Mga bundok sa Bibliya

• “Ang matataas na bundok ay para sa mga ligaw na kambing”Awit 104:18
  Ang mga talata

  Awit 104:18Naninirahan sa matataas na bundok ang mababangis na kambing; ang kaitaasan ng bundok ay isang kanlungan para sa mga kuneho.
• Napaliligiran ng mga bundok ang JerusalemAwit 125:2
  Ang mga talata

  Awit 125:2Gaya ng mga bundok na nakapalibot sa Jerusalem, gayundin nakapalibot si Yahweh sa kaniyang bayan ngayon at magpakailanman.
• Lupaing ang mga burol ay mapagmiminahan ng tansoDeut 8:9
  Ang mga talata

  Deut 8:9Ito ay isang lupain kung saan makakakain kayo ng tinapay nang hindi nagkukulang, at kung saan walang magkukulang sa inyo; isang lupain na ang mga bato ay gawa sa bakal, at mula sa kaniyang mga burol maaari kayong makahukay ng tanso.
• Pinupukpok ng minero ang batong-kiskisan at binubuwal ang mga bundok mula sa paananJob 28:9
  Ang mga talata

  Job 28:9Ipinapatong ng isang tao ang kaniyang kamay sa matigas na bato; itinataob niya ang mga bundok sa kanilang mga ugat.
• Naaagnas at gumuguho ang bundokJob 14:18
  Ang mga talata

  Job 14:18Pero kahit ang mga bundok ay gumuguho at nawawala; kahit ang mga bato ay nilipat sa kanilang lugar;
• Mga tuktok ng Lebanon: Amana, Senir, Hermon, mga lungga ng leon at leopardoAwS 4:8
  Ang mga talata

  AwS 4:8Sumama ka sa akin mula sa Lebanon, babaeng aking pakakasalan. Sumama ka sa akin mula sa Lebanon; sumama ka mula sa tuktok ng Bundok ng Amana, mula sa tuktok ng Bundok ng Senir at Hermon, mula sa mga lungga ng leon, mula sa lunggang bundok ng mga leopardo.
• May 80,000 tagatabas ng bato si Solomon sa kabundukan1 Hari 5:15
  Ang mga talata

  1 Hari 5:15Si Solomon ay may pitumpung libong taga-buhat ng mga mabibigat at walumpong libong taga-tibag ng mga bato sa mga bundok,
• Laban sa Midian, gumawa ang Israel ng mga kanlungan sa mga bundok at yungibHuk 6:2
  Ang mga talata

  Huk 6:2Ang kapangyarihan ng Midianita ang nagpahirap sa Israel. Dahil sa Midianita, gumawa ang bayan ng Israel ng makukublihan para sa kanilang sarili mula sa mga yungib sa mga burol, sa mga kuweba, at mga matibay na tanggulan.
• Hudyat ang bandilang itinaas sa hubad na tuktok ng burolIsa 13:2, Isa 18:3
  Ang mga talata

  Isa 13:2Sa kalbong bundok maglagay ka ng isang bandilang panghudyat, umiyak kayo ng malakas sa kanila, iwagayway ang inyong kamay para pumunta sila sa mga tarangkahan ng mga maharlika.

  Isa 18:3Lahat kayong nananahan sa mundo at lahat kayong namumuhay sa lupain, kapag may itinaas na panghudyat sa mga kabundukan, tingnan ninyo; at kapag hinipan ang trumpeta, pakinggan ninyo.
• “Tumakas sa mga bundok ang mga nasa Judea”Mat 24:16
  Ang mga talata

  Mat 24:16kailangang tumakas silang mga nasa Judea patungo sa kabundukan,
• Mga dambana sa tuktok ng burol sa ilalim ng malilim na mga punoHos 4:13, Deut 12:2
  Ang mga talata

  Hos 4:13Nag-aalay sila sa mga tuktok ng mga bundok at nagsusunog ng insenso sa mga burol, sa ilalim ng mga ensina, mga alamo at mga roble, sapagkat mabuti ang lilim ng mga iyon. Kaya naman nakagawa ng sekswal na imoralidad ang inyong mga anak na babae at nangangalunya ang inyong mga manugang na babae.

