Tsuntsaye a cikin Littafi Mai Tsarki

• An halicci tsuntsaye tare da halittun teku a rana ta biyarFar 1:20–23
  Ayoyin

  Far 1:20–23Allah ya ce, “Bari ruwa yă cika da halittu masu rai, bari tsuntsaye kuma su tashi sama a bisa duniya a sararin sama.” Allah ya halicci manyan halittun teku, da kowane mai rai da abin da yake motsi a ruwa, bisa ga irinsu, da kuma kowane tsuntsu mai fiffike bisa ga irinsa. Allah kuwa ya ga yana da kyau. Allah ya albarkace su ya ce, “Ku yi ta haihuwa ku kuma ƙaru da yawa, ku cika ruwan tekuna, bari kuma tsuntsaye su yi yawa a bisa duniya.” Yamma ta kasance, safiya kuma ta kasance, kwana ta biyar ke nan.
• Bayan rigyawa, an ba da tsuntsaye ma a matsayin abinciFar 9:2–3
  Ayoyin

  Far 9:2–3Dukan namun jeji da dukan tsuntsayen sama da kowace halitta mai rarrafe a ƙasa, da dukan kifayen teku, za su riƙa jin tsoronku, suna fargaba. An sa su a cikin hannuwanku. Kome da yake da rai wanda yake tafiya, zai zama abincinku. Kamar yadda na ba ku kowane irin ganye, haka na ba ku kome da kome.
• Isra’ila za su iya cin kowane tsuntsu mai tsabtaM Sh 14:11
  Ayoyin

  M Sh 14:11Za ku iya cin kowane tsuntsu mai tsabta.
• Ba za a ci ba: gaggafa, ungulai, hankaka, jimina, mujiyoyi, shamuwa, jinjimi, katutu, jamageFir 11:13–19
  Ayoyin

  Fir 11:13–19“ ‘Waɗannan su ne tsuntsayen da za ku yi ƙyamarsu, ba za ku ci su ba domin sun zama abin ƙyama. Tsuntsayen kuwa su ne, gaggafa, ungulu, baƙin ungulu, shirwa, da duk wani irin baƙin shirwa, kowane irin hankaka, mujiya mai ƙaho, jimina, shaho, da kowane irin shaho, ƙaramin ƙururu, babba da jaka, zalɓe, kazar ruwa, kwasakwasa, da ungulu, shamuwa, kowane irin jinjimi, katutu da kuma jamage.
• Tsuntsaye sukan yi sheƙa kusa da maɓuɓɓugai su yi waƙa a cikin rassaZab 104:12
  Ayoyin

  Zab 104:12Tsuntsaye sarari suna sheƙunansu kusa da ruwan; suna rera cikin rassa.
• Shamuwa tana da gidanta a itatuwan firZab 104:17
  Ayoyin

  Zab 104:17A can tsuntsaye suke sheƙunnansu; shamuwa tana da gidanta a itatuwan fir.
• A bazara ana jin kukan kurciyoyiWW 2:12
  Ayoyin

  WW 2:12Furanni sun hudo a duniya; lokaci yin waƙa ya zo, ana jin kukan kurciyoyi ko’ina a ƙasarmu.
• Shamuwa, kurciya, mashirare da zalɓe sukan lura da lokacin ƙauransuIrm 8:7
  Ayoyin

  Irm 8:7Ko shamuwa ta sararin sama ma takan san lokutan da aka tsara mata, kurciya, mashirare da kuma zalɓe sukan lura da lokacin ƙauransu. Amma mutanena ba su san abubuwan da Ubangiji yake bukata ba.
• Jimina takan bar ƙwayayenta a ƙasa don su ji ɗumi a cikin yashiAyu 39:14–15
  Ayoyin

