Nnụnụ nʼime Baịbụl

• E kere nnụnụ na ihe ndị bi na mmiri nʼụbọchị nke iseJen 1:20–23
  Amaokwu ndị ahụ

  Jen 1:20–23Chineke kwuru sị, “Ka mmiri jupụta nʼihe ndị na-eku ume, ka ụmụ anụ ufe fegharịkwa nʼelu ụwa, ma nʼelu mbara igwe.” Ya mere Chineke kere anụ ukwu niile bi na mmiri, na anụ niile nwere ndụ bi na mmiri, na ụdị ihe ọbụla nwere ndụ na-akpụgharị akpụgharị ndị jupụtara na mmiri, dịka ụdịdị ha si dị, na anụ ufe niile dịka ụdịdị ha si dị. Chineke lere anya hụ na ọ dị mma. Chineke gọziri ha, sị ha, “Mụbaanụ, dịkwanụ ukwuu nʼọnụọgụgụ, jupụtanụ osimiri niile. Ka anụ ufe dịkwa ukwuu nʼọnụọgụgụ nʼelu ụwa.” Uhuruchi dị, ụtụtụ dịkwa. Ọ bụrụ ụbọchị nke ise.
• Mgbe iju mmiri gasịrị, e nyekwara nnụnụ dịka nriJen 9:2–3
  Amaokwu ndị ahụ

  Jen 9:2–3Egwu unu na ụjọ unu ga-adakwasị anụmanụ niile nke ụwa nke dị ndụ, na anụ ufe niile nke eluigwe, na ihe e kere eke niile na-akpụgharị nʼala, na azụ niile dị nʼosimiri. Ewerela m ha niile nyefee unu nʼaka. Ihe ọbụla dị ndụ nke na-ejegharị ejegharị ga-abụ nri unu. Enyela m unu ihe niile ugbu a dịka m si nye unu ahịhịa ndụ niile.
• Izrel nwere ike iri nnụnụ ọbụla dị ọchaDit 14:11
  Amaokwu ndị ahụ

  Dit 14:11Unu ga-eri nnụnụ ọbụla dị ọcha,
• A gaghị eri: ugo, udele, ugolọma, enyi nnụnụ, egbe abalị, ụgbala, utù, nnụnụ ọdụ nta, ụsụLev 11:13–19
  Amaokwu ndị ahụ

  Lev 11:13–19“ ‘Ndị a bụ nnụnụ ndị unu ga-asọ asọ, nke unu na-ekwesighị iri nʼihi na ha bụ ihe arụ a na-asọ oyi: ugo, udele na udele ojii, ndagbụ na ọgankwọ dị iche iche, ugolọma ọbụla dị iche iche, enyi nnụnụ, egbe abalị, nnụnụ oke osimiri na egbe dị iche iche, okwukwu nta, komorant na okwukwu ukwu, okwukwu nwere mpi, okwolo na udele, ụgbala, utù dị iche iche, nnụnụ ọdụ nta na ụsụ.
• Nnụnụ na-ewu akwụ nʼakụkụ isi iyi, na-abụ abụ nʼalaka osisiAbụ 104:12
  Amaokwu ndị ahụ

  Abụ 104:12Nʼosisi dị nʼakụkụ ha ka ụmụ anụ ufe nke eluigwe ga-anọ wuo akwụ ha; nọrọkwa nʼalaka ha bụọ abụ.
• Ụgbala na-ewu akwụ ya nʼosisi fịaAbụ 104:17
  Amaokwu ndị ahụ

  Abụ 104:17Ụmụ nnụnụ na-ewu akwụ ha; nʼosisi fịa ka ụgbala na-ewu akwụ ya.
• Nʼoge opupu ihe ubi, a na-anụ olu nduruAbụk 2:12
  Amaokwu ndị ahụ

  Abụk 2:12Okoko osisi epupụtala nʼala; oge eji agụ egwu eruokwala, a na-anụ abụ nduru nʼala anyị niile.
• Ụgbala, nduru, eleke na okwolo maara oge ha ga-akwagaJer 8:7
  Amaokwu ndị ahụ

