Bible Explorer
YO

Ṣàwárí › Àkòrí › Ìwà ọ̀lẹ

Ìgbésí ayé ojoojúmọ́

Ìwà ọ̀lẹ nínú Bíbélì

Àwọn àyọkà Bíbélì Mímọ́ ní Èdè Yorùbá Òde-Òní (26), ìlà sí ìlà, láti inú Nave’s Topical Bible.

Ọ̀rọ̀ inú Òwe

  • Tọ èèrà lọ, ìwọ ọ̀lẹ: ó ń kó oúnjẹ jọ ní ìgbà ẹ̀ẹ̀rùnÒw 6:6–8
    Àwọn ẹsẹ
    Òw 6:6–8Tọ èèrà lọ, ìwọ ọ̀lẹ; kíyèsi ìṣe rẹ̀, kí o sì gbọ́n! Kò ní olùdarí, kò sí alábojútó tàbí ọba, síbẹ̀, a kó ìpèsè rẹ̀ jọ ní àsìkò òjò yóò sì kó oúnjẹ rẹ̀ jọ ní àsìkò ìkórè.
  • Oorun díẹ̀, òṣì yóò sì dé bí olèÒw 6:9–11
    Àwọn ẹsẹ
    Òw 6:9–11Yóò ti pẹ́ tó tí ìwọ yóò dùbúlẹ̀, ìwọ ọ̀lẹ? Nígbà wo ni ìwọ yóò jí kúrò lójú oorun rẹ? Oorun díẹ̀, òògbé díẹ̀, ìkáwọ́gbera láti sinmi díẹ̀. Òsì yóò sì wá sórí rẹ bí ìgárá ọlọ́ṣà àti àìní bí adigunjalè.
  • Oko ọ̀lẹ: ẹ̀gún, koríko àti ògiri òkúta tí ó wóÒw 24:30–34
    Àwọn ẹsẹ
    Òw 24:30–34Mo kọjá níbi oko ọ̀lẹ, mo kọjá níbi ọgbà àjàrà aláìgbọ́n ènìyàn; ẹ̀gún ti hù ní ibi gbogbo, koríko ti gba gbogbo oko náà. Mo fi ọkàn mi sí nǹkan tí mo kíyèsi mo sì kẹ́kọ̀ọ́ lára ohun tí mo rí; oorun díẹ̀, òògbé díẹ̀, ìkáwọ́gbera díẹ̀ láti sinmi, òsì yóò sì dé bá ọ bí adigunjalè àti àìní bí olè.
  • Ọwọ́ tí ó lẹ máa ń sọ ènìyàn di tálákàÒw 10:4
    Àwọn ẹsẹ
    Òw 10:4Ọwọ́ tí ó lẹ máa ń sọ ènìyàn di tálákà, ṣùgbọ́n ọwọ́ tí ó múra ṣíṣẹ́ a máa sọ ni di ọlọ́rọ̀.
  • Ẹni tí ó sùn ní àsìkò ìkórè jẹ́ adójútini ọmọÒw 10:5
    Àwọn ẹsẹ
    Òw 10:5Ẹni tí ó kó irúgbìn jọ ní àsìkò òjò jẹ́ ọlọ́gbọ́n ọmọ, ṣùgbọ́n ẹni tí ó sùn ní àsìkò ìkórè jẹ́ adójútini ọmọ.
  • Bí ọtí kíkan sí eyín àti èéfín sí ojúÒw 10:26
    Àwọn ẹsẹ
    Òw 10:26Bí ọtí kíkan sí eyín, àti èéfín sí ojú, bẹ́ẹ̀ ni ọ̀lẹ sí ẹni tí ó rán an níṣẹ́.
  • Ọ̀lẹ ṣíṣe a máa yọrí sí ẹrú ṣíṣeÒw 12:24
    Àwọn ẹsẹ
    Òw 12:24Ọwọ́ àìṣọ̀lẹ yóò jẹ ọba ṣùgbọ́n ọ̀lẹ ṣíṣe a máa yọrí sí ẹrú ṣíṣe.