  Ayu 39:14–15Tana sa ƙwai nata a ƙasa kuma ta bar su su yi ɗumi a cikin ƙasa, ba tă damu ko za a taka su a fasa su, ko waɗansu manyan dabbobi za su tattake su.
• Sa’ad da ta buɗe fikafikanta, jimina takan yi wa doki da mai hawansa dariyaAyu 39:18
  Ayoyin

  Ayu 39:18Duk da haka sa’ad da ta buɗe fikafikanta ta shara da gudu tana yi wa doki da mai hawansa dariya.
• Shirwa takan baza fikafikanta zuwa kuduAyu 39:26
  Ayoyin

  Ayu 39:26“Ko ta wurin hikimarka ce shirwa take firiya take kuma baza fikafikanta zuwa kudu?
• Ana sayar da kanari biyu a kobo ɗaya, ko biyar a kobo biyuMat 10:29, Luk 12:6
  Ayoyin

  Mat 10:29Ba akan sayar da kanari biyu kobo ɗaya ba? Duk da haka ba ɗayansu da zai fāɗi ƙasa ba da yardar Ubanku.

  Luk 12:6Ba ana sayar da kanari biyar a kan kobo biyu ba? Duk da haka, Allah bai manta da ko ɗayansu ba.
• Tsada da tsatsewa suna yin sheƙa kusa da bagadan haikaliZab 84:3
  Ayoyin

  Zab 84:3Har tsada ma ta sami gida, tsatsewa kuma ta yi wa kanta sheƙa, inda za tă ƙyanƙyashe ’ya’yanta, wuri kusa da bagadenka, Ya Ubangiji Maɗaukaki, Sarkina da kuma Allahna.
• Tsuntsaye ba sa shuka ko girbi ko tarawa cikin rumbunaMat 6:26
  Ayoyin

  Mat 6:26Ku dubi tsuntsayen sararin sama mana; ba sa shuki ko girbi ko ajiya a rumbuna, duk da haka, Ubanku na sama yana ciyar da su. Ashe, ba ku fi su daraja nesa ba?
• Tsuntsaye sukan yi sheƙa a rassan tsiron mastad da ya yi girmaMat 13:32
  Ayoyin

  Mat 13:32Ko da yake ita ce mafi ƙanƙanta cikin ƙwayoyinku, duk da haka sa’ad da ta yi girma, takan zama mafi girma cikin tsire-tsiren lambu ta kuma zama itace, har tsuntsayen sararin sama su zo su yi sheƙa a rassansa.”
• “Yanyawa suna da ramummuka, tsuntsayen sararin sama suna da sheƙuna”Mat 8:20
  Ayoyin

  Mat 8:20Sai Yesu ya amsa ya ce, “Yanyawa suna da ramummuka, tsuntsayen sararin sama suna da sheƙuna, amma Ɗan Mutum ba shi da wurin da zai sa kansa.”
• Mutum ya horar da kowane irin tsuntsuYaƙ 3:7
  Ayoyin

  Yaƙ 3:7Kowace irin dabba, tsuntsu, masu ja da ciki da kuma halittun da suke cikin teku an sarrafa su kuma mutum ne ya sarrafa,
• Solomon ya koyar game da dabbobi, tsuntsaye, abubuwa masu rarrafe da kifi1Sar 4:33
  Ayoyin

  1Sar 4:33Ya yi magana a kan rayuwar itatuwa, daga al’ul na Lebanon zuwa hizzob da yake girma a bangaye. Ya kuma yi koyarwa game da dabbobi, da tsuntsaye, da abubuwa masu rarrafe, da kuma kifi.