  Jer 8:7Ọ bụladị ụgbala na-efegharị na mbara eluigwe maara oge ya a kara aka. Nduru, na eleke, na okwolo makwaara mgbe ha kwesiri isite nʼotu ebe obibi ha gafee nʼebe obibi ọzọ. Ma ndị m amaghị ihe Onyenwe anyị chọrọ site nʼaka ha.
• Enyi nnụnụ na-eyi akwa ya nʼala ka uzuzu kpoo ha ọkụJob 39:14–15
  Amaokwu ndị ahụ

  Job 39:14–15Ọ na-eyi akwa ya nʼala ma hapụ ha ka uzuzu kpoo ha ọkụ. Ọ naghị emetụ ya nʼobi na ụkwụ nwere ike ịzọpịa ha maọbụ na anụ ọhịa nwere ike zọrie ha.
• Mgbe ọ gbasara nku ya, enyi nnụnụ na-achị ịnyịnya na onye na-agba ya ọchịJob 39:18
  Amaokwu ndị ahụ

  Job 39:18Ma ọ na-agbalite ọsọ. Mgbe ọbụla ọ gbasara nku ya ịgba ọsọ, ọ na-achị ịnyịnya na onye na-agba ịnyịnya ọchị.
• Egbe na-agbasa nku ya chee ihu ndịdaJob 39:26
  Amaokwu ndị ahụ

  Job 39:26“Ọ bụ site nʼamamihe gị ka egbe ji efego nʼelu, gbasaakwa nku ya gaa nʼebe ndịda?
• A na-ere nza abụọ otu kobo, maọbụ ise kobo abụọMat 10:29, Luk 12:6
  Amaokwu ndị ahụ

  Mat 10:29Ọ bụghị otu kobo ka a na-ere ụmụ nza abụọ? Ma otu nʼime ha agaghị ada nʼala ma ọ bụrụ na Nna unu bi nʼeluigwe amaghị.

  Luk 12:6Ọ bụghị mkpụrụ ego abụọ ka a na-ere ụmụ nza ise? Ma o nweghị nke ọbụla nʼime ha Chineke chefuru.
• Nza na eleke na-ewu akwụ nʼakụkụ ebe ịchụ aja nke ụlọnsọAbụ 84:3
  Amaokwu ndị ahụ

  Abụ 84:3Ọ bụladị ụmụ nnụnụ nta nke eluigwe, achọtala ebe obibi; eleke achọtakwarala onwe ya akwụ, ebe ọ ga na-edebe ụmụ ya, nʼakụkụ ebe ịchụ aja nsọ gị, O Onyenwe anyị, Onye pụrụ ime ihe niile, Eze m na Chineke m.
• Nnụnụ adịghị akụ mkpụrụ, adịghị ewe ihe ubi, adịghị achịkọba nʼọbaMat 6:26
  Amaokwu ndị ahụ

  Mat 6:26Werenụ ụmụ nnụnụ dị ka ihe ịmaatụ. Ha adịghị akụ mkpụrụ nʼubi maọbụ ewe ihe ubi. Ha adịghị achịkọtakwa ihe debe nʼọba. Ma Nna unu nke bi nʼeluigwe na-azụ ha. Ọ bụ na unu adịghị oke ọnụahịa karịa ha?
• Nnụnụ na-ewu akwụ nʼalaka osisi mọstaadị toro etoMat 13:32
  Amaokwu ndị ahụ

  Mat 13:32Ọ bụ ezie na ọ bụ mkpụrụ dịkarịsịrị nta karịa mkpụrụ ubi niile, ma mgbe mkpụrụ a toro, ọ na-adị ukwuu karịa ihe niile a kụrụ nʼubi. Ọ na-aghọ osisi buru ibu, nke ụmụ nnụnụ na-ezukwa ike nʼalaka ya.”
• “Nkịta ọhịa nwere ọnụ ebe ha na-edina. Ụmụ nnụnụ nke igwe nwekwara akwụ”Mat 8:20
  Amaokwu ndị ahụ

