Atụrụ nʼime Baịbụl

• Ebel bụ onye na-azụ atụrụJen 4:2
  Amaokwu ndị ahụ

  Jen 4:2Emesịa Iiv mụtara nwanne ya nwoke Ebel. Ebel ghọrọ onye na-azụ igwe atụrụ. Ma Ken ghọrọ onye ọrụ ubi.
• Ebel wetara ụmụ mbụ nke igwe atụrụ yaJen 4:4
  Amaokwu ndị ahụ

  Jen 4:4Ma Ebel, ya onwe ya nyekwara onyinye site nʼigwe ewu na atụrụ ya e bụ ụzọ mụọ, nke mara abụba. Onyenwe anyị nabatara Ebel na onyinye ya,
• Ebraham hụrụ ebule nke eriri ọhịa jidere na mpi yaJen 22:13
  Amaokwu ndị ahụ

  Jen 22:13Ebraham leliri anya hụ otu ebule nke eriri ọhịa jidere na mpi ya. Ebraham gara jide ebule ahụ, were ya chụọ aja nsure ọkụ nʼọnọdụ nwa ya nwoke.
• Ndị ọzụzụ atụrụ kpụgharịrị nkume site nʼọnụ olulu mmiri iji nye igwe atụrụ mmiriJen 29:2–3
  Amaokwu ndị ahụ

  Jen 29:2–3NʼEbe Nsọ a, ọ hụrụ otu olulu mmiri, hụkwa ụzọ igwe atụrụ atọ ndị nọ nʼakụkụ olulu mmiri nʼihi na ndị na-elekọta ha na-enye ha mmiri site nʼolulu mmiri ahụ. Nkume e ji mechie ọnụ olulu mmiri ahụ buru ibu. Nʼihi na mgbe igwe atụrụ niile bịazukọtara nʼolulu mmiri ahụ, ndị ọzụzụ atụrụ na-emeghepụ nkume ahụ nye ha mmiri. Emesịa, ha na-ejikwa nkume ahụ mechie ọnụ olulu mmiri ahụ.
• Rechel bụ onye ọzụzụ atụrụ nwanyị; Jekọb nyere atụrụ nna ya mmiriJen 29:9–10
  Amaokwu ndị ahụ

  Jen 29:9–10Mgbe Jekọb na ndị ọzụzụ atụrụ ndị a kpụ okwu nʼọnụ, Rechel chịịrị atụrụ nna ya bịakwute ha, nʼihi na onye ọzụzụ atụrụ nwanyị ka ọ bụ. Mgbe Jekọb hụrụ Rechel nwa Leban nwanne nne ya, hụkwa igwe atụrụ Leban, ọ meghepụrụ nkume ahụ e ji mechie ọnụ olulu mmiri ahụ nye igwe atụrụ Leban, nwanne nne ya mmiri ka ha ṅụọ.
• Ụmụ agbọghọ Jetro asaa nyere igwe atụrụ mmiri, Mosis nyekwara ha akaỌpụ 2:16–17
  Amaokwu ndị ahụ

  Ọpụ 2:16–17Ma o nwere otu onye nchụaja obodo Midia mụtara ụmụ agbọghọ asaa. Nʼoge a, ha bịara iseta mmiri na ịgbanye ya nʼime ihe ịgbanye mmiri anụ ụlọ maka inye igwe anụ ụlọ nna ha mmiri. Ma ụfọdụ ndị na-azụ atụrụ bịara chụpụ ha. Mosis biliri ọtọ, bịa napụta ha, nyere ha aka nye igwe anụ ụlọ ha mmiri.
• Mosis na-azụ igwe anụ ụlọ Jetro mgbe ọ bịarutere HorebỌpụ 3:1
  Amaokwu ndị ahụ

  Ọpụ 3:1Nʼoge a, Mosis na-azụ igwe anụ ụlọ Jetro ọgọ ya nwoke, onye nchụaja na Midia. Otu ụbọchị, o duuru igwe anụ ụlọ ndị a gaa nʼakụkụ ọzara. Ọ batara Horeb, ugwu Chineke.
• Devid, ọdụdụ nwa, nọ nʼọhịa na-azụ atụrụ1Sa 16:11
  Amaokwu ndị ahụ

