Ẹ̀ẹ̀rùn àti òtútù nínú Bíbélì

• Ìgbà ọ̀gbìn àti ìkórè, òtútù àti ooru, ẹ̀ẹ̀rùn àti òjò kì yóò dópinGẹ 8:22
  Àwọn ẹsẹ

  Gẹ 8:22“Níwọ́n ìgbà tí ayé bá sì wà, ìgbà ọ̀gbìn àti ìgbà ìkórè ìgbà òtútù àti ìgbà ooru, ìgbà ẹ̀ẹ̀rùn àti ìgbà òjò, ìgbà ọ̀sán àti ìgbà òru, yóò wà títí láé.”
• Ìmọ́lẹ̀ ní ojú ọ̀run láti mọ àsìkò, ọjọ́ àti ọdúnGẹ 1:14, Sm 104:19
  Àwọn ẹsẹ

  Gẹ 1:14Ọlọ́run sì wí pé, “Jẹ́ kí ìmọ́lẹ̀ kí ó wà ní ojú ọ̀run, láti pààlà sí àárín ọ̀sán àti òru, kí wọn ó sì máa wà fún àmì láti mọ àwọn àsìkò, àti àwọn ọjọ́ àti àwọn ọdún.

  Sm 104:19Òṣùpá jẹ́ àmì fún àkókò oòrùn sì mọ ìgbà tí yóò wọ̀.
• Saamu kan: “Ìwọ dá ìgbà ẹ̀ẹ̀rùn àti ìgbà òtútù”Sm 74:17
  Àwọn ẹsẹ

  Sm 74:17Ìwọ pààlà etí ayé; Ìwọ dá ìgbà ẹ̀ẹ̀rùn àti ìgbà òtútù.
• Òjò ní àkókò rẹ̀: òjò àkọ́rọ̀ àti ti àrọ̀kẹ́yìnDe 11:14, Jl 2:23, Jr 5:24
  Àwọn ẹsẹ

  De 11:14nígbà náà, èmi yóò rọ òjò sórí ilẹ̀ ẹ yín lákòókò rẹ̀, àti òjò àkọ́rọ̀ àti ti àrọ̀kẹ́yìn, kí ẹ ba à lè kórè oúnjẹ yín wọlé àní wáìnì tuntun àti òróró.

  Jl 2:23Ẹ jẹ́ kí inú yín dùn, ẹ̀yin ọmọ Sioni, ẹ sì yọ̀ nínú Olúwa Ọlọ́run yín, nítorí ó ti fi àkọ́rọ̀ òjò fún yín bí ó ti tọ́, Òun ti mú kí òjò rọ̀ sílẹ̀ fún un yín, àkọ́rọ̀ àti àrọ̀kúrò òjò ní oṣù kìn-ín-ní.

  Jr 5:24Wọn kò sọ fún ara wọn pé, ‘Ẹ jẹ́ ká a bẹ̀rù Olúwa Ọlọ́run wa, ẹni tí ó fún wa ní òjò àkọ́rọ̀ àti àrọ̀kúrò òjò ní ìgbà rẹ̀, tí ó fi wá lọ́kàn balẹ̀ nípa ìkórè ọ̀sẹ̀ déédé.’
• Ní àkókò tí àwọn ọba máa ń jáde lọ sí ogun2Sa 11:1
  Àwọn ẹsẹ

  2Sa 11:1Lẹ́yìn ìgbà tí ọdún yípo, ní àkókò ìgbà tí àwọn ọba máa ń jáde ogun, Dafidi sì rán Joabu, àti àwọn ìránṣẹ́ rẹ̀ pẹ̀lú rẹ̀, àti gbogbo Israẹli; wọ́n sì pa àwọn ọmọ Ammoni, wọ́n sì dó ti Rabba. Dafidi sì jókòó ní Jerusalẹmu.
• Ìpakà títí di ìkórè èso àjàrà, ìkórè èso àjàrà títí di ìgbà gbígbìnLe 26:5
  Àwọn ẹsẹ

