Mga sedar ng Lebanon sa Bibliya

• Nagsalita si Solomon tungkol sa mga puno, mula sa sedar sa Lebanon hanggang sa hisopo sa pader1 Hari 4:33
  Ang mga talata

  1 Hari 4:33Isinalarawan niya ang mga halaman, mula sa sedar na nasa Lebanon hanggang sa hisopong tumutubo sa pader. Pinaliwanag niya rin ang tungkol sa mga hayop, mga ibon, mga bagay na gumagapang, at isda.
• Isang awit: nabubusog ang mga sedar ng LebanonAwit 104:16
  Ang mga talata

  Awit 104:16Nadidiligan nang mabuti ang mga puno ni Yahweh; itinanim niya ang mga sedar ng Lebanon.
• Sa panahon ni Solomon, kasindami ng sikomoro sa kaburulan ang sedar1 Hari 10:27, 2 Cro 1:15
  Ang mga talata

  1 Hari 10:27Napakaraming pilak ang hari sa Jerusalem, kasing dami ng mga bato sa lupa. Ginawa niyang sagana ang mga kahoy na cedar gaya ng mga punong sikamoreng igos na nasa mabababang lupain.

  2 Cro 1:15Ginawa ng hari ang pilak at ginto na pangkaraniwan sa Jerusalem na parang mga bato at ginawa niyang pangkaraniwan ang sedar na kahoy tulad ng mga puno ng sikamorong nasa mababang mga lupain.
• Papalitan daw ng mga tao ng sedar ang mga pinutol na sikomoroIsa 9:10
  Ang mga talata

  Isa 9:10“Nagiba ang mga laryo, pero bubuuin namin muli sa pamamagitan ng inukit na bato; naputol ang mga sikamore, pero magtatanim kami ng mga sedar pamalit sa kanila.”
• Ginawang palo ng barko para sa Tiro ang isang sedar mula sa LebanonEzek 27:5
  Ang mga talata

  Ezek 27:5Ginawa nila ang iyong mga tabla mula sa mga pirs na galing sa Bundok ng Hermon; kumuha sila ng sedar mula sa Lebanon upang makagawa ng poste ng barko para sa iyo.
• Ginamit ang kahoy na sedar, hisopo at pulang sinulid sa mga seremonya ng paglilinisLev 14:4, Bil 19:6
  Ang mga talata

  Lev 14:4Pagkatapos ay iuutos ng pari sa taong lilinisin na dapat kumuha ng dalawang buhay na ibon, kahoy na cedar, matingkad na pulang sinulid, at isopo.

  Bil 19:6Dapat kumuha ang pari ng kahoy na sedro, isopo, at ng lanang matingkad na pula, at ihagis itong lahat sa gitna ng nasusunog na dumalagang baka.

Pagtatayo gamit ang sedar

• Nagpadala si Hiram na taga-Tiro kay David ng troso ng sedar, karpintero at kantero para sa palasyo2 Sam 5:11
  Ang mga talata

  2 Sam 5:11Pagkatapos nagpadala ng mga mensahero si Hiram hari ng Tyre kay David, at mga punong sedro, karpintero, at mason. Nagtayo sila ng bahay para kay David.
• David: “Nakatira ako sa bahay na sedar, habang ang kaban ay nasa ilalim ng tolda”1 Cro 17:1
  Ang mga talata

  1 Cro 17:1At nangyari nang nakatira na ang hari sa kaniyang tahanan, sinabi niya kay propeta Natan, “Tingnan mo, ako ay nakatira sa isang tahanan na sedar, ngunit ang kaban ng tipan ni Yahweh ay nananatili sa ilalim ng isang tolda.”
• Humingi si Solomon kay Hiram ng mga sedar; walang pumuputol ng kahoy na tulad ng mga Sidonio1 Hari 5:6
  Ang mga talata

  1 Hari 5:6Kaya ngayon utusan mo sila na magputol ng mga sedar mula sa Lebanon para sa akin. At ang aking mga lingkod ay tutulong sa iyong mga lingkod, at babayaran kita para sa iyong mga lingkod sa gayon bayad ka ng patas sa lahat ng bagay na sinang-ayunan mong gawin. Dahil alam mo na walang sinuman sa amin ang nakakaalam kung paano magputol ng troso gaya ng mga taga-Sidon.”
• Hinila ang mga troso hanggang sa dagat at pinalutang na parang balsa1 Hari 5:8–9, 2 Cro 2:16
  Ang mga talata

  1 Hari 5:8–9Nagpadala ng salita si Hiram kay Solomon na nagsasab, “Narinig ko ang mensahe na ipinadala mo sa akin. Gagawin ko ang lahat ng nais mo patungkol sa mga troso ng sedar at saypres. Ibababa ng aking mga lingkod ang mga puno buhat sa Lebanon hanggang sa dagat, at gagawin kong balsa ang mga ito para makarating sa pamamagitan ng dagat sa lugar na iniatas mo sa akin. Ang mga ito ay paghihiwa-hiwalayin doon at ito ay inyong mahahakot. Matutupad mo ang aking hangarin sa pamamagitan ng pagbibigay ng pagkain para sa aking sambahayan.”