  • Ọ̀lẹ ènìyàn kò sun ẹran tí ó pa lóko ọdẹÒw 12:27
    Àwọn ẹsẹ
    Òw 12:27Ọ̀lẹ ènìyàn kò sun ẹran tí ó pa lóko ọdẹ ṣùgbọ́n ẹni tí kì í ṣe ọ̀lẹ máa ń díwọ̀n ohun ìní rẹ̀.
  • Ọkàn ọ̀lẹ ń fẹ́, ṣùgbọ́n kò rí nǹkan kanÒw 13:4, Òw 21:25
    Àwọn ẹsẹ
    Òw 13:4Ọkàn ọ̀lẹ ń fẹ́, ṣùgbọ́n kò rí nǹkan kan, ṣùgbọ́n ọkàn àwọn ti kì í ṣe ọ̀lẹ rí ìtẹ́lọ́rùn.
    Òw 21:25Ẹlẹ́rìí èké yóò ṣègbé, àwọn tí ó gbọ́ ọ̀rọ̀ rẹ̀ yóò parun láé; nítorí tí ọwọ́ rẹ̀ kọ iṣẹ́ ṣíṣe.
  • Ọ̀nà ọ̀lẹ ni ẹ̀gún díÒw 15:19
    Àwọn ẹsẹ
    Òw 15:19Ọ̀nà ọ̀lẹ ni ẹ̀gún dí, ṣùgbọ́n ọ̀nà olódodo já geerege ni.
  • Ẹni tí kò ṣe déédé nínú iṣẹ́ rẹ̀ jẹ́ arákùnrin apanirunÒw 18:9
    Àwọn ẹsẹ
    Òw 18:9Ẹni tí kò ṣe déédé nínú iṣẹ́ rẹ̀ arákùnrin ló jẹ́ fún apanirun.
  • Ó ki ọwọ́ rẹ̀ bọ inú àwo, kò sì mú u padà wá sí ẹnu rẹ̀Òw 19:24, Òw 26:15
    Àwọn ẹsẹ
    Òw 19:24Ọ̀lẹ ki ọwọ́ rẹ̀ bọ inú àwo oúnjẹ; kò tilẹ̀ ní mú u padà wá sí ẹnu rẹ̀.
    Òw 26:15Ọ̀lẹ ki ọwọ́ rẹ̀ bọ inú àwo oúnjẹ, ó lẹ dé bi pé kò le è mú u padà wá sí ẹnu rẹ̀.
  • Kò ṣiṣẹ́ oko ní àsìkò, kò sì rí nǹkan nígbà ìkórèÒw 20:4
    Àwọn ẹsẹ
    Òw 20:4Ọ̀lẹ kì í ṣiṣẹ́ oko nígbà tí ó yẹ, nítorí náà ní àsìkò ìkórè, yóò wá kò sì ní rì nǹkan.
  • “Kìnnìún ń bẹ lóde!”Òw 22:13, Òw 26:13
    Àwọn ẹsẹ
    Òw 22:13Ọ̀lẹ wí pé, “Kìnnìún ń bẹ lóde! Yóò pa mí ní ìgboro!”
    Òw 26:13Ọ̀lẹ wí pé, “Kìnnìún wà lójú ọ̀nà kìnnìún búburú ń ké ní ojú ọ̀nà.”
  • Bí ìlẹ̀kùn ti ń yí lórí ìsolẹ̀kùn rẹ̀, bẹ́ẹ̀ ni ọ̀lẹ lórí ibùsùn rẹ̀Òw 26:14
    Àwọn ẹsẹ
    Òw 26:14Bí ìlẹ̀kùn ti ń yí lórí ìsolẹ̀kùn rẹ̀, bẹ́ẹ̀ ni ọ̀lẹ ń yí lórí ibùsùn rẹ̀.
  • Ó gbọ́n ní ojú ara rẹ̀ ju ènìyàn méje tí ń dáhùn pẹ̀lú ọgbọ́nÒw 26:16
    Àwọn ẹsẹ
    Òw 26:16Ọ̀lẹ gbọ́n ní ojú ara rẹ̀, ju ènìyàn méje tí wọ́n le è fún un ní ìdáhùn ọlọ́gbọ́n.

