Ndụ kwa ụbọchị

Umengwụ nʼime Baịbụl

Akụkụ nke Baịbụlụ Nsọ nʼIgbo Ndị Ugbu a (26), ahịrị na ahịrị, site na Nave’s Topical Bible.

Okwu nʼIlu

Gaa nʼebe ndanda nọ, gị onye umengwụ: ọ na-achịkọta nri nʼoge okpomọkụIlu 6:6–8
Amaokwu ndị ahụ
Ilu 6:6–8Gaa mụta ihe site nʼaka ndanda, gị onye umengwụ. Mụta ihe site nʼụzọ ya niile. Ọ bụ ezie na o nweghị eze na-achịkọta ha, maọbụ onyendu, maọbụ ọchịagha, ma ọ na-akpakọta nri ya nʼoge ọkọchị ma na-ewebata nri ya nʼoge owuwe ihe ubi.
Nwa ụra nta, ụbịam abịa dịka onye ohiIlu 6:9–11
Amaokwu ndị ahụ
Ilu 6:9–11Ọ bụ ruo ole mgbe ka ị ga-edina ala nʼebe ahụ, gị onye umengwụ? Olee mgbe ka ị ga-esi nʼụra bilie? Nwa ụra nta, nwa iru ụra nta, nwa ịchịkọba aka nta zuo ike, ụbịam ga-abịakwasị gị dịka onye ohi, ụkọ abịakwasịkwa gị dịka onye na-apụnara mmadụ ihe.
Ubi onye umengwụ: ogwu, uke na mgbidi nkume dara adaIlu 24:30–34
Amaokwu ndị ahụ
Ilu 24:30–34Esitere m nʼubi otu onye umengwụ gafee, bụ ubi vaịnị nke onye na-enweghị uche, hụ na ogwu etochiela ya, ahịhịa etochiekwala ya; mgbidi dị ya gburugburu adaakwala. Elegharịrị m ya anya site na ya mụta otu ihe a: Nwa ụra nta, nwa iru ụra nta, nwa ịchịkọba aka nta zuo ike ụbịam ga-abịakwasị gị dịka onye ohi, ụkọ abịakwasịkwa gị dịka onye na-apụnara mmadụ ihe.
Aka umengwụ na-eme ka mmadụ daa ogbenyeIlu 10:4
Amaokwu ndị ahụ
Ilu 10:4Aka ndị umengwụ na-eweta ogbenye, ma aka na-arụsị ọrụ ike na-eweta ụba.
Onye na-arahụ ụra nʼoge owuwe ihe ubi bụ nwa na-eweta ihereIlu 10:5
Amaokwu ndị ahụ
Ilu 10:5Onye na-ekpokọta nʼoge ọkọchị bụ nwa maara ihe, ma nwa ahụ nke na-arahụ ụra nʼoge ọrụ bụ nwa na-eweta ihere.
Dịka mmanya gbara ụka nye eze na anwụrụ ọkụ nye anyaIlu 10:26
Amaokwu ndị ahụ
Ilu 10:26Onye umengwụ na-abụ ihe mgbu nye onyenwe ya; ọ dịka anwụrụ ọkụ nʼanya mmadụ maọbụ dịka mmanya gbara ụka nke na-ejiji eze.
Umengwụ na-akwụsị nʼọrụ mmanyeIlu 12:24
Amaokwu ndị ahụ
Ilu 12:24Aka na-arụsị ọrụ ike ga-achị achị, ma umengwụ ga-akwụsị naanị nʼọrụ mmanye.
Onye umengwụ adịghị ahụ anụ ọ chụtara nʼọkụIlu 12:27
Amaokwu ndị ahụ
Ilu 12:27Onye umengwụ adịghị ahụ anụ ọ chụtara na nta nʼọkụ, ma ndị na-arụsị ọrụ ike na-eri site nʼakụ ha nwetara nʼịchụ nta.
Onye umengwụ na-achọ ihe ma ọ dịghị ihe o nwereIlu 13:4, Ilu 21:25
Amaokwu ndị ahụ
Ilu 13:4Ndị umengwụ na-achọ ọtụtụ ihe ma ọ dịghị ihe ha na-enweta; ma onye na-arụsị ọrụ ike na-enweta ihe niile ọ chọrọ.
Ilu 21:25Oke ọchịchọ nke onye umengwụ na-ewetara ya ọnwụ nʼihi na ọ jụrụ ịrụ ọrụ.
Ụzọ onye umengwụ dị ka ogige ogwuIlu 15:19
Amaokwu ndị ahụ
Ilu 15:19Eji ogwu gbochie ụzọ onye umengwụ, ma ụzọ onye omume ya ziri ezi bụ ụzọ dị larịị.
Onye umengwụ nʼọrụ ya bụ nwanne onye mbibiIlu 18:9
Amaokwu ndị ahụ
Ilu 18:9Onye dị umengwụ nʼọrụ ya bụ nwanne nke onye mbibi.
Ọ na-amanye aka nʼefere, ma ọ gaghị eweghachi ya nʼọnụ yaIlu 19:24, Ilu 26:15
Amaokwu ndị ahụ
Ilu 19:24Onye umengwụ na-amanye aka nʼefere nri, ọ gaghị eweghachi ya ọ bụladị tinye nʼọnụ ya.
Ilu 26:15Onye umengwụ na-amanye aka nʼefere nri ma oke umengwụ a naghị ekwe ka o weghachi ya tinye nʼọnụ ya.
Ọ naghị akọ ubi nʼoge ya, ọ dịghị ihe ọ na-ahụ nʼoge owuwe ihe ubiIlu 20:4
Amaokwu ndị ahụ
Ilu 20:4Onye umengwụ adịghị arụ ọrụ ubi nʼoge ya. Nʼoge owuwe ihe ubi ọ pụghị ịchọta ihe oriri.
“Ọdụm nọ nʼezi!”Ilu 22:13, Ilu 26:13
Amaokwu ndị ahụ
Ilu 22:13Onye umengwụ na-asị, “Ọdụm nọ nʼezi! A ga-egbu m nʼama ọha mmadụ!”
Ilu 26:13Onye umengwụ na-asị, “Ọdụm nọ nʼokporoụzọ, ọdụm ji oke iwe na-awagharị nọ nʼama niile!”
Dịka ọnụ ụzọ si atụgharị nʼihe nkonye ya, otu a ka onye umengwụ si atụgharị nʼihe ndina yaIlu 26:14
Amaokwu ndị ahụ
Ilu 26:14Dịka ibo ọnụ ụzọ si emegharị nʼihe nkonye ya, otu a ka onye umengwụ si na-atụgharị onwe ya nʼelu ihe ndina ya.
Nʼanya ya, ọ maara ihe karịa mmadụ asaa na-aza okwu nʼucheIlu 26:16
Amaokwu ndị ahụ
Ilu 26:16Nʼuche ya, onye umengwụ na-eche na ọ maara ihe karịa ndị ikom asaa na-eji ezi uche azaghachi okwu.

