Rani da damina a cikin Littafi Mai Tsarki

• Lokacin shuka da girbi, sanyi da zafi, rani da damina ba za su daina baFar 8:22
  Ayoyin

  Far 8:22“Muddin duniya tana nan, lokacin shuki da na girbi, lokacin sanyi da na zafi, lokacin damina da na rani, dare da rana ba za su daina ba.”
• Haske a sararin sama don su nuna lokatai, kwanaki da shekaruFar 1:14, Zab 104:19
  Ayoyin

  Far 1:14Allah kuma ya ce, “Bari haskoki su kasance a sararin sama domin su raba yini da dare, bari su zama alamu domin su nuna yanayi, da ranaku, da kuma shekaru,

  Zab 104:19Wata ne ke ƙididdigar lokuta, rana kuma ta san sa’ad da za tă fāɗi.
• Zabura: “ka yi rani da damina”Zab 74:17
  Ayoyin

  Zab 74:17Kai ne ka kafa dukan iyakokin duniya; ka yi rani da damina.
• Ruwan sama a lokacinsa: ruwan sama na kaka da na bazaraM Sh 11:14, Yow 2:23, Irm 5:24
  Ayoyin

  M Sh 11:14sai in aika da ruwan sama a ƙasarku a lokacinsa, ruwan saman bazara da kuma na kaka, don ku tattara hatsinku, sabon inabinku da kuma manku.

  Yow 2:23Ku yi murna, ya ku mutanen Sihiyona, ku yi farin ciki cikin Ubangiji Allahnku, gama ya ba ku ruwan bazara cikin adalci. Yakan aika muku yayyafi a yalwace, na bazara da na kaka, kamar dā.

  Irm 5:24Ba sa faɗa wa kansu, ‘Bari mu ji tsoron Ubangiji Allahnmu, wanda yake ba mu ruwan sama a kan kari na kaka da na bazara, wanda kullum yake tabbatar mana da girbi.’
• A bazara, lokacin da sarakuna sukan fita yaƙi2Sam 11:1
  Ayoyin

  2Sam 11:1Da bazara, a lokacin da sarakuna sukan fita zuwa yaƙi, sai Dawuda ya aiki Yowab tare da mutanen sarki, da dukan Isra’ila. Suka je suka hallaka Ammonawa, suka kuma yi wa Rabba kwanton ɓauna. Amma Dawuda ya yi zamansa a Urushalima.
• Sussukar hatsi har zuwa girbin inabi, girbin inabi har zuwa lokacin shukaFir 26:5
  Ayoyin

  Fir 26:5Masussukanku za su ci gaba har lokacin girbin inabi, girbin inabi kuma zai ci gaba har lokacin shuki, za ku kuma ci duk abincin da kuke so cikin salama a ƙasarku.
• Rut ta zo a farkon girbin sha’ir ta yi kala har aka gama girbin alkamaRut 1:22, Rut 2:23
  Ayoyin

  Rut 1:22Na’omi fa ta koma daga Mowab tare da Rut mutuniyar Mowab, surukarta, suka kai Betlehem a lokacin da ake fara girbin sha’ir.

  Rut 2:23Saboda haka Rut ta tsaya kusa da bayi mata na Bowaz don tă yi kala sai da girbin sha’ir da na alkama suka ƙare. Ta kuwa zauna tare da surukarta.
• Sama’ila ya roƙi tsawa da ruwan sama lokacin girbin alkama1Sam 12:17–18
  Ayoyin

  1Sam 12:17–18Ba lokacin yankan alkama ke nan ba? Zan roƙi Ubangiji yă aiko da tsawa da ruwan sama, za ku kuwa gane wace irin mugunta kuka yi a gaban Ubangiji sa’ad da kuka roƙa a ba ku sarki. Sai Sama’ila ya roƙi Ubangiji, a ranar kuwa Ubangiji ya aiko da tsawa da ruwan sama. Dukan mutane suka ji tsoron Ubangiji da kuma Sama’ila.
• Shekarun Yaƙub: zafi da rana da sanyi da dareFar 31:40
  Ayoyin

  Far 31:40Yanayin da na kasance ke nan, da rana na sha zafin rana da dare kuma na sha sanyi, ga rashin barci.

