Teku a cikin Littafi Mai Tsarki

• Ruwan da ya taru an kira shi “tekuna”Far 1:9–10
  Ayoyin

  Far 1:9–10Allah ya ce, “Bari ruwan da yake ƙarƙashin sama yă tattaru wuri ɗaya, bari kuma busasshiyar ƙasa tă bayyana.” Haka kuwa ya kasance. Allah ya kira busasshiyar ƙasar “doron ƙasa,” ruwan da ya taru kuma, ya kira “tekuna.” Allah ya ga yana da kyau.
• An halicci manyan halittun teku a rana ta biyarFar 1:21–23
  Ayoyin

  Far 1:21–23Allah ya halicci manyan halittun teku, da kowane mai rai da abin da yake motsi a ruwa, bisa ga irinsu, da kuma kowane tsuntsu mai fiffike bisa ga irinsa. Allah kuwa ya ga yana da kyau. Allah ya albarkace su ya ce, “Ku yi ta haihuwa ku kuma ƙaru da yawa, ku cika ruwan tekuna, bari kuma tsuntsaye su yi yawa a bisa duniya.” Yamma ta kasance, safiya kuma ta kasance, kwana ta biyar ke nan.
• Teku, babba da fāɗi, cike da halittu, inda jiragen ruwa suke wucewaZab 104:25–26
  Ayoyin

  Zab 104:25–26Akwai teku, babba da kuma fāɗi, cike da halittun da suka wuce ƙirga, abubuwa masu rai babba da ƙarami. A can jiragen ruwa suna kai komo, kuma dodon ruwan da ka yi, yă yi wasa a can.
• Dukan koguna sukan gangara zuwa teku, duk da haka teku ba ya cikaM Had 1:7
  Ayoyin

  M Had 1:7Dukan rafuffuka sukan gangara zuwa teku, duk da haka teku ba ya cika. Daga inda rafuffukan suke fitowa, a can suke komawa kuma.
• Yashi iyaka ne da raƙumar ruwa ba za ta iya ƙetarewa baIrm 5:22, Ayu 38:8–11
  Ayoyin

  Irm 5:22Bai kamata ku ji tsorona ba?” In ji Ubangiji. “Bai kamata ku yi rawar jiki a gabana ba? Na sa yashi ya zama iyakar teku, madawwamiyar iyakar da ba zai tsallake ba. Raƙuman ruwa za su iya yin hauka, amma ba za su iya haye ta ba; za su iya yin ruri, amma ba za su iya ƙetare ta ba.

  Ayu 38:8–11“Wane ne ya rufe teku a bayan ƙofofi, lokacin da ya burtsatso daga cikin ciki. Lokacin da na yi wa gizagizai riga na kuma naɗe su a cikin duhu sosai, sa’ad da na yi masa iyaka na sa masa ƙofofi da wurin kullewa. Sa’ad da na ce ga iyakar inda za ka kai, ga inda raƙuman ruwanka za su tsaya?
• Masu tuƙin jirgi a kan raƙumar ruwa sukan hau zuwa sammai su gangara zuwa zurfiZab 107:23–27
  Ayoyin

  Zab 107:23–27Waɗansu suka yi tafiya a teku cikin jiragen ruwa; su ’yan kasuwa ne a manyan ruwaye. Sun ga ayyukan Ubangiji, ayyukansa masu banmamaki a cikin zurfin teku. Gama ya yi magana ya kuma sa iska mai ƙarfi ta tashi ya ɗaga raƙuman ruwa sama. Suka hau zuwa sammai suka kuma tsinduma cikin zurfafa; a cikin azabarsu sai ƙarfin halinsu ya karai. Suka yi tangaɗi suna tuntuɓe kamar bugaggu; suka kuma kai ga ƙarshen dabararsu.

Tekunan ƙasar

• Babban Teku shi ne iyakar yammaƘid 34:6, Yosh 1:4
  Ayoyin

  Ƙid 34:6“ ‘Iyakarku a yammanci, za tă kasance bakin Bahar Rum. Wannan ce za tă zama iyakarku a yamma.