Ebe ndị ọzọ

Nʼihi umengwụ, elu ụlọ na-ada, ụlọ na-ehie mmiriEkl 10:18
Amaokwu ndị ahụ
Ekl 10:18Ọ bụ umengwụ na-eme ka ụlọ hie mmiri; ọ bụkwa umengwụ na-eme ka elu ụlọ malite ize eze.
Onye nzuzu na-afanye aka abụọ nʼapataEkl 4:5
Amaokwu ndị ahụ
Ekl 4:5Onye nzuzu na-afanye aka abụọ nʼapata, na-eri anụ ahụ onwe ya.
A kpọrọ ohu liri talenti ya onye umengwụMat 25:26
Amaokwu ndị ahụ
Mat 25:26“Nna ya ukwu zara ya sị, ‘Ohu ọjọọ na onye umengwụ. Ị maara na m na-ewe ihe ubi nʼebe m na-akụghị mkpụrụ, na-achịkọtakwa nʼebe m na-agbasaghị.
Ka ịnụ ọkụ nʼobi unu ghara ịdajụRom 12:11
Amaokwu ndị ahụ
Rom 12:11Unu abụla ndị umengwụ nʼọrụ unu. Kama werenụ mmụọ na obi na-anụ ọkụ na-ejere Onyenwe anyị ozi mgbe niile.
“Onye ọbụla na-agaghị ọrụ ya erila nri”2Te 3:10–12
Amaokwu ndị ahụ
2Te 3:10–12Ọ bụladị mgbe anyị na unu nọ, anyị nyere unu iwu a sị, “Onye ọbụla na-agaghị ọrụ ya erila nri.” Ma anyị anụla na ụfọdụ nʼetiti unu na-anọ nkịtị na-arụghị ọrụ ọbụla, kama ndị dị otu a na-agagharị, na-etinye anya nʼihe na-agbasaghị ha. Ha anaghị arụ ọrụ ọbụla. Anyị na-enye ndị a iwu, na-adụsịkwa ha ọdụ ike site nʼaha Onyenwe anyị Jisọs Kraịst, si ha wetuo obi ha ala rụsie ọrụ ha ike. Ka ha riekwa nri ha ji aka ha rụpụta.
Ụmụ agbọghọ di ha nwụrụ na-amụta ịnọ nkịtị, na-aga site nʼụlọ ruo nʼụlọ1Tm 5:13
Amaokwu ndị ahụ
1Tm 5:13Wezugakwarị nke a, na ha amụta omume ịdị umengwụ, nʼaga nʼụlọ dị iche iche. Ọ bụghị naanị na ha bụ ndị na-adịghị arụ ọrụ, kama ha na-etinye anya nʼihe na-agbasaghị ha, na-akpa asịrị, na-ekwu okwu nzuzu, na-ekwu ihe ha ekwesighị ikwu.
Unu abụla ndị umengwụHib 6:12
Amaokwu ndị ahụ
Hib 6:12Anyị achọghị ka unu bụrụ ndị umengwụ, kama ka unu bụrụ ndị na-eṅomi ndụ ahụ jiri okwukwe na ntachiobi nweta ihe ahụ e kwere na nkwa.

Isi mmalite

Site na Nave’s Topical Bible (Orville J. Nave, 1896; ihe onwunwe ọha): a họọrọ isiokwu, mee ka ahịrị dị mkpụmkpụ ma tinye ha nʼokwu nke oge a, hapụ ahịrị nkọwa; e lelere amaokwu ọ bụla.

Baịbụlụ Nsọ nʼIgbo Ndị Ugbu a · © 2020 Biblica, Inc., CC BY-SA 4.0; changed: footnotes, headings and the letters over Psalm 119 left out, verses in the app's numbering. The original work by Biblica, Inc. is available for free at www.biblica.com and open.bible.