  Le 26:5Èrè oko yín yóò pọ̀ dé bi pé ẹ ó máa pa ọkà títí di àsìkò ìkórè igi eléso, ẹ̀yin yóò sì máa gbé ní ilẹ̀ yín láìléwu.
• Rutu dé ní ìbẹ̀rẹ̀ ìkórè barle, ó sì ń ṣa ọkà títí ìkórè alikama fi paríRu 1:22, Ru 2:23
  Àwọn ẹsẹ

  Ru 1:22Báyìí ni Naomi ṣe padà láti Moabu pẹ̀lú Rutu, ará Moabu ìyàwó ọmọ rẹ̀. Wọ́n gúnlẹ̀ sí Bẹtilẹhẹmu ní ìbẹ̀rẹ̀ ìkórè ọkà barle.

  Ru 2:23Rutu sì bá àwọn ìránṣẹ́bìnrin Boasi ṣiṣẹ́ títí tí wọ́n fi parí ìkórè ọkà barle àti ti jéró. Ó sì ń gbé pẹ̀lú ìyá ọkọ rẹ̀.
• Samuẹli ké pe àrá àti òjò ní ìgbà ìkórè alikama1Sa 12:17–18
  Àwọn ẹsẹ

  1Sa 12:17–18Òní kì í ha á ṣe ọjọ́ ìkórè ọkà alikama bí? Èmi yóò ké pe Olúwa kí ó rán àrá àti òjò. Ẹ̀yin yóò sì mọ irú ohun búburú tí ẹ ti ṣe níwájú Olúwa nígbà tí ẹ̀ ń béèrè fún ọba.” Nígbà náà ni Samuẹli ké pe Olúwa, Olúwa sì rán àrá àti òjò ní ọjọ́ náà. Bẹ́ẹ̀ ni gbogbo ènìyàn sì bẹ̀rù Olúwa àti Samuẹli púpọ̀.
• Àwọn ọdún Jakọbu: ooru ní ọ̀sán, òtútù ní òruGẹ 31:40
  Àwọn ẹsẹ

  Gẹ 31:40Báyìí ni mo wà; oòrùn ń pa mi lọ́sàn án, òtútù ń pa mi lóru, mo sì ń ṣe àìsùn.

Ẹ̀ẹ̀rùn

• Egloni jókòó nínú iyàrá ìtura rẹ̀ lókèOn 3:20, On 3:24
  Àwọn ẹsẹ

  On 3:20Ehudu lọ sí ọ̀dọ̀ rẹ̀ níbi tí ó ti jókòó ní iyàrá ìtura rẹ̀, Ehudu sì wí fún un pé, “Mo ní ọ̀rọ̀ kan fún ọ láti ọ̀dọ̀ Ọlọ́run.” Bí ọba sì ti dìde ní orí ìtẹ́ rẹ̀,

  On 3:24Lẹ́yìn tí ó ti lọ àwọn ìránṣẹ́ ọba dé, ṣùgbọ́n nígbà tí wọ́n rí ìlẹ̀kùn yàrá òkè ní títì, wọ́n rò pé, “Bóyá ó wà ní ilé ìyàgbẹ́ ní yàrá nínú ilé.”
• Ilé òtútù àti ilé ooruAm 3:15
  Àwọn ẹsẹ

  Am 3:15Èmi yóò wó ilé òtútù lulẹ̀ pẹ̀lú ilé ooru; ilé tí a fi eyín erin ṣe lọ́ṣọ̀ọ́ yóò ṣègbé a ó sì pa ilé ńlá náà run,” ni Olúwa wí.
• Ṣiba mú ọgọ́rùn-ún èso ẹ̀ẹ̀rùn wá fún Dafidi2Sa 16:1–2
  Àwọn ẹsẹ

