Ele na mgbada nʼime Baịbụl

• E nwere ike iri ele na mgbada, ma onye dị ọcha ma onye na-adịghị ọchaDit 12:15, Dit 14:5
  Amaokwu ndị ahụ

  Dit 12:15Otu ọ dị, ị pụrụ ịnọ nʼebe ọbụla gbuo anụ ị ga-eri, dịka ọ bụ ele maọbụ mgbada ugbu a. Rie anụ mgbe ọbụla ọ gụrụ gị agụụ, na-erikwa ya mgbe ọbụla i nwetara ya, dịka ngọzị Onyenwe anyị Chineke unu na-enye unu. Ma onye dị ọcha, ma onye na-adịghị ọcha nwere ike iso rie ya.

  Dit 14:5na ele nta, na mgbada, na atụrụ ọhịa, na ewu ọhịa, ele ukwu, na anịgọ bi nʼelu ugwu.
• E wetara ele, mgbada na oke ele maka tebụl Solomọn1Ez 4:22–23
  Amaokwu ndị ahụ

  1Ez 4:22–23Ihe oriri a na-ewebata nʼụlọ Solomọn ụbọchị niile bụ otu narị bushel ụtụ ọka na iri bushel asatọ, na iri akpa ọka a kwọrọ akwọ isii, na ehi iri mara abụba, na iri ehi abụọ a zụrụ nʼebe a na-azụ anụ, na narị atụrụ na ewu. A gụnyeghị anụ ele na mgbada na oke ele na ọkụkọ ọma a na-ewebata.
• Job: nne ele na-amakpu ịmụ nwa ya; ụmụ ya na-eto nʼọhịaJob 39:1–4
  Amaokwu ndị ahụ

  Job 39:1–4“Ị maara mgbe ewu ọhịa bi nʼelu ugwu ji amụ nwa? O nweela mgbe ị ji hụ nne ele ka ọ na-amụpụta nwa ya? Ị na-agụkọ ọnwa ole afọ ime ha na-adị tupu ha amụọ nwa ha. Ị maara oge ha na-amụ ụmụ ha? Ha na-amakpuru ala mụpụta nwa ha. Ihe mgbu nke ọmụmụ nwa ha ebiekwa. Ụmụ ha na-eto nʼọhịa gbasiekwa ike. Ha na-apụ, ha adịghị alaghachikwute ha ọzọ.
• Nʼoge ụkọ mmiri, nne ele na-ahapụ nwa ọhụrụ ya nʼihi na ahịhịa adịghịJer 14:5
  Amaokwu ndị ahụ

  Jer 14:5Ọ bụladị nne ele, nke nọ nʼọhịa, na-ahapụ nwa ọhụrụ ya, nʼihi na ahịhịa ndụ adịghị.
• “Dịka agụụ ịṅụ mmiri si na-agụ nne ele”Abụ 42:1
  Amaokwu ndị ahụ

  Abụ 42:1Abụ Ọma nke dịrị onyeisi abụ. Abụ Maskil nke ụmụ Kora. Dịka agụụ ịṅụ mmiri si na-agụ nne ele, otu a ka agụụ ihe banyere gị si na-agụ m, O Chineke.
• Ele na-enweghị ebe ịta nri enweghị ike ịgbapụ ndị na-achụ haAkw 1:6
  Amaokwu ndị ahụ

  Akw 1:6Ịma mma niile esitela nʼahụ ada Zayọn pụọ. Ụmụ eze ya dị ka ele nke na-enweghị ike ịchọta ebe ịta nri. Nʼihi adịghị ike ha, ha esitela nʼihu ndị na-achụ ha ọsọ gbalaga.
• Mgbada na-anapụta onwe ya site nʼaka dintaIlu 6:5
  Amaokwu ndị ahụ

  Ilu 6:5Napụta onwe gị, dịka mgbada site nʼaka dinta, maọbụ dịka nnụnụ site nʼọnya osi ọnya.