  Yosh 1:4Ƙasar da ta kama daga hamada zuwa Lebanon, zuwa babban Kogin, wato, Kogin Yuferites, da dukan ƙasar Hittiyawa zuwa Bahar Rum, wajen yamma.
• Tekun Gishiri, inda Kwarin Siddim yake dāFar 14:3
  Ayoyin

  Far 14:3Dukan waɗannan sarakuna na bayan nan suka haɗa kai a Kwarin Siddim (Teku Gishiri).
• Gudun Urdun zuwa Tekun Gishiri ya tsaya yayinda Isra’ila suke ƙetarewaYosh 3:16
  Ayoyin

  Yosh 3:16sai ruwan da yake gangarowa ya tsaya, ya tattaru a wuri ɗaya ya yi tudu daga nan har zuwa wani garin da ake kira Adam kusa da Zaretan, ruwan da yake gangarowa zuwa Tekun Araba (Tekun Gishiri) kuma ya yanke gaba ɗaya. Sai mutane suka ƙetare kusa da Yeriko.
• Iyakoki daga Jan Teku zuwa Tekun FilistiyawaFit 23:31
  Ayoyin

  Fit 23:31“Zan kafa iyakokinku daga Jan Teku zuwa Bahar Rum, daga hamada kuma zuwa Kogi. Zan ba da mazaunan ƙasar a hannunku, za ku kuwa kore su daga gabanku.
• Solomon ya gina jiragen ruwa a Eziyon-Geber a bakin Jan Teku1Sar 9:26
  Ayoyin

  1Sar 9:26Sarki Solomon ya kuma gina jiragen ruwa a Eziyon Geber, wadda take kusa da Elot a Edom, a bakin Jan Teku.
• Bitrus da Andarawus suna jefa taru cikin Tekun GaliliMat 4:18
  Ayoyin

  Mat 4:18Da Yesu yana kan tafiya a bakin Tekun Galili, sai ya ga waɗansu ’yan’uwa guda biyu, Siman wanda ake kira Bitrus da ɗan’uwansa Andarawus. Suna jefa abin kamun kifi a tafki, gama su masunta ne.

A cikin labarai

• Iskar gabas ta kori teku; Isra’ila suka ƙetare a busasshiyar ƙasaFit 14:21–22
  Ayoyin

  Fit 14:21–22Da Musa ya miƙa hannunsa a bisa teku, sai Ubangiji ya tura teku baya da iskar gabas mai ƙarfi duk dare, ya maishe shi busasshiyar ƙasa. Ruwa ya rabu, sai Isra’ilawa suka wuce cikin teku a kan busasshiyar ƙasa, ruwan ya zama musu katanga dama da hagu.
• Da wayewar gari teku ya komo ya rufe kekunan yaƙin Fir’aunaFit 14:27–28
  Ayoyin

  Fit 14:27–28Musa ya miƙa hannunsa a bisa tekun, da wayewar gari kuwa teku ya koma wurinsa na dā. Masarawa suka yi ƙoƙari su gudu, sai Ubangiji ya tura su cikin teku. Ruwan ya komo ya rufe keken yaƙin da mahayan, dukan sojojin Fir’aunan da suka bi bayan Isra’ilawa cikin teku, ba ko ɗaya da ya tsira.
• Masu tuƙin jirgin Yunana sun jefar da kaya cikin teku don su sauƙaƙa jirginYun 1:4–5
  Ayoyin

  Yun 1:4–5Sai Ubangiji ya aika da babban iska a bisan teku, hadiri ya tsananta ƙwarai har jirgin ya yi barazanar farfashewa. Dukan matuƙan jirgin suka tsorata, kowannensu kuma ya yi kuka ga allahnsa, suka kuma jefar da kayan jirgi a cikin teku domin su rage nauyin jirgin. Ana cikin haka, ashe, Yunana ya sauka can ƙarƙashin jirgi ya je ya kwanta, yana ta sharar barcinsa.
• Da aka jefa Yunana ciki, tekun da yake hauka ya kwantaYun 1:15
  Ayoyin

  Yun 1:15Sa’an nan suka ɗauki Yunana suka jefar da shi daga jirgin, sai tekun ya kwanta.
• Babban kifi ya haɗiye YunanaYun 1:17
  Ayoyin

  Yun 1:17Amma Ubangiji ya tanada wani babban kifi da zai haɗiye Yunana, Yunana kuwa ya yi yini uku da dare uku a ciki cikin kifin.
• Yesu ya yi barci a kan katifa a bayan jirgi yayinda raƙumar ruwa suke shiga jirginMar 4:37–39
  Ayoyin

  Mar 4:37–39Sai babban hadari mai iska ya tashi, raƙuman ruwa suna ta bugun jirgin ruwan, har jirgin ruwan ya kusa yă cika da ruwa. Yesu kuwa yana can baya, yana barci a kan katifa. Sai almajiran suka tashe shi suka ce masa, “Malam, ba ka kula ba ko mu nutse?” Sai ya farka ya tsawata wa iskar, ya ce wa raƙuman ruwan, “Shiru! Ku natsu!” Sai iskar ta kwanta, kome kuma ya yi tsit.
• Yesu ya yi tafiya a kan teku a agogo na huɗu na dareMat 14:25–26
  Ayoyin