Rani

• Eglon ya zauna a sanyin ɗakinsa na samaMah 3:20, Mah 3:24
  Ayoyin

  Mah 3:20Sai Ehud ya matso yayinda shi kuwa yake zaune shi kaɗai a ɗakin sama mai sanyi a fadansa ya ce, “Ina da saƙo daga wurin Allah dominka.” Sarki ya tashi daga kujerarsa,

  Mah 3:24Bayan da ya tafi, bayin sarki suka zo suka tarar duk ƙofofin ɗakin sama suna kulle, suka ce, “Wataƙila yana bayan gari ne a ɗakin ciki.”
• Gidajen damina da gidajen raniAmos 3:15
  Ayoyin

  Amos 3:15Zan rushe gidan rani da na damina; gidajen da aka yi musu ado da hauren giwa za a rushe su haka ma duk za a rurrushe manyan gidaje,” in ji Ubangiji.
• Ziba ya kawo wa Dawuda kosan ’ya’yan itace ɓaure guda ɗari2Sam 16:1–2
  Ayoyin

  2Sam 16:1–2Sa’ad da Dawuda ya yi ɗan nesa da ƙwanƙolin, sai ga Ziba mai hidimar Mefiboshet, yana jira yă tarye shi. Yana da jerin jakuna da sirdi suna ɗauke da dunƙulen burodi ɗari biyu, da ƙosai busasshen inabi ɗari ɗaya, da kosan ’ya’yan itace ɓaure guda ɗari, da salka ruwan inabi. Sarki ya ce wa Ziba, “Me ya sa ka kawo waɗannan?” Ziba ya ce, “Jakuna domin iyalin gidan sarki su hau ne, burodi da ’ya’yan itace domin mutane su ci, ruwan inabi kuma domin waɗanda suka gaji a hamada.”
• Gedaliya: ku girbe ruwan inabi, ’ya’yan itatuwa na kaka da mai cikin tulunaIrm 40:10, Irm 40:12
  Ayoyin

  Irm 40:10Ni kaina zan zauna a Mizfa in zama wakilinku a gaban Babiloniyawa waɗanda za su zo wurinmu, amma ku girbe ruwan inabi, ’ya’yan itatuwa na kaka, da mai, ku zuba su a tulunan ajiyarku, ku kuma zauna a garuruwan da kuka ci.”

  Irm 40:12sai suka dawo ƙasar Yahuda, wurin Gedaliya a Mizfa, daga dukan ƙasashen da suke a warwatse. Suka girbe ruwan inabi a yalwace da ’ya’yan itatuwan kaka.
• Kyashi yakan tara abincinsa da raniK Mag 6:6–8, K Mag 30:25
  Ayoyin

  K Mag 6:6–8Ku tafi wurin kyashi, ku ragwaye; ku lura da hanyoyinsa ku zama masu hikima! Ba shi da jagora ba shugaba ko mai mulki, duk da haka yakan yi tanade-tanadensa da rani ya kuma tattara abincinsa a lokacin girbi.

  K Mag 30:25Kyashi halittu ne da ba su da ƙarfi sosai, duk da haka suna ajiyar abincinsu da rani;
• Ƙaiƙayi a masussuka a lokacin kaka, iska kuma ta kwashe shiDan 2:35
  Ayoyin

  Dan 2:35Sai ƙarfen da yambun da tagulla da azurfan da kuma zinariyan suka ragargaje a lokaci ɗaya ya zama kamar ƙaiƙayi a masussuka a lokacin kaka. Sai iska ta kwashe su ta tafi, har ba a iya ganin ko alamarsu. Amma dutsen da ya fāɗo a siffar ya girke ya zama tsauni ya kuma cika dukan duniya.
• Sa’ad da itacen ɓaure ya yi toho, damina ta kusaMat 24:32
  Ayoyin

  Mat 24:32“Yanzu fa, sai ku koyi wannan darasi daga itacen ɓaure. Da zarar rassansa suka yi taushi ganyayensa kuma suka toho, kun san damina ta kusa.
• “an shanye ƙarfina ƙaf sai ka ce a zafin bazara”Zab 32:4
  Ayoyin

  Zab 32:4Gama dare da rana hannunka yana da nauyi a kaina; an shanye ƙarfina ƙaf sai ka ce a zafin bazara. Sela

Damina

• “Damina ta wuce; ruwan sama ya ɗauke ya kuma ƙare”WW 2:11–13
  Ayoyin

  WW 2:11–13Duba! Damina ta wuce; ruwan sama ya ɗauke ya kuma ƙare. Furanni sun hudo a duniya; lokaci yin waƙa ya zo, ana jin kukan kurciyoyi ko’ina a ƙasarmu. Itacen ɓaure ya fid da ’ya’yansa da sauri; tohon inabi suna ba da ƙanshinsu. Tashi, zo, ƙaunatacciyata; kyakkyawata, zo tare da ni.”
• A watan tara sarki yana zaune a gidansa na rani, wuta tana ci a gabansaIrm 36:22
  Ayoyin

  Irm 36:22A watan tara ne sarki kuwa yana zaune a gidansa na rani, wuta kuwa tana ci a kasko a gabansa.
• A lokacin damina mutane sun yi rawar jiki a dandali cikin ruwan sama mai yawaEzr 10:9, Ezr 10:13
  Ayoyin

  Ezr 10:9A cikin kwana uku duk mutanen Yahuda da na Benyamin suka taru a Urushalima. A ranar ashirin ga watan tara, dukan mutanen suka zauna a dandali a gaban gidan Allah cike da ɓacin rai saboda abin da ya faru da kuma ruwan da aka yi.