  Mat 8:20Jisọs zara, sị, “Nkịta ọhịa nwere ọnụ ebe ha na-edina. Ụmụ nnụnụ nke igwe nwekwara akwụ; ma Nwa nke Mmadụ enweghị ebe obibi.”
• Mmadụ azụọla nnụnụ dị iche icheJem 3:7
  Amaokwu ndị ahụ

  Jem 3:7Mmadụ enweela ike zụọ, na-agbalịkwa ịzụ anụmanụ dị iche iche, na nnụnụ, na anụ na-akpụ akpụ, na anụ bi na mmiri;
• Solomọn kuziri banyere anụmanụ, nnụnụ, anụ na-akpụ akpụ na azụ1Ez 4:33
  Amaokwu ndị ahụ

  1Ez 4:33O kwuru okwu banyere osisi, site na osisi sida nke Lebanọn ruo nʼahịhịa hisọp nke na-eto na mgbidi aja, na ihe banyere ụmụ anụmanụ na anụ ufe, na anụ na-akpụgharị nʼala nakwa azụ.

Nʼime akụkọ ndị ahụ

• Nduru Noa lọtara ya na akwụkwọ oliv ọhụrụ e tụtụrụJen 8:8–12
  Amaokwu ndị ahụ

  Jen 8:8–12Emesịa, o zipụrụ otu nduru iji mata ma mmiri ọ kọọla nʼala, ma nduru ahụ achọtaghị ebe o nwere ike ibe, nʼihi na mmiri ka tojuru elu ụwa niile. Nʼihi ya, nduru ahụ lọghachikwutere Noa nʼime ụgbọ ahụ. Noa setịpụrụ aka ya nwụbata nduru ahụ nʼụgbọ. Mgbe abalị asaa gafere, Noa zipụrụ nduru ahụ ọzọ Nʼoge anyasị, nduru a lọghachiri. Ọ kpụ akwụkwọ oliv ọhụrụ ọ kụbitere nʼọnụ ya. Nke a gosiri Noa na mmiri ahụ ataala nʼelu ala. Mgbe abalị asaa gafere, Noa zipụkwara nduru ahụ ọzọ. Ma nʼoge a, ọ lọtakwaghị ọzọ.
• Nnụnụ na-eri anụ rịdakwasịrị ozu anụ Ebram, ọ chụpụ haJen 15:10–11
  Amaokwu ndị ahụ

  Jen 15:10–11Ebram wetaara ya ihe ndị a niile bọwaa ha ụzọ abụọ, doo ha nʼusoro ka otu akụkụ chee akụkụ nke ọzọ ihu. Ma ọ bọwaghị ụmụ nnụnụ ndị ahụ. Mgbe anụ ufe fekwasịrị ozu anụ ndị ahụ, Ebram chụpụrụ ha.
• Nʼanyasị, nnụnụ kweel kpuchiri ogige ahụỌpụ 16:13
  Amaokwu ndị ahụ

  Ọpụ 16:13Nʼoge uhuruchi ụbọchị ahụ, nnụnụ kweel bịara kpuchie ọmụma ụlọ ikwu ahụ. Nʼisi ụtụtụ echi ya, igirigi dakwara gburugburu ọmụma ụlọ ikwu ahụ.
• Ifufe si nʼosimiri bute nnụnụ kweel; ọ dịghị onye chịkọtara ihe na-erughị homa iriỌnụ 11:31–32
  Amaokwu ndị ahụ

  Ọnụ 11:31–32Otu oke ifufe sitere nʼebe Onyenwe anyị nọ bịa si nʼosimiri bute ọtụtụ nnụnụ a na-akpọ kweel. O mere ka nnụnụ ndị a daa nʼebe ụmụ Izrel mara ụlọ ikwu ha, nʼime ogige ya niile. Nnụnụ ndị a fere ihe dịka otu mita site nʼelu ala, nʼakụkụ niile, ruo nʼebe mmadụ pụrụ iji ụkwụ jeruo nʼotu ụbọchị. Ha jupụtakwara ebe niile. Ya mere ndị Izrel biliri ụbọchị ahụ niile, na nʼabalị ahụ niile, na echi ya niile pụọ ịchịkọta nnụnụ kweel ndị a! Onye gbutere nke nta gbutezuru ihe ọtụtụ homa iri. Ha gbasara ha akụkụ niile nke ogige ọmụma ụlọ ikwu ahụ.
• Ọkụkọ gbara abụba maka tebụl Solomọn; ọkụkọ kwa ụbọchị maka tebụl Nehemaya1Ez 4:23, Neh 5:18
  Amaokwu ndị ahụ

