Duwatsu a cikin Littafi Mai Tsarki

• “Manyan duwatsu na awakin jeji ne”Zab 104:18
  Ayoyin

  Zab 104:18Manyan duwatsu na awakin jeji ne; tsagaggun duwatsun mafaka ne ga rema.
• Duwatsu sun kewaye UrushalimaZab 125:2
  Ayoyin

  Zab 125:2Kamar duwatsun da sun kewaye Urushalima, haka Ubangiji ya kewaye mutanensa yanzu da har abada kuma.
• Ƙasa wadda tuddanta a shirye suke a haƙo tagullaM Sh 8:9
  Ayoyin

  M Sh 8:9ƙasa inda abinci ba zai yi ƙaranci ba, ba kuma za ku rasa kome ba; ƙasa ce inda ƙarfe ne duwatsunta, ana kuma haƙar tagulla a tuddanta.
• Mai haƙar ma’adinai yakan bugi dutse ya tumɓuke duwatsu daga tushensuAyu 28:9
  Ayoyin

  Ayu 28:9Hannun mutum ya iya sarrafa ƙanƙarar duwatsu, yă kuma tumɓuke tushen duwatsu.
• Dutse yakan zaizaye ya farfasheAyu 14:18
  Ayoyin

  Ayu 14:18“Amma kamar yadda manyan duwatsu suke fāɗuwa su farfashe su kuma gusa daga wurarensu,
• Ƙwanƙolin Lebanon: Amana, Senir, Hermon, kogunan zakoki da damisoshiWW 4:8
  Ayoyin

  WW 4:8Ki tare da ni daga Lebanon, amaryata, zo tare da ni daga Lebanon. Ki gangara daga ƙwanƙolin Amana, daga ƙwanƙolin Senir, ƙwanƙolin Hermon, daga ramin zaki da kuma dutsen da damisoshi suke zama.
• Solomon yana da masu fasa duwatsu 80,000 a cikin tuddai1Sar 5:15
  Ayoyin

  1Sar 5:15Solomon ya kasance da ’yan ɗauko guda dubu saba’in da masu yankan duwatsu guda dubu tamanin a cikin tuddai,
• Saboda Midiyawa, Isra’ila sun yi mafaka a duwatsu da kogwanniMah 6:2
  Ayoyin

  Mah 6:2Da Midiyawa suka matsa musu sosai, sai Isra’ilawa suka yi wa kansu mafakai a rammukan duwatsu, kogona da kuma mafaka.
• Tuta da aka ɗaga a kan tudu marar itace alama ceIsh 13:2, Ish 18:3
  Ayoyin

  Ish 13:2A tā da tuta a kan tudun da yake mai fili, ka tā da murya gare su; ka ɗaga hannu ka ba su alama don su shiga ƙofofi masu alfarma.

  Ish 18:3Ku dukan mutanen duniya, ku da kuke zama a duniya, sa’ad da aka ɗaga tutar a kan duwatsu, za ku gan shi, sa’ad da kuma aka busa ƙaho, za ku ji shi.
• “waɗanda suke cikin Yahudiya, su gudu zuwa cikin duwatsu”Mat 24:16
  Ayoyin

  Mat 24:16to, sai waɗanda suke cikin Yahudiya, su gudu zuwa cikin duwatsu.
• Masujadai a kan tuddai a ƙarƙashin itatuwa masu inuwaHos 4:13, M Sh 12:2
  Ayoyin

  Hos 4:13Suna miƙa hadaya a kan ƙwanƙolin duwatsu suna kuma ƙone hadayu a kan tuddai, a ƙarƙashin itatuwa oak, aduruku da katambiri, inda inuwa take da daɗi. Saboda haka ’ya’yanku mata suka juya wa karuwanci surukanku mata kuma suka shiga yin zina.

  M Sh 12:2Ku hallaka dukan wuraren da al’umman da kuke kora suke yi wa allolinsu sujada, a kan duwatsu masu tsawo, da a kan tuddai, da kuma ƙarƙashin kowane itace gaba ɗaya.

Duwatsu a cikin labarai

• Jirgin ya tsaya a kan duwatsun AraratFar 8:4
  Ayoyin

  Far 8:4A rana ta goma sha bakwai ga watan bakwai, jirgin ya sauka a duwatsun Ararat.
• Ƙwanƙolin duwatsu sun bayyana a rana ta farko ga wata na gomaFar 8:5
  Ayoyin

  Far 8:5Ruwan ya ci gaba da janyewa har watan goma. A rana ta fari ga watan goma kuwa ƙwanƙolin duwatsun suka bayyana.
• An aiki Ibrahim zuwa wani dutse a ƙasar MoriyaFar 22:2
  Ayoyin