  1Sa 16:11Ọ jụrụ Jesi sị, “Ndị a ọ gwụchaala ụmụ ndị ikom ị mụtara?” Jesi zara sị “O fọdụrụ ọdụdụ nwa m, ma ọ nọ nʼọhịa na-azụ atụrụ.” Samuel sịrị, “Ziga ozi kpọlata ya, anyị agaghị anọdụ ala tutu ruo mgbe ọ bịara.”
• Jekọb dịka onye ọzụzụ atụrụ: okpomọkụ nʼehihie, oyi nʼabalị, anụ ọhịa na-eburu ụfọdụJen 31:38–40
  Amaokwu ndị ahụ

  Jen 31:38–40“Iri afọ abụọ ka mụ na gị nọrọ. O nweghị mgbe ime pụrụ ụmụ ewu na atụrụ gị; o nwekwaghị mgbe m riri ebule si nʼigwe anụ ụlọ gị. O nweghị mgbe m welataara gị anụ ụlọ nke anụ ọhịa dọgburu, kama akwụrụ m ụgwọ ha. I mekwara ka m kwụghachi gị anụ ụlọ ọbụla e zuru nʼohi, maọbụ nʼehihie, maọbụ nʼabalị. Nʼime oke anwụ nke ehihie ka m rụụrụ gị ọrụ. Rụọkwara gị ọrụ nʼoge oyi na-atụ, nʼabalị ụra sikwa nʼanya m pụọ.
• Ụgwọ ọrụ Jekọb: anụ tụrụ agwa agwa, nwee ntụpọ, na nke dị ojiJen 30:32
  Amaokwu ndị ahụ

  Jen 30:32Kwere ka m jegharịa nʼetiti igwe anụ ụlọ gị, ka m họpụta site nʼetiti igwe atụrụ gị ndị niile tụrụ agwa agwa, na ụmụ atụrụ niile dị oji, na ewu niile tụrụ agwa agwa. Atụrụ na ewu ndị a niile m ga-ahọpụta ga-abụ ụgwọ ọrụ m.
• Alaka osisi o kpechapụrụ nʼebe a na-enye anụ mmiri, na ụmụ anụ nwere akaraJen 30:37–39
  Amaokwu ndị ahụ

  Jen 30:37–39Mgbe ahụ Jekọb gara gbute ngalaba osisi pọpla, na osisi alụmọnd, na osisi plenụ, kpechapụ ahụ agbụgbọ osisi ndị a, si otu a mee ka ime ime ngalaba osisi ndị a dị ọcha pụta ìhè. Ọ tọgbọrọ osisi ndị a o kpechapụtara nʼebe ewu na atụrụ ndị a na-aṅụ mmiri, ka ha cherịta ịhụ ebe igwe anụ ụlọ ndị a nọ mgbe ọbụla ha na-aṅụ mmiri. Nke a mere mgbe igwe anụ ụlọ ndị a na-enwe ekpomọkụ nke ịgba ibe ha, nʼoge ha bịara ịṅụ mmiri, ọ bụ nʼihu ngalaba osisi ndị a ka ha na-anọ na-agba onwe ha. Mgbe anụ ụlọ ndị a mụrụ ụmụ, ahụ ụmụ ha na-atụ agwa agwa maọbụ nwe ntụpọ.
• Ndị ọzụzụ atụrụ na-eche igwe atụrụ ha nche nʼabalịLuk 2:8
  Amaokwu ndị ahụ

  Luk 2:8Ma e nwere ndị ọzụzụ atụrụ bi nʼọhịa nʼakụkụ ebe ahụ, ndị na-eche igwe atụrụ ha nche nʼabalị.
• Atụrụ maara olu onye ọzụzụ ha; ọ na-akpọ ha ahaJọn 10:3–4
  Amaokwu ndị ahụ

  Jọn 10:3–4Onye nche ọnụ ụzọ na-emeghere ya ụzọ, atụrụ ya na-anụkwa olu ya. Ọ na-akpọ atụrụ nke ya aha, ma duru ha pụọ. Mgbe ọ kpọpụtasịrị ndị niile bụ nke ya, ọ na-aga nʼihu ha. Atụrụ ya na-esokwa ya nʼazụ nʼihi na ha maara olu ya.