Okwu

• Asahel na-agba ọsọ dịka mgbada ọhịa2Sa 2:18
  Amaokwu ndị ahụ

  2Sa 2:18Ụmụ Zeruaya atọ nọ nʼebe ahụ, ya bụ, Joab, na Abishai na Asahel. Asahel bụ nwoke na-agba ọsọ dịka mgbada.
• Ndị dike Gad dị gara gara dịka ele nʼelu ugwu1Ih 12:8
  Amaokwu ndị ahụ

  1Ih 12:8Ndị a bụkwa dike nʼagha sitere nʼebo Gad gbasoo Devid nʼebe e wusiri ike ya dị nʼọzara. Ha bụkwa ndị ọka nʼiji ùbe na ọta alụ agha. Ha dịkwa gara gara dịka ele nʼelu ugwu, ihu ha dịkwa ka ihu ọdụm.
• “Ọ na-eme ka ụkwụ m dị gara gara, dịka nke nne ele” nʼebe dị elu2Sa 22:34, Abụ 18:33, Hab 3:19
  Amaokwu ndị ahụ

  2Sa 22:34Ọ na-eme ka ụkwụ m dị gara gara, dịka nke nne ele Ọ na-emekwa ka m kwụrụ chịm nʼebe niile dị elu.

  Abụ 18:33Ọ na-eme ka ụkwụ m dị gara gara, dịka nke nne ele; Ọ na-emekwa ka m kwụrụ chịm nʼebe niile dị elu.

  Hab 3:19Onye kachasị ihe niile elu, bụ Onyenwe anyị bụ ike m, ọ na-eme ụkwụ m abụọ ka ha dịka nke ele. Ọ na-emekwa ka m zọọ ije nʼebe niile dị elu. Nke a dịrị onyeisi abụ, nʼụbọ akwara m dị iche iche.
• “Nne anụ nke na-ahụ nʼanya, dịka ele mara mma”Ilu 5:19
  Amaokwu ndị ahụ

  Ilu 5:19Nne anụ nke na-ahụ nʼanya, dịka ele mara mma, ka ara dị ya nʼobi zuore gị, ka ịhụnanya ya na-enye gị obi ụtọ mgbe ọbụla.
• Onye a hụrụ nʼanya, dịka mgbada maọbụ nwa ele nʼelu ugwuAbụk 2:9, Abụk 2:17, Abụk 8:14
  Amaokwu ndị ahụ

  Abụk 2:9Onye m hụrụ nʼanya yiri mgbada, o yiri nwa ele. Lee ya ka ọ na-eguzo nʼazụ mgbidi anyị, ọ na-esikwa na oghereikuku na nʼoghere dị ya na-elebata anya.

  Abụk 2:17tutu chi ụtụtụ abọọ mgbe onyinyo niile na-agabigakwa. Tụgharịa, onye m hụrụ nʼanya, dị ka mgbada maọbụ nwa ele nke nọ nʼelu ugwu.

  Abụk 8:14Soro m ka anyị pụọ, onye m hụrụ nʼanya, bịakwute m dịka mgbada, maọbụ dịka nwa ele na-awụgharị nʼelu ugwu ebe ụda dị iche iche na-esi isi ụtọ jupụtara.
• “eji m nne mgbada niile na nne ele ọhịa niile na-agba unu iyi”Abụk 2:7
  Amaokwu ndị ahụ

  Abụk 2:7Unu ụmụ agbọghọ Jerusalem, eji m nne mgbada niile na nne ele ọhịa niile na-agba unu iyi sị: Unu akpọtela maọbụ mee ka ịhụnanya teta, ruo mgbe ọ masịrị ya.
• “Naftalị dịka nne ele a hapụrụ ahapụ”Jen 49:21
  Amaokwu ndị ahụ

  Jen 49:21“Naftalị dịka nne ele a hapụrụ ahapụ, nke na-amụpụta ụmụ ele mara mma.