  Far 22:2Sai Allah ya ce, “Ka ɗauki ɗanka, makaɗaicin ɗanka Ishaku, wanda kake ƙauna, ka tafi yankin Moriya, ka miƙa shi hadaya ta ƙonawa a can a kan ɗaya daga cikin duwatsun da zan nuna maka.”
• Musa ya zo da garke zuwa Horeb, dutsen AllahFit 3:1
  Ayoyin

  Fit 3:1Ana nan wata rana Musa yana kiwon tumakin Yetro surukinsa, firist na Midiyan, sai ya bi da tumaki zuwa gefe mai nisa a cikin hamada, har ya zo Horeb, dutsen Allah.
• Iyaka ta hana mutane taɓa Dutsen SinaiFit 19:12
  Ayoyin

  Fit 19:12Sai ka yi wa jama’a iyaka kewaye da dutsen, ka kuma faɗa musu cewa, ‘Ku mai da hankali, kada ku hau dutsen ko ku taɓa gefensa. Duk wanda ya taɓa dutsen, lalle za a kashe shi.
• Sinai ya yi hayaƙi kamar tanderu ya kuma girgiza ƙwaraiFit 19:18
  Ayoyin

  Fit 19:18Dutsen Sinai kuwa ya tunnuƙe duka da hayaƙi, gama Ubangiji ya sauko a bisan dutsen cikin wuta. Hayaƙin ya hau kamar hayaƙin da yake fitowa daga matoya, duk dutsen ya yi rawa da ƙarfi,
• Musa ya zauna a kan dutse kwana arba’in dare da ranaFit 24:18
  Ayoyin

  Fit 24:18Sa’an nan Musa ya shiga girgijen ya hau kan dutsen. Ya zauna a kan dutsen yini arba’in da dare arba’in.
• Haruna ya mutu a kan ƙwanƙolin Dutsen HorƘid 20:27–28
  Ayoyin

  Ƙid 20:27–28Musa ya yi yadda Ubangiji ya umarta. Suka hau Dutsen Hor a idon dukan jama’a. Musa ya tuɓe taguwar Haruna, ya kuma sa wa Eleyazar ɗan Haruna. Nan kuwa Haruna ya mutu a bisa dutsen. Sa’an nan Musa da Eleyazar suka sauka daga dutsen,
• Daga Dutsen Nebo, a ƙwanƙolin Fisga, Musa ya ga ƙasarM Sh 34:1
  Ayoyin

  M Sh 34:1Sai Musa ya hau Dutsen Nebo daga filayen Mowab, zuwa ƙwanƙolin Fisga, wanda yake ƙetare Yeriko. A can Ubangiji ya nuna masa dukan ƙasar, daga Gileyad zuwa Dan,
• Kabilu shida sun tsaya a kan Dutsen Gerizim shida kuma a kan Dutsen EbalM Sh 27:12–13
  Ayoyin

  M Sh 27:12–13Sa’ad da kuka haye Urdun, sai waɗannan kabilai su tsaya a bisa Dutsen Gerizim su sa wa jama’a albarka, wato, kabilar Simeyon, Lawi, Yahuda, Issakar, Yusuf da Benyamin. Waɗannan kabilai kuma za su tsaya a bisa Dutsen Ebal su furta la’ana, wato, kabilar Ruben, Gad, Asher, Zebulun, Dan da Naftali.
• Yotam ya yi ihun tatsuniyarsa daga ƙwanƙolin Dutsen GerizimMah 9:7
  Ayoyin

  Mah 9:7Sa’ad da aka gaya wa Yotam wannan, sai ya hau Dutsen Gerizim ya yi kira da ƙarfi ya ce, “Ku saurare ni, ’yan ƙasar Shekem, don Allah yă saurare ku.
• Barak ya tara mutane dubu goma a Dutsen TaborMah 4:6
  Ayoyin

  Mah 4:6Sai ta aika a kira mata Barak ɗan Abinowam daga Kedesh a Naftali, ta ce masa, “ Ubangiji, Allah na Isra’ila ya umarce ka, ‘Je ka, ka ɗauki mutane Naftali da na Zebulun dubu goma tare da kai, ka yi jagoransu zuwa Dutse Tabor.
• Shawulu da Dawuda a ɓangarori biyu na dutse guda1Sam 23:26
  Ayoyin

  1Sam 23:26Shawulu yana tafiya a gefe ɗaya na dutsen, Dawuda da mutanensa kuma suna a wancan gefe, suna hanzari su ɓace wa Shawulu. Sa’ad da Shawulu da sojojinsa suka kusa cimma Dawuda da mutanensa don su kama su,
• Shawulu da ’ya’yansa maza uku sun fāɗi a Dutsen Gilbowa1Sam 31:8
  Ayoyin

  1Sam 31:8Kashegari, da Filistiyawa suka zo domin su washe kayan matattun, sai suka tarar Shawulu da ’ya’yansa uku duk sun mutu, a dutsen Gilbowa.
• Iliya ya tara Isra’ila da annabawan Ba’al a Dutsen Karmel1Sar 18:19–20
  Ayoyin