  2Sa 16:1–2Nígbà tí Dafidi sì fi díẹ̀ kọjá orí òkè náà, sì wò ó, Ṣiba ìránṣẹ́ Mefiboṣeti sì ń bọ̀ wá pàdé rẹ̀, òun àti kẹ́tẹ́kẹ́tẹ́ méjì tí a ti dì ní gàárì, àti igba ìṣù àkàrà lórí wọn, àti ọgọ́rùn-ún síírí àjàrà gbígbẹ, àti ọgọ́rùn-ún èso ẹ̀rún, àti ìgò ọtí wáìnì kan. Ọba sì wí fún Ṣiba pé, “Kí ni wọ̀nyí?” Ṣiba sì wí pé, “Kẹ́tẹ́kẹ́tẹ́ wọ̀nyí ni fún àwọn ará ilé ọba láti máa gùn àti àkàrà yìí, àti èso ẹ̀rún yìí ni fún àwọn ọ̀dọ́mọdékùnrin láti jẹ; àti ọtí wáìnì yìí ni fún àwọn aláàárẹ̀ ní ijù láti mu.”
• Gedaliah: ẹ kó ọtí wáìnì, èso igi àti òróró jọ sínú ohun èlò yínJr 40:10, Jr 40:12
  Àwọn ẹsẹ

  Jr 40:10Èmi fúnra mi yóò dúró ní Mispa láti ṣojú yín níwájú Babeli tí wọ́n tọ̀ wá wá. Ṣùgbọ́n ẹ̀yin ni yóò máa kórè ọtí wáìnì, èso igi àti òróró; kí ẹ sì kó wọn sí inú àpò àpamọ́wọ́ yín; kí ẹ̀yin sì máa gbé ní ìlú tí ẹ ti gbà.”

  Jr 40:12Gbogbo wọn padà wá sí ilẹ̀ Juda sọ́dọ̀ Gedaliah ní Mispa láti orílẹ̀-èdè gbogbo tí a ti lé wọn sí. Wọ́n sì kórè ọ̀pọ̀lọpọ̀ ọtí wáìnì àti èso igi.
• Èèrà ń kó oúnjẹ rẹ̀ jọ ní àsìkò òjòÒw 6:6–8, Òw 30:25
  Àwọn ẹsẹ

  Òw 6:6–8Tọ èèrà lọ, ìwọ ọ̀lẹ; kíyèsi ìṣe rẹ̀, kí o sì gbọ́n! Kò ní olùdarí, kò sí alábojútó tàbí ọba, síbẹ̀, a kó ìpèsè rẹ̀ jọ ní àsìkò òjò yóò sì kó oúnjẹ rẹ̀ jọ ní àsìkò ìkórè.

  Òw 30:25Àwọn èèrà jẹ́ aláìlágbára ẹ̀dá, síbẹ̀ wọ́n kó oúnjẹ wọn pamọ́ ní àsìkò òjò.
• Ìyàngbò lórí ilẹ̀ ìpakà ní ẹ̀ẹ̀rùn, tí afẹ́fẹ́ gbé lọDa 2:35
  Àwọn ẹsẹ

  Da 2:35Nígbà náà ni irin, amọ̀, idẹ, fàdákà àti wúrà fọ́ sí wẹ́wẹ́ lẹ́sẹ̀kan náà, ó sì dàbí ìyàngbò tí a fẹ́ kúrò lórí ọkà ní àsìkò ẹ̀ẹ̀rùn. Afẹ́fẹ́ gbé gbogbo rẹ̀ lọ láìṣẹ́ku ọ̀kan mọ́, òkúta tí ó fọ́ ère náà sì di òkè ńlá, ó sì gba gbogbo ayé.
• Nígbà tí igi ọ̀pọ̀tọ́ bá ń ru ewé, ẹ̀ẹ̀rùn súnmọ́ tòsíMt 24:32
  Àwọn ẹsẹ

  Mt 24:32“Nísinsin yìí, ẹ kọ́ òwe lára igi ọ̀pọ̀tọ́. Nígbà tí ẹ̀ka rẹ̀ bá ti ń yọ tuntun tí ó bá sì ń ru ewé, ẹ̀yin mọ̀ pé ìgbà ẹ̀ẹ̀rùn súnmọ́ tòsí.
• “agbára mi gbẹ tán gẹ́gẹ́ bí ooru ẹ̀ẹ̀rùn”Sm 32:4
  Àwọn ẹsẹ

  Sm 32:4Nítorí pé ni ọ̀sán àti ní òru ọwọ́ rẹ̀ wúwo sí mi lára; agbára mi gbẹ tán gẹ́gẹ́ bí ooru ẹ̀ẹ̀rùn. Sela.