  1Ez 4:23na ehi iri mara abụba, na iri ehi abụọ a zụrụ nʼebe a na-azụ anụ, na narị atụrụ na ewu. A gụnyeghị anụ ele na mgbada na oke ele na ọkụkọ ọma a na-ewebata.

  Neh 5:18Ihe na-ezu nri a na-eri nʼụlọ m kwa ụbọchị bụ otu ehi na atụrụ isii gbara abụba, na ọtụtụ ọkụkụ, na ụdị mmanya dị iche iche a na-ebubata kwa ụbọchị iri ọbụla. Nʼagbanyeghị nke a, ọ dịghị mgbe ọbụla m nara site nʼaka ha ụtụ ihe oriri nke onye na-achị ala kwesiri inweta, nʼihi na ha onwe ha nọ na mkpa dị ukwuu.
• Oke ọkpa kwara akwa mgbe Pita jụrụ JisọsMat 26:74–75
  Amaokwu ndị ahụ

  Mat 26:74–75Ọ malitere ịbụ onwe ya ọnụ, na ịṅụ iyi sị, “Amaghị m nwoke a.” Mgbe ahụkwa oke ọkpa kwara akwa. Pita chetara okwu ahụ Jisọs kwuru sị, “Tupu oke ọkpa akwaa akwa, ị ga-agọnarị m ugbo atọ.” O si nʼebe ahụ pụọ, gaa kwaa akwa nke ukwuu.

Nʼime Iwu

• Wepụ ụmụ nnụnụ site nʼakwụ, ma hapụ nne nnụnụ ka ọ laaDit 22:6–7
  Amaokwu ndị ahụ

  Dit 22:6–7Ọ bụrụ na ị hụ akwụ nnụnụ tọgbọ nʼala, maọbụ nke dị nʼelu osisi, ọ bụrụkwa na ọ bụ nnụnụ nke nọ nʼelu ụmụ ya, maọbụ nʼelu akwa ya, ewerela nne na ụmụ nnụnụ ya. Hapụ nne nnụnụ ka ọ laa, ma were naanị ụmụ ya. Ihe ga-agakwara gị nke ọma nʼihi ya, ị ga-enwekwa ndụ ogologo.
• Ime ka onye ọrịa akpụkpọ dị ọcha: nnụnụ abụọ, a hapụ otu nʼọhịaLev 14:4–7
  Amaokwu ndị ahụ

  Lev 14:4–7onye nchụaja ga-enye iwu ka e weta nnụnụ abụọ dị ndụ, na ụfọdụ osisi sida, na eriri ogho uhie, na hisọp, maka onye ahụ a ga-emere mmemme ịdị ọcha. Onye nchụaja ga-enye iwu ka e gbuo otu nʼime nnụnụ abụọ ahụ nʼelu mmiri e si nʼọdọ mmiri na-asọ asọ kute nke dị nʼime ite aja. Ọ ga-ewere nnụnụ nke ọzọ dị ndụ, ya na osisi sida ahụ, na ogho uhie ahụ, na hisọp ahụ, denye ha nʼime ọbara nnụnụ ahụ e gburu nʼelu mmiri ahụ. Mgbe ahụ, onye nchụaja ga-efe ọbara ahụ ugboro asaa nʼahụ onye ahụ a na-eme ka ọ dị ọcha site nʼọrịa ekpenta. Ọ ga-ekwupụtakwa na a gwọọla onye ahụ. Emesịa, ọ ga-ahapụ nnụnụ ahụ ka o felaa nʼọhịa.
• Maka nwa Jisọs: ụmụ kpalakwukwu abụọ maọbụ ụmụ nduru abụọLuk 2:22, Luk 2:24
  Amaokwu ndị ahụ

