Mga agila sa Bibliya

• Kabilang ang agila sa mga ibong hindi dapat kainin ng IsraelLev 11:13, Deut 14:12
  Ang mga talata

  Lev 11:13Ito ang mga ibong dapat ninyong kasuklaman at hindi dapat kainin: ang agila, ang buwitre.

  Deut 14:12Pero ito ang mga ibon na hindi dapat ninyo kainin: ang agila, ang buwitre, ang ospri,
• Gumagawa ng pugad ang agila sa mataas na bangin, sa mabatong tuktokJob 39:27–28
  Ang mga talata

  Job 39:27–28Sa mga utos mo ba umaakyat ang agila at gumagawa ng kaniyang pugad sa matataas na lugar? Naninirahan siya sa mga bangin at ginagawa ang kaniyang tahanan sa mga tuktok ng mga bangin, isang matibay na tanggulan.
• Mula roon ay naghahanap ito ng pagkain; natatanaw ito ng kaniyang mga mata mula sa malayoJob 39:29
  Ang mga talata

  Job 39:29Mula roon naghahanap siya ng mga biktima; nakikita sila ng kaniyang mga mata mula sa malayo.
• Dugo ang iniinom ng kaniyang mga inakay; kung nasaan ang napatay, naroon itoJob 39:30
  Ang mga talata

  Job 39:30Ang kaniyang anak ay umiinom din ng dugo; kung nasaan ang mga taong pinatay, naroon siya.”
• Ginagambala ng agila ang kaniyang pugad at lumilipad sa ibabaw ng kaniyang mga inakayDeut 32:11
  Ang mga talata

  Deut 32:11Gaya ng isang agila na nagbabantay ng kaniyang pugad at pumapagaspas sa ibabaw ng kaniyang mga inakay, ibinuka ni Yahweh ang kaniyang mga pakpak at kinuha sila, at dinala sila sa kaniyang mga likuran.
• Dumadagit ang agila sa kaniyang biktimaJob 9:26, Jer 49:22
  Ang mga talata

  Job 9:26Sila ay kasing-bilis ng mga bangkang tambo ng papirus, at kasing-bilis ng pagsalakay ng agila na dumadagit sa kaniyang biktima.

  Jer 49:22Tingnan ninyo, may sasalakay na gaya ng isang agila, at lilipad pababa at ibubuka ang kaniyang pakpak sa Bozra. At sa araw na iyon, ang mga puso ng mga kawal ng Edom ay magiging katulad ng puso ng babaing malapit ng manganak.”
• “Ang daan ng agila sa himpapawid” — isa sa apat na bagay na kahanga-hangaKaw 30:18–19
  Ang mga talata

  Kaw 30:18–19May tatlong bagay na labis na kamangha-mangha para sa akin, apat na hindi ko maintindihan: ang daan ng isang agila sa langit; ang ginagawa ng isang ahas sa isang bato; ang ginagawa ng isang barko sa puso ng karagatan; at ang ginagawa ng isang lalaki kasama ang isang dalaga.

Mga kasabihan

• Mas mabilis kaysa sa mga agila: sina Saul at Jonatan, mga humahabol, mga kabayo2 Sam 1:23, Panag 4:19, Jer 4:13
  Ang mga talata

  2 Sam 1:23Si Saul at Jonatan ay minahal at mapagmahal sa buhay, at sa kanilang kamatayan sila ay hindi ipinaghiwalay. Sila ay mas mabilis kaysa sa mga agila, mas malakas kaysa sa mga leon.

  Panag 4:19Mas matulin pa sa mga agilang nasa alapaap ang aming mga manunugis. Hinahabol nila kami sa mga kabundukan at nag-aabang sila sa amin sa ilang.

  Jer 4:13Tingnan ninyo, lumulusob siya katulad ng mga ulap at ang kaniyang mga karwahe ay gaya ng isang bagyo. Ang kaniyang mga kabayo ay mas mabilis pa kaysa sa mga agila. Kaawa-awa tayo sapagkat mawawasak tayo!
• Sa Sinai: “Dinala ko kayo sa mga pakpak ng agila”Exo 19:4
  Ang mga talata

  Exo 19:4Nakita mo ang aking ginawa sa mga taga-Ehipto, kung paano ko kayo inakay sa pakpak ng agila at dinala kayo para sa akin.
• Isang bansang mula sa malayo na dadagit na parang agilaDeut 28:49
  Ang mga talata

  Deut 28:49Magdadala si Yahweh ng bansa laban sa inyo mula sa malayo, mula sa dulo ng mundo, tulad ng isang agila na lumilipad papunta sa kaniyang biktima, isang bansa na hindi ninyo naiintindihan ang wika;
• Sa pagluluksa: “magpakalbo kayo na tulad ng agila”Mik 1:16
  Ang mga talata

  Mik 1:16Ahitan mo ang iyong ulo at gupitan ang iyong buhok para sa kinalulugdan mong mga anak. Kalbuhin mo ang iyong sarili gaya ng mga agila, sapagkat patuloy na dadalhin ng sapilitan ang iyong mga anak mula sa iyo.
• Ang kayamanan ay “nagkakapakpak at lumilipad sa langit na parang agila”Kaw 23:5
  Ang mga talata

  Kaw 23:5Kapag ang iyong mga mata ay nagliliwanag sa pera, nawala na ito, at bigla itong nagkakaroon ng mga pakpak at lumilipad sa himpapawid tulad ng isang agila.
• “Nanunumbalik ang iyong kabataan na tulad ng sa agila”Awit 103:5
  Ang mga talata

  Awit 103:5Binibigyang kasiyahan niya ang inyong buhay ng mabubuting bagay para mapanumbalik ang inyong kabataan tulad ng agila.
• “Papailanglang sila na may mga pakpak na tulad ng agila”Isa 40:31
  Ang mga talata

  Isa 40:31pero silang naghihintay kay Yahweh ay panunumbalikin ang kanilang kalakasan; pumailanglang sila ng may pakpak tulad ng mga agila; sila ay tatakbo at hindi manghihina; sila ay maglalakad at hindi mahihimatay.
• “Kahit itaas mo ang iyong pugad na tulad ng agila”Jer 49:16, Obad 1:4
  Ang mga talata

  Jer 49:16Sa inyong pagiging nakakatakot, nilinlang kayo ng pagmamalaki ng inyong puso, kayong mga naninirahan sa mga lugar sa talampas, kayo na tumira sa mga pinakamataas na burol upang pataasin ang inyong mga pugad tulad ng agila. Ibababa ko kayo mula roon—ito ang pahayag ni Yahweh.

  Obad 1:4Kahit na ang iyong tore ay mataas ka gaya ng paglipad ng agila, at kahit na nakalagay na ang iyong pugad kasama ng mga bituin, ibababa kita mula roon sabi ni Yahweh.