  2 Cro 2:16Puputol kami ng kahoy mula sa Lebanon, kasindami ng iyong kailangan. Dadalhin namin ito sa iyo sa mga balsa na idadaan sa dagat patungong Jopa at bubuhatin ninyo ito patungong Jerusalem.”
• Binayaran ang mga mangangahoy ni Hiram ng trigo, sebada, alak at langis ng olibo2 Cro 2:10
  Ang mga talata

  2 Cro 2:10Ibibigay ko sa iyong mga lingkod, na puputol ng kahoy, ang dalawampung libong sisidlang puno ng binayong trigo, dalawampung libong sisidlang puno ng sebada, dalawampung libong sisidlang puno ng alak at dalawampung libong sisidlan na puno ng langis.”
• 30,000 Israelita ang nagtrabaho sa Lebanon, salitan bawat buwan nang 10,0001 Hari 5:13–14
  Ang mga talata

  1 Hari 5:13–14Sapilitang pinagtrabaho ni Haring Solomon ang buong Israel; ang bilang ng sapilitang mga manggagawa ay tatlumpong libong kalalakihan. Sila ay pinadala niya sa Lebanon, sampung libo isang buwan ng halinhinan. Isang buwan sila nasa Lebanon at dalawang buwan sa kanilang tahanan. Si Adoniram ang namahala sa mga pinilit na manggagawa.
• Ibinigay ni Solomon kay Hiram ang dalawampung bayan sa Galilea kapalit ng sedar at sipres1 Hari 9:11
  Ang mga talata

  1 Hari 9:11Si Hiram, ang hari ng Tiro, ay nagbigay kay Solomon ng mga kahoy na sedar, mga kahoy na pino, at ginto, lahat ng hinangad ni Solomon. Kaya binigyan ni Haring Solomon si Hiram ng dalawampung lungsod sa lupain ng Galilea.
• Binubungan ang templo ng mga biga at tablang sedar1 Hari 6:9–10
  Ang mga talata

  1 Hari 6:9–10Kaya itinayo ni Solomon ang templo at tinapos ito; binubungan niya ang templo sa pamamagitan ng mga biga at mga makakapal na tablang sedar. Itinayo niya ang mga silid sa gilid salungat sa panloob na mga silid ng templo, bawat panig ay limang kubit ang taas, ito ay nakakabit sa templo sa pamamagitan ng bigang sedar.
• Sa loob, sedar na inukitan ng mga upo at bulaklak; walang batong makikita1 Hari 6:15, 1 Hari 6:18
  Ang mga talata

  1 Hari 6:15Pagkatapos itinayo niya ang mga panloob na pader ng templo sa pamamagitan ng mga tablang sedar. Mula sa sahig ng templo hanggang sa kisame, tinakpan niya ang mga ito sa loob sa pamamagitan ng kahoy, at tinakpan niya ang sahig ng templo sa pamamagitan ng mga tablang saypres.

  1 Hari 6:18May sedar sa loob ng templo, inukit sa hugis ng mga gurd at mga nakabukang bulaklak. Lahat ay sedar sa loob. Walang makikitang gawa sa bato doon.
• Ang panloob na patyo: tatlong hanay ng tinabas na bato at isang hanay ng biga ng sedar1 Hari 6:36
  Ang mga talata

  1 Hari 6:36Itinayo niya ang panloob na patyo ng may tatlong hanay ng mga tabas na bato at isang hanay ng mga bigang sedar
• Nakatayo ang Bahay ng Kagubatan ng Lebanon sa apat na hanay ng haliging sedar1 Hari 7:2–3
  Ang mga talata

  1 Hari 7:2–3Itinayo niya ang Palasyo sa Kagubatan ng Lebanon. Ang haba nito ay isang daang kubit, ang lapad nito ay limampung kubit, at ang taas nito ay tatlumpung kubit. Ang palasyo ay itinayo nang may apat na hanay ng haliging sedar na may bigang sedar sa ibabaw ng mga poste. Ang bubong ay gawa sa sedar; ito ay binubungan ng higit sa apatnapu't limang biga na nasa mga poste, labing lima sa isang hanay.
• Ipinadala ng mga bumalik na tapon ang mga troso ng sedar mula sa Lebanon hanggang sa JopaEzra 3:7
  Ang mga talata

