Idì nínú Bíbélì

• Idì wà lára àwọn ẹyẹ tí Israẹli kò gbọdọ̀ jẹLe 11:13, De 14:12
  Àwọn ẹsẹ

  Le 11:13“ ‘Àwọn ẹyẹ wọ̀nyí ni ẹ gbọdọ̀ kórìíra tí ẹ kò gbọdọ̀ jẹ wọ́n torí pé ohun ìríra ni wọ́n: idì, oríṣìíríṣìí igún,

  De 14:12Ṣùgbọ́n ìwọ̀nyí ní ẹ kò gbọdọ̀ jẹ: idì, igún, àkàlà,
• Idì ń tẹ́ ìtẹ́ rẹ̀ sí òkè gíga, lórí pàlàpálá òkútaJb 39:27–28
  Àwọn ẹsẹ

  Jb 39:27–28Idì ha máa fi àṣẹ rẹ̀ fò sókè, kí ó sì lọ tẹ́ ìtẹ́ rẹ̀ sí òkè gíga? Ó ń gbé, ó sì ń wò ní orí àpáta, lórí pàlàpálá òkúta àti ibi orí òkè.
• Láti ibẹ̀ ni ó ti ń wá oúnjẹ; ojú rẹ̀ ń rí i láti òkèèrèJb 39:29
  Àwọn ẹsẹ

  Jb 39:29Láti ibẹ̀ lọ ni ó ti ń wá oúnjẹ kiri, ojú rẹ̀ sì ríran rí òkè réré.
• Àwọn ọmọ rẹ̀ ń mu ẹ̀jẹ̀; níbi tí òkú bá wà, níbẹ̀ ni ó wàJb 39:30
  Àwọn ẹsẹ

  Jb 39:30Àwọn ọmọ rẹ̀ pẹ̀lú a máa mu ẹ̀jẹ̀, níbi tí òkú bá gbé wà, níbẹ̀ ni òun wà pẹ̀lú.”
• Idì ń ru ìtẹ́ rẹ̀, ó sì ń rábàbà sórí àwọn ọmọ rẹ̀De 32:11
  Àwọn ẹsẹ

  De 32:11Bí idì ti í ru ìtẹ́ rẹ̀ ti ó sì ń rábàbà sórí ọmọ rẹ̀, tí ó na ìyẹ́ apá rẹ̀ láti gbé wọn ki ó sì gbé wọn sórí ìyẹ́ apá rẹ̀.
• Idì ń bẹ́ sílẹ̀ lórí ohun ọdẹ rẹ̀Jb 9:26, Jr 49:22
  Àwọn ẹsẹ

  Jb 9:26Wọ́n kọjá lọ bí ọkọ̀ eèsún papirusi tí ń sáré lọ; bí idì tí ń yára si ohùn ọdẹ.

  Jr 49:22Wò ó! Ẹyẹ idì yóò gòkè fò wálẹ̀, yóò tẹ ìyẹ́ rẹ̀ lórí Bosra. Ní ọjọ́ náà ọkàn àwọn ajagun Edomu yóò dàbí ọkàn obìnrin tí ń rọbí.
• “ipa ẹyẹ idì ní òfúrufú” — ọ̀kan nínú nǹkan mẹ́rin tí ó yani lẹ́nuÒw 30:18–19
  Àwọn ẹsẹ

  Òw 30:18–19“Àwọn nǹkan mẹ́ta wà tí ó jẹ́ ìyàlẹ́nu fún mi, mẹ́rin tí kò yé mi, ipa ẹyẹ idì ní òfúrufú ipa ejò lórí àpáta ipa ọkọ̀ ojú omi lójú agbami Òkun àti ipa ọ̀nà ọkùnrin tí ó mú wúńdíá lọ́wọ́.

Ọ̀rọ̀ ọlọ́gbọ́n

• Ó yára ju idì lọ: Saulu àti Jonatani, àwọn tí ń lépa, àwọn ẹṣin2Sa 1:23, Ẹj 4:19, Jr 4:13
  Àwọn ẹsẹ

  2Sa 1:23Saulu àti Jonatani— ní ọjọ́ ayé, wọ́n fẹ́ràn ara, wọn sì dùn, ní ikú, wọn kò sì yà ara wọ́n. Wọ́n yára ju idì lọ, wọ́n lágbára ju kìnnìún lọ.

