Ṣemu. Ọdún méjì lẹ́yìn ìkún omi, tí Ṣemu pé ọgọ́rùn-ún ọdún ni ó bí Arfakṣadi. Lẹ́yìn tí ó bí Arfakṣadi, Ṣemu tún wà láààyè fún ẹ̀ẹ́dẹ́gbẹ̀ta ọdún (500), ó sì bí àwọn ọmọkùnrin àti àwọn ọmọbìnrin mìíràn.
• Arfakṣadi: ó bímọ ní ẹni ọdún 35, ó sì tún gbé ọdún 403Gẹ 11:12–13
  Àwọn ẹsẹ

  Gẹ 11:12–13Nígbà tí Arfakṣadi pé ọdún márùndínlógójì ni ó bí Ṣela. Arfakṣadi sì wà láààyè fún ọdún mẹ́tàlénírinwó (403) lẹ́yìn tí ó bí Ṣela, ó sì bí àwọn ọmọbìnrin àti àwọn ọmọkùnrin mìíràn.
• Ṣela: ó bímọ ní ẹni ọdún 30, ó sì tún gbé ọdún 403Gẹ 11:14–15
  Àwọn ẹsẹ

  Gẹ 11:14–15Nígbà tí Ṣela pé ọmọ ọgbọ̀n ọdún ni ó bí Eberi. Ṣela sì wà láààyè fún ọdún mẹ́tàlénírinwó (403) lẹ́yìn tí ó bí Eberi tán, ó sì bí àwọn ọmọkùnrin àti àwọn ọmọbìnrin mìíràn.
• Eberi: ó bímọ ní ẹni ọdún 34, ó sì tún gbé ọdún 430Gẹ 11:16–17
  Àwọn ẹsẹ

  Gẹ 11:16–17Eberi sì jẹ́ ọmọ ọdún mẹ́rìnlélọ́gbọ̀n, ó sì bí Pelegi. Eberi sì wà láààyè fún irinwó ọdún ó lé ọgbọ̀n (430) lẹ́yìn tí ó bí Pelegi, ó sì bí àwọn ọmọkùnrin àti àwọn ọmọbìnrin mìíràn.
• Pelegi: ó bímọ ní ẹni ọdún 30, ó sì tún gbé ọdún 209Gẹ 11:18–19
  Àwọn ẹsẹ

  Gẹ 11:18–19Nígbà tí Pelegi pé ọmọ ọgbọ̀n ọdún ni ó bí Reu. Pelegi sì tún wà láààyè fún igba ọdún ó lé mẹ́sàn-án (209) lẹ́yìn tí ó bí Reu, ó sì bí àwọn ọmọkùnrin àti àwọn ọmọbìnrin mìíràn.
• Nahori: ó bímọ ní ẹni ọdún 29, ó sì tún gbé ọdún 119Gẹ 11:24–25
  Àwọn ẹsẹ

  Gẹ 11:24–25Nígbà tí Nahori pé ọmọ ọdún mọ́kàndínlọ́gbọ̀n, ó bí Tẹra. Nahori sì wà láààyè fún ọdún mọ́kàn dín lọ́gọ́fà lẹ́yìn ìbí Tẹra, ó sì bí àwọn ọmọkùnrin àti àwọn ọmọbìnrin mìíràn.
• Tẹra gbé ọdún 205, ó sì kú ní HaraniGẹ 11:32
  Àwọn ẹsẹ

  Gẹ 11:32Nígbà tí Tẹra pé ọmọ igba ọdún ó lé márùn-ún (205) ni ó kú ní Harani.

Ẹ̀mí gígùn lẹ́yìn náà

• Sara gbé títí di ọdún 127Gẹ 23:1
  Àwọn ẹsẹ

  Gẹ 23:1Sara sì pé ọmọ ọdún mẹ́tàdínláàádóje (127).
• Abrahamu gbé ọdún 175Gẹ 25:7
  Àwọn ẹsẹ

  Gẹ 25:7Gbogbo àpapọ̀ ọdún tí Abrahamu lò láyé jẹ́ igba kan ó dín mẹ́ẹ̀ẹ́dọ́gbọ̀n (175).
• Iṣmaeli náà gbé ẹ̀mí gígùnGẹ 25:17
  Àwọn ẹsẹ

  Gẹ 25:17Àpapọ̀ ọdún tí Iṣmaeli lò láyé jẹ́ ẹ̀tàdínlógóje (137) ọdún, a sì sin ín pẹ̀lú àwọn ènìyàn rẹ̀.
• Isaaki gbé ọdún 180Gẹ 35:28
  Àwọn ẹsẹ

  Gẹ 35:28Ẹni ọgọ́sàn-án ọdún ni Isaaki.
• Jakọbu gbé ọdún 147, mẹ́tàdínlógún ìkẹyìn ní EjibitiGẹ 47:28
  Àwọn ẹsẹ

  Gẹ 47:28Jakọbu gbé ní Ejibiti fún ọdún mẹ́tàdínlógún iye ọdún ọjọ́ ayé rẹ̀ sì jẹ́ ẹẹ́tàdínlàádọ́jọ (147).
• Josẹfu kú ní ẹni ọdún 110, a sì ṣe òkú rẹ̀ lọ́jọ̀ ní EjibitiGẹ 50:26
  Àwọn ẹsẹ

  Gẹ 50:26Báyìí ni Josẹfu kú nígbà tí ó pé àádọ́fà ọdún. Lẹ́yìn ìgbà tí wọ́n ṣe òkú rẹ̀ lọ́jọ̀ tan, a gbé e sí inú pósí ní Ejibiti.
• Lefi gbé ọdún 137, Kohati 133, Amramu 137Ek 6:16, Ek 6:18, Ek 6:20
  Àwọn ẹsẹ

  Ek 6:16Ìwọ̀nyí ni orúkọ àwọn ọmọ Lefi gẹ́gẹ́ bí àkọsílẹ̀ wọn: Gerṣoni, Kohati àti Merari. Lefi lo ẹ̀tàdínlógóje (137) ọdún láyé.

