Mga ahas sa Bibliya

• Genesis: mas tuso ang ahas kaysa sa alinmang hayop sa parangGen 3:1
  Ang mga talata

  Gen 3:1Ngayon ang ahas ay higit na tuso kaysa sa anumang ibang mabangis na hayop sa bukid na ginawa ni Yahweh na Diyos. Sinabi niya sa babae, “Talaga bang sinabi ng Diyos, “Hindi kayo dapat kumain mula sa anumang puno ng hardin?”
• Genesis: gagapang ang ahas sa kaniyang tiyan at kakain ng alikabokGen 3:14
  Ang mga talata

  Gen 3:14Sinabi ni Yahweh na Diyos sa ahas, “Dahil ginawa mo ito, sumpain ka sa lahat ng mga hayop at sa lahat ng mababangis na hayop sa bukid. Gagapang ka sa pamamagitan ng iyong tiyan at alikabok ang iyong kakainin sa lahat ng araw ng iyong buhay.
• “Ang daan ng ahas sa ibabaw ng bato” — isa sa apat na bagay na kahanga-hangaKaw 30:18–19
  Ang mga talata

  Kaw 30:18–19May tatlong bagay na labis na kamangha-mangha para sa akin, apat na hindi ko maintindihan: ang daan ng isang agila sa langit; ang ginagawa ng isang ahas sa isang bato; ang ginagawa ng isang barko sa puso ng karagatan; at ang ginagawa ng isang lalaki kasama ang isang dalaga.
• Mga ahas sa pader: maaaring tuklawin ang sumisira o sumasandal ditoMang 10:8, Amos 5:19
  Ang mga talata

  Mang 10:8Sinuman ang nagbubungkal ng hukay ay maaaring mahulog dito, at kapag mayroong sumisira sa pader, maaari siyang kagatin ng ahas.

  Amos 5:19Gaya ng isang tao na tinatakasan niya ang isang leon at isang oso ang sumasalubong sa kaniya, o kaya pumapasok siya sa tahanan at inihawak ang kaniyang kamay sa pader at isang ahas ang tutuklaw sa kaniya.
• Mga manggagayuma ng ahas: walang pakinabang kung manuklaw ang ahas bago magayumaMang 10:11
  Ang mga talata

  Mang 10:11Kung ang ahas ay nanuklaw bago pa ito mapaamo, walang kalamangan para sa nang-aamo.
• Ulupong na nagtatakip ng tainga sa himig ng manggagayumaAwit 58:4–5
  Ang mga talata

  Awit 58:4–5Ang kanilang kamandag ay katulad ng kamandag ng ahas; katulad sila ng binging ulupong na tinatakpan ang kanilang mga tainga, na hindi pinapansin ang tinig ng mga nang-aamo, kahit gaano pa sila kagaling.
• Mga ulupong na hindi kayang gayumahinJer 8:17
  Ang mga talata

  Jer 8:17Sapagkat tingnan ninyo, magpapadala ako sa inyo ng mga ahas, mga ulupong na hindi ninyo kayang paamuhin. Tutuklawin kayo ng mga ito, ito ang pahayag ni Yahweh.”
• Ulupong sa tabi ng daan na tumutuklaw sa sakong ng kabayo, at nahuhulog ang sakayGen 49:17
  Ang mga talata

  Gen 49:17Magiging tulad ng ahas si Dan sa gilid ng daan, isang nakalalasong ahas sa daan na nanunuklaw ng mga sakong ng kabayo, upang mahulog ng patalikod ang kanyang sakay.
• May makamandag na ahas at alakdan ang ilangDeut 8:15
  Ang mga talata

  Deut 8:15Maaaring makalimutan ninyo siya na pumatnubay sa inyo sa malaki at kakila-kilabot na ilang, kung saan may nag-aapoy na mga ahas at mga alakdan, at sa uhaw na lupa na walang tubig; si Yahweh, na nagpalabas ng tubig sa batong pingkian para sa inyo;
• Ang Negev: lupain ng leon, ulupong at lumilipad na ahasIsa 30:6
  Ang mga talata