Níbòmíràn

  • Nítorí ọ̀lẹ, àjà ilé a máa wó, ilé a sì máa jòSu 10:18
    Àwọn ẹsẹ
    Su 10:18Bí ènìyàn bá ń lọ́ra, àjà ilé a máa jì bí ọwọ́ rẹ̀ bá ń ṣe ọ̀lẹ, ilé a máa jó.
  • Aṣiwèrè ká ọwọ́ rẹ̀ kòSu 4:5
    Àwọn ẹsẹ
    Su 4:5Aṣiwèrè ká ọwọ́ rẹ̀ kò ó sì ba tara rẹ̀ jẹ́.
  • A pe ìránṣẹ́ tí ó bo tálẹ́ǹtì rẹ̀ mọ́lẹ̀ ní ọ̀lẹMt 25:26
    Àwọn ẹsẹ
    Mt 25:26“Ṣùgbọ́n olúwa rẹ̀ dáhùn pé, ‘Ìwọ ọmọ ọ̀dọ̀ búburú, ìwọ mọ̀ pé èmi ń kórè níbi tí èmi kò fúnrúgbìn sì, èmi sì ń kójọ níbi tí èmi kò fọ́nká ká sí.
  • Ẹ má ṣe jẹ́ kí ìtara yín rẹ̀wẹ̀sìRo 12:11
    Àwọn ẹsẹ
    Ro 12:11Ní ti iṣẹ́ ṣíṣe, ẹ má ṣe ọ̀lẹ; ẹ máa ní ìgbóná ọkàn; ẹ máa sìn Olúwa.
  • “Bí ẹnikẹ́ni kò bá fẹ́ ṣiṣẹ́, kí ó má ṣe jẹun”2Tẹ 3:10–12
    Àwọn ẹsẹ
    2Tẹ 3:10–12Nítorí nígbà tí àwa wà lọ́dọ̀ yín, a ṣe àwọn òfin wọ̀nyí fún un yín pé, “Bí ẹnikẹ́ni kò bá fẹ́ ṣiṣẹ́, kí ó má ṣe jẹun.” A gbọ́ pé àwọn kan wà láàrín yín tí wọn jẹ́ ìmẹ́lẹ́. Wọ́n jẹ́ atọjúlékiri. Ǹjẹ́ irú àwọn ẹni bẹ́ẹ̀ ni àwa ń pàṣẹ fún, tí a sì ń rọ̀ nínú Jesu Kristi Olúwa pé kí wọn ó máa ṣiṣẹ́ fún oúnjẹ tí wọ́n ń jẹ.
  • Àwọn opó ọ̀dọ́ ń kọ́ láti ṣe ọ̀lẹ, wọ́n ń kiri láti ilé dé ilé1Tm 5:13
    Àwọn ẹsẹ
    1Tm 5:13Àti pẹ̀lú wọn ń kọ́ láti ṣe ọ̀lẹ, láti máa kiri láti ilédélé, kì í ṣe ọ̀lẹ nìkan, ṣùgbọ́n onísọkúsọ àti olófòófó pẹ̀lú, wọn a máa sọ ohun tí kò yẹ.
  • Ẹ má ṣe di onílọ̀raHb 6:12
    Àwọn ẹsẹ
    Hb 6:12Kí ẹ má ṣe di onílọ̀ra, ṣùgbọ́n aláfarawé àwọn tí wọn ti ipa ìgbàgbọ́ àti sùúrù jogún àwọn ìlérí.

Orísun

Láti Nave’s Topical Bible (Orville J. Nave, 1896; ohun ìní gbogbo ènìyàn): a yan àwọn àkòrí, a ké àwọn ìlà kúrú, a sì kọ wọ́n ní ọ̀rọ̀ òde òní, a fi àwọn ìlà ìtumọ̀ sílẹ̀; a ṣàyẹ̀wò ẹsẹ kọ̀ọ̀kan.

Bíbélì Mímọ́ ní Èdè Yorùbá Òde-Òní · © 2009, 2017 Biblica, Inc., CC BY-SA 4.0; changed: footnotes, headings and the letters over Psalm 119 left out, verses in the app's numbering. The original work by Biblica, Inc. is available for free at www.biblica.com and open.bible.