  Ek 6:18Àwọn ọmọ Kohati ni: Amramu, Isari, Hebroni àti Usieli. Kohati lo ẹ̀tàléláádóje (133) ọdún láyé.

  Ek 6:20Amramu sì fẹ́ Jokebedi arábìnrin baba rẹ̀ ní ìyàwó. Jokebedi sì bí Aaroni àti Mose fún un. Amramu lo ẹ̀tàdínlógóje (137) ọdún láyé.
• Aaroni kú lórí òkè Hori ní ẹni ọdún 123Nu 33:39
  Àwọn ẹsẹ

  Nu 33:39Aaroni jẹ́ ẹni ọgọ́fà ọdún ó lé mẹ́ta (123) ní ìgbà tí ó kú sí orí òkè Hori.
• Mose kú ní ẹni ọdún 120, ojú rẹ̀ kò ṣe bàìbàìDe 34:7
  Àwọn ẹsẹ

  De 34:7Mose jẹ́ ẹni ọgọ́fà ọdún nígbà tí ó kú, síbẹ̀ ojú rẹ̀ kò ṣe bàìbàì bẹ́ẹ̀ ni agbára rẹ̀ kò dínkù.
• Kalebu ní ẹni ọdún 85: ó lágbára bí ọjọ́ tí Mose rán an jádeJoṣ 14:10–11
  Àwọn ẹsẹ

  Joṣ 14:10–11“Ǹjẹ́ nísinsin yìí, kíyèsi i Olúwa dá mi sí gẹ́gẹ́ bí ó ti wí, láti ọdún márùndínláàádọ́ta yìí wá, láti ìgbà tí Olúwa ti sọ ọ̀rọ̀ yìí fún Mose, nígbà tí Israẹli ń rìn kiri nínú aginjù, sì kíyèsi i nísinsin yìí, èmi nìyìí lónìí, ọmọ àrùndínláàdọ́rùn-ún ọdún. Síbẹ̀ èmi ní agbára lónìí, bí ìgbà tí Mose rán mi jáde. Èmi sì ní agbára láti jáde fún ogun nísinsin yìí gẹ́gẹ́ bí mo ti wà ní ìgbà náà.
• Joṣua kú ní ẹni ọdún 110Joṣ 24:29
  Àwọn ẹsẹ

  Joṣ 24:29Lẹ́yìn nǹkan wọ̀nyí, Joṣua ọmọ Nuni ìránṣẹ́ Olúwa, kú ní ẹni àádọ́fà ọdún.
• Eli jẹ́ ẹni ọdún 98, kò sì ríran1Sa 4:15
  Àwọn ẹsẹ

  1Sa 4:15Eli sì di ẹni méjìdínlọ́gọ́run (98) ọdún, tí ojú rẹ̀ di bàìbàì, kò sì ríran mọ́.
• Barsillai, ẹni ọgọ́rin ọdún, ti pèsè fún Ọba Dafidi2Sa 19:32
  Àwọn ẹsẹ

  2Sa 19:32Barsillai sì jẹ́ arúgbó ọkùnrin gidigidi, ẹni ogbó ọgọ́rin ọdún sì ni, ó sì pèsè ohun jíjẹ fún ọba nígbà tí ó ti wà ní Mahanaimu; nítorí pé ọkùnrin ọlọ́lá ni òun ń ṣe.
• Àlùfáà Jehoiada kú ní ẹni ọdún 1302Kro 24:15
  Àwọn ẹsẹ

  2Kro 24:15Ṣùgbọ́n Jehoiada di arúgbó, ó sì kún fún ọjọ́, ó sì kú, ẹni àádóje ọdún ni nígbà tí ó kú.
• Jobu gbé ọdún 140 sí i, ó sì rí ìran mẹ́rinJb 42:16–17
  Àwọn ẹsẹ

  Jb 42:16–17Lẹ́yìn èyí Jobu wà ní ayé ní ogóje ọdún, ó sì rí àwọn ọmọ rẹ̀ ọkùnrin àti ọmọ ọmọ rẹ̀ ọkùnrin, àní ìran mẹ́rin. Bẹ́ẹ̀ ni Jobu kú, ó gbó, ó sì kún fún ọjọ́ púpọ̀.
• Anna, opó títí di ẹni ọdún mẹ́rìnlélọ́gọ́rin, kò kúrò ní tẹmpiliLk 2:36–37
  Àwọn ẹsẹ

  Lk 2:36–37Ẹnìkan sì ń bẹ, Anna wòlíì, ọmọbìnrin Penueli, nínú ẹ̀yà Aṣeri: ọjọ́ ogbó rẹ̀ pọ̀, ó ti bá ọkọ gbé ní ọdún méje láti ìgbà wúńdíá rẹ̀ wá; Ó sì ṣe opó títí ó fi di ẹni ọdún mẹ́rìnlélọ́gọ́rin, ẹni tí kò kúrò ní tẹmpili, ṣùgbọ́n ó ń fi àwẹ̀ àti àdúrà sin Ọlọ́run lọ́sàn án àti lóru.