  Luk 2:22Mgbe oge zuru maka mmemme nke ịdị ọcha dị ka iwu Mosis siri dị, ha kutere ya na Jerusalem iche ya nʼihu Onyenwe anyị

  Luk 2:24ha chụrụ aja dị ka e nyere nʼiwu Onyenwe anyị: “Ụmụ kpalakwukwu abụọ maọbụ ụmụ nduru abụọ.”

Okwu banyere ọnya

• “Ọ bụ ihe abaghị uru ịgbasa ụgbụ, nʼebe nnụnụ ọbụla na-ahụ ya anya”Ilu 1:17
  Amaokwu ndị ahụ

  Ilu 1:17Ọ bụ ihe abaghị uru ịgbasa ụgbụ, nʼebe nnụnụ ọbụla na-ahụ ya anya.
• “Nnụnụ ọ na-ama nʼọnya dị nʼala ma ọ bụrụ na o nweghị ọnya e siri ijide ya?”Ems 3:5
  Amaokwu ndị ahụ

  Ems 3:5Nnụnụ ọ na-ama nʼọnya dị nʼala ma ọ bụrụ na o nweghị ọnya e siri ijide ya? Ọnya e siiri anụ ọ na-akụchi ma ọ bụrụ na o nweghị ihe ọ matara?
• “Anyị agbanarịla ha dịka nwa nnụnụ si gbanarị ọnya osi ọnya”Abụ 124:7
  Amaokwu ndị ahụ

  Abụ 124:7Anyị agbanarịla ha dịka nwa nnụnụ si gbanarị ọnya osi ọnya chọrọ iji jide ya; ọnya ahụ agbajiela, anyị ewezugakwala onwe anyị, nwere onwe anyị.
• Dịka nnụnụ mara nʼọnyaEkl 9:12
  Amaokwu ndị ahụ

  Ekl 9:12Nke ka nke, ọ dịghị mmadụ ọbụla maara mgbe oge ya ga-eru: Ọ dị ka nnụnụ nke mara nʼọnya, maọbụ azụ e jidere nʼụgbụ. Dịka ha, ụmụ mmadụ na-adaba nʼọnya nke ihe ọjọọ mgbe ha na-atụghị anya ya.

Okwu ndị ọzọ

• “dị ka nnụnụ na-amakwaghị akwụ ya”Ilu 27:8
  Amaokwu ndị ahụ

  Ilu 27:8Nwoke na-akpafu site nʼụlọ ya dị ka nnụnụ na-amakwaghị akwụ ya.
• Ụlọ jupụtara nʼaghụghọ “Dịka nkata a kpara nke nnụnụ jupụtara nʼime ya”Jer 5:27
  Amaokwu ndị ahụ

  Jer 5:27Dịka nkata a kpara nke nnụnụ jupụtara nʼime ya, ụlọ ndị dị otu a jupụtara nʼaghụghọ. Nʼihi nke a, ha ghọrọ ndị ọgaranya na ndị dị ike,
• “adị m ka nwa nnụnụ naanị ya bekwasịrị nʼelu ụlọ”Abụ 102:7
  Amaokwu ndị ahụ

  Abụ 102:7Ana m amụ anya abalị niile; adị m ka nwa nnụnụ naanị ya bekwasịrị nʼelu ụlọ.
• “Dịka eleke maọbụ ụgbala ka m na-ebe akwa. Ana m asụ ude dịka nduru”Aịz 38:14
  Amaokwu ndị ahụ

  Aịz 38:14Dịka eleke maọbụ ụgbala ka m na-ebe akwa. Ana m asụ ude dịka nduru na-eru ụjụ. Ike gwụrụ anya m nʼihi ile anya nʼeluigwe. Anọ m nʼọnọdụ mkpagbu, Onyenwe anyị, bịa nyere m aka.”