Ugo nʼime Baịbụl

• Ugo so na nnụnụ Izrel na-ekwesighị iriLev 11:13, Dit 14:12
  Amaokwu ndị ahụ

  Lev 11:13“ ‘Ndị a bụ nnụnụ ndị unu ga-asọ asọ, nke unu na-ekwesighị iri nʼihi na ha bụ ihe arụ a na-asọ oyi: ugo, udele na udele ojii,

  Dit 14:12ma unu agaghị eri ndị a: ugo, na udele, na udele ojii,
• Ugo na-ewu akwụ ya nʼelu, nʼelu nkume dị eluJob 39:27–28
  Amaokwu ndị ahụ

  Job 39:27–28Ọ bụ gị nyere ugo iwu ifeli elu ma wuo akwụ ya nʼebe dị elu? Nʼelu nkume dị elu ka ọ na-ebi nọọkwa ọnọdụ abalị; ọwara nkume dị elu bụ ebe e wusiri ike ya.
• Site nʼebe ahụ ọ na-enyochapụta ihe ọ ga-eburuJob 39:29
  Amaokwu ndị ahụ

  Job 39:29O bụ site nʼebe ahụ ka ọ na-esi enyochapụta ihe ọ ga-eburu.
• Ụmụ ya na-amịcha ọbara; ebe ndị e gburu egbu dị, ebe ahụ ka ọ na-anọJob 39:30
  Amaokwu ndị ahụ

  Job 39:30Ụmụ ya na-amịchakwa ọbara, nʼihi na ebe ọ na-aga bụ ebe ọbụla ọ ga-ahụ ihe e gburu egbu.”
• Ugo na-akpọte ụmụ dị nʼakwụ ya, na-erugharị nʼelu haDit 32:11
  Amaokwu ndị ahụ

  Dit 32:11dịka ugo nke na-akpọte ụmụ dị nʼakwụ ya, nke na-erugharị nʼelu ụmụ ya, nke na-agbasapụ nku ya ijide ha, nke na-ebu ha na nku ya,
• Ugo na-efeda ngwangwa ijide anụ ọ ga-eriJob 9:26, Jer 49:22
  Amaokwu ndị ahụ

  Job 9:26Ha na-agafe dịka ụgbọ mmiri papịrọs, dịka mgbe ugo na-efeda ngwangwa ijide anụ ọ ga-eri.

  Jer 49:22Lee, otu ugo ga-efeli elu, fedatakwa. Ọ ga-agbasapụ nku ya kpuchie ala Bozra niile. Nʼụbọchị ahụ, obi ndị bu dike nʼagha nʼEdọm ga-adị ka obi nwanyị ime na-eme.
• “Otu ugo si efegharị na mbara eluigwe” — otu nʼime ihe anọ na-agbagwoju anyaIlu 30:18–19
  Amaokwu ndị ahụ

  Ilu 30:18–19“Ọ dị ihe atọ na-agbagwoju m anya, apụghị m ịghọta ha; mbaa, ha dị anọ! Otu ugo si efegharị na mbara eluigwe; otu agwọ si akpụ nʼelu nkume, otu ụgbọ mmiri si achọta ụzọ ya nʼoke osimiri; na otu ịhụnanya si eto nʼetiti nwoke na nwaagbọghọ.

Okwu

• Ọsọ karịa ugo: Sọl na Jonatan, ndị na-achụ ọsọ, ịnyịnya2Sa 1:23, Akw 4:19, Jer 4:13
  Amaokwu ndị ahụ

  2Sa 1:23Sọl na Jonatan, na ndụ ha bụ ndị a hụrụ nʼanya. Ndị jupụtara nʼamara. Ma nʼọnwụ, nkewa ọbụla adịghị nʼetiti ha. Ha dị gara gara karịa ugo. Ha dị ike karịa ọdụm.

