Mga usa at gasela sa Bibliya

• Maaaring kainin ang mga usa at gasela, ng malinis at di-malinisDeut 12:15, Deut 14:5
  Ang mga talata

  Deut 12:15Gayon pa man, maaari kayong pumatay at kumain ng mga hayop na nasa loob ng lahat ng inyong mga tarangkahan, gaya ng nais ninyo, pagtanggap sa mga pagpapala ni Yahweh na inyong Diyos para sa lahat nang ibinigay niya sa inyo; ang marurumi at ang malilinis na mga tao ay parehong makakakain nitong mga hayop tulad ng gasela at usa.

  Deut 14:5ang usa, ang gasel, ang usang lalaki, ang mabangis na kambing, at aybeks, at ang antilope, at ang tupang bundok.
• Mga usa, gasela at maliliit na usa ang inilaan para sa hapag ni Solomon1 Hari 4:22–23
  Ang mga talata

  1 Hari 4:22–23Ang pangangailangan ni Solomon para sa isang araw ay tatlumpung kor ng pinong harina at animnapung kor ng pagkain, sampung matatabang baka, dalawampung baka galing sa pastulan, at isang daang tupa, bukod pa sa usa, mga gasel, mga usang lalaki at mga pinatabang ibon.
• Job: yumuyukyok ang babaeng usa upang manganak; lumalaki ang mga anak sa parangJob 39:1–4
  Ang mga talata

  Job 39:1–4Alam mo ba kung anong panahon ipinapanganak ng ligaw na kambing sa mga bato ang kaniyang anak? Kaya mo bang pagmasdan ang mga usa habang ipinapanganak nila ang mga batang usa? Kaya mo bang bilangin ang mga buwan na sila ay nagbubuntis? Alam mo ba ang panahon na kanilang dinadala ang kanilang mga anak? Yumuyukod sila at pinapanganak ang kanilang anak, at pagkatapos winawakasan nila ang kanilang mga sakit sa panganganak. Ang kanilang mga anak ay lumalakas at lumalaki sa mga damuhan; lumalabas sila at hindi na bumabalik muli.
• Sa tagtuyot ay iniiwan ng babaeng usa ang bagong silang na anak dahil walang damoJer 14:5
  Ang mga talata

  Jer 14:5Sapagkat iniiwan din maging ng babaing usa ang kaniyang maliliit na anak sa parang at pinababayaan ang mga ito sapagkat walang damo.
• “Gaya ng usang nananabik sa mga batis ng tubig”Awit 42:1
  Ang mga talata

  Awit 42:1Gaya ng usa na hinihingal at nananabik para sa tubig na umaagos, gayon ang pagkauhaw ko para sa iyo, O Diyos.
• Mga usang walang makitang pastulan, walang lakas na tumakas sa mangangasoPanag 1:6
  Ang mga talata

  Panag 1:6At nawala ang kagandahan ng anak na babae ng Zion. Naging tulad ng usa ang kaniyang mga prinsipe na hindi makahanap ng pastulan at umalis sila na walang lakas sa harap ng mga humahabol sa kanila.
• Kumakawala ang gasela sa kamay ng mangangasoKaw 6:5
  Ang mga talata

  Kaw 6:5Iligtas mo ang iyong sarili gaya ng isang usa mula sa kamay ng mangangaso, katulad ng isang ibon mula sa kamay ng tagahuli ng hayop.

Mga kasabihan

• Matulin ang paa ni Asahel na tulad ng mailap na gasela2 Sam 2:18
  Ang mga talata

  2 Sam 2:18Ang tatlong anak na lalaki ni Zeruias ay naroon: Si Joab, at Abisai, at Asahel. Si Asahel ay napakabilis ng mga paa gaya ng isang gasel.
• Mga mandirigmang Gadita na mabilis na tulad ng mga gasela sa kabundukan1 Cro 12:8
  Ang mga talata

  1 Cro 12:8Ilan sa mga taga-Gad ay umanib kay David sa matibay na tanggulan sa ilang. Sila ay mga mandirigma, mga kalalakihang sinanay para sa digmaan, na kayang humawak ng kalasag at sibat; na ang mga mukha ay kasing bangis ng mga mukha ng leon. Sila ay kasing bilis ng mga gasel sa mga bundok.
• “Pinatutulad niya ang aking mga paa sa paa ng usa” sa matataas na dako2 Sam 22:34, Awit 18:33, Hab 3:19
  Ang mga talata

  2 Sam 22:34Ginawa niyang matulin ang aking mga paa gaya ng isang usa at inilagay ako sa mga bundok.

  Awit 18:33Pinabibilis niya ang aking mga paa na parang isang usa at inilalagay niya ako sa kabundukan!

  Hab 3:19Ang Panginoong Yahweh ang aking lakas, at ginagawa niya ang aking paa na tulad ng paa ng usang babae at pinangungunahan ako sa aking mga lugar na matataas! —Sa direktor ng musika, sa aking mga instrumentong may kuwerdas.
• “Isang mapagmahal na babaeng usa, isang marikit na batang usa”Kaw 5:19
  Ang mga talata

  Kaw 5:19Sapagkat siya ay isang mapagmahal at kaaya-aya tulad ng usang babae. Hayaan ninyo ang kaniyang dibdib ay punuin kayo ng galak sa lahat ng panahon; laging maging bihag ng kaniyang pag-ibig.
• Ang minamahal, tulad ng gasela o batang usa sa kabundukanAwS 2:9, AwS 2:17, AwS 8:14
  Ang mga talata

  AwS 2:9Ang aking minamahal ay tulad ng isang gasel o isang batang lalaking usa, masdan mo, siya ay nakatayo sa likod ng aming pader, sumisilip sa bintana, sumusungaw sa sala-sala.

  AwS 2:17Lumayo ka, aking minamahal, bago umihip ang mahinang hangin ng bukang-liwayway at ang mga anino ay maglaho. Lumayo ka; maging tulad ng isang gasel o ng isang batang lalaking usa sa baku-bakong bundok.

  AwS 8:14Magmadali ka, aking minamahal, at maging katulad ng isang gasel o isang batang usang barako sa mga bundok ng mga sangkap ng pabango.
• “Pinasusumpa ko kayo sa pamamagitan ng mga gasela at mga babaeng usa sa parang”AwS 2:7
  Ang mga talata

  AwS 2:7Nais kong ipangako ninyo, mga anak na dalaga ng Jerusalem, kasama ng mga gasel at ng mga babaeng usa ng kabukiran, na hindi ninyo gagambalain ang aming pagtatalik hanggang ito ay matapos. Nagsasalita sa kaniyang sarili ang babae
• “Si Nephtali ay babaeng usang pinakawalan”Gen 49:21
  Ang mga talata

  Gen 49:21Si Nephtali ay isang malayang babaeng usa; magkakaroon siya ng magandang mumunting mga usa.