  1Sar 18:19–20Yanzu ka tara mutane daga dukan Isra’ila su sadu da ni a kan Dutsen Karmel. Ka kuma kawo annabawa ɗari huɗu da hamsin na Ba’al, da kuma annabawa ɗari huɗu na Ashera, waɗanda suke ci a teburin Yezebel.” Sai Ahab ya aika a duk fāɗin Isra’ila, ya kuma tattara annabawan a kan Dutsen Karmel.
• A ƙwanƙolin Karmel Iliya ya sa fuskarsa tsakanin gwiwoyinsa1Sar 18:42
  Ayoyin

  1Sar 18:42Sai Ahab ya ruga don yă ci, yă sha, amma Iliya ya hau kan ƙwanƙolin Karmel, ya rusuna ƙasa, ya sa fuska a tsakanin gwiwarsa.
• Matar Samariya: “Kakanninmu sun yi sujada a dutsen nan”Yoh 4:20
  Ayoyin

  Yoh 4:20Kakanninmu sun yi sujada a dutsen nan, amma ku Yahudawa kun ce a Urushalima ne ya kamata a yi sujada.”
• Yesu ya hau dutse ya zauna don ya koyarMat 5:1
  Ayoyin

  Mat 5:1Ganin taron mutane, sai ya hau kan gefen dutse ya zauna. Almajiransa kuwa suka zo wurinsa,
• Yesu ya hau dutse shi kaɗai don ya yi addu’aMat 14:23, Luk 6:12
  Ayoyin

  Mat 14:23Bayan ya sallame su, sai ya haura bisan gefen dutse shi kaɗai don yă yi addu’a. Da yamma ta yi, yana can shi kaɗai,

  Luk 6:12Wata rana, a cikin kwanakin nan, Yesu ya je wani dutse domin yă yi addu’a, ya kuma kwana yana addu’a ga Allah.
• An sāke kamannin Yesu a kan wani dutse mai tsawoMat 17:1–2
  Ayoyin

  Mat 17:1–2Bayan kwana shida, sai Yesu ya ɗauki Bitrus, Yaƙub da Yohanna ɗan’uwan Yaƙub, ya kai su kan wani dutse mai tsawo, su kaɗai. A can aka sāke kamanninsa a gabansu. Fuskarsa ta haskaka kamar rana, tufafinsa kuwa suka zama fari fat suna walƙiya.
• Nazaret tana kan tudu da bakin dutse a goshinsaLuk 4:29
  Ayoyin

  Luk 4:29Suka tashi, suka fitar da Yesu bayan gari, suka kai shi goshin tudun da aka gina garin, don su ture shi ƙasa,
• Yesu yakan kwana a Dutsen ZaitunLuk 21:37
  Ayoyin

  Luk 21:37Kowace rana, Yesu yakan je haikalin ya yi koyarwa, da kowace yamma kuma, ya je ya kwana a kan tudun da ake kira Dutsen Zaitun.
• Dutsen Zaitun: tafiyar ranar Asabbaci daga UrushalimaAyy M 1:12
  Ayoyin

  Ayy M 1:12Sai suka koma Urushalima daga tudun da ake kira Dutsen Zaitun, tafiyar ranar Asabbaci guda daga birnin.

Maganganu

• “kamar Tabor a cikin duwatsu, kamar Karmel kusa da teku”Irm 46:18
  Ayoyin

  Irm 46:18“Muddin ina raye,” in ji Sarki, wanda sunansa ne Ubangiji Maɗaukaki, “wani zai ɓullo wanda yake kamar Tabor a cikin duwatsu, kamar Karmel kusa da teku.
• Bangaskiyar da za ta iya ce wa dutsen nan ya kawuMat 17:20, Mat 21:21
  Ayoyin

  Mat 17:20Ya amsa ya ce, “Saboda kuna da ƙarancin bangaskiya sosai. Gaskiya nake gaya muku, in kuna da bangaskiyar da take ƙanƙanuwa kamar ƙwayar mustad, za ku iya ce wa wannan dutse, ‘Matsa daga nan zuwa can,’ zai kuwa matsa. Babu abin da zai gagare ku.”

  Mat 21:21Yesu ya amsa ya ce, “Gaskiya nake gaya muku, in kuna da bangaskiya, ba kuwa da wata shakka ba, ba kawai za ku iya yin abin da aka yi wa itacen ɓauren nan ba, amma za ku ma iya ce wa dutsen nan, ‘Je ka, ka jefa kanka cikin teku,’ sai yă faru.
• “Na tā da idanuna zuwa wajen tuddai”Zab 121:1
  Ayoyin

  Zab 121:1Waƙar haurawa. Na tā da idanuna zuwa wajen tuddai, ta ina ne taimakona zai zo?