  Isa 30:6Isang pagpapahayag tungkol sa mga halimaw ng Negev: Sa iba't ibang dako ng lupain ng kaguluhan at panganib, ng babaeng leon at ng lalaking leon, ang ulupong at ang umaapoy na dragon, ikinakarga nila ang kanilang mga kayamanan sa likod ng mga asno, at ang kanilang yaman sa mga umbok ng mga kamelyo, patungo sa isang grupo ng mga tao na hindi sila matutulungan.
• Basagin ang itlog ng ulupong, at ulupong ang mapipisaIsa 59:5
  Ang mga talata

  Isa 59:5Sila ay nagpipisa ng mga itlog ng isang makamandag na ahas at naghahabi ng sapot ng gagamba. Sinuman ang kumakain ng kanilang mga itlog ay namamatay, at kung ang isang itlog ay mapisa, ito ay napipisa para maging isang makamandag na ahas.

Sa mga salaysay

• Naging ahas ang tungkod ni Moises; tumakbo siya palayo, saka hinawakan ito sa buntotExo 4:3–4
  Ang mga talata

  Exo 4:3–4Sinabi ni Yahweh, “Ihagis mo ito sa lupa.” Inihagis ito ni Moises sa lupa, at ito ay naging isang ahas. Tumakbo si Moises palayo dito. Sinabi ni Yahweh kay Moises, “Damputin mo at hawakan ito sa buntot.” Kaya dinampot niya at hinawakan ang ahas. Naging tungkod ito muli sa kaniyang kamay.
• Naging ahas ang tungkod ni Aaron at nilamon ang mga tungkod ng mga salamangkeroExo 7:10–12
  Ang mga talata

  Exo 7:10–12Pagkatapos pumunta sina Moises at Aaron kay Paraon, at ginawa nila ayon sa inutos ni Yahweh. Tinapon ni Aaron ang kaniyang tungkod sa harapan ni Paraon at kaniyang mga lingkod, at ito ay naging isang ahas. Pagkatapos tinawag din ni Paraon ang kaniyang mga matatalino at salamangkero. Gumawa sila ng kaparehong bagay sa kanilang salamangka. Bawat isang lalaki ay itinapon ang kaniyang tungkod at ang mga tungkod ay naging mga ahas. Pero ang tungkod ni Aaron ay nilamon ng kanilang mga ahas.
• Tinuklaw ng makamandag na ahas ang mga Israelita sa ilang, at marami ang namatayBil 21:6
  Ang mga talata

  Bil 21:6At nagpadala si Yahweh ng mga makamandag na ahas sa mga tao. Tinuklaw ng mga ahas ang mga tao; maraming tao ang namatay.
• Gumawa si Moises ng tansong ahas sa isang poste; nabuhay ang natuklaw na tumingin ditoBil 21:8–9
  Ang mga talata

  Bil 21:8–9Sinabi ni Yahweh kay Moises, “Gumawa ka ng isang ahas at ikabit mo ito sa isang poste. At mangyayari na ang bawat isang natuklaw ay makaliligtas, kung titingnan niya ito.” Kaya gumawa si Moises ng isang tansong ahas at ikinabit ito sa isang poste. Kapag natuklaw ng isang ahas ang sinumang tao, kung titingin siya sa tansong ahas, makaliligtas siya.
• Pinagpira-piraso ni Hezekias ang tansong ahas na iyon, ang Nehustan, dahil sinusunugan ito ng insenso2 Hari 18:4
  Ang mga talata

  2 Hari 18:4Tinanggal niya ang mga dambana, winasak ang mga sagradong poste na gawa sa bato, at pinutol ang mga poste ni Asera. Pinagpira-piraso niya ang tansong ahas na ginawa ni Moises, dahil sa mga panahon na iyon nagsusunog dito ng insenso ang bayan ng Israel; tinawag itong “Nehustan”.
• Sa Malta, isang ulupong na itinaboy ng init ng apoy ang kumapit sa kamay ni PabloGawa 28:3–4
  Ang mga talata