  Deut 12:2Tiyak na wawasakin ninyo ang lahat ng mga lugar kung saan ang mga bansa na inyong tatanggalan ng karapatan na sumamba sa kanilang mga diyus-diyosan, sa matataas na mga bundok, sa mga burol, at sa ilalim ng bawat luntiang puno;

Mga bundok sa mga salaysay

• Sumadsad ang daong sa mga bundok ng AraratGen 8:4
  Ang mga talata

  Gen 8:4Sumadsad ang arka sa ikapitong buwan, sa ikalabimpitong araw ng buwan, sa ibabaw ng mga bundok ng Ararat.
• Lumitaw ang mga tuktok ng bundok sa unang araw ng ikasampung buwanGen 8:5
  Ang mga talata

  Gen 8:5Ang tubig ay nagpatuloy na humupa hanggang sa ikasampung buwan. Sa unang araw ng buwan, ang mga tuktok ng mga bundok ay lumitaw.
• Pinapunta si Abraham sa isang bundok sa lupain ng MoriaGen 22:2
  Ang mga talata

  Gen 22:2Pagkatapos sinabi ng Diyos, “Kunin mo ang iyong anak, ang kaisa-isa mong anak, na iyong minamahal, si Isaac, at pumunta ka sa lupain ng Moria. Ialay mo siya roon bilang handog na susunugin sa ibabaw ng isa sa mga bundok na ituturo ko sa iyo.”
• Dumating si Moises kasama ang kawan sa Horeb, ang bundok ng DiyosExo 3:1
  Ang mga talata

  Exo 3:1Ngayon si Moises ay nagpapastol pa rin ng kawan ng biyenan niyang si Jetro, ang pari ng Midian. Pinangunahan ni Moises ang kawan sa malayong dako ng ilang at dumating sa Horeb, ang bundok ng Diyos.
• Pinigilan ng hangganan ang mga tao na hipuin ang Bundok SinaiExo 19:12
  Ang mga talata

  Exo 19:12Dapat kang maglagay ng hangganan sa palibot ng bundok para sa mga tao. Sabihin sa kanila, ''Mag-ingat na hindi sila aakyat ng bundok o hahawakan ang hangganan. Siguradong mailalagay sa kamatayan ang sinumang hahawak sa bundok.'
• Umusok ang Sinai na parang pugon at lumindol nang malakasExo 19:18
  Ang mga talata

  Exo 19:18Lubusang nababalutan ng usok ang Bundok ng Sinai dahil kay Yahweh na bumaba doon na may apoy at usok. Pumaitaas ang usok katulad ng usok ng isang pugon at marahas na nabulabog ang buong bundok.
• Nanatili si Moises sa bundok nang apatnapung araw at apatnapung gabiExo 24:18
  Ang mga talata

  Exo 24:18Pumasok si Moises sa ulap at umakyat sa bundok. Naroon siya sa ibabaw ng bundok nang apatnapung araw at apatnapung gabi.
• Namatay si Aaron sa tuktok ng Bundok HorBil 20:27–28
  Ang mga talata

  Bil 20:27–28Ginawa ni Moises ang inutos ni Yahweh. Umakyat sila sa Bundok Hor sa paningin ng sambayanan. Tinanggal ni Moises kay Aaron ang kaniyang kasuotang pangpari at isinuot kay Eleazar na kaniyang anak na lalaki. Namatay si Aaron doon sa tuktok ng bundok. Pakatapos, bumaba si Moises at Eleazar.
• Mula sa Bundok Nebo, sa tuktok ng Pisga, natanaw ni Moises ang lupainDeut 34:1
  Ang mga talata