A cikin labarai

• Kurciyar Nuhu ta dawo da sabon ganyen zaitun da ta tsinkaFar 8:8–12
  Ayoyin

  Far 8:8–12Sai ya saki kurciya don yă ga in ruwan ya janye daga doron ƙasa. Amma kurciyar ba tă sami inda za tă sa ƙafafunta ba gama akwai ruwa a dukan doron ƙasa, saboda haka ta komo wurin Nuhu a jirgi. Ya miƙa hannunsa ya ɗauko kurciyar ya shigar da ita wurinsa a cikin jirgi. Ya ƙara jira kwana bakwai, sai ya sāke aiken kurciyar daga jirgi. Sa’ad da kurciya ta komo wurinsa da yamma, sai ga ɗanyen ganyen zaitun da ta tsinko a bakinta! Sa’an nan Nuhu ya san cewa ruwa ya janye daga duniya. Ya ƙara jira kwana bakwai, sai ya sāke aiken kurciyar, amma a wannan ƙaro ba tă komo wurinsa ba.
• Tsuntsaye masu farauta sun sauko a kan gawawwakin Abram, ya kuma kore suFar 15:10–11
  Ayoyin

  Far 15:10–11Abram ya kawo waɗannan duka a gaban Allah, ya raba kowannensu a tsakiya, ya ajiye su gab da juna, amma bai tsaga tsuntsayen a tsaka ba. Sai tsuntsaye masu cin nama suka sauko a kan gawawwakin, amma Abram ya kore su.
• Da yamma makwarwa sun rufe sansaniFit 16:13
  Ayoyin

  Fit 16:13Da yamman wannan rana, sai makware suka rufe dukan sansani, da safe kuma sai ga raɓa ta kewaye sansani.
• Makwarwa da aka kora daga teku; ba wanda ya tattara ƙasa da homer gomaƘid 11:31–32
  Ayoyin

  Ƙid 11:31–32Ana nan, sai Ubangiji ya kawo wata iska mai tsanani ta koro makware daga teku. Ta bar su birjik kewaye da sansani, tsayinsu daga ƙasa ya kai kamu biyu, misalin tafiyar nisan yini guda ta kowace fuska. Dukan yini da dukan dare da kuma kashegari, mutane suka fito suka tattara makware. Ba wanda ya kāsa tara ƙasa da garwa goma. Sai suka shanya abinsu kewaye da sansanin.
• Kaji masu ƙiba domin teburin Solomon; tsuntsaye kowace rana domin na Nehemiya1Sar 4:23, Neh 5:18
  Ayoyin

  1Sar 4:23shanun da aka yi kiwo a gida guda goma, shanu ashirin da suka ƙoshi daga kiwo, tumaki da awaki ɗari; ban da ƙishimai, bareyi, batsiyoyi, da kaji masu ƙiba.

  Neh 5:18Kowace rana akan shirya mini saniya ɗaya, zaɓaɓɓun tumaki shida da waɗansu kaji, kuma kowace kwana goma akan tanadar da ruwan inabi na kowane iri a yalwace. Duk da haka, ban taɓa nemi a ba ni abincin da akan ba wa gwamna ba, domin wahala ta yi wa jama’a yawa.
• Zakara ya yi cara yayinda Bitrus yake musun YesuMat 26:74–75
  Ayoyin

  Mat 26:74–75Sai ya fara la’antar kansa, yana ta rantsuwa yana ce musu, “Ban ma san mutumin nan ba!” Nan da take, sai zakara ya yi cara. Sai Bitrus ya tuna da maganar da Yesu ya yi cewa, “Kafin zakara yă yi cara, za ka yi mūsun sani na sau uku.” Sai ya fita waje, ya yi ta kuka.

A cikin Doka

• Ka ɗauki ’ya’ya daga sheƙa, amma ka bar uwar tsuntsun ta tafiM Sh 22:6–7
  Ayoyin

  M Sh 22:6–7In kuka ga gidan tsuntsu kusa da hanya, ko a kan itace, ko kuma a ƙasa, mahaifiyar tsuntsun kuwa tana kwance a kan ’ya’yanta, ko kuwa a kan ƙwanta, kada ku kama mahaifiyar duk da ’ya’yan. Za ku iya kwashe ’ya’yan, amma ku tabbata kun bar mahaifiyar tă tafi. Yin haka zai sa ku sami zaman lafiya da tsawon rai.
• Tsabtacewa daga cutar fata: tsuntsaye biyu, akan saki ɗaya cikin filiFir 14:4–7
  Ayoyin