  Ezr 10:13Amma akwai mutane da yawa, kuma lokacin damina ne; saboda haka ba za mu iya tsayawa a waje ba. Ban da haka ma, aikin nan ba na kwana ɗaya ko biyu ba ne, domin ba ƙaramin laifi muka yi ba.
• Bikin Miƙawa a lokacin sanyin hunturu; Yesu yana zagawa a Shirayin SolomonYoh 10:22–23
  Ayoyin

  Yoh 10:22–23Bikin Miƙawa a Urushalima ya kewayo, lokacin sanyin hunturu ne kuwa. Sai ga Yesu a filin haikali yana zagawa a Shirayin Solomon,
• “Ku yi addu’a, kada gudunku yă zama a lokacin sanyi”Mat 24:20
  Ayoyin

  Mat 24:20Ku yi addu’a, kada gudunku yă zama a lokacin sanyi ko a ranar Asabbaci.
• Tafiya a teku ta zama da hatsari bayan Azumi; suka nemi tasha inda za su ci daminaAyy M 27:9, Ayy M 27:12
  Ayoyin

  Ayy M 27:9An riga an ɓata lokaci da yawa, tafiya kuwa ta riga ta zama da hatsari domin a lokacin Azumi ya riga ta wuce. Saboda haka Bulus ya gargaɗe su,

  Ayy M 27:12Da yake tashar jirgin ruwan ba tă dace a ci damina a can ba, yawanci suka ba yanke shawara cewa mu ci gaba da tafiya, da bege za mu kai Funis mu ci damina a can. Wannan tashar jirgin ruwa ne a Kirit, tana fuskantar kudu maso yamma da kuma arewa maso yamma.
• Jirgin ruwa na Alekzandariya ya ci damina a tsibirinAyy M 28:11
  Ayoyin

  Ayy M 28:11Bayan wata uku sai muka tashi a wani jirgin ruwan da ya ci damina a tsibirin. Jirgin ruwa kuwa na Alekzandariya ne yana da siffar tagwayen allolin Kasto da Follus.
• Bulus ya yi niyya ya ci damina a NikofolisTit 3:12
  Ayoyin

  Tit 3:12Da zarar na aika Artemas ko Tikikus zuwa wurinka, sai ka yi iyakacin ƙoƙarinka ka zo wurina a Nikofolis, domin na yanke shawara in ci damina a can.
• Bulus ga Timoti: “Ka yi iyakacin ƙoƙarinka ka iso nan kafin damina”2Tim 4:21
  Ayoyin

  2Tim 4:21Ka yi iyakacin ƙoƙarinka ka iso nan kafin damina. Yubulus yana gaishe ka, haka ma Fuden, Lainus, Kalaudiya da kuma dukan ’yan’uwa.
• Ƙanƙara kamar ulu, hazo kuma kamar tokaZab 147:16
  Ayoyin

  Zab 147:16Yana shimfiɗa ƙanƙara kamar ulu yă kuma watsar da hazo kamar toka.

Maganganu a Karin Magana

• “Shi da ya tattara hatsi da rani ɗa ne mai hikima”K Mag 10:5
  Ayoyin

  K Mag 10:5Shi da ya tattara hatsi da rani ɗa ne mai hikima, amma shi da yakan yi barci a lokacin girbi ɗa ne wanda ya zama abin kunya.
• “Kamar ƙanƙara a rani ko ruwan sama a lokacin girbi”K Mag 26:1
  Ayoyin

  K Mag 26:1Kamar ƙanƙara a rani ko ruwan sama a lokacin girbi, haka girmamawa bai dace da wawa ba.
• “Kamar sanyin ƙanƙara a lokacin girbi”K Mag 25:13
  Ayoyin

  K Mag 25:13Kamar sanyin ƙanƙara a lokacin girbi haka ɗan saƙo mai aminci wanda aka aika; ya wartsakar da ran waɗanda suka aike shi.
• Rago ba ya noma a lokaciK Mag 20:4
  Ayoyin

  K Mag 20:4Rago ba ya noma a lokacin noma; saboda haka a lokacin girbi ba ya bukata samun kome.