  Deut 34:1Umakyat si Moises mula sa mga kapatagan ng Moab patungong Bundok ng Nebo, hanggang sa tuktok ng Pisga, na nasa tapat ng Jerico. At ipinakita ni Yahweh sa kaniya ang lahat ng lupain ng Galaad hanggang Dan,
• Anim na lipi ang tumayo sa Bundok Gerizim at anim sa Bundok EbalDeut 27:12–13
  Ang mga talata

  Deut 27:12–13“Pagkatapos ninyong tawirin ang Jordan, dapat tumayo ang mga liping ito sa Bundok Gerizim para pagpalain ang mga tao: sina Simeon, Levi, Juda, Isacar, Jose, at Benjamin. At dapat tumayo ang mga liping ito sa Bundok ng Ebal para bigkasin ang mga sumpa: sina Ruben, Gad, Aser, Zabulon, Dan, at Naftali.
• Isinigaw ni Jotam ang kaniyang pabula mula sa tuktok ng Bundok GerizimHuk 9:7
  Ang mga talata

  Huk 9:7Nang sabihan si Jotam tungkol dito, pumunta siya at tumayo sa tuktok ng Bundok Gerizim. Sumigaw siya at sinabi sa kanila, “Makinig kayo sa akin, kayong mga pinuno ng Shekem, para pakinggan kayo ng Diyos.
• Nagtipon si Barak ng sampung libong lalaki sa Bundok TaborHuk 4:6
  Ang mga talata

  Huk 4:6Ipinatawag niya si Barak na anak ni Abinoam mula sa Kedes sa Neftali. Sinabi niya sa kaniya, “Inuutusan ka ni Yahweh, ang Diyos ng Israel, 'Pumunta ka sa Bundok Tabor, at magsama ng sampung libong kalalakihan mula sa Neftali at Zebulun.
• Sina Saul at David sa magkabilang panig ng iisang bundok1 Sam 23:26
  Ang mga talata

  1 Sam 23:26Pumunta si Saul sa isang panig ng bundok, at pumunta si David at ang kanyang mga tauhan sa kabilang panig ng bundok. Nagmadaling tumakas si David mula kay Saul. Habang nakapalibot sina Saul at kanyang mga tauhan kay David at kanyang mga tauhan upang dakpin sila,
• Nasawi si Saul at ang kaniyang tatlong anak sa Bundok Gilboa1 Sam 31:8
  Ang mga talata

  1 Sam 31:8Dumating ang sumunod na araw, nang dumating ang mga Filisteo upang tanggalin ang mga patay, na nakita nila si Saul at ang kanyang tatlong anak na lalaki na patay na sa Bundok Gilboa.
• Tinipon ni Elias ang Israel at ang mga propeta ni Baal sa Bundok Carmelo1 Hari 18:19–20
  Ang mga talata

  1 Hari 18:19–20Kaya ngayon, magpasabi ka at tipunin sa akin ang buong Isarel sa Bundok Carmelo, kasama ang 450 propeta ni Baal at apat na raang propeta ni Asera, na kumakain sa lamesa ni Jezebel.” Kaya nagpasabi si Ahab sa lahat ng tao sa Israel at tinipon ang mga propetang magkakasama sa Bundok Carmelo.
• Sa tuktok ng Carmelo, isinubsob ni Elias ang mukha sa pagitan ng kaniyang mga tuhod1 Hari 18:42
  Ang mga talata

  1 Hari 18:42Kaya si Ahab ay bumangon para kumain at para uminom. Pagkatapos si Elias ay nagpunta sa tuktok ng Carmelo, siya ay yumukod sa lupa, at inilagay ang kaniyang mukha sa pagitan ng kaniyang mga tuhod.
• Ang babaeng Samaritana: “Sumamba ang aming mga ninuno sa bundok na ito”Juan 4:20
  Ang mga talata

  Juan 4:20Dito sa bundok na ito sumamba ang aming mga ninuno, ngunit iyong sinasabi na itong Jerusalem ay ang lugar kung saan ang mga tao ay dapat sumamba.”
• Umakyat si Jesus sa bundok at naupo upang magturoMat 5:1
  Ang mga talata