Ajị, mmiri ara na ịkpacha ajị

• Mmiri ara si nʼigwe atụrụ, abụba ụmụ atụrụ na ebule BashanDit 32:14
  Amaokwu ndị ahụ

  Dit 32:14na mmiri ara rahụrụ arahụ nke igwe ehi, na mmiri ara rahụrụ arahụ nke igwe ewu na atụrụ, na ụmụ atụrụ na mkpi gbara abụba, na oke ebule Bashan dị ezi mma, tinyere ezi obi ọka wiiti. Ị ṅụkwara mmanya na-agbọ ụfụfụ, nke bụ ọbara mkpụrụ vaịnị.
• Leban gara ịkpacha ajị atụrụ ya mgbe Rechel zuuru arụsị ahụJen 31:19
  Amaokwu ndị ahụ

  Jen 31:19Ka Leban gara ịkpachapụ ajị ụmụ atụrụ ya, Rechel zuuru arụsị ezinaụlọ nna ya.
• Juda gara ndị na-akpụcha ajị igwe atụrụ ya na TimnaJen 38:12–13
  Amaokwu ndị ahụ

  Jen 38:12–13Mgbe ọtụtụ oge gasịrị, nwunye Juda nwa Shua nwụrụ. Mgbe oge nkasiobi ya gasịrị, Juda jere Timna, ya na enyi ya Hira, onye Adulam, ilekọta ndị na-akpụchapụ igwe ewu na atụrụ ya ajị. A gwara Tama sị ya, “Nna di gị na-aga Timna ịkpacha atụrụ ya ajị.”
• Nebal nwere atụrụ 3,000 na ewu 1,000, na-akpụcha ajị ha na Kamel1Sa 25:2
  Amaokwu ndị ahụ

  1Sa 25:2Otu nwoke dị, onye obodo Maon, onye ikwu Kaleb, nke nwere akụnụba. O nwere igwe atụrụ dị puku atọ, na otu puku ewu, ndị ọ nọ nʼubi nʼoge a na-akpụchapụ ajị ha nʼobodo Kamel.
• Oge ịkpacha ajị bụ oge oriri: nke Nebal na nke Absalọm1Sa 25:11, 1Sa 25:36, 2Sa 13:23–24
  Amaokwu ndị ahụ

  1Sa 25:11M ga-ewere achịcha m, na mmiri m, na anụ m gburu nʼihi ndị na-akpachara m ajị anụ nye ndị m na-amaghị ebe ha sị pụta?”

  1Sa 25:36Mgbe Abigel batara nʼụlọ, o jekwuru Nebal ebe ọ nọ nʼoriri ọ kpọrọ, oriri dịka oriri a na-enwe nʼụlọeze. Ọ ṅụọkwala mmanya ṅụbigakwa ya oke; nʼihi ya ọ gwaghị ya ihe ọbụla tutu ruo nʼụtụtụ.

  2Sa 13:23–24Mgbe afọ abụọ gasịrị, mgbe ndị na-akpụchara Absalọm ajị ụmụ atụrụ ya nọ na Baal-Hazọ, nʼoke ala Ifrem, ọ kpọkọtara ụmụ ndị ikom eze niile ka ha bịa nʼebe ahụ. Absalọm jekwuuru eze sị ya, “Ndị na-akpụcha ajị ụmụ atụrụ ohu gị bịara. Eze na ndịisi ozi ya, ha ga-abịa sonyere m?”
• Ajị mbụ a kpachara site nʼigwe atụrụ bụ nke ndị nchụajaDit 18:3–4
  Amaokwu ndị ahụ

  Dit 18:3–4Nke ga-abụ oke ruuru ndị nchụaja nʼebe ndị mmadụ nọ, nʼebe ndị na-achụ aja, site nʼanụ ehi maọbụ atụrụ: a ga-enye onye nchụaja ubu aka ya, agba ya abụọ na afọ ya. Ha ga-enwetakwa mkpụrụ mbụ nke owuwe ihe ubi unu, ya bụ, ọka mbụ unu, mmanya vaịnị ọhụrụ unu, mmanụ oliv unu na ajị mbụ a kpụchapụtara site nʼahụ igwe atụrụ unu.
• Job ji ajị atụrụ ya mee ka ahụ ndị ogbenye kpoo ọkụJob 31:20
  Amaokwu ndị ahụ

  Job 31:20ma obi ha agọzighị m nʼihi iji ajị sitere nʼụmụ atụrụ m mee ka o nwee okpomọkụ nʼahụ ya.