  Ẹj 4:19Àwọn tí ń lé wa yára ju idì ojú ọ̀run lọ; wọ́n lé wa ní gbogbo orí òkè wọ́n sì gẹ̀gùn dè wá ní aginjù.

  Jr 4:13Wò ó! O ń bọ̀ bí ìkùùkuu kẹ̀kẹ́ ogun rẹ̀ sì wá bí ìjì líle ẹṣin rẹ̀ sì yára ju idì lọ. Ègbé ni fún wa àwa parun.
• Ní Sinai: “bí mo ti gbé e yín ní apá ìyẹ́ idì”Ek 19:4
  Àwọn ẹsẹ

  Ek 19:4‘Ẹ̀yin ti rí ohun tí mo ti ṣe sí àwọn ará Ejibiti, àti bí mo ti gbé e yín ní apá ìyẹ́ idì.
• Orílẹ̀-èdè láti ọ̀nà jíjìn tí ó ń bẹ́ sílẹ̀ bí idìDe 28:49
  Àwọn ẹsẹ

  De 28:49Olúwa yóò mú àwọn orílẹ̀-èdè wá sí ọ láti ọ̀nà jíjìn, bí òpin ayé, bí idì ti ń bẹ́ láti orí òkè sílẹ̀, orílẹ̀-èdè tí ìwọ kò gbọ́ èdè wọn.
• Nínú ọ̀fọ̀: “sọ ra rẹ̀ di apárí bí ẹyẹ igún”Mik 1:16
  Àwọn ẹsẹ

  Mik 1:16Fá irun orí rẹ nínú ọ̀fọ̀ nítorí àwọn ọmọ rẹ aláìlágbára, sọ ra rẹ̀ di apárí bí ẹyẹ igún, nítorí wọn yóò kúrò lọ́dọ̀ rẹ lọ sí ìgbèkùn.
• Ọrọ̀ “hu ìyẹ́ apá fún ara rẹ̀, ó sì ń fò bí idì ní ojú ọ̀run”Òw 23:5
  Àwọn ẹsẹ

  Òw 23:5Ìwọ ó ha fi ojú rẹ lépa ohun tí kò sí? Nítorí tí ọ̀rọ̀ hu ìyẹ́ apá fún ara rẹ̀, ó sì ń fò bí idì ní ojú ọ̀run.
• “kí ìgbà èwe rẹ̀ lè di ọ̀tún bí ti ẹyẹ idì”Sm 103:5
  Àwọn ẹsẹ

  Sm 103:5ẹni tí ó fi ohun dídára tẹ́ ọ lọ́rùn kí ìgbà èwe rẹ̀ lè di ọ̀tún bí ti ẹyẹ idì.
• “Wọn yóò fìyẹ́ fò lókè bí idì”Isa 40:31
  Àwọn ẹsẹ

  Isa 40:31ṣùgbọ́n àwọn tí ó gbẹ́kẹ̀lé Olúwa yóò sọ agbára wọn di ọ̀tun. Wọn yóò fìyẹ́ fò lókè bí idì; wọn yóò sáré àárẹ̀ kò ní mú wọn, wọn yóò rìn òòyì kò ní kọ́ wọn.
• “o kọ́ ìtẹ́ rẹ ga gẹ́gẹ́ bí ẹyẹ idì”Jr 49:16, Od 1:4
  Àwọn ẹsẹ

  Jr 49:16Ìpayà tí ìwọ ti fà sínú ìgbéraga ọkàn rẹ sì ti tàn ọ́ jẹ; ìwọ tí ń gbé ní pàlàpálá àpáta, tí o jókòó lórí ìtẹ́ gíga síbẹ̀ o kọ́ ìtẹ́ rẹ ga gẹ́gẹ́ bí ẹyẹ idì; láti ibẹ̀ ni èmi yóò ti mú ọ sọ̀kalẹ̀ wá,” ni Olúwa wí.

  Od 1:4Bí ìwọ tilẹ̀ gbé ara rẹ ga bí ẹyẹ idì, bí ìwọ tilẹ̀ tẹ́ ìtẹ́ rẹ sí àárín àwọn ìràwọ̀, láti ibẹ̀ ni èmi yóò ti sọ̀ ọ kalẹ̀,” ni Olúwa wí.