  Ezra 3:7Kaya sila ay nagbigay ng pilak sa mga manlililok ng bato at mga mahusay na manggagawa; at pagkain, inumin, at langis sa mamamayan ng Sidon at Tiro, para sila ay magpadala ng mga puno ng sedar galing sa Lebanon patungo sa Jopa sa pamamagitan ng dagat, katulad ng pahintulot sa kanila ni Ciro, hari ng Persia.
• Binalutan ng hari ng sedar ang kaniyang palasyo at pininturahan ito ng pulaJer 22:14
  Ang mga talata

  Jer 22:14Aba sa sinuman na magsasabi, 'Magpapatayo ako ng sarili kong tahanan na napakataas at maluluwang na mga silid sa itaas, at malalaki ang pinagawang mga bintana para sa kaniyang sarili at mga dingding na may sedar, at pininturahan lahat ito ng pula.'
• “Mga sedar ang mga biga ng ating bahay”AwS 1:17
  Ang mga talata

  AwS 1:17Ang mga biga ng ating bahay ay mga sanga ng puno ng sedar, at ang pamakuan ng ating bubong ay mga sanga ng pir.

Mga kasabihan at pabula

• Pabula ni Jehoas: humingi ang dawag sa sedar ng anak nitong babae2 Hari 14:9
  Ang mga talata

  2 Hari 14:9Pero nagpadala ng tagapagbalita si Jehoas hari ng Israel pabalik kay Amasias hari ng Juda, na sinasabing, “Ang matinik na halaman na nasa Lebanon ay nagpadala ng mensahe sa sedar sa Lebanon, nagsasabing, “Ibigay mo ang iyong anak na babae sa anak kong lalaki para maging asawa,' pero isang mabangis na hayop sa Lebanon ang dumaan at inapakan ang matinik na halaman.
• Pabula ni Jotam: tutupukin ng apoy mula sa matinik na palumpong ang mga sedarHuk 9:15
  Ang mga talata

  Huk 9:15Sinabi ng palumpong na tinik sa mga puno, 'Kung tunay na gusto ninyong pahiran ako bilang hari sa inyo, sa gayon pumunta sa akin at maging ligtas sa ilalim ng aking lilim. Kung hindi, hayaang lumabas ang apoy sa palumpong na tinik at hayaan itong sumunog sa mga sedar ng Lebanon.'
• Ang Amoreo, kasintaas ng mga sedar at kasinlakas ng mga ensinaAmos 2:9
  Ang mga talata

  Amos 2:9Kaya winasak ko ang mga Amoreo sa harap nila, na kasingtaas ng puno ng sedar; siya ay kasinglakas ng ensina. Ngunit winasak ko ang kaniyang bunga sa taas at kaniyang mga ugat sa ilalim.
• Isang awit: “lalago na tulad ng sedar sa Lebanon”Awit 92:12
  Ang mga talata

  Awit 92:12Ang mga matutuwid ay yayabong katulad ng puno ng palma; ito ay lalago katulad ng isang sedar sa Lebanon.
• “Binabali ng tinig ni Yahweh ang mga sedar”Awit 29:5
  Ang mga talata

  Awit 29:5Ang tinig ni Yahweh ay napagpipira-piraso ang mga sedar ng Lebanon.
• “Kasindakila ng mga sedar”AwS 5:15
  Ang mga talata

  AwS 5:15Ang kaniyang mga binti ay mga poste na marmol, nakalagay sa mga patungan ng dalisay na ginto; ang kaniyang mukha ay katulad ng Lebanon, pinili gaya ng mga cedar
• Nagagalak ang mga sedar: “walang mangangahoy na dumarating laban sa amin”Isa 14:8
  Ang mga talata

  Isa 14:8Nagdiriwang maging ang mga puno ng pir sa mga sedar ng Lebanon; sabi nila, 'Ngayong naputol ka na, walang tagaputol ng puno ang pupunta dito para putulin tayo.'
• “Tumangis ka, sipres, sapagkat bumagsak ang sedar”Zac 11:2
  Ang mga talata

  Zac 11:2Managhoy kayong mga puno ng sipres, sapagkat nabuwal na ang mga puno ng sedar! Ang dating karangyaan ay ganap nang nawasak. Managhoy kayo, mga ensina ng Bashan, sapagkat bumagsak na ang matatag na kagubatan.