Ọnụọgụgụ igwe atụrụ

• Misha eze Moab tụrụ ụmụ atụrụ 100,000 na ajị ebule 100,0002Ez 3:4
  Amaokwu ndị ahụ

  2Ez 3:4Eze ndị Moab, bụ Misha, na ndị ya, bụ ndị na-azụ atụrụ. Nʼafọ niile, ọ na-atụrụ eze Izrel otu narị puku ajị ebule, na otu narị puku atụrụ.
• Ndị Arab wetaara Jehoshafat ebule 7,700 na mkpi 7,7002Ih 17:11
  Amaokwu ndị ahụ

  2Ih 17:11Ụfọdụ nʼime ndị Filistia wetaara ya onyinye na ọlaọcha kwa afọ nʼụzọ ịkwanyere ya ugwu, ma ndị Arab, wetaara ya igwe anụ ụlọ dị puku ebule asaa na narị asaa, na puku mkpi asaa na narị asaa.
• E si nʼaka ndị Haga kpụrụ atụrụ 250,0001Ih 5:21
  Amaokwu ndị ahụ

  1Ih 5:21Ha ji ike chịkọrọ anụ ụlọ ndị Haga, dị iri puku ịnyịnya kamel ise, narị puku atụrụ abụọ na iri puku ise, puku ịnyịnya ibu abụọ. Ha dọkpụkwara narị puku ndị mmadụ nʼagha.
• Job nwere atụrụ 7,000, e mesịa 14,000Job 1:3, Job 42:12
  Amaokwu ndị ahụ

  Job 1:3O nwere puku atụrụ asaa, na puku ịnyịnya kamel atọ, na ehi ọnụọgụgụ ha dị otu puku e jikọrọ abụọ abụọ, na narị ịnyịnya ibu ise, na ọtụtụ ndị na-ejere ya ozi. Ọ bụ nwoke dị ukwuu karịa ndị niile bi nʼọwụwa anyanwụ.

  Job 42:12Mgbe ahụ, Onyenwe anyị gọziri Job nʼoge ikpeazụ nke ndụ ya karịa ka o si gọzie ya na mbụ. Job nwere puku atụrụ iri na anọ na puku ịnyịnya kamel isii na puku ehi abụọ na otu puku ịnyịnya ibu.
• Keda zụrụ ahịa ụmụ atụrụ, ebule na mkpi na TaịaIzk 27:21
  Amaokwu ndị ahụ

  Izk 27:21“ ‘Arebịa na ụmụ eze niile nke Keda bụkwa ndị ahịa gị. Ọ bụ ụmụ atụrụ, na ebule, na mkpi, ka gị na ha nʼazụrịta na-erekwa.
• Solomọn chụrụ atụrụ 120,000 nʼoge ido ụlọnsọ nsọ1Ez 8:63
  Amaokwu ndị ahụ

  1Ez 8:63Solomọn chụrụ aja udo, bụ nke ọ chụrụ nye Onyenwe anyị. Ehi dị puku iri abụọ na abụọ, na ewu na atụrụ dị narị puku na iri puku abụọ. Ya mere, eze na ndị Izrel niile si otu a doo ụlọnsọ Onyenwe anyị nsọ.