Òtútù

• “Ìgbà òtútù ti kọjá; òjò ti rọ̀ dawọ́, ó sì ti lọ”Orin 2:11–13
  Àwọn ẹsẹ

  Orin 2:11–13Wò ó! Ìgbà òtútù ti kọjá; òjò ti rọ̀ dawọ́, ó sì ti lọ. Àwọn òdòdó fi ara hàn lórí ilẹ̀ àsìkò ìkọrin àwọn ẹyẹ dé a sì gbọ́ ohùn àdàbà ní ilẹ̀ wa. Igi ọ̀pọ̀tọ́ mú èso tuntun jáde, àwọn àjàrà nípa ìtànná wọ́n fún ni ní òórùn dídùn. Dìde, wá, Olólùfẹ́ mi, Arẹwà mi nìkan ṣoṣo, wá pẹ̀lú mi.”
• Ní oṣù kẹsàn-án, ọba jókòó nínú ilé òtútù rẹ̀ lẹ́bàá iná ààròJr 36:22
  Àwọn ẹsẹ

  Jr 36:22Ó sì jẹ́ ìgbà òtútù nínú oṣù kẹsànán, ọba sì jókòó ní ẹ̀bá iná ààrò, iná náà sì ń jó ní iwájú rẹ̀.
• Ní àkókò òjò, àwọn ènìyàn jókòó ní ìwárìrì ní ìta gbangba nínú òjò púpọ̀Esr 10:9, Esr 10:13
  Àwọn ẹsẹ

  Esr 10:9Láàrín ọjọ́ mẹ́ta náà, gbogbo àwọn ọkùnrin Juda àti Benjamini tí péjọ sí Jerusalẹmu. Ní ogúnjọ́ oṣù kẹsànán, gbogbo àwọn ènìyàn jókòó sí ìta gbangba iwájú ilé Ọlọ́run, wọ́n wà nínú ìbànújẹ́ ńlá nítorí ọ̀ràn yìí, àti nítorí òjò púpọ̀ tó tì rọ̀.

  Esr 10:13Ṣùgbọ́n ọ̀pọ̀ ni ó wà ni ibi yìí síbẹ̀ àkókò òjò ni; àwa kò sì lè dúró ní ìta. Yàtọ̀ sí èyí, a kò le è yanjú ọ̀rọ̀ yìí láàrín ọjọ́ kan tàbí ọjọ́ méjì, nítorí ẹ̀ṣẹ̀ wa pọ̀ jọjọ lórí àwọn nǹkan wọ̀nyí.
• Àjọ̀dún ìyàsímímọ́ ní ìgbà òtútù; Jesu ń rìn ní ìloro SolomoniJh 10:22–23
  Àwọn ẹsẹ

  Jh 10:22–23Àkókò náà sì jẹ́ àjọ̀dún ìyàsímímọ́ ní Jerusalẹmu, ni ìgbà òtútù. Jesu sì ń rìn ní tẹmpili, ní ìloro Solomoni.
• “Ẹ sì máa gbàdúrà kí sísá yín má ṣe jẹ́ ìgbà òtútù”Mt 24:20
  Àwọn ẹsẹ

  Mt 24:20Ẹ sì máa gbàdúrà kí sísá yín má ṣe jẹ́ ìgbà òtútù, tàbí ọjọ́ ìsinmi.
• Ìrìnàjò ojú omi léwu lẹ́yìn àwẹ̀; wọ́n wá èbúté láti lo ìgbà òtútùÌṣe 27:9, Ìṣe 27:12
  Àwọn ẹsẹ

  Ìṣe 27:9Nígbà ti a sì ti sọ ọjọ́ púpọ̀ nù, àti pé ìrìnàjò wa sì ti léwu gan an nítorí nísinsin yìí àwẹ̀ ti kọjá lọ, Paulu dá ìmọ̀ràn.

