Igirigi ụtụtụ nʼime Baịbụl

• Igirigi dara nʼogige nʼabalị, mánà sokwa yaỌnụ 11:9
  Amaokwu ndị ahụ

  Ọnụ 11:9Mánà ndị a na-ada mgbe igirigi dara nʼọmụma ụlọ ikwu nʼabalị.
• Mgbe igirigi ụtụtụ gwụrụ, ihe dị gịrịgịrị tọgbọrọ nʼalaỌpụ 16:13–14
  Amaokwu ndị ahụ

  Ọpụ 16:13–14Nʼoge uhuruchi ụbọchị ahụ, nnụnụ kweel bịara kpuchie ọmụma ụlọ ikwu ahụ. Nʼisi ụtụtụ echi ya, igirigi dakwara gburugburu ọmụma ụlọ ikwu ahụ. Mgbe ala kọrọ mmiri igirigi ahụ, ihe dịka achịcha mbadamba nta jupụtara nʼala ọzara ahụ niile.
• Igirigi na-adakwasị alaka abalị niileJob 29:19
  Amaokwu ndị ahụ

  Job 29:19Mgbọrọgwụ m ga-eto rịda na mmiri, na igirigi ga-adakwasịkwa nʼalaka m abalị niile.
• Igwe ojii na-atụda igirigiIlu 3:20
  Amaokwu ndị ahụ

  Ilu 3:20Esitere nʼihe ọmụma ya kewaa ogbu mmiri niile, igwe ojii na-atụdakwa igirigi.
• “Onye mụrụ igirigi?”Job 38:28
  Amaokwu ndị ahụ

  Job 38:28Mmiri ozuzo o nwere nna? Onye mụrụ igirigi?
• Onye a hụrụ nʼanya nʼabalị: “Igirigi ezokwasịla m nʼisi”Abụk 5:2
  Amaokwu ndị ahụ

  Abụk 5:2A rahụrụ m ụra, ma obi m mụ anya. Gee ntị, onye ahụ m hụrụ nʼanya na-akụ aka nʼibo ọnụ ụzọ. “Megheere m ụzọ, nwanne m nwanyị, onye m hụrụ nʼanya, nduru m, onye na-enweghị ntụpọ. Igirigi ezokwasịla m nʼisi, agịrị isi m jupụtara na mmiri nke abalị.”
• Igirigi nke eluigwe dekwasịrị NebukadnezaDan 4:33
  Amaokwu ndị ahụ

  Dan 4:33Nʼotu oge ahụ kwa, okwu ndị a e kwuru banyere Nebukadneza mezuru. E sitere nʼetiti ụmụ mmadụ chụpụ ya, ọ gakwara nʼọhịa taa ahịhịa dịka oke ehi, igirigi nke eluigwe dekwara ahụ ya ruo mgbe ajị dị ya nʼahụ toro ogologo dịka nku ugo, mbọ ụkwụ na aka ya dịkwa ka mbọ ụmụ nnụnụ.
• Igirigi Hemon na-ada nʼelu ugwu ZayọnAbụ 133:3
  Amaokwu ndị ahụ

  Abụ 133:3Ọ dị ka a ga-asị na igirigi si na Hemon na-ada nʼelu nʼugwu Zayọn. Nʼihi na nʼebe ahụ ka Onyenwe anyị na-enye onyinye ngọzị ya, ọ bụladị ndụ na-adị ruo mgbe ebighị ebi.

Nʼime akụkọ ndị ahụ

• Gidiọn rachapụtara mmiri jupụtara otu efere site nʼajị anụ ahụNkp 6:37–38
  Amaokwu ndị ahụ

  Nkp 6:37–38lee, aga m edebe ajị anụ nʼebe ịzọcha ọka. Ọ bụrụ na igirigi adakwasị naanị nʼelu ajị anụ ahụ ma ala ebe ọ tọgbọ gbakọọ agbakọ, mgbe ahụ aga m amata na ị ga-anapụta Izrel site nʼaka m, dịka ị kwuru.” Ihe a mezukwara dịka Gidiọn si rịọọ ya. Mgbe chi bọrọ, ọ gara welite ajị anụ ahụ chọpụta na o jupụtara na mmiri. Mmiri o si na ya pịpụta juru otu efere miri emi.
• Nʼabalị sotere ya, ajị anụ ahụ kpọrọ nkụ, igirigi kpuchie alaNkp 6:39–40
  Amaokwu ndị ahụ

  Nkp 6:39–40Mgbe ahụ, Gidiọn sịrị Chineke, “Ka iwe gị ghara ịdị ọkụ megide m. Ka m rịọkwuo naanị otu ihe ọzọ. Kwere ka m jiri ajị anụ a nwalee otu ugboro ọzọ, kama nʼoge a, mee ka mmiri ghara ịdị nʼajị anụ ahụ, ma ka igirigi jupụta nʼala ebe ọ tọgbọ.” Nʼabalị ahụ, Chineke mere otu a. Ala niile gbaa gburugburu dere mmiri site nʼigirigi, ma mmiri ọbụla adịghị nʼajị anụ ahụ.
• Ịlaịja gwara Ehab: ọ dịghị igirigi maọbụ mmiri ozuzo nʼafọ ndị a1Ez 17:1
  Amaokwu ndị ahụ