Nʼime Iwu

• Atụrụ e zuru, gbuo maọbụ ree: kwụghachi atụrụ anọỌpụ 22:1
  Amaokwu ndị ahụ

  Ọpụ 22:1“Ọ bụrụ na mmadụ ezuru ehi maọbụ atụrụ gbuo ya, maọbụ ree ya, ọ ga-akwụghachi ehi ise nʼọnọdụ ehi ahụ. Nʼọnọdụ otu atụrụ o zuuru, ọ ga-akwụghachi atụrụ anọ.
• Atụrụ anụ ọhịa dọgburu: weta ozu ya dịka akaebeỌpụ 22:10, Ọpụ 22:13
  Amaokwu ndị ahụ

  Ọpụ 22:10“Ọ bụrụ na anụ ụlọ mmadụ nyere onye agbataobi ya nʼaka idebe anwụọ, maọbụ merụọ ahụ, maọbụ gbafuo, ma anụ ụlọ ahụ ọ bụ ịnyịnya ibu, maọbụ ehi, maọbụ atụrụ, maọbụ anụ ụlọ ọzọ, ọ bụrụ na ọ dịghị onye hụrụ mgbe ihe ndị a dakwasịrị anụ ụlọ ahụ,

  Ọpụ 22:13Ọ bụrụ na anụ ọhịa gburu ya, ọ ga-eweta ụfọdụ nʼime anụ ahụ a dọgburu adọgbu, iji gosi na anụ ọhịa dọgburu ya. Ọ ga-esikwa otu a gbanarị ikpe ọmụma. Nʼihi nke a, ọ gaghị akwụkwa ụgwọ ọbụla nʼihi anụ ụlọ ahụ.

Na Jerusalem

• Ndị nchụaja wughachiri Ọnụ Ụzọ Ama AtụrụNeh 3:1
  Amaokwu ndị ahụ

  Neh 3:1Mgbe ahụ, Eliashib onyeisi nchụaja na ndị nchụaja ibe ya wuru mgbidi ahụ ruo nʼụlọ elu Narị na ụlọ elu Hananel. Ha wukwara Ọnụ Ụzọ ama Atụrụ, kwụba ibo ya, doo ya nsọ.
• Ọdọ mmiri Betsaida dị nʼakụkụ Ọnụ Ụzọ Ama AtụrụJọn 5:2
  Amaokwu ndị ahụ

  Jọn 5:2Ma otu ọdọ mmiri nta dị nʼime Jerusalem nʼakụkụ Ọnụ ụzọ ama Atụrụ. Aha ọdọ mmiri ahụ nʼasụsụ Hibru bụ Betsaida, nke nwere mgbe ọnụ ụzọ ise.

Okwu

• Eze: “dị ka igwe atụrụ a ka kpachapụrụ ajị ha ọhụrụ, nke si nʼebe a sapụrụ ha ahụ na-arịpụta”Abụk 4:2
  Amaokwu ndị ahụ

  Abụk 4:2Eze gị dị ka igwe atụrụ a ka kpachapụrụ ajị ha ọhụrụ, nke si nʼebe a sapụrụ ha ahụ na-arịpụta. Nke ọbụla chi ụmụ abụọ, ọ dịghịkwa nke gba aka nwa nʼetiti ha.
• “marakwa ọnọdụ igwe ewu na atụrụ gị”Ilu 27:23
  Amaokwu ndị ahụ

  Ilu 27:23Lezie ọrụ gị anya nke ọma, marakwa ọnọdụ igwe ewu na atụrụ gị na anụ ụlọ ndị ọzọ,
• “Ụmụ atụrụ ga-enye gị uwe ị ga-eyi”Ilu 27:26
  Amaokwu ndị ahụ

  Ilu 27:26Ụmụ atụrụ ga-enye gị uwe ị ga-eyi, ụmụ ewu ga-enyekwa gị ego ọnụahịa ala ubi gị.
• “dịka atụrụ a na-akpachapụ ajị ya si anọ nwayọọ nʼihu ndị na-akpacha ya ajị”Aịz 53:7
  Amaokwu ndị ahụ

  Aịz 53:7A kpagburu ya, mesie ya ihe ike, ma otu mkpụrụ okwu esighị ya nʼọnụ pụta. E duuru ya pụọ dịka atụrụ a na-aga igbu egbu, dịka atụrụ a na-akpachapụ ajị ya si anọ nwayọọ nʼihu ndị na-akpacha ya ajị, otu a ka o si nọdụ na-asagheghị ọnụ ya.