  Mat 14:25–26Wajen tsaro na huɗu na dare, sai Yesu ya nufe su, yana takawa a kan tafkin. Sa’ad da almajiran suka gan shi yana takawa a kan tafkin, sai tsoro ya kama su. Suka yi ihu don tsoro suka ce, “Fatalwa ce.”
• Bitrus ya sauka daga jirgin ruwa ya yi tafiya a kan ruwaMat 14:28–29
  Ayoyin

  Mat 14:28–29Sai Bitrus ya amsa ya ce, “Ubangiji in kai ne ka ce mini in zo wurinka a kan ruwan.” Ya ce, “Zo.” Sai Bitrus ya fita daga jirgin ruwan, ya taka a kan ruwan ya nufe wajen Yesu.
• Kuɗi a bakin kifin farko da aka kamaMat 17:27
  Ayoyin

  Mat 17:27Amma don kada mu ɓata musu rai, ka je tafki ka jefa ƙugiyarka. Ka ɗauki kifin da ka fara kama; ka buɗe bakinsa, za ka sami shekel guda. Ka kawo ka ba su, harajina da naka ke nan.”
• Manyan kifi 153, tarun kuwa bai yage baYoh 21:11
  Ayoyin

  Yoh 21:11Sai Siman Bitrus ya hau ya jawo abin kamun kifin gaci. Ya cika da manyan kifi, 153, amma duk da yawansun nan abin kamun kifin bai tsintsinke ba.
• Aladu kusan dubu biyu sun gangara daga gangare cikin tekuMar 5:13
  Ayoyin

  Mar 5:13Ya kuwa yarda musu, sai mugayen ruhohin suka fita suka shiga cikin aladun. Garken kuwa, yana da kusan aladu dubu biyu, suka gangara daga kan tudun zuwa cikin tafkin, suka nutse.
• Auna zurfin ruwa a Adiriyatik: ruwan yana ƙara rashin zurfiAyy M 27:27–28
  Ayoyin

  Ayy M 27:27–28A dare na goma sha huɗu iska dai tana ta korarmu a Tekun Adiriyatik, wajen tsakar dare sai masu tuƙin jirgin suka zaci sun yi kusa da ƙasa. Sai suka gwada zurfin ruwan suka ga ya kai ƙafa ɗari da ashirin. Bayan ɗan lokaci kaɗan suka sāke gwadawa suka ga zurfin ya kai ƙafa tasa’in.

Teku a cikin haikali

• Tekun Solomon na ƙarfe da aka narke: wani ƙaton kwano mai da’ira1Sar 7:23
  Ayoyin

  1Sar 7:23Sai Huram ya yi wani ƙaton kwano na ƙarfen tagulla, da ya kira Teku. Zurfin kwanon nan kamu bakwai da rabi, fāɗinsa kamu goma sha biyar, da’irarsa kuma kamu talatin ne.
• Yana tsaye a kan bijimai goma sha biyu, uku suna fuskantar kowane sashe1Sar 7:25
  Ayoyin

  1Sar 7:25Kwanon ya tsaya a kan siffofin bijimai goma sha biyu, uku suna fuskantar arewa, uku suna fuskantar yamma, uku suna fuskantar kudu, sa’an nan uku suna fuskantar gabas. Kwanon da ya kira Teku ya zauna a kansu, gindin siffofin bijimai goma sha biyun nan suna wajen tsakiya.

Maganganu

• Zuriya “kamar kuma yashi a bakin teku”Far 22:17, Far 32:12
  Ayoyin

  Far 22:17tabbatacce zan albarkace ka, zan kuma sa zuriyarka su yi yawa kamar taurari a sararin sama, kamar kuma yashi a bakin teku. Zuriyarka za su mallaki biranen abokan gābansu,

  Far 32:12Amma ka riga ka faɗa, ‘Tabbatacce zan sa ka yi albarka. Zan kuma sa zuriyarka su zama kamar yashin teku da ba a iya ƙirgawa.’ ”
• Fahimtar Solomon “kamar yashi a bakin teku”1Sar 4:29
  Ayoyin

  1Sar 4:29Allah ya ba Solomon hikima da hangen nesa mai girma, da kuma fāɗin fahimta marar iyaka, kamar yashi a bakin teku.
• Teku mai hadari ba ya iya kwanciya; raƙumansa sukan tā da lakaIsh 57:20
  Ayoyin

  Ish 57:20Amma mugaye suna kama da tumbatsar teku, wanda ba ya natsuwa, wanda raƙumansa sukan kawo gurɓacewa da tabo.