  Mat 5:1Noong nakita ni Jesus ang maraming tao, umakyat siya sa bundok. Nang makaupo na siya, lumapit sa kaniya ang mga alagad niya.
• Umakyat si Jesus nang mag-isa sa bundok upang manalanginMat 14:23, Luc 6:12
  Ang mga talata

  Mat 14:23Pagkatapos niyang mapauwi ang mga tao, umakyat siyang mag-isa sa isang bundok upang manalangin. Nang lumalim na ang gabi, mag-isa lamang siya roon.

  Luc 6:12Nangyari sa mga araw na iyon na siya ay pumunta sa bundok upang manalangin. Siya ay patuloy na nanalangin sa Diyos ng buong gabi.
• Nagbagong-anyo si Jesus sa isang mataas na bundokMat 17:1–2
  Ang mga talata

  Mat 17:1–2Makalipas ang anim na araw, isinama ni Jesus sina Pedro, Santiago at si Juan na kaniyang kapatid at sila ay dinala niya sa isang mataas na bundok nang sila lang. Siya ay nagbagong anyo sa kanilang harapan. Ang kaniyang mukha ay nagliwanag na katulad ng araw, at ang kaniyang mga damit ay naging puting-puti katulad ng liwanag.
• Nakatayo ang Nazaret sa isang burol na may bangin sa gilidLuc 4:29
  Ang mga talata

  Luc 4:29Tumayo sila at ipinagtabuyan siya paalis ng lungsod, at dinala siya sa gilid ng burol kung saan itinayo ang kanilang lungsod, upang siya ay maari nilang ihulog sa bangin.
• Ginugugol ni Jesus ang kaniyang mga gabi sa Bundok ng mga OliboLuc 21:37
  Ang mga talata

  Luc 21:37Kaya't tuwing umaga siya ay nagtuturo sa templo at sa gabi siya ay lumalabas, at nagpapalipas ng gabi sa bundok na tinatawag na Olivet.
• Bundok ng mga Olibo: layong malalakad sa Araw ng Pamamahinga mula sa JerusalemGawa 1:12
  Ang mga talata

  Gawa 1:12At bumalik sila sa Jerusalem mula sa Bundok ng Olibo, na malapit sa Jerusalem, isang Araw ng Pamamahinga na paglalakbay.

Mga kasabihan

• “Tulad ng Tabor sa gitna ng mga bundok at tulad ng Carmelo sa tabi ng dagat”Jer 46:18
  Ang mga talata

  Jer 46:18“Sapagkat buhay ako—ito ang pahayag ng hari—Yahweh ng mga hukbo ang pangalan, may darating tulad ng Bundok ng Tabor at Bundok ng Carmelo sa tabing-dagat.
• Pananampalatayang makapag-uutos sa bundok na ito na lumipatMat 17:20, Mat 21:21
  Ang mga talata

  Mat 17:20Sinabi ni Jesus sa kanila, “Dahil maliit ang inyong pananampalataya. Sapagkat katotohanang sinasabi ko sa inyo, kung mayroon kayong pananampalataya na kasinliit ng buto ng mustasa, maaari ninyong sabihin sa bundok na ito, 'Lumipat ka roon,' at lilipat nga ito at walang magiging imposible sa inyo.

  Mat 21:21Sumagot at sinabi ni Jesus sa kanila, “Totoo itong sinasabi ko sa inyo, kung kayo ay may pananampalataya at hindi mag-alinlangan, hindi lang ninyo magagawa kung ano ang nangyari sa puno ng igos, maaari ninyo ring sabihin sa burol na ito, 'Maiangat ka at maihagis sa dagat,' at ito ay magaganap.
• “Itinataas ko ang aking mga mata sa mga burol”Awit 121:1
  Ang mga talata

  Awit 121:1Itataas ko ang aking mga mata sa mga bundok. Mula saan manggagaling ang aking saklolo?