  Ìṣe 27:12Àti nítorí pé èbúté náà kò rọrùn láti lo àkókò òtútù níbẹ̀, àwọn púpọ̀ sí dámọ̀ràn pé, kí a lọ kúrò níbẹ̀, bóyá wọn ó lè làkàkà dé Fonike, tí i ṣe èbúté Krete ti ó kọjú sí òsì ìwọ̀-oòrùn, àti ọ̀tún ìwọ̀-oòrùn, láti lo àkókò òtútù níbẹ̀.
• Ọkọ̀ Alekisandiria kan ti lo ìgbà òtútù ní erékùṣù náàÌṣe 28:11
  Àwọn ẹsẹ

  Ìṣe 28:11Lẹ́yìn oṣù mẹ́ta, a wọ ọkọ̀ ojú omi kan èyí tí ó lo àkókò òtútù ní erékùṣù náà. Ó jẹ́ ọkọ̀ ojú omi ti Alekisandiria, èyí tí àmì rẹ̀ jẹ́ tí òrìṣà ìbejì ti Kasitoru òun Polukisu.
• Paulu pinnu láti lo ìgbà òtútù ní NikopoliTt 3:12
  Àwọn ẹsẹ

  Tt 3:12Ní kété tí mo bá ti rán Artema tàbí Tikiku sí ọ, sa gbogbo ipá rẹ láti tọ̀ mí wá ní Nikopoli, nítorí mo ti pinnu láti lo ìgbà òtútù mi níbẹ̀.
• Paulu sí Timotiu: “Sa ipá rẹ láti tètè wá ṣáájú ìgbà òtútù”2Tm 4:21
  Àwọn ẹsẹ

  2Tm 4:21Sa ipá rẹ láti tètè wá ṣáájú ìgbà òtútù. Eubulu kí ọ, àti Pudeni, àti Linu, Klaudia, àti gbogbo àwọn arákùnrin.
• Ó fi yìnyín fún ni bí irun àgùntàn, ó fọ́n ìrì dídì ká bí eérúSm 147:16
  Àwọn ẹsẹ

  Sm 147:16Ó fi yìnyín fún ni bi irun àgùntàn ó sì fọ́n ìrì dídì ká bí eérú

Ọ̀rọ̀ inú Òwe

• “Ẹni tí ó kó irúgbìn jọ ní àsìkò òjò jẹ́ ọlọ́gbọ́n ọmọ”Òw 10:5
  Àwọn ẹsẹ

  Òw 10:5Ẹni tí ó kó irúgbìn jọ ní àsìkò òjò jẹ́ ọlọ́gbọ́n ọmọ, ṣùgbọ́n ẹni tí ó sùn ní àsìkò ìkórè jẹ́ adójútini ọmọ.
• “Bí òjò-dídì tàbí òjò ní ìgbà ìkórè”Òw 26:1
  Àwọn ẹsẹ

  Òw 26:1Bí òjò-dídì tàbí òjò ní ìgbà ìkórè ọlá kò yẹ aláìgbọ́n ènìyàn.
• “Bí títutù òjò yìnyín ní àsìkò ìkórè”Òw 25:13
  Àwọn ẹsẹ

  Òw 25:13Bí títutù òjò yìnyín ní àsìkò ìkórè ni ìránṣẹ́ tí ó jẹ́ olóòtítọ́ sí àwọn tí ó rán an ó ń tu ọ̀gá rẹ̀ nínú.
• Ọ̀lẹ kì í ro oko nígbà tí ó yẹÒw 20:4
  Àwọn ẹsẹ

  Òw 20:4Ọ̀lẹ kì í ṣiṣẹ́ oko nígbà tí ó yẹ, nítorí náà ní àsìkò ìkórè, yóò wá kò sì ní rì nǹkan.