  Gawa 28:3–4Ngunit nang si Pablo ay nakapag-ipon ng ilang bigkis ng kahoy at inilagay sa apoy, isang ulupong ang lumabas dahil sa init at kumapit sa kaniyang kamay. Nang makita ng mga katutubo na ang ahas ay kumapit sa kaniyang kamay, nasabi nila sa isa't-isa, “ Ang taong ito ay tiyak na mamamatay tao, na nakatakas mula sa karagatan, at hindi siya pinayagan ng katarungan upang mabuhay.
• Ipinagpag ito ni Pablo; hinintay ng mga taga-isla na mamaga siyaGawa 28:5–6
  Ang mga talata

  Gawa 28:5–6Ngunit ipinagpag niya ang ahas sa apoy at hindi siya nasaktan. Hinihintay nila siyang mamaga at mag-apoy sa lagnat o di kaya'y biglang mamatay. Ngunit pagkatapos nilang pagmasdan ng mahabang panahon nakita nila na walang nangyaring pagbabago sa kaniya, nagbago ang kanilang isip at sinabi nila na siya ay isang diyos.
• Binigyan ni Jesus ang kaniyang mga alagad ng kapangyarihang tumapak sa mga ahas at alakdanLuc 10:17, Luc 10:19
  Ang mga talata

  Luc 10:17Bumalik ang pitumpu na may kagalakan, nagsasabing, “Panginoon, kahit ang mga demonyo ay nagpasakop sa amin sa iyong pangalan.”

  Luc 10:19Tingnan, binigyan ko kayo ng kapangyarihan na tapakan ang mga ahas, at ang mga alakdan, at sa lahat ng kapangyarihan ng kaaway, at walang makapananakit sa inyo sa anumang paraan.

Mga kasabihan

• “Maging matalino kayo tulad ng mga ahas at walang malay tulad ng mga kalapati”Mat 10:16
  Ang mga talata

  Mat 10:16Tingnan ninyo, ipadadala ko kayo na parang mga tupa sa kalagitnaan ng mga asong lobo, kaya maging marunong kayo tulad ng mga ahas at hindi mapanakit tulad ng mga kalapati.
• Sinong ama ang magbibigay ng ahas sa anak na humihingi ng isda?Mat 7:10, Luc 11:11
  Ang mga talata

  Mat 7:10O kapag humihingi siya ng isda, ay bibigyan niya ng ahas?

  Luc 11:11Aling ama sa inyo, kung ang iyong anak na lalaki ay humingi ng isda ay bibigyan mo ng ahas sa halip na isda?
• Ang alak ay “tumutuklaw na parang ahas at nanunuklaw na parang ulupong”Kaw 23:31–32
  Ang mga talata

  Kaw 23:31–32Huwag tumingin sa alak kung ito ay mapula, kung ito ay kumikinang sa tasa at bumaba nang tuloy-tuloy. Sa bandang huli ito ay tumutuklaw katulad ng isang ulupong at ito ay kumakagat tulad ng isang ahas.
• “Pinatatalas nila ang kanilang dila na parang ahas”Awit 140:3
  Ang mga talata

  Awit 140:3Ang kanilang dila ay nakakasugat tulad ng mga ahas, ang lason ng ulupong ay nasa kanilang mga labi. Selah
• “Hihimurin nila ang alikabok na parang ahas”Mik 7:17
  Ang mga talata

  Mik 7:17Didilaan nila ang alikabok ng gaya ng isang ahas, gaya ng nilalang na gumagapang sa lupa. Lalabas sila sa kanilang mga lungga na may takot, lalapit sila sa iyo na may takot, Yahweh na aming Diyos, at sila ay matatakot dahil sa iyo.
• Ang Ehipto ay “sisitsit na parang tumatakas na ahas”Jer 46:22
  Ang mga talata

  Jer 46:22Sumusutsot at gumagapang papalayo ang Egipto tulad ng isang ahas, sapagkat lumalakad laban sa kaniya ang kaniyang mga kaaway. Lumalakad sila patungo sa kaniya tulad ng mga namumutol ng kahoy na may mga palakol.