  Fir 14:4–7firist zai umarta a kawo tsuntsaye biyu masu rai, masu tsabta da itacen al’ul, jan ƙyalle da kuma hizzob saboda mutumin da za a tsabtacce. Sa’an nan firist zai umarta a kashe ɗaya daga cikin tsuntsayen a bisa ruwa mai kyau a tukunyar laka. Zai ɗauki tsuntsu mai rai ya tsoma shi tare da itacen al’ul, jan ƙyalle da kuma hizzob cikin jinin tsuntsun da aka yanka a bisa ruwa mai kyau. Sau bakwai zai yayyafa wa mutumin da za a tsabtacce daga cutar mai yaɗuwa ya kuma furta shi tsarkakakke. Sa’an nan ya saki tsuntsu mai rai ɗin ya tafi.
• Domin jariri Yesu: kurciyoyi biyu ko ’yan tattabarai biyuLuk 2:22, Luk 2:24
  Ayoyin

  Luk 2:22Da lokacin tsarkakewarsu bisa ga Dokar Musa ya cika, sai Yusuf da Maryamu suka ɗauke shi suka haura zuwa Urushalima don su miƙa shi ga Ubangiji

  Luk 2:24don kuma su miƙa hadaya bisa ga abin da aka faɗa a Dokar Ubangiji cewa, “kurciyoyi biyu ko ’yan tattabarai biyu.”

Maganganu game da tarko

• “Ba shi da amfani a kafa tarko a idanun dukan tsuntsaye!”K Mag 1:17
  Ayoyin

  K Mag 1:17Ba shi da amfani a kafa tarko a idanun dukan tsuntsaye!
• “Tsuntsu yakan fāɗa a tarko a ƙasa inda ba a sa tarko ba”Amos 3:5
  Ayoyin

  Amos 3:5Tsuntsu yakan fāɗa a tarko a ƙasa inda ba a sa tarko ba, ko tarko yakan zargu daga ƙasa in ba abin da ya taɓa shi?
• “Mun tsira kamar tsuntsu daga tarkon mai farauta”Zab 124:7
  Ayoyin

  Zab 124:7Mun tsira kamar tsuntsu daga tarkon mai farauta; an tsinke tarko, muka kuwa tsira.
• Kamar tsuntsayen da aka kama a tarkoM Had 9:12
  Ayoyin

  M Had 9:12Ban da haka ma, ba wanda ya san sa’ad da lokacin mutuwarsa zai yi. Kamar yadda akan kama kifi a muguwar raga, ko a kama tsuntsu a tarko, haka mugun lokaci yakan auko wa mutane, ba tsammani.

Waɗansu maganganu

• “Kamar tsuntsun da ya ɓace daga sheƙarsa”K Mag 27:8
  Ayoyin

  K Mag 27:8Kamar tsuntsun da ya ɓace daga sheƙarsa haka yake da mutumin da ya bar gidansa.
• Gidaje cike da ruɗu “Kamar keji cike da tsuntsaye”Irm 5:27
  Ayoyin

  Irm 5:27Kamar keji cike da tsuntsaye, gidajensu sun cika da ruɗu; sun yi arziki suka kuma zama masu iko
• “kamar tsuntsun da yake shi kaɗai a kan rufin ɗaki”Zab 102:7
  Ayoyin

  Zab 102:7Na kwanta a faɗake; na zama kamar tsuntsun da yake shi kaɗai a kan rufin ɗaki.
• “Na yi kuka kamar mashirare ko zalɓe, na yi kuka kamar kurciya mai makoki”Ish 38:14
  Ayoyin

  Ish 38:14Na yi kuka kamar mashirare ko zalɓe, na yi kuka kamar kurciya mai makoki. Idanuna suka rasa ƙarfi yayinda na duba sammai. Na damu; Ya Ubangiji, ka taimake ni!”