  1Ez 17:1Ugbu a, Ịlaịja onye Tishbe, onye si obodo Tishbe, nke dị nʼala Gilead, sịrị Ehab, “Eji m aha Onyenwe anyị Chineke Izrel dị ndụ, onye m na-efe na onye m na-ejere ozi na-agwa gị na igirigi agaghị ada, mmiri agaghị ezo ọzọ nʼafọ ndị a na-abịa karịa ma ọ bụghị naanị site nʼokwu ọnụ m!”
• Abụ akwa Devid: “Unu ugwu Gilboa, ka igirigi maọbụ mmiri ozuzo ghara ịbịakwasị unu”2Sa 1:21
  Amaokwu ndị ahụ

  2Sa 1:21“Unu ugwu Gilboa, ka igirigi maọbụ mmiri ozuzo ghara ịbịakwasị unu. Ka mmiri ozuzo gharakwa izokwasị nʼaja mbuli elu unu. Nʼihi na nʼelu unu ka a nọ merụọ ọta ndị dị ike. E, ọta Sọl, nke a na-adịghị etekwa mmanụ.
• Hegai: eluigwe jidere igirigi ha, ala jide ihe ubi yaHeg 1:10
  Amaokwu ndị ahụ

  Heg 1:10Ya mere, nʼihi unu ka eluigwe ji jide igirigi ha, ala ejidekwala ihe omume nke ubi.

Ngọzi

• Ngọzi Aịzik: igirigi nke eluigwe na mmanụ nke alaJen 27:28
  Amaokwu ndị ahụ

  Jen 27:28Ka Chineke nye gị site nʼigirigi nke eluigwe, na mmanụ nke ala, ụba nke mkpụrụ ubi na mmanya ọhụrụ
• Ịsọ ga-ebi nʼebe dị anya site nʼigirigi nke eluigweJen 27:39
  Amaokwu ndị ahụ

  Jen 27:39Nna ya Aịzik zara sị ya, “Ebe obibi gị ga-adịpụ adịpụ, site nʼebe akụnụba nke ala dị, site nʼebe igirigi nke eluigwe dị.
• Mosis: ala Josef gọziri na igirigi dị oke ọnụahịa si nʼeluigweDit 33:13
  Amaokwu ndị ahụ

  Dit 33:13Banyere Josef o kwuru sị, “Ka Onyenwe anyị gọzie ala ya, ya jiri igirigi dị oke ọnụahịa nke eluigwe dị nʼelu, na ogbu mmiri dị nʼokpuru ala,
• Ala ọka na mmanya ọhụrụ, ebe igirigi nke eluigwe na-adaDit 33:28
  Amaokwu ndị ahụ

  Dit 33:28Ya mere Izrel ga-ebi naanị ya nʼudo, isi iyi mmiri Jekọb dị chịm, nʼala ahụ jupụtara na mkpụrụ ubi na mmanya ọhụrụ ebe igirigi nke eluigwe na-ada.

Okwu

• “igirigi nke na-agbachapụ ngwangwa”Hos 6:4, Hos 13:3
  Amaokwu ndị ahụ

  Hos 6:4“Gịnị ka m ga-eji gị mee, O Ifrem? Gịnị ka m ga-eji gị mee, O Juda? Ịhụnanya gị dịka igwe ojii nke ụtụtụ, dịka igirigi na-anọ naanị nwa mgbe nta.

  Hos 13:3Nʼihi ya, ha ga-adị ka igirigi nke ụtụtụ, maọbụ igirigi nke na-agbachapụ ngwangwa, dịka igbugbo nke a fụchapụrụ nʼebe ịzọcha ọka, dịka anwụrụ ọkụ nke si na oghereikuku na-ekupụ.
• Ihuọma eze “dị ka igirigi nʼelu ahịhịa ndụ”Ilu 19:12
  Amaokwu ndị ahụ

  Ilu 19:12Iwe eze dị ka mbigbọ nke ọdụm. Ma obi ụtọ ya dị ka igirigi nʼelu ahịhịa ndụ.
• “anyị ga-abịakwasị ya dịka igirigi si adakwasị ala”2Sa 17:12
  Amaokwu ndị ahụ

  2Sa 17:12Mgbe ahụ, anyị ga-ebuso ya agha ebe ọbụla anyị hụrụ ya; anyị ga-abịakwasị ya dịka igirigi si adakwasị ala. Anyị ga-egbu ya, gbukwaa ndị niile so ya. Otu onye agaghị afọdụkwa nʼime ha.
• “dịka mgbe igirigi na-ada nʼoge okpomọkụ nke owuwe ihe ubi”Aịz 18:4
  Amaokwu ndị ahụ

  Aịz 18:4Nʼihi na ihe ndị a bụ ihe Onyenwe anyị gwara m, “Aga m anọ jụụ na-elepụ anya site nʼebe obibi m, dịka mgbe igirigi na-ada nʼoge okpomọkụ nke owuwe ihe ubi, na dịka anyanwụ si acha nʼoge okpomọkụ.”