  Akw 4:19Ndị na-achụ anyị ọsọ na-agbasi ọsọ ike karịa ugo na-efe na mbara eluigwe. Ha chụgharịrị anyị nʼelu ugwu niile, nọrọkwa nʼọzara zoo onwe ha na-eche anyị.

  Jer 4:13Lee anya, ha na-abịa dịka igwe ojii. Ụgbọala agha ya na-abịa dịka oke ifufe, ịnyịnya ha niile na-agbasikwa ọsọ ike karịa ugo. Ahụhụ dịrị anyị, anyị abụrụla ndị e bibiri ebibi! Anyị abụrụla ndị na-aga ịla nʼiyi!
• Na Saịnaị: “buru unu na nku ugo”Ọpụ 19:4
  Amaokwu ndị ahụ

  Ọpụ 19:4‘Unu onwe unu ahụla ihe m mere ndị Ijipt, hụkwa otu m siri buru unu na nku ugo, si otu a, dọtara unu onwe m.
• Mba si nʼebe dị anya na-efedata dịka ugoDit 28:49
  Amaokwu ndị ahụ

  Dit 28:49Onyenwe anyị ga-eme ka mba si nʼebe dị anya na nsọtụ ụwa, bịakwasị gị, imegide gị. Mba a ga-adị gara gara dịka ugo, ọ ga-abụkwa mba ị na-amaghị asụsụ ha,
• Nʼoge iru ụjụ: “meenụ ka isi unu kwọchaa dịka isi udele”Mai 1:16
  Amaokwu ndị ahụ

  Mai 1:16Kpachaanụ isi unu nʼọnọdụ iru ụjụ nʼihi ụmụntakịrị ndị ahụ ihe ha masịrị unu, meenụ ka isi unu kwọchaa dịka isi udele, nʼihi na a ga-achụpụ ha site nʼebe unu nọ gaa mba ọzọ.
• Akụ “nwere nku dịka nnụnụ ugo”Ilu 23:5
  Amaokwu ndị ahụ

  Ilu 23:5Nʼihi na akụ nwere ike ifu nʼotu ntabi anya dịka a ga-asị na ha nwere nku dịka nnụnụ ugo.
• “ka oge okorobịa gị bụrụ ihe a gbanwere dịka nke ugo”Abụ 103:5
  Amaokwu ndị ahụ

  Abụ 103:5onye na-eji ezi ihe na-emejupụta ọchịchọ gị niile, ka oge okorobịa gị bụrụ ihe a gbanwere dịka nke ugo.
• “Ha ga-eji nku felie elu dịka ugo”Aịz 40:31
  Amaokwu ndị ahụ

  Aịz 40:31ma ndị niile olileanya ha dị na Onyenwe anyị, ga-agbanwe ike ha, nweta ike ọhụrụ. Ha ga-eji nku felie elu dịka ugo. Ha ga-agba ọsọ, ma ike agaghị agwụ ha; ha ga-aga ije ma ha agaghị ada mba.
• “A sịkwarị na i wuo akwụ gị nʼebe dị elu, dịka ebe ugo ga-ewu akwụ ya”Jer 49:16, Ọbd 1:4
  Amaokwu ndị ahụ

  Jer 49:16Ịdị egwu gị nke na-eyinye ndị mmadụ egwu, na nganga nke obi gị eduhiela gị, gị onye na-ebi na mgbawa niile nke nkume dị elu, gị onye ji ebe niile dị elu nke ugwu nʼaka ya. A sịkwarị na i wuo akwụ gị nʼebe dị elu, dịka ebe ugo ga-ewu akwụ ya, aga m esite nʼebe ahụ kpụdata gị nʼala, otu a ka Onyenwe anyị kwubiri ya.

  Ọbd 1:4A sịkwarị na i felie elu dịka ugo, ọ bụrụkwa na ị kpaa akwụ gị nʼetiti kpakpando, aga m esite nʼebe ahụ kpụdata gị nʼala.” Otu a